ചൊവ്വയിലായാലും രക്ഷിക്കാന്‍ സുഷമയില്ല; രാജ്യം നിങ്ങളെ മിസ് ചെയ്യുമെന്ന് സ്നേഹപ്രവാഹം

June 1st, 2019

sushma-swaraj_epathram

‘ചൊവ്വയിലായാലും നിങ്ങളെ ഇന്ത്യൻ എംബസി രക്ഷിച്ചിരിക്കും..’ എന്ന ഉറപ്പ് പറയാൻ ഇത്തവണ സുഷമ സ്വരാജ് മന്ത്രിസഭയില്‍ ഇല്ല. സമൂഹമാധ്യമങ്ങളില്‍ സുഷമയ്ക്ക് അഭിവാദ്യങ്ങള്‍ നിറയുകയാണ്. രാഷ്ട്രീയത്തിനതീതമായിരുന്നു വിദേശകാര്യമന്ത്രിയായുള്ള സുഷമയുടെ സേവനം.വിട്ടുവീഴ്ച്ചയില്ലാത്ത സ്നേഹവും കരുതലും കാരുണ്യവും രാജ്യത്തിന് പുറത്തും അകത്തും പെട്ടുപോയവർക്ക് നൽകാൻ കഴിഞ്ഞ അഞ്ച് വർഷവും സുഷമ ഇന്ത്യക്കൊപ്പമുണ്ടായിരുന്നു. ഇത്തവണ അനാരോഗ്യമാണ് സുഷമയെ മന്ത്രിസഭയിൽ നിന്നകറ്റിയതെങ്കിലും അതിനിയും അംഗീകരിക്കാൻ മിക്കവരും തയ്യാറായിട്ടില്ലെന്നതാണ് സത്യം.

സത്യപ്രതിജ്ഞയ്ക്ക് തൊട്ടു മുൻപാണ് സുഷമ സ്വരാജ് മന്ത്രിപദത്തിലില്ല എന്ന വാർത്ത പുറത്ത് വരുന്നത്.അഞ്ചു വർഷം അവസരം നൽകിയ പ്രധാനമന്ത്രിക്ക് നന്ദി അറിയിച്ച സുഷമയുടെ ട്വീറ്റിന് പിന്നാലെ ജനങ്ങളുടെ സ്നേഹവും ബഹുമാനവും കമന്റുകൾടെ രൂപത്തിൽ പ്രവഹിച്ചു. മുൻ ജമ്മു കശ്മീർ മുഖ്യമന്ത്രി ഒമർ അബ്ദുല്ലയും ശിവസേനാ നേതാവ് പ്രിയങ്കാ ചതുർവേദിയും ഇക്കൂട്ടത്തിൽപ്പെടും.

- അവ്നി

വായിക്കുക: , ,

Comments Off on ചൊവ്വയിലായാലും രക്ഷിക്കാന്‍ സുഷമയില്ല; രാജ്യം നിങ്ങളെ മിസ് ചെയ്യുമെന്ന് സ്നേഹപ്രവാഹം

നരേന്ദ്ര മോദിയെ അഭിനന്ദിച്ച് ലോക നേതാക്കൾ

May 24th, 2019

modi-epathram

ന്യൂഡൽഹി: ലോക്സഭാ തെരഞ്ഞെടുപ്പിൽ മികച്ച വിജയം നേടിയ പ്രധാനമന്ത്രി നരേന്ദ്രമോദിയെ അഭിനന്ദിച്ച് ലോക നേതാക്കൾ.നരേന്ദ്ര മോദിയെ അഭിനന്ദിക്കാൻ പാക്കിസ്ഥാൻ പ്രധാനമന്ത്രി ഇമ്രാന്‍ ഖാനാണ് ആദ്യം രംഗത്തെത്തിയത്. ബിജെപിയുടെയും സഖ്യകക്ഷികളുടെയും വിജയത്തില്‍ മോദിയ്ക്ക് അഭിനന്ദനമറിയിക്കുന്നതായി ഇമ്രാൻ ഖാൻ പറഞ്ഞു. ദക്ഷിണേഷ്യയില്‍ സമാധാനത്തിനും, വികസനത്തിനും സമ്പല്‍ സമൃദ്ധിയ്ക്കുമായി അദ്ദേഹത്തിനോടൊപ്പം പ്രവര്‍ത്തിക്കാനായി കാത്തിരിക്കുന്നുവെന്നും ഇമ്രാന്‍ ഖാന്‍.

ചൈന പ്രസിഡന്‍റ് സി ജിന്‍പിംഗ് , റഷ്യന്‍ പ്രധാനമന്ത്രി വ്ലാഡിമിര്‍ പുഡിന്‍, അബുദാബി കിരീടാവകാശി ഷെയ്ക്ക് മുഹമ്മദ്‌ ബിന്‍ സായിദ് അല്‍ നഹ്യാന്‍ , ഇസ്രയേല്‍ പ്രധാനമന്ത്രി ബെഞ്ചമിന്‍ നെതന്യാഹൂ, ബംഗ്ലാദേശ് പ്രധാനമന്ത്രി ഷെയ്ക്ക് ഹസീന, വിയറ്റ്നാം പ്രധാനമന്ത്രി ഗുയെന്‍ സുവാന്‍ ഫൂ, ഭൂട്ടാന്‍ പ്രധാനമന്ത്രി ലോട്ടെ ഷെറിംഗ് , മാലീദ്വീപ് പ്രസിഡന്‍റ് ഇബ്രാഹിം മൊഹമ്മദ് സൊലിഹ് , അഫ്ഗാന്‍ പ്രസിഡന്‍റ് അഷ്‌റഫ്‌ ഘനി എന്നിവരും നരേന്ദ്രമോദിയെ അഭിനന്ദിച്ചു.

- അവ്നി

വായിക്കുക: , , , ,

Comments Off on നരേന്ദ്ര മോദിയെ അഭിനന്ദിച്ച് ലോക നേതാക്കൾ

ബംഗാളില്‍ നിന്ന് ദില്ലിയിലേക്ക് മമതയ്ക്കെതിരായ പ്രതിഷേധം വ്യാപിപ്പിച്ച് കേന്ദ്രമന്ത്രിമാര്‍

May 17th, 2019

mamatha-banarji-epathram

ദില്ലി: ലോക് സഭാ തെരഞ്ഞെടുപ്പ് അവസാന ലാപ്പിലേക്കെത്തുമ്പോള്‍ പശ്ചിമ ബംഗാളില്‍ പോരാട്ടം കനക്കുകയാണ്. ബംഗാള്‍ മുഖ്യമന്ത്രി മമത ബാനര്‍ജിയും ബിജെപി നേതൃത്വവും തമ്മില്‍ നേരിട്ട് ഏറ്റുമുട്ടുന്ന സ്ഥിതിയിലാണ് കാര്യങ്ങള്‍. മോദി – അമിത് ഷാ കൂട്ടുകെട്ടിനെതിരെ രൂക്ഷ വിമര്‍ശനം മമത അഴിച്ചുവിടുമ്പോള്‍ ബംഗാളില്‍ ജനാധിപത്യത്തെ കൊല്ലുകയാണെന്ന പ്രചരണവുമായാണ് ബിജെപിയുടെ തിരിച്ചടി.

അവസാന ഘട്ടത്തില്‍ 9 മണ്ഡലങ്ങളിലേക്കാണ് ബംഗാളില്‍ തെരഞ്ഞെടുപ്പ് നടക്കുക. ഈ സീറ്റുകള്‍ ലക്ഷ്യമിട്ടാണ് മമതയും ബിജെപിയും ഏറ്റുമുട്ടുന്നത്. ബംഗാളില്‍ വലിയ ശക്തിയായി മാറുക എന്ന ലക്ഷ്യത്തിലേക്ക് ബിജെപി നയം മാറ്റുകയാണ്. ഇപ്പോള്‍ ബംഗാളില്‍ നിന്ന് മമതയക്കെതിരായ പ്രതിഷേധം ദില്ലിയിലേക്ക് വ്യാപിപ്പിച്ചിരിക്കുകയാണ് ബിജെപി.

മമതയുടെ ഗുണ്ടായിസത്തിനെതിരായ പ്രതിഷേധം എന്ന നിലയില്‍ ജന്തര്‍മന്ദിറില്‍ സംഘടിപ്പിച്ച പരിപാടിയില്‍ നിരവധി കേന്ദ്രമന്ത്രിമാരാണ് അണിനിരന്നത്. പ്രതിരോധ മന്ത്രി നിര്‍മ്മല സീതാരാമനാണ് പ്രതിഷേധത്തിന് നേതൃത്വം നല്‍കിയത്. ചുണ്ടില്‍ വിരല്‍ വച്ച് ‘ ഇവിടെ മിണ്ടിക്കൂട’ എന്ന നിലയിലായിരുന്നു പ്രതിഷേധം. ബംഗാളിനെ രക്ഷിക്കൂ, ജനാധിപത്യത്തെ രക്ഷിക്കൂ എന്ന പ്ലക്കാര്‍ഡുകളുമായാണ് കേന്ദ്രമന്ത്രിമാര്‍ പ്രതിഷേധത്തില്‍ പങ്കെടുത്തത്.

- അവ്നി

വായിക്കുക: , ,

Comments Off on ബംഗാളില്‍ നിന്ന് ദില്ലിയിലേക്ക് മമതയ്ക്കെതിരായ പ്രതിഷേധം വ്യാപിപ്പിച്ച് കേന്ദ്രമന്ത്രിമാര്‍

ഇറാനില്‍ നിന്നുള്ള എണ്ണ ഇറക്കു മതി : തീരുമാനം തെരഞ്ഞെടുപ്പിനു ശേഷം

May 15th, 2019

sushma-swaraj_epathram
ന്യൂഡല്‍ഹി : ഇറാനില്‍ നിന്നും എണ്ണ ഇറക്കു മതി ചെയ്യുന്ന കാര്യത്തില്‍ തീരു മാനം എടുക്കു ന്നത്, ലോക് സഭാ തെര ഞ്ഞെ ടുപ്പ് പ്രക്രിയ പൂര്‍ത്തി യായ തിനു ശേഷം മാത്രം എന്ന് വിദേശ കാര്യ മന്ത്രി സുഷമാ സ്വരാജ്.

ഇന്ത്യാ സന്ദര്‍ശന ത്തിന്ന് എത്തിയ ഇറാന്‍ വിദേശ കാര്യ മന്ത്രി മുഹമ്മദ് ജവാദ് സരീഫു മായി ചൊവ്വാഴ്ച ഡല്‍ഹി യില്‍ നടത്തിയ കൂടി ക്കാഴ്ച യി ലാണ് സുഷമാ സ്വരാജ് ഇക്കാര്യം വ്യക്ത മാക്കി യത്.

ഇറാനില്‍ നിന്നും എണ്ണ ഇറക്കു മതി ചെയ്യുന്ന രാജ്യ ങ്ങളെ ഇനി മേല്‍ ഉപ രോധ ത്തില്‍ നിന്ന് ഒഴി വാക്കില്ല എന്ന് അമേരി ക്കന്‍ പ്രസിഡണ്ട് ഡൊണാള്‍ഡ് ട്രംപ് പ്രഖ്യാപിച്ചിരുന്നു.

ചൈന കഴിഞ്ഞാല്‍ ഇറാനില്‍ നിന്ന് ഏറ്റവും അധികം എണ്ണ ഇറക്കു മതി ചെയ്യുന്ന രണ്ടാ മത്തെ രാജ്യ മാണ് ഇന്ത്യ.

ഇന്ത്യ ഉള്‍പ്പെടെ ഏഴു രാജ്യ ങ്ങളെ ആറു മാസ ത്തേക്ക് ആയി രുന്നു ഉപ രോധ ത്തില്‍ നിന്നും ഒഴി വാക്കി യത്. ഈ കാലാവധി അവസാനിച്ചതിനു പിന്നാലെ യായി രുന്നു ട്രംപി ന്റെ പ്രഖ്യാപനം.

അമേരിക്കയുടെ മുന്നറി യിപ്പ് അവ ഗണിച്ച് ഇറാനില്‍ നിന്ന് എണ്ണ ഇറക്കുമതി ചെയ്യാന്‍ തീരുമാനി ച്ചാല്‍ ഇന്ത്യക്ക് ഉപരോധം നേരി ടേണ്ടി വരും.

- കറസ്പോണ്ടന്റ്

വായിക്കുക: , , ,

Comments Off on ഇറാനില്‍ നിന്നുള്ള എണ്ണ ഇറക്കു മതി : തീരുമാനം തെരഞ്ഞെടുപ്പിനു ശേഷം

യാത്രയ്ക്കിടെ ഹെലികോപ്‌ടറിനു തകരാർ; നന്നാക്കാനിറങ്ങി രാഹുൽ; ചിത്രം വൈറൽ

May 12th, 2019

rahul-epathram

ഉന (ഹിമാചൽ പ്രദേശ്) : തിരഞ്ഞെടുപ്പ് പ്രചാരണത്തിനിടെ സഞ്ചരിച്ച ഹെലികോപ്റ്റർ തകരാറിലായതിനെത്തുടർന്നു പരിഹരിക്കാൻ മുന്നിട്ടിറങ്ങി കോൺഗ്രസ് അധ്യക്ഷൻ രാഹുൽ ഗാന്ധി. ഹെലികോപ്റ്ററിന്റെ തകരാർ പരിഹരിക്കുന്ന ചിത്രം രാഹുൽ ‌ഔദ്യോഗിക ഇൻസ്റ്റഗ്രാം അക്കൗണ്ടിൽ പങ്കുവച്ചു. ചിത്രത്തിനു മികച്ച പ്രതികരണമാണ് സമൂഹമാധ്യമങ്ങളിൽ ലഭിക്കുന്നത്.

‘നല്ല ടീംവർക്ക് എന്നാൽ എല്ലാ കൈകളും ഹെലികോപ്റ്ററിന്റെ മേൽത്തട്ടിൽ എന്നാണ് അർഥം. ഹിമാചൽ പ്രദേശിലെ ഉനയിൽ വച്ച് ഞങ്ങളുടെ ഹെലികോപ്റ്ററിനു തകരാറുണ്ടായി.എല്ലാവരും ഒത്തൊരുമിച്ച് ആ പ്രശ്നം പരിഹരിച്ചു. ഗുരുതരമായ ഒന്നായിരുന്നില്ല തകരാർ’– ചിത്രത്തോടൊപ്പം രാഹുൽ ഗാന്ധി കുറിച്ചു. മേയ് 19നാണ് ഹിമാചൽ പ്രദേശിൽ വോട്ടെടുപ്പ്.

- അവ്നി

വായിക്കുക: , , ,

Comments Off on യാത്രയ്ക്കിടെ ഹെലികോപ്‌ടറിനു തകരാർ; നന്നാക്കാനിറങ്ങി രാഹുൽ; ചിത്രം വൈറൽ

Page 10 of 79« First...89101112...203040...Last »

« Previous Page« Previous « അനധികൃതമായി വാഹനം പാര്‍ക്ക് ചെയ്താല്‍ പിഴ : നിയമം കര്‍ശ്ശനമാക്കി പോലീസ്
Next »Next Page » തന്‍റെ അഭിനയം വളരെ മോശമാണെന്ന് വിനീത് പറഞ്ഞു; താന്‍ ഹാപ്പിയായിരുന്നു: ശ്രീനിവാസന്‍ »



മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha