ഒമാന്‍ വാഹനാപകടം : മൃതദേഹങ്ങള്‍ നാട്ടില്‍ എത്തിക്കാന്‍ നടപടി

August 24th, 2012

മസ്കറ്റ് : ഒമാനിലെ ഹൈമയിലുണ്ടായ വാഹന അപകട ത്തില്‍ മരിച്ച ഒമ്പത് മലയാളി കളുടെയും മൃതദേഹങ്ങള്‍ നാട്ടില്‍ എത്തിക്കാനുള്ള നടപടികള്‍ ദ്രുത ഗതിയില്‍ പുരോഗമിക്കുന്നതായി സാമൂഹിക പ്രവര്‍ത്തകര്‍ അറിയിച്ചു.

മസ്കത്തില്‍ നിന്ന് വെള്ളിയാഴ്ച രാത്രിയും ശനിയാഴ്ച ഉച്ചക്കും കേരള ത്തില്‍ എത്തുന്ന മൂന്ന് എയര്‍ ഇന്ത്യ വിമാനങ്ങളിലായി മൃതദേഹങ്ങള്‍ കൊണ്ടു പോകാനാണ് ശ്രമം. ഉച്ചക്ക് രണ്ടിന് മസ്കത്തില്‍ നിന്ന് ഷാര്‍ജ വഴി കോഴിക്കോട്ടേക്ക് പോകുന്ന എയര്‍ ഇന്ത്യന്‍ എക്സ്പ്രസില്‍ അപകട ത്തില്‍ മരിച്ച കണ്ണൂര്‍ സ്വദേശി റിഷാന്റെ മൃതദേഹം നാട്ടിലെത്തിക്കും.

വെള്ളിയാഴ്ച രാത്രി ഒമാന്‍ സമയം പത്തരക്ക് മസ്കത്തില്‍ നിന്ന് പുറപ്പെടുന്ന ചെന്നെ -കൊച്ചി വിമാന ത്തിലാണ് മലപ്പുറം തവനൂര്‍ റോഡ് അണിമംഗലം വീട്ടില്‍ മുസ്തഫ, ഭാര്യ റുഖിയ, മകള്‍ മുഹ്സിന എന്നിവരുടെ മൃതദേഹം കൊണ്ടു പോകുന്നത്.

വെള്ളിയാഴ്ച രാത്രി ഒമാന്‍ 12.05ന് മുംബൈ വഴി കോഴിക്കോട്ടേക്ക് പോകുന്ന വിമാന ത്തിലാണ് കണ്ണൂര്‍ മട്ടന്നൂര്‍ കുളങ്ങരകണ്ടി പുതിയ പുരയില്‍ ഖാലിദ് മൗലവി, ഭാര്യ സഫ്നാസ്, മക്കളായ മുഹമ്മദ് അസീം, മുഹമ്മദ് അനസ്, ഫാത്തിമ എന്നിവരുടെ അഞ്ചു മൃതദേഹങ്ങള്‍ കൊണ്ടു പോകാന്‍ ടിക്കറ്റ് ബുക്ക് ചെയ്തിരിക്കുന്നത്. ഖാലിദ് മൗലവിയുടെ സഹോദരന്‍ ജാഫറും മുസ്തഫയുടെ സുഹൃത്തുക്കളും മൃതദേഹത്തെ അനുഗമിക്കും.

അപകട ത്തില്‍ മരിച്ചവരുടെ ബന്ധുക്കളും സുഹൃത്തുക്കളും വിവിധ സാമൂഹിക സംഘടനാ പ്രവര്‍ത്തകരും നിസ്വയിലെയും ഹൈമയിലെയും ആശുപത്രി കളില്‍ എത്തിയിരുന്നു.

-തയ്യാറാക്കിയത് : ബിജു കരുനാഗപ്പള്ളി

- കറസ്പോണ്ടന്‍റ്

വായിക്കുക: ,

Comments Off on ഒമാന്‍ വാഹനാപകടം : മൃതദേഹങ്ങള്‍ നാട്ടില്‍ എത്തിക്കാന്‍ നടപടി

ഫുക്കുഷിമയിലെ മൽസ്യത്തിൽ വൻ ആണവ മലിനീകരണം

August 23rd, 2012

radioactive-fish-epathram

ടോക്യോ : അപകടത്തെ തുടർന്ന് പൊട്ടിത്തെറിച്ച ജപ്പാനിലെ ഫുക്കുഷിമ ആണവ നിലയത്തിന്റെ സമീപ പ്രദേശത്തെ കടലിൽ നിന്നും പിടിച്ച മൽസ്യത്തിൽ അപകടകരമായ അണവ വികിരണ ശേഷിയുള്ള സീഷിയം വൻ തോതിൽ കണ്ടെത്തി. മാർച്ച് 2011ൽ നടന്ന ആണവ അപകടത്തെ തുടർന്ന് പ്രദേശത്തെ മൽസ്യ ബന്ധനം നിരോധിച്ചിരുന്നു. അപകടം നടന്നതിന് ഒരു മാസം കഴിഞ്ഞപ്പോൾ ആണവ നിലയ ശുദ്ധീകരണ പ്രവർത്തനങ്ങളുടെ ഭാഗമായി 11,000 ടണ്ണിലേറെ ആണവ മാലിന്യങ്ങൾ ആണവ കേന്ദ്രത്തിന്റെ നടത്തിപ്പുകാരായ ടോക്യോ ഇലക്ട്രിൿ പവർ കമ്പനി കടലിലേക്ക് ഒഴുക്കിയിരുന്നു. ഇത് അന്ന് വൻ വിമർശനത്തിന് കാരണമാവുകയും ചെയ്തു.

- ജെ.എസ്.

വായിക്കുക: , ,

Comments Off on ഫുക്കുഷിമയിലെ മൽസ്യത്തിൽ വൻ ആണവ മലിനീകരണം

ഒമാനില്‍ വാഹനാപകടം : 9 മലയാളികള്‍ മരിച്ചു

August 22nd, 2012

accident-epathram
മസ്കറ്റ് : ഒമാനിലെ ഹൈമ യില്‍ ഉണ്ടായ കാറപകട ത്തില്‍ ഒന്‍പത് മലയാളികള്‍ മരിച്ചു. 4 മുതിര്‍ന്നവരും 5 കുട്ടികളു മാണ് മരിച്ചത്‌. മലപ്പുറം കുറ്റിപ്പുറം സ്വദേശി മുസ്തഫയും കുടുംബവും കണ്ണൂര്‍ മട്ടന്നൂര്‍ സ്വദേശി ഖാലിദ് മൗലവിയും കുടുംബവും സഞ്ചരിച്ചിരുന്ന വാഹനം സലാല യില്‍ നിന്നും സോഹാര്‍ ലേക്ക് പോകും വഴി എതിരെ വന്ന ഹമ്മര്‍ ഇടിക്കുക യായിരുന്നു. മരിച്ചവരുടെ മറ്റു വിശദാംശങ്ങളും പേരു വിവരങ്ങളും അറിവായിട്ടില്ല.

- കറസ്പോണ്ടന്‍റ്

വായിക്കുക: , ,

Comments Off on ഒമാനില്‍ വാഹനാപകടം : 9 മലയാളികള്‍ മരിച്ചു

റാസല്‍ഖൈമ യില്‍ വാഹന അപകടം : മൂന്നു മലയാളികള്‍ മരിച്ചു

August 22nd, 2012

accident-graphic
അബുദാബി : യു. എ. ഇ. യിലെ റാസല്‍ഖൈമ യില്‍ ബുധനാഴ്ച പുലര്‍ച്ചെ നടന്ന വാഹനാപകടത്തില്‍ കൊല്ലം സ്വദേശികളായ മൂന്നു പേര്‍ മരിച്ചു. സ്വദേശി യുവാവിന് ഗുരുതര പരിക്കേറ്റു.

കൊല്ലം ഓച്ചിറ ക്ളാപ്പന സ്വദേശി പൂക്കുഞ്ഞ് അബ്ദുല്‍ റഷീദ് (42), ഷെമീര്‍ ഇസ്മായില്‍ (23), ഹാഷിം അബ്ദുറഹ്മാന്‍ (21) എന്നിവരാണ് മരിച്ചത്. ദുബായില്‍ നിന്ന് അല്‍ജീറിലേക്ക് വരിക യായിരുന്ന ഇവര്‍ സഞ്ചരിച്ച കാര്‍ റാസല്‍ഖൈമ അല്‍റംസില്‍ കോര്‍ക്ക്വെയര്‍ ഇന്‍ഡസ്ട്രിയല്‍ എരിയക്ക് മുമ്പായി അപകട ത്തില്‍ പ്പെടുക യായിരുന്നു. പരിക്കേറ്റ യു. എ. ഇ. സ്വദേശി ഖാലിദ് അഹമ്മദ് (35) ഓടിച്ച വാഹനം എതിര്‍ ദിശയില്‍ വന്നിടിച്ചാണ് അപകടം ഉണ്ടായത്. ഗുരുതര പരിക്കേറ്റ ഇയാളെ സഖര്‍ ആശുപത്രിയില്‍ പ്രവേശിപ്പിച്ചു.

അപകട ത്തില്‍ മലയാളികള്‍ സഞ്ചരിച്ചിരുന്ന കാര്‍ പൂര്‍ണമായും തകര്‍ന്നു. അബ്ദുല്‍ റഷീദ് റാസല്‍ ഖൈമ അല്‍ജീറില്‍ തുടങ്ങുന്ന കമ്പ്യൂട്ടര്‍ ഷോപ്പി ലേക്കുള്ള സാധനങ്ങള്‍ എടുത്ത് മടങ്ങുക യായിരുന്നു ഇവര്‍. കട യിലെ ജോലി ക്കായി ഷെമീര്‍ ഇസ്മായിലും ഹാഷിം അബ്ദുറഹ്മാനും ഏതാനും ദിവസം മുമ്പാണ് ഇവിടെ എത്തിയത്. വര്‍ഷ ങ്ങളായി കുടുംബ സമേതം ഇവിടെയുള്ള പൂക്കുഞ്ഞ് അബ്ദുല്‍ റഷീദ് ഒരാഴ്ച മുമ്പാണ് കുടുംബത്തെ നാട്ടിലാക്കി തിരികെ എത്തിയത്.

- കറസ്പോണ്ടന്‍റ്

വായിക്കുക: , ,

Comments Off on റാസല്‍ഖൈമ യില്‍ വാഹന അപകടം : മൂന്നു മലയാളികള്‍ മരിച്ചു

വാഹനാപകടത്തില്‍ അഞ്ചു മലയാളികള്‍ മരിച്ചു

August 22nd, 2012

accident-epathram

ബംഗളൂരു: കര്‍ണാടകയിലെ മാണ്ഡ്യയിലുണ്ടായ വാഹനാപകടത്തില്‍ അഞ്ചു മലയാളികള്‍ മരിച്ചു. മലപ്പുറം എടക്കര സ്വദേശികളായ അയനിക്കുണ്ടന്‍ അബ്ബാസ്, ഭാര്യ ബേബി ഷെരീജ, മകന്‍ ജാബിര്‍, ഉമ്മ ആയിഷ, സഹോദരന്‍ ജാഫര്‍ എന്നിവരാണ് മരിച്ചത്.  നാലു പേര്‍ക്ക് പരിക്കേറ്റു. ഇവരില്‍ ഒരാളുടെ നില ഗുരുതരമാണ്. ഇവര്‍ സഞ്ചരിച്ചിരുന്ന ഇന്നോവ കാര്‍ മരത്തിലിടിച്ചതിനെ തുടര്‍ന്ന് മറിയുകയായിരുന്നു. മൂന്നു പേര്‍ സംഭവ സ്ഥലത്തും രണ്ടു പേര്‍ ആശുപത്രിയിലേക്കുള്ള വഴിയിലുമാണ് മരിച്ചത്. ചൊവ്വാഴ്ച അര്‍ദ്ധ രാത്രിയാണ് സംഭവം.

- ലിജി അരുണ്‍

വായിക്കുക: ,

Comments Off on വാഹനാപകടത്തില്‍ അഞ്ചു മലയാളികള്‍ മരിച്ചു

Page 25 of 26« First...10...2223242526

« Previous Page« Previous « ഒളിമ്പ്യന്‍ ഇര്‍ഫാന് ജന്മനാടിന്റെ വരവേല്പ്
Next »Next Page » വ്യാജ എസ്.എം.എസിനു പിന്നില്‍ പോപ്പുലര്‍ ഫ്രണ്ടും ഹുജിയുമെന്ന് കേന്ദ്ര ഏജന്‍സി »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha