മണലിനു പുറകെ മരത്തിനും ക്ഷാമം; കെട്ടിട നിര്‍മ്മാണ മേഖല പ്രതിസന്ധിയിലേക്ക്

June 5th, 2014

paarppidam-blog-epathram

കൊച്ചി: സംസ്ഥാനത്ത് മണലിന്റെ ക്ഷാമം രൂക്ഷമായതിനൊപ്പം മ്യാന്മറില്‍ (ബര്‍മ്മ) നിന്നുമുള്ള തടിയുടെ വരവ് നിലച്ചത് കെട്ടിട നിര്‍മ്മാണ മേഖലയ്ക്ക് വലിയ പ്രതിസന്ധി സൃഷ്ടിക്കുന്നു. പിന്‍‌കോഡ, തേക്ക് എന്നീ മരങ്ങളാണ് പ്രധാനമായും മ്യാന്മറില്‍ നിന്നും ഇറക്കുമതി ചെയ്തിരുന്നത്. ഉറപ്പും ഈടും ഉള്ള പിന്‍‌കോഡ എന്ന മരം കേരളത്തിന്റെ കാലാവസ്ഥയോട് വളരെയധികം യോജിക്കുന്നതിനാലാണ് നിര്‍മ്മാണ മേഖലയില്‍ വ്യാപകമായി ഉപയോഗിച്ചു വരുന്നത്. ഏപ്രില്‍ മാസത്തിലാണ് മ്യാന്മറില്‍ നിന്നുമുള്ള ഉരുളന്‍ തടിയുമായി അവസാന കപ്പല്‍ കൊച്ചി തുറമുഖത്ത് അടുത്തത്.

ഉരുളന്‍ തടിയുടെ കയറ്റുമതി മ്യാന്മര്‍ നിര്‍ത്തി വെച്ചതാണ് പ്രതിസന്ധിക്ക് കാരണം. പകരം പല വലിപ്പത്തില്‍ മുറിച്ച് സൈസാക്കിയ തടികള്‍ കയറ്റുമതി ചെയ്യുന്നുണ്ട്. എന്നാല്‍ ഇത് കേരളത്തില്‍ എത്തുമ്പോള്‍ വലിയ തുക നികുതിയായി നല്‍കേണ്ടി വരുന്നു. ഇതു മൂലം ഇറക്കുമതിക്കാര്‍ പിന്‍‌വാങ്ങുന്നു. പ്രതിവര്‍ഷം ഏതാണ്ട് ഒരു ലക്ഷം ടണ്ണിനടുത്ത് പിന്‍‌കോഡയാണ് കേരളത്തിലേക്ക് ഇറക്കുമതി ചെയ്യുന്നത്. അമ്പതിനായിരം ടണ്ണോളം തേക്കും ഇറക്കുമതി ചെയ്യുന്നു. വരവ് നിലച്ചതോടെ വിലയില്‍ വന്‍ വര്‍ദ്ധനവാണ് ഉണ്ടായിരിക്കുന്നത്. 250 മുതല്‍ 350 രൂപ വരെ ക്യുബിക്ക് അടിക്ക് അധിക വില നല്‍കേണ്ടി വരുന്നു. നേരത്തെ പിന്‍‌കോഡ കൊണ്ടുള്ള ഉരുപ്പടികള്‍ നിര്‍മ്മിച്ചു നല്‍കുവാന്‍ കരാര്‍ ഏറ്റവര്‍ക്ക് ആണ് ഇപ്പോള്‍ വെട്ടിലായിരിക്കുന്നത്.

നാടന്‍ മരങ്ങളുടെ ലഭ്യത കുറവ് വന്നതോടെയാണ് ഇറക്കുമതി മരങ്ങള്‍ക്ക് കേരളത്തില്‍ പ്രിയമായത്. വിലക്കുറവും ഒപ്പം തന്നെ മരം അറുത്താല്‍ പാഴായി പോകുന്നതും കുറവാണ് എന്ന പ്രത്യേകതയും പിന്‍‌കോഡയ്ക്കുണ്ട്. മ്യാന്മര്‍ മരത്തിന്റെ വരവ് നിലച്ചതോടെ ആഫ്രിക്ക, അമേരിക്ക എന്നിവടങ്ങളില്‍ നിന്നും മരങ്ങള്‍ വരുന്നുണ്ടെങ്കിലും അതിനു ഡിമാന്റ് കുറവാണ്. ഉറപ്പിനെയും ഈടിനേയും കുറിച്ചുള്ള ആശങ്കയാണ് പ്രധാന കാരണം.

മണല്‍ പ്രതിസന്ധി മൂലം പല നിര്‍മ്മാണ പ്രവര്‍ത്തനങ്ങള്‍ക്കും അമിത വില നല്‍കിക്കൊണ്ട് കള്ള മണലിനെ ആശ്രയിക്കേണ്ട അവസ്ഥയിലാണ് കേരളത്തിലെ നിര്‍മ്മാണ മേഖല. നിലവാരമില്ലാത്ത കര മണലിനേയും എം. സാന്റിനേയും ആശ്രയിക്കേണ്ട ഗതികേടിലാണ് കെട്ടിടം നിര്‍മ്മിക്കുന്നവര്‍. ഇതു മൂലം നിര്‍മ്മാണ ചിലവ് വലിയ തോതില്‍ വര്‍ദ്ധിച്ചു, ഒപ്പം കെട്ടിടങ്ങളുടെ ഈടും ബലവും കുറഞ്ഞു. ഇതോടൊപ്പം മരത്തിന്റെ വരവ് നിലച്ചതോടെ നിര്‍മ്മാണ മേഖല വന്‍ പ്രതിസന്ധിയിലേക്കാണ് നീങ്ങുന്നത്. വരും ദിനങ്ങളില്‍ കരിങ്കൽ ഖനനത്തിനു നിയന്ത്രണം വരിക കൂ‍ടെ ചെയ്താല്‍ സ്തംഭനാവസ്ഥയിലേക്കാവും ഈ മേഖല എത്തുക.

- എസ്. കുമാര്‍

വായിക്കുക: ,

Comments Off on മണലിനു പുറകെ മരത്തിനും ക്ഷാമം; കെട്ടിട നിര്‍മ്മാണ മേഖല പ്രതിസന്ധിയിലേക്ക്

ദുബായ് എക്‌സലന്‍സ് അവാർഡുകൾ ലുലുവിന്

June 3rd, 2014

dubai-exelence-award-for-lulu-ma-yousafali-ePathram
ദുബായ് : വ്യാപാര രംഗത്തെ മികവിനുള്ള ദുബായ് ഇക്കണോമിക് ഡിപാര്‍ട്ട്മെന്‍റ് നല്‍കുന്ന രണ്ട് പുരസ്‌കാര ങ്ങള്‍ക്ക് ലുലു ഹൈപ്പര്‍ മാര്‍ക്കറ്റ് അര്‍ഹമായി.

ദുബായ് ക്വാളിറ്റി അപ്രീസിയേഷന്‍ അവാര്‍ഡ്, ദുബായ് ഹ്യൂമന്‍ ഡെവലപ്മെന്റ് അപ്രീസിയേഷന്‍ അവാര്‍ഡ് എന്നിവയാണു ലുലു നേടിയ പുരസ്കാരങ്ങൾ.

ദുബായ് കിരീടാവകാശി ശൈഖ് ഹംദാന്‍ ബിന്‍ മുഹമ്മദ് ബിന്‍ റാഷിദ് അല്‍ മക്തൂമില്‍ നിന്നും ലുലു ഗ്രൂപ് മാനേജിംഗ് ഡയരക്ടർ എം. എ. യൂസുഫലിയും ഡയറക്ടര്‍ എം. എ. സലീമും ചേര്‍ന്ന് പുരസ്‌കാര ങ്ങള്‍ ഏറ്റുവാങ്ങി.

ദുബായ് ഭരണാധി കാരിയും യു. എ. ഇ. വൈസ് പ്രസിഡന്‍റും പ്രധാന മന്ത്രി യുമായ ശൈഖ് മുഹമ്മദ് ബിന്‍ റാഷിദ് ആല്‍ മക്തൂ മിന്റെ സാന്നിധ്യ ത്തിലാ യിരുന്നു പുരസ്‌കാര വിതരണം.

കൂടുതല്‍ മികവ് കരസ്ഥമാക്കുന്ന തിന് ഈ പുരസ്‌കാര ങ്ങള്‍ പ്രചോദന മാണെന്ന് പുരസ്‌കാര ങ്ങള്‍ സ്വീകരിച്ചു കൊണ്ട് എം. എ. യൂസുഫലി പറഞ്ഞു.

- pma

വായിക്കുക: , , , ,

Comments Off on ദുബായ് എക്‌സലന്‍സ് അവാർഡുകൾ ലുലുവിന്

ധാരണാ പത്രത്തില്‍ ഒപ്പു വെച്ചു

May 24th, 2014

അബുദാബി : യു. എ. ഇ. യിലെ പ്രമുഖ ഹോട്ടല്‍ ശൃംഖല യായ ടേബിള്‍സ് ഫുഡ് കമ്പനി തങ്ങളുടെ പ്രവർത്തനം വ്യാപിപ്പി ക്കുന്ന തിന്റെ ഭാഗ മായി ദക്ഷിണാഫ്രിക്ക യിലെ റസ്റ്റോറന്റ് ശൃംഖല യായ ‘ഗാലിട്ടോ’ യുമായി സഹകരിച്ചു പ്രവര്‍ത്തിക്കാന്‍ ധാരണയായി. അബുദാബി യിൽ നടന്ന ചടങ്ങിൽ ഇത് സംബന്ധിച്ച കരാറില്‍ ഒപ്പു വെച്ചു.

യു. എ. ഇ. യിലെ ദക്ഷിണാഫ്രിക്കന്‍ അംബാസഡര്‍ മെംപെറ്റ് ജുനെയുടെ സാന്നിധ്യ ത്തിലാണ് ടേബിള്‍സിന്റെ സി. ഇ. ഒ. ഷഫീന യൂസഫലിയും ഗാലിട്ടോ സി. ഇ. ഒ. ലൂയിസ് ജെര്‍മിഷ്യസും കരാർ ഒപ്പിട്ടത്.

മിഡില്‍ ഈസ്റ്റ്, ഇന്ത്യ, ശ്രീലങ്ക എന്നീ രാജ്യ ങ്ങളിലേക്ക് ഗാലിട്ടോ ബ്രാന്‍ഡിനെ എത്തിക്കുന്നതിന്റെ ഭാഗമായാണ്‌ ടേബിള്‍സ് ഫുഡ് കമ്പനി ഈ ദൌത്യം ഏറ്റെടുത്തത് എന്നും കൊച്ചി യിൽ ആദ്യ റസ്റ്റോറന്റ് ഉടൻ തന്നെ പ്രവർത്തനം തുടങ്ങും എന്നും സി. ഇ. ഒ. ഷഫീന യൂസഫലി പറഞ്ഞു.

- pma

വായിക്കുക: ,

Comments Off on ധാരണാ പത്രത്തില്‍ ഒപ്പു വെച്ചു

ലുലു ഗ്രൂപ്പ് മലേഷ്യയിലേക്കും പ്രവർത്തനം വ്യാപിപ്പിക്കുന്നു

May 22nd, 2014

mou-signing-lulu-with-felda-ePathram
അബുദാബി : മലേഷ്യൻ സർക്കാരിന്റെ കീഴിലുള്ള ഫെൽഡ അഥവാ മലേഷ്യൻ ഫെഡറൽ ലാൻഡ് ഡവലപ്മെന്റ് അഥോറി റ്റിയും ലുലു ഗ്രൂപ്പും സംയുക്തമായി മലേഷ്യ യിൽ ഹൈപ്പർ മാർക്കറ്റുകൾ തുറക്കുന്നു.

ആധുനിക സൗകര്യങ്ങളോട് കൂടിയ ലുലു ഹൈപ്പർ മാർക്കറ്റുകൾ തുടങ്ങുന്നതിനുള്ള ധാരണാ പത്ര ത്തിൽ ഒപ്പ് വെച്ചു. അബുദാബി ദൂസിത്താനി ഹോട്ടലിൽ വെച്ചു നടന്ന ചടങ്ങിൽ മലേഷ്യൻ പ്രധാന മന്ത്രി മുഹമ്മദ്‌ നാജിബ് തുൻ അബ്ദുൽ റസാഖി ന്റെ സാന്നിധ്യ ത്തിൽ ഫെൽഡ ഡയരക്ടർ ജനറൽ ദാത്തോ ഫൈസൽ അഹമ്മദും ലുലു ഗ്രൂപ്പ് മാനേജിംഗ് ഡയരക്ടർ എം. എ. യൂസഫലിയും ചേർന്ന് കരാർ ഒപ്പ് വെച്ചു.

ഫെൽഡ ഉല്പാദി പ്പിക്കുന്ന ഭക്ഷ്യ ഇനങ്ങൾ ലോക ത്തിന്റെ വിവിധ ഭാഗ ങ്ങളിലെ ലുലു ഹൈപ്പർ മാർക്കറ്റു കളിലൂടെ വിതരണം ചെയ്യുന്ന തിനുമുള്ള കരാറും ആയിട്ടുണ്ട്‌.

2016 ഓടെ അഞ്ചു മാളുകൾ മലേഷ്യയിൽ തുറന്നു പ്രവർത്തനം ആരംഭിക്കും. ഇതിലൂടെ പ്രത്യക്ഷമായും പരോക്ഷ മായും ഏകദേശം അയ്യായിരം മലേഷ്യ ക്കാർക്ക് ജോലി നല്കാൻ സാധിക്കും എന്നും എം. എ. യൂസഫലി അറിയിച്ചു.

- pma

വായിക്കുക: , ,

Comments Off on ലുലു ഗ്രൂപ്പ് മലേഷ്യയിലേക്കും പ്രവർത്തനം വ്യാപിപ്പിക്കുന്നു

ലുലുവിൽ മാംഗോ മാനിയ

May 16th, 2014

അബുദാബി : ലുലു ഹൈപ്പര്‍ മാര്‍ക്കറ്റില്‍ 15 ദിവസം നീണ്ടു നില്ക്കുന്ന മാംഗോ മാനിയക്ക് തുടക്കമായി. അബുദാബി അൽ വഹ്ദ മാളിൽ ഇന്ത്യന്‍ സ്ഥാനപതി ടി. പി. സീതാറാം മാംഗോ മാനിയ ഉല്‍ഘാടനം ചെയ്തു.

ഇന്ത്യ അടക്കം വിവിധ രാജ്യങ്ങളിൽ നിന്നുമായി നൂറ്റി അമ്പതോളം തരം മാമ്പഴ ങ്ങളുടെ പ്രദര്‍ശനവും വിപണനവും ലക്ഷ്യമിട്ടു കൊണ്ടു ലുലു ഹൈപ്പര്‍ മാര്‍ക്കറ്റില്‍ സംഘടിപ്പിച്ച മാംഗോ മാനിയ യിൽ മാമ്പഴ ങ്ങൾ കൊണ്ടുള്ള വിവിധ ഭക്ഷ്യ വിഭവ ങ്ങളും പാകം ചെയ്യുകയും സന്ദർശ കർക്ക് രുചിച്ചു നോക്കാനുള്ള അവസരവും ഉണ്ടാവും.

ഇന്ത്യയില്‍ നിന്നുള്ള സുന്ദരി, നെട്ടൂരാന്‍, സിന്കൂരം, തുടങ്ങീ നല്ല രുചിയും ഏറ്റവും കൂടുതല്‍ വിലയുമുള്ള അല്ഫോണ്‍സ് മാങ്ങയും ലഭ്യമാണ്.

ഇന്ത്യ കൂടാതെ ബ്രസീല്‍, യമന്‍, യു. എ. ഇ. തുടങ്ങിയ രാജ്യങ്ങളുടെ മാമ്പഴങ്ങള്‍ ഇവിടെ ഏറ്റവും അധികം സന്ദർശ കരെ ആകർഷിക്കുന്നു.

- pma

വായിക്കുക: , ,

Comments Off on ലുലുവിൽ മാംഗോ മാനിയ

Page 62 of 64« First...102030...6061626364

« Previous Page« Previous « മാഞ്ചസ്റ്റര്‍ സിറ്റി ഫുട്ബോള്‍ ക്ളബ്ബ് താരങ്ങള്‍ അബുദാബിയില്‍
Next »Next Page » രാജ്യത്ത് കോൺഗ്രസ് വിരുദ്ധ തരംഗം »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha