ഷിൻസോ ആബെ നെഞ്ചേറ്റിയ സുവർണ്ണ നിറമുള്ള നെഹ്‌റു ജാക്കറ്റ്

July 12th, 2022

shinzo-abe-with-dr-shamsheer-vayalil-ePathram
ദുബായ് : ഇന്ത്യയെയും ഇന്ത്യക്കാരെയും എന്നും സ്നേഹിച്ച ജപ്പാൻ മുൻ പ്രധാനമന്ത്രി ഷിൻസോ ആബെയുമായി കൂടിക്കാഴ്ച നടത്തിയ അനുഭവം പങ്കു വെച്ച് ഡോ. ഷംഷീർ വയലിൽ.

പ്രവാസ സംരംഭകർക്കും നിക്ഷേപകർക്കും ജപ്പാനുമായി മികച്ച ബന്ധം ഉണ്ടാക്കുവാന്‍ അവസരം നൽകിയ ആബെ യുമായി അടുത്ത് ഇടപഴകിയ അനുഭവത്തിലൂടെ അദ്ദേഹ ത്തിന് ഇന്ത്യക്കാരോട് ഉണ്ടായിരുന്ന സ്നേഹവും സുദൃഢ ബന്ധവും വ്യക്തമാക്കുകയാണ് പ്രവാസി സംരംഭകനായ ഡോ. ഷംഷീർ വയലിൽ.

ഇന്ത്യാ സന്ദർശന വേളയിൽ സമ്മാനിച്ച സുവർണ്ണ നിറമുള്ള ജാക്കറ്റാണ് ഷിൻസോ ആബെയുടെ ഇന്ത്യാ സ്നേഹത്തിന്‍റെ പ്രതീകമായി ഡോ. ഷംഷീറിന്‍റെ മനസ്സില്‍ എത്തുന്നത്.

2015 ഡിസംബറിലായിരുന്നു ഇന്ത്യ ജപ്പാൻ ഉഭയകക്ഷി ബന്ധം ശക്തമാക്കി ആബെ യുടെ ത്രിദിന സന്ദർശനം. ജപ്പാനുമായി മെഡിക്കൽ, സാങ്കേതിക രംഗങ്ങളിൽ സഹകരണ സാദ്ധ്യതകൾ ചർച്ച ചെയ്യാനായി ലഭിച്ച അവസരം അദ്ദേഹവുമായി ആദ്യ ദിനം തന്നെ കൂടിക്കാഴ്ച നടത്താൻ ഡോ. ഷംഷീറിന്‌ വഴിയൊരുക്കി.

ഡൽഹിയിൽ നടന്ന കൂടിക്കാഴ്ച യിൽ അദ്ദേഹത്തിന് ആശംസകൾ നേർന്ന് എന്ത് സമ്മാനിക്കും എന്നായിരുന്നു ഡോ. ഷംഷീറി ന്‍റെ ആലോചന. ആബെയുടെ പിതാ മഹന്മാർക്ക് ഇന്ത്യ യുമായി ഉണ്ടായിരുന്ന ബന്ധത്തെക്കുറിച്ചു വായിച്ച ഓർമ്മ യിൽ നിന്നാണ് സുവർണ്ണ നിറമുള്ള ഒരു നെഹ്‌റു ജാക്കറ്റ് സമ്മാനമായി തെരഞ്ഞെടുക്കാൻ ഡോ. ഷംഷീർ തീരുമാനിച്ചത്.

ഇന്ത്യയുടെ ആദ്യ പ്രധാന മന്ത്രി ജവഹർലാൽ നെഹ്‌റു ആബെയുടെ മാതൃ പിതാമഹനായ അന്നത്തെ ജാപ്പനീസ് പ്രധാന മന്ത്രി നോബുസുകെ കിഷിയെ ന്യൂഡൽഹിയിൽ നൽകിയ സ്വീകരണത്തില്‍ എം. പി. മാർക്ക് പരിചയ പ്പെടുത്തിയത് ഇങ്ങനെയായിരുന്നു:

“ഇത് ജപ്പാന്‍റെ പ്രധാന മന്ത്രിയാണ്, ഞാൻ ഏറ്റവും ബഹുമാനിക്കുന്ന രാജ്യമാണിത്.” ആ കണ്ണിയിൽ നിന്നൊരാൾ വീണ്ടും ഇന്ത്യയില്‍ എത്തുമ്പോൾ കാലത്തിന്‍റെ സുവർണ്ണ സ്മരണ പുതുക്കുന്ന സമ്മാനം തന്നെയാകട്ടെ എന്നാ യിരുന്നു ഡോ. ഷംഷീ റിന്‍റെ മനസ്സിൽ. സുവർണ്ണ നിറമുള്ള ജാക്കറ്റു മായി ഷിൻസോ ആബെയെ സന്ദർശിച്ച ഡോ. ഷംഷീർ അദ്ദേഹ വുമായുള്ള കൂടിക്കാഴ്ചക്ക് ശേഷമാണ് സമ്മാനപ്പൊതി കയ്യിൽ എടുത്തത്.

എന്താണ് എന്നറിയാനുള്ള ആബെ യുള്ള ആകാംക്ഷ മനസ്സിലാക്കിയ ഡോ. ഷംഷീർ തന്നെ ജാക്കറ്റ് പുറത്തെടുത്തു. “സുവർണ്ണ നിറമുള്ള ജാക്കറ്റ് കണ്ടപ്പോഴേ അദ്ദേഹത്തിന് കൗതുകമായി. ഇപ്പോൾ തന്നെ ധരിച്ചു നോക്കാം എന്ന് അദ്ദേഹം പറഞ്ഞു. ധരിച്ചിരുന്ന വെള്ള ഷർട്ടിനു മുകളിൽ ജാക്കറ്റ് ധരിക്കാനായി അദ്ദേഹം എന്‍റെ സഹായം തേടി.

ജാക്കറ്റ് ധരിച്ച് ഏറെ സന്തോഷ ത്തോടെ ഫോട്ടോ എടുക്കാനായി അദ്ദേഹം പോസ് ചെയ്തു. വീണ്ടും കാണാം എന്നുള്ള പ്രതീക്ഷ പങ്കു വെച്ച് ഇറങ്ങുമ്പോഴും ജാക്കറ്റ് അദ്ദേഹം അഴിച്ചു മാറ്റിയില്ല. ഇന്ത്യക്കും ജപ്പാനും ഇടയിലെ സ്നേഹ ത്തിന്‍റെ പ്രതീകമായി തോന്നി അദ്ദേഹത്തിന്‍റെ ഈ പ്രതികരണം,” ഡോ. ഷംഷീർ ഓർക്കുന്നു.

- pma

വായിക്കുക: , , , ,

Comments Off on ഷിൻസോ ആബെ നെഞ്ചേറ്റിയ സുവർണ്ണ നിറമുള്ള നെഹ്‌റു ജാക്കറ്റ്

പാചക വാതക വില വീണ്ടും വര്‍ദ്ധിപ്പിച്ചു

July 6th, 2022

lpg-gas-cylinder-epathram

ന്യൂഡല്‍ഹി : ഗാര്‍ഹിക ആവശ്യങ്ങള്‍ക്കുള്ള പാചക വാതക സിലിണ്ടറിന്‍റെ വിലയില്‍ 50 രൂപ വര്‍ദ്ധിപ്പിച്ചു. 14.2 കിലോ തൂക്കമുള്ള ഒരു സിലിണ്ടറിന് 1060 രൂപ യാണ് ഇപ്പോഴത്തെ വില. മൂന്നു പ്രാവശ്യമായി 103 രൂപയാണ് രണ്ടു മാസത്തിനിടെ പാചക വാതകത്തിന് വര്‍ദ്ധിപ്പിച്ചത്.

5 കിലോ തൂക്കം വരുന്ന ഗാര്‍ഹിക പാചക വാതക സിലിണ്ടറിന് 18 രൂപയും വര്‍ദ്ധിപ്പിച്ചിട്ടുണ്ട്. വാണിജ്യ ആവശ്യങ്ങള്‍ക്കുള്ള 19 കിലോ ഗ്രാം തൂക്കം വരുന്ന പാചക വാതക സിലിണ്ടറിന്‍റെ വിലയില്‍ 8 രൂപ 50 പൈസ കുറവ് വരുത്തിയിട്ടുണ്ട്. 2027 രൂപ യാണ് വാണിജ്യ സിലിണ്ടറിന്‍റെ ഇപ്പോഴത്തെ വില.

- pma

വായിക്കുക: , , ,

Comments Off on പാചക വാതക വില വീണ്ടും വര്‍ദ്ധിപ്പിച്ചു

വി. നന്ദകുമാറിന് മാർകോം ഐക്കൺ ഓഫ് ദി ഇയര്‍ അവാർഡ്

July 1st, 2022

v-nandakuma-lulu-group-get-marcom-icon-award-year-2022-ePathram
അബുദാബി : പ്രമുഖ വ്യാപാര ശൃംഖല ലുലു ഗ്രൂപ്പ് മാർക്കറ്റിംഗ് & കമ്മ്യൂണിക്കേഷൻസ് ഡയറക്ടർ വി. നന്ദ കുമാറിനു മാർകോം ഐക്കൺ ഓഫ് ദ് ഇയര്‍ അവാർഡ്. കഴിഞ്ഞ 22 വർഷമായി ലുലു ബ്രാൻഡിന്‍റെ മാര്‍ക്കറ്റിംഗ്, കമ്മ്യൂണിക്കേഷന്‍ രംഗങ്ങളില്‍ നൽകിയ സംഭാവനകൾ മാനിച്ചു കൊണ്ടാണ് അവാർഡ്.

ഫെയ്സ്‌ ബുക്ക്, ഗൂഗിള്‍, ടിക് ടോക്ക്, സീബ്ര ടെക്നോളജീസ്, ഇമേജസ് റീട്ടെയില്‍ മാഗസിന്‍ തുടങ്ങിയ കമ്പനികളില്‍ നിന്നുള്ള പ്രമുഖര്‍ ഉള്‍പ്പെട്ട ജൂറിയാണ് അവാര്‍ഡ് ജേതാക്കളെ തെരഞ്ഞെടുത്തത്.

ദുബായിൽ നടന്ന വാർഷിക റീട്ടെയിൽ എം. ഇ. ഉച്ചകോടി-2022 യിൽ വെച്ച് മെറ്റാ (ഫെയ്സ്‌ ബുക്ക്) മിഡില്‍ ഈസ്റ്റ് – ആഫ്രിക്ക റീജിയണ്‍ മേധാവി അന്ന ജർമനോസ് അവാർഡ് സമ്മാനിച്ചു. കഴിഞ്ഞ വർഷം ഫോബ്‌സ് മാസികയുടെ മിഡിൽ ഈസ്റ്റിലെ മികച്ച 5 മാർക്കറ്റിംഗ് പ്രൊഫഷണലുകളുടെ പട്ടികയിൽ വി. നന്ദകുമാർ ഇടം നേടിയിരുന്നു.

- pma

വായിക്കുക: , , , , ,

Comments Off on വി. നന്ദകുമാറിന് മാർകോം ഐക്കൺ ഓഫ് ദി ഇയര്‍ അവാർഡ്

എല്‍. എല്‍. എച്ച്. ആശുപത്രിയില്‍ മാ ക്ലിനിക്ക് – ലിറ്റിൽ സ്റ്റാർ പീഡിയാട്രിക് ക്ലിനിക്ക് ആരംഭിച്ചു

June 25th, 2022

llh-hospital-maa-and-little-star-clinic-ePathram
അബുദാബി : ഗർഭിണികൾക്കും അമ്മമാർക്കും കുട്ടികൾക്കും വിദഗ്ദ ഡോക്ടർമാരുടെ പരിചരണം ഉറപ്പാക്കാൻ വിപുലമായ സൗകര്യ ങ്ങളോടെ പുതിയ ക്ലിനിക്കുകൾക്ക് തുടക്കമിട്ട് അബുദാബി എൽ. എൽ. എച്ച്. ആശുപത്രി.

പത്ത് വിദഗ്ദ ഡോക്ടർമാരുടെ സേവനത്തിലൂടെ മാതൃ ശിശു പരിചരണം ഒരു കുടക്കീഴിൽ കൊണ്ടു വരാന്‍ മാ ക്ലിനിക്കും ലിറ്റിൽ സ്റ്റാർ പീഡിയാട്രിക് ക്ലിനിക്കുമാണ് എൽ. എൽ. എച്ച്. ആശുപത്രിയിൽ പ്രവർത്തനം ആരംഭിച്ചത്. രണ്ടു നിലകളില്‍ പ്രത്യേകം സജ്ജീകരിച്ചിരിക്കുന്ന ക്ലിനിക്കുകളിൽ അത്യാധുനിക പരിശോധനാ സൗകര്യങ്ങളും ഒരുക്കിയിട്ടുണ്ട്.

സന്ദർശനം സുഗമമാക്കാനുള്ള സംവിധാനങ്ങളും രോഗികളുടെ സ്വകാര്യതയും സുരക്ഷിതത്വവും ഉറപ്പാക്കാനുള്ള വ്യക്തിഗത കാത്തിരിപ്പ് കേന്ദ്രങ്ങൾ, അൾട്രാസൗണ്ട് അടക്കമുള്ള പ്രധാന പരിശോധന കൾക്കുള്ള സൗകര്യം, രോഗീ പരിചരണത്തിൽ പ്രത്യേക പരിശീലനം ലഭിച്ച ജീവനക്കാർ എന്നിവ മാ ക്ലിനിക്കിന്‍റെ സവിശേഷതകളാണ്.

കാത്തിരിപ്പ് സമയം ഏറ്റവും കുറച്ച് പരിശോധനകളും കൺസൾട്ടേഷനും പൂർത്തിയാക്കാൻ ക്ലിനിക്കിലെ നവീന സൗകര്യങ്ങളിലൂടെ സാധിക്കും.

കുട്ടികൾക്ക് പൂർണ്ണമായും ഇണങ്ങുന്ന രീതിയിലും അവരെ ആകർഷിക്കുവാന്‍ കഴിയുന്ന വിനോദ ഉപാധികളോടെ യുമാണ് ലിറ്റിൽ സ്റ്റാർ പീഡിയാട്രിക് ക്ലിനിക്ക് സജ്ജീകരിച്ചിരിക്കുന്നത്. കുട്ടികൾക്ക് സമയം ചെലവഴിക്കാനുള്ള പ്രത്യേക ഇടവും ലിറ്റിൽ സ്റ്റാർ പീഡിയാട്രിക് ക്ലിനിക്കിലുണ്ട്.

എൽ. എൽ. എച്ച്. ആശുപത്രി വനിതാ ഡോക്ടർമാരും ചലച്ചിത്ര താരം ആർ. ജെ. മിഥുനും ലക്ഷ്മി മിഥുനും ചേര്‍ന്ന് ക്ലിനിക്കുകൾ ഉദ്‌ഘാടനം ചെയ്തു. റീജ്യണൽ സി. ഇ. ഒ. സഫീർ അഹമ്മദ്, വി. പി. എസ്. റീജ്യണൽ മെഡിക്കൽ ഡയറക്ടർ അൻപളകൻ പിള്ള, എൽ. എൽ. എച്ച്. മെഡിക്കൽ ഡയറക്ടർ ഡോ. പദ്മനാഭൻ പി. തുടങ്ങിയവര്‍ സംബന്ധിച്ചു.

രോഗീ പരിചരണം മെച്ചപ്പെടുത്താനുള്ള വി. പി. എസ്. ഹെൽത്ത് കെയറിന്‍റെ തുടർച്ചയായ ശ്രമ ങ്ങളുടെ ഭാഗമാണ് പുതിയ ക്ലിനിക്കുകള്‍ എന്ന്‌ സഫീർ അഹമ്മദ് പറഞ്ഞു.

ആശുപത്രി സന്ദർശനം മികച്ച അനുഭവമാക്കുവാനും ക്ലേശങ്ങളില്ലാതെ പരിശോധനകളും നടപടി ക്രമ ങ്ങളും പൂർത്തിയാക്കുവാനും ഇതിലൂടെ സാധിക്കും.

- pma

വായിക്കുക: , , ,

Comments Off on എല്‍. എല്‍. എച്ച്. ആശുപത്രിയില്‍ മാ ക്ലിനിക്ക് – ലിറ്റിൽ സ്റ്റാർ പീഡിയാട്രിക് ക്ലിനിക്ക് ആരംഭിച്ചു

സപ്ലൈകോ ശബരി പ്രീമിയം ചായ ഇനി ഗ​ള്‍ഫി​ലും

June 25th, 2022

minister-anil-release-sabari-tea-in-uae-ePathram
അബുദാബി: പ്രമുഖ ഭക്ഷ്യവിതരണ ശൃംഖല ബി – ഫ്രഷ് ഫുഡ്‌സ്, ശബരി ചായപ്പൊടി യു. എ. ഇ. വിപണിയിൽ അവതരിപ്പിച്ചു. സംസ്ഥാന ഭക്ഷ്യ – സിവിൽ സപ്ലൈസ് വകുപ്പു മന്ത്രി അഡ്വ. ജി. ആർ. അനില്‍, സിവിൽ സപ്ലൈസ് കോർപ്പറേഷൻ ചെയർമാനും എം. ഡി. യുമായ ഡോ. സഞ്ജീബ് പട് ജോഷി ഐ. പി. എസ്., ശബരി പ്രീമിയം ടീ യുടെ ജി. സി. സി. യിലെ അംഗീകൃത വിതര ണക്കാരായ ബി – ഫ്രഷ് ഫുഡ്‌സ് ജനറൽ ട്രേഡിംഗ് കമ്പനി മാനേജിംഗ് ഡയറക്ടർ പി. വി. അബ്ദുൾ നിസ്സാർ, ജനറൽ മാനേജർ എ. എൻ. നഷീം, മാർക്കറ്റിംഗ് മാനേജർ സലിം ഹിലാൽ, ലുലു ഗ്രൂപ്പ് സി. ഇ. ഒ. സെയ്‌ഫി രൂപവാല, ചീഫ് കമ്യുണിക്കേഷൻ ഓഫീസർ വി. ഐ. സലിം, റീജ്യണൽ ഡയറക്ടർ ടി. പി. അബൂബക്കർ, യു. എ. ഇ. വാണിജ്യ രംഗത്തെ പ്രമുഖരും മാധ്യമ പ്രവർത്തകരും ചടങ്ങിൽ സംബന്ധിച്ചു.

b-fresh-supplyco-sabari-tea-ePathram

സപ്ലൈകോ ഉൽപ്പന്നമായ ശബരി പ്രീമിയം ടീ ആദ്യമായാണ് ഗള്‍ഫ് രാജ്യങ്ങളിലേക്ക് എത്തുന്നത്. അധികം വൈകാതെ അരി, സുഗന്ധ വ്യഞ്ജന ങ്ങൾ, മസാലകള്‍ ഉൾപ്പെടെ കേരളത്തിന്‍റെ സ്വന്തം ഉല്‍പ്പന്നങ്ങളെ അതിന്‍റെ തനിമയോടെ പ്രവാസി മലയാളികളുടെ അടുത്തേക്ക് എത്തിക്കുന്ന ശ്രമങ്ങൾക്ക് സപ്ലൈകോ തുടക്കം കുറിച്ചു എന്നും ശബരി ചായപ്പൊടി വിപണിയില്‍ ഇറക്കിക്കൊണ്ട് മന്ത്രി ജി. ആര്‍. അനില്‍ അറിയിച്ചു.

indian-media-with-minister-anil-sabari-ePathram

കേരളത്തിൽ നിന്നും പ്രതിമാസം 20 ടൺ തേയിലയാണ് സപ്ലൈകോ യു. എ. ഇ. യിൽ എത്തിക്കുക. ഇത് ക്രമാനുഗതമായി വർദ്ധിപ്പിക്കും. ഭാവിയിൽ ഇതു 100 ടൺ ആയി ഉയർത്താന്‍ കഴിയും എന്നാണ് പ്രതീക്ഷ. പ്രവാസി മലയാളികളുടെ സഹകരണം മാത്രം ഉണ്ടായാല്‍ ശബരി ചായക്ക് വിപണി കയ്യടക്കുവാന്‍ കഴിയും. പ്രവാസി സംരംഭകരുടെ സഹായത്തോടെ സപ്ലൈകോയുടെ മറ്റു ഉൽപ്പന്നങ്ങളും വിദേശ വിപണിയിൽ എത്തിക്കുവാനും കഴിയും എന്നും മന്ത്രി പറഞ്ഞു.

minister-g-r-anil-pma-rahiman-supplyco-sabari-tea-ePathram

ശബരി തേയിലപ്പൊടി കൂടാതെ ശബരി ടീ ഗ്രാന്യൂള്‍സ്, ശബരി ടീ ബാഗ് എന്നിവയും ഉടന്‍ തന്നെ വിപണിയില്‍ എത്തിക്കും എന്ന് ബി – ഫ്രഷ് ജനറൽ മാനേജർ എ. എൻ. നഷീം അറിയിച്ചു.

sabari-tea-in-uae-ePathram

കേരളത്തിൽ മാത്രം ലഭ്യമാവുന്ന മറയൂർ ശർക്കര, കോയിൻ ബിസ്ക്കറ്റ്സ്, കുട്ടനാട് അരി എന്നിവ ബി – ഫ്രഷ് വിതരണം ചെയ്യുന്ന ഉൽപ്പന്നങ്ങളാണ്.

- pma

വായിക്കുക: , , ,

Comments Off on സപ്ലൈകോ ശബരി പ്രീമിയം ചായ ഇനി ഗ​ള്‍ഫി​ലും

Page 5 of 67« First...34567...102030...Last »

« Previous Page« Previous « പഠന സമയത്തു കുട്ടികളെ മറ്റു പരിപാടികൾക്കു പങ്കെടുപ്പിക്കാൻ പാടില്ല : മന്ത്രി വി. ശിവൻ കുട്ടി
Next »Next Page » എല്‍. എല്‍. എച്ച്. ആശുപത്രിയില്‍ മാ ക്ലിനിക്ക് – ലിറ്റിൽ സ്റ്റാർ പീഡിയാട്രിക് ക്ലിനിക്ക് ആരംഭിച്ചു »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha