 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : അബുദാബി ഇന്‍റര്‍ നാഷണല്‍ എയര്‍ പോര്‍ട്ടിന്‍റെ പേര്, സായിദ് ഇന്‍റര്‍ നാഷണല്‍ എയര്‍ പോര്‍ട്ട് എന്നു പുനര്‍ നാമകരണം ചെയ്യുന്നു. യു. എ. ഇ. പ്രസിഡണ്ട് ശൈഖ് മുഹമ്മദ് ബിന്‍ സായിദ് അല്‍ നഹ്യാന്‍റെ ഉത്തരവ് പ്രകാരം, 2024 ഫെബ്രുവരി 9 മുതൽ പുതിയ പേരില്‍ ആയിരിക്കും അബുദാബി എയർ പോർട്ട് അറിയപ്പെടുക എന്ന് അബുദാബി മീഡിയ ഓഫീസ് അറിയിച്ചു.
- pma
അബുദാബി : യു. എ. ഇ. പ്രസിഡണ്ട് ശൈഖ് മുഹമ്മദ് ബിന്‍ സായിദ് അല്‍ നഹ്യാന്‍റെ രക്ഷാ കര്‍തൃത്വത്തില്‍ അല്‍ വത്ബയില്‍ ഒരുക്കുന്ന ‘ശൈഖ് സായിദ് ഫെസ്റ്റിവെല്‍’ 2023 നവംബർ 17 മുതൽ 2024 മാർച്ച് 9 വരെ നീണ്ടു നില്‍ക്കും. വിനോദ, സാമൂഹിക, സാംസ്കാരിക പ്രവര്‍ത്തനങ്ങളിലൂടെ കുടുംബ, സൗഹൃദ, വിനോദ, വിദ്യാഭ്യാസ അന്തരീക്ഷം ശൈഖ് സായിദ് ഫെസ്റ്റിവെല്‍ പ്രദാനം ചെയ്യും എന്നും അറബ് മേഖലയിലും ആഗോള തലത്തിലും യു. എ. ഇ. യുടെ പൈതൃകത്തെ ഉയര്‍ത്തിക്കാട്ടുന്നതില്‍ ശൈഖ് സായിദ് ഫെസ്റ്റിവെല്‍ പ്രധാന പങ്കു വഹിക്കുന്നു എന്നും സംഘാടകര്‍ അറിയിച്ചു.
യു. എ. ഇ. വൈസ് പ്രസിഡണ്ടും ഉപപ്രധാന മന്ത്രിയും പ്രസിഡന്‍ഷ്യല്‍ കോര്‍ട്ട് ചെയര്‍മാനുമായ ശൈഖ് മന്‍സൂര്‍ ബിന്‍ സായിദ് അല്‍ നഹ്യാന്‍റെ മേല്‍ നോട്ടത്തില്‍ 114 ദിവസങ്ങളിലായി നടക്കുന്ന ശൈഖ് സായിദ് ഫെസ്റ്റിവെലില്‍ യു. എ. ഇ. ക്ക് പുറമെ മറ്റു രാജ്യങ്ങളില്‍ നിന്നുള്ള നിരവധി പവലിയനുകളും ഉണ്ടായിരിക്കും. FB PAGE
- pma
വായിക്കുക: sheikh-zayed-festival, social-media, youth-festival, അബുദാബി, ആഘോഷം, കുട്ടികള്‍, തൊഴിലാളി, പ്രവാസി, യു.എ.ഇ., വിദ്യാഭ്യാസം, വ്യവസായം, സാമ്പത്തികം, സാംസ്കാരികം
റിയാദ് : രാജ്യത്തെ എല്ലാ ഔദ്യോഗിക കാര്യങ്ങളും ഇടപാടുകളും ഇനി ഗ്രിഗോറിയൻ കലണ്ടർ അനുസരിച്ചു മാത്രം ആയിരിക്കും എന്ന് സൗദി അറേബ്യ.
മതപരമായ കാര്യങ്ങള്‍ക്ക് ഇപ്പോഴുള്ളത് പോലെ, ചാന്ദ്രമാസങ്ങളെ അടിസ്ഥാനപ്പെടുത്തിയുള്ള ഹിജ്റ കലണ്ടര്‍ ഉപയോഗിക്കുന്നത് തുടരും.
നിലവില്‍ ഇസ്ലാമിക് (ഹിജ്റ) കലണ്ടര്‍ അനുസരിച്ചുള്ള തിയ്യതികള്‍ രേഖപ്പെടുത്തുന്ന വിസ, നാഷണല്‍ ഐ. ഡി. കാര്‍ഡ്, ഡ്രൈവിംഗ് ലൈസന്‍സ്, ട്രേഡ് ലൈസന്‍സ് തുടങ്ങി എല്ലാ ഔദ്യോഗിക രേഖകളിലും തീയ്യതികള്‍ ഇംഗ്ലീഷ് കലണ്ടറിനെ അടിസ്ഥാനമാക്കി പുനഃ ക്രമീകരിക്കും.
സൗദി കിരീടഅവകാശിയും പ്രധാന മന്ത്രിയുമായ മുഹമ്മദ് ബിൻ സൽമാന്‍റെ അദ്ധ്യക്ഷതയിൽ റിയാദിൽ ചേർന്ന മന്ത്രി സഭാ യോഗമാണ് സുപ്രധാനമായ ഈ തീരുമാനം എടുത്തത്.
- pma
വായിക്കുക: saudi, visa-rules, നിയമം, പ്രവാസി, സൗദി, സൗദി അറേബ്യ
അബുദാബി : പത്തനം തിട്ട ജില്ലാ കെ. എം. സി. സി. യുടെ ആഭിമുഖ്യത്തിൽ യുണീക് -23 എന്ന പേരിൽ പ്രവർത്തക കുടുംബ സംഗമം സംഘടിപ്പിച്ചു. സംഘബോധം, സർഗ്ഗാത്മകത, നേതൃപാടവം അതോടൊപ്പം കുറച്ചു നല്ല ചിന്തകളും എന്ന പ്രമേയത്തിൽ ആയിരുന്നു ഇന്ത്യൻ ഇസ്ലാമിക് സെന്‍ററിൽ യുണീക് -23 എന്ന പരിപാടി സംഘടിപ്പിച്ചത്.
കെ. എം. സി. സി. സംസ്ഥാന ജനറൽ സെക്രട്ടറി സി. എച്ച്. യൂസുഫ് ഉത്ഘാടനം ചെയ്തു. ജില്ലാ പ്രസിഡണ്ട് ഫൈസൽ ആദ്ധ്യക്ഷത വഹിച്ചു. മജീദ് അണ്ണാൻതൊടി മുഖ്യ പ്രഭാഷണം നിർവ്വഹിച്ചു. കെ. എം. സി. സി. സെക്രട്ടറി മാരായ ഹംസാ ഹാജി പാറയിൽ, ഷാനവാസ്‌ പുളിക്കൽ, മറ്റു നേതാക്കള്‍ തൗഫീഖ് കൊച്ചു പറമ്പിൽ, റോഷനാ ഷാനവാസ്‌ തുടങ്ങിയവർ സംസാരിച്ചു. ഹാഷിം മേപ്പുറത്ത് സ്വാഗതവും മുഹമ്മദ് ഫൈസൽ നന്ദിയും പറഞ്ഞു.
യുണീക് -23 യുടെ ഭാഗമായി വിവിധ കലാ കായിക മത്സരങ്ങളും നടന്നു. മഷൂദ് നീർച്ചാൽ, ബഷീർ റാവുത്തർ, അൻസാദ്, അനീഷ് ഹനീഫ, അൽത്താഫ് മുഹമ്മദ്, നദീർ കാസിം, അൻസിൽ ടി. എ., റിയാസ് ഇസ്മായിൽ, റിയാസ് ഹനീഫ, അബ്ദുൽ അസീസ്, അജാസ് എന്നിവർ പരിപാടിക്ക് നേതൃത്വം നൽകി.
- pma
വായിക്കുക: ആഘോഷം, കുട്ടികള്‍, കെ.എം.സി.സി., പ്രവാസി, സംഘടന, സ്ത്രീ
അബുദാബി : രാജപുരം ഹോളി ഫാമിലി ഹൈസ്കൂള്‍ പൂര്‍വ്വ വിദ്യാര്‍ത്ഥികളുടെ കൂട്ടായ്മ അബുദാബി ഘടകം ഒരുക്കിയ ഓണാഘോഷം ‘തെയ്തക 2023’ വേറിട്ട പരിപാടികളാല്‍ ശ്രദ്ധേയമായി.
രാജപുരം സ്‌കൂളിലെ റിട്ടയേര്‍ഡ് മലയാളം അദ്ധ്യാപകന്‍ തളത്തു കുന്നേല്‍ ജോസഫ് മാസ്റ്റര്‍ ചടങ്ങ് ഉത്ഘാടനം ചെയ്തു. അബുദാബി ഘടകം പ്രസിഡണ്ട് മനോജ് മരുതൂർ അദ്ധ്യക്ഷത വഹിച്ചു. അബുദാബിയിലെ വിവിധ സാമൂഹിക സാംസ്കാരിക സംഘടന – കൂട്ടായ്മ ഭാര വാഹികള്‍ സംബന്ധിച്ചു. സെക്രട്ടറി സജിന്‍ പുള്ളോലിക്കല്‍ സ്വാഗതവും അഡ്വൈസർ വിശ്വംഭരൻ ചുള്ളിക്കര നന്ദി പ്രകാശിപ്പിച്ചു.
വിഭവസമൃദ്ധമായ ഓണ സദ്യ, മാവേലി എഴുന്നള്ളത്ത്, തിരുവാതിര, ഒപ്പന, മാര്‍ഗ്ഗം കളി, കോമഡി സ്‌കിറ്റ്, നാടോടി നൃത്തം മുതലായ വിവിധ കലാപരിപാടികള്‍ അരങ്ങേറി.
- pma
വായിക്കുക: onam, ആഘോഷം, കുട്ടികള്‍, പൂര്‍വ വിദ്യാര്‍ത്ഥി, വിദ്യാഭ്യാസം, സംഗീതം, സംഘടന
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
