ലുലു ഗ്രൂപ്പ് മലേഷ്യയിലേക്കും പ്രവർത്തനം വ്യാപിപ്പിക്കുന്നു

May 22nd, 2014

mou-signing-lulu-with-felda-ePathram
അബുദാബി : മലേഷ്യൻ സർക്കാരിന്റെ കീഴിലുള്ള ഫെൽഡ അഥവാ മലേഷ്യൻ ഫെഡറൽ ലാൻഡ് ഡവലപ്മെന്റ് അഥോറി റ്റിയും ലുലു ഗ്രൂപ്പും സംയുക്തമായി മലേഷ്യ യിൽ ഹൈപ്പർ മാർക്കറ്റുകൾ തുറക്കുന്നു.

ആധുനിക സൗകര്യങ്ങളോട് കൂടിയ ലുലു ഹൈപ്പർ മാർക്കറ്റുകൾ തുടങ്ങുന്നതിനുള്ള ധാരണാ പത്ര ത്തിൽ ഒപ്പ് വെച്ചു. അബുദാബി ദൂസിത്താനി ഹോട്ടലിൽ വെച്ചു നടന്ന ചടങ്ങിൽ മലേഷ്യൻ പ്രധാന മന്ത്രി മുഹമ്മദ്‌ നാജിബ് തുൻ അബ്ദുൽ റസാഖി ന്റെ സാന്നിധ്യ ത്തിൽ ഫെൽഡ ഡയരക്ടർ ജനറൽ ദാത്തോ ഫൈസൽ അഹമ്മദും ലുലു ഗ്രൂപ്പ് മാനേജിംഗ് ഡയരക്ടർ എം. എ. യൂസഫലിയും ചേർന്ന് കരാർ ഒപ്പ് വെച്ചു.

ഫെൽഡ ഉല്പാദി പ്പിക്കുന്ന ഭക്ഷ്യ ഇനങ്ങൾ ലോക ത്തിന്റെ വിവിധ ഭാഗ ങ്ങളിലെ ലുലു ഹൈപ്പർ മാർക്കറ്റു കളിലൂടെ വിതരണം ചെയ്യുന്ന തിനുമുള്ള കരാറും ആയിട്ടുണ്ട്‌.

2016 ഓടെ അഞ്ചു മാളുകൾ മലേഷ്യയിൽ തുറന്നു പ്രവർത്തനം ആരംഭിക്കും. ഇതിലൂടെ പ്രത്യക്ഷമായും പരോക്ഷ മായും ഏകദേശം അയ്യായിരം മലേഷ്യ ക്കാർക്ക് ജോലി നല്കാൻ സാധിക്കും എന്നും എം. എ. യൂസഫലി അറിയിച്ചു.

- കറസ്പോണ്ടന്റ്

വായിക്കുക: , ,

Comments Off on ലുലു ഗ്രൂപ്പ് മലേഷ്യയിലേക്കും പ്രവർത്തനം വ്യാപിപ്പിക്കുന്നു

ലുലുവിൽ മാംഗോ മാനിയ

May 16th, 2014

അബുദാബി : ലുലു ഹൈപ്പര്‍ മാര്‍ക്കറ്റില്‍ 15 ദിവസം നീണ്ടു നില്ക്കുന്ന മാംഗോ മാനിയക്ക് തുടക്കമായി. അബുദാബി അൽ വഹ്ദ മാളിൽ ഇന്ത്യന്‍ സ്ഥാനപതി ടി. പി. സീതാറാം മാംഗോ മാനിയ ഉല്‍ഘാടനം ചെയ്തു.

ഇന്ത്യ അടക്കം വിവിധ രാജ്യങ്ങളിൽ നിന്നുമായി നൂറ്റി അമ്പതോളം തരം മാമ്പഴ ങ്ങളുടെ പ്രദര്‍ശനവും വിപണനവും ലക്ഷ്യമിട്ടു കൊണ്ടു ലുലു ഹൈപ്പര്‍ മാര്‍ക്കറ്റില്‍ സംഘടിപ്പിച്ച മാംഗോ മാനിയ യിൽ മാമ്പഴ ങ്ങൾ കൊണ്ടുള്ള വിവിധ ഭക്ഷ്യ വിഭവ ങ്ങളും പാകം ചെയ്യുകയും സന്ദർശ കർക്ക് രുചിച്ചു നോക്കാനുള്ള അവസരവും ഉണ്ടാവും.

ഇന്ത്യയില്‍ നിന്നുള്ള സുന്ദരി, നെട്ടൂരാന്‍, സിന്കൂരം, തുടങ്ങീ നല്ല രുചിയും ഏറ്റവും കൂടുതല്‍ വിലയുമുള്ള അല്ഫോണ്‍സ് മാങ്ങയും ലഭ്യമാണ്.

ഇന്ത്യ കൂടാതെ ബ്രസീല്‍, യമന്‍, യു. എ. ഇ. തുടങ്ങിയ രാജ്യങ്ങളുടെ മാമ്പഴങ്ങള്‍ ഇവിടെ ഏറ്റവും അധികം സന്ദർശ കരെ ആകർഷിക്കുന്നു.

- കറസ്പോണ്ടന്റ്

വായിക്കുക: , ,

Comments Off on ലുലുവിൽ മാംഗോ മാനിയ

അറബ് ലോകത്തെ പ്രമുഖ ഇന്ത്യക്കാരില്‍ ഒന്നാം സ്ഥാനത്ത് എം. എ. യൂസഫലി

May 15th, 2014

ma-yousufali-epathram
ദുബായ് : അറബ് ലോകത്തെ ഏറ്റവും പ്രമുഖ രായ ഇന്ത്യ ക്കാരുടെ പട്ടിക യില്‍ മലയാളി വ്യവസായ പ്രമുഖനായ എം. എ. യൂസഫലി ഒന്നാം സ്ഥാനത്ത്.

ഫോബ്‌സ് മാസിക പുറത്തിറക്കിയ പട്ടിക യില്‍ ലാന്‍ഡ്മാര്‍ക്ക് ഗ്രൂപ്പ് ചെയര്‍മാന്‍ മിക്കി ജഗതിയാനി യാണ് രണ്ടാം സ്ഥാനത്ത്.

എന്‍. എം. സി. ഗ്രൂപ്പ് സ്ഥാപന ങ്ങളുടെ മേധാവി ഡോ. ബി. ആര്‍. ഷെട്ടി മൂന്നാം സ്ഥാനത്തും ജെംസ് ഗ്രൂപ്പ് ചെയര്‍മാന്‍ സണ്ണി വര്‍ക്കി നാലാം സ്ഥാനവും ലഭിച്ചു കൊണ്ട് പട്ടികയില്‍ ഇടം നേടി.

ദുബായ് എമിറേറ്റ്‌സ് ടവര്‍ ഹോട്ടലില്‍ നടന്ന ചടങ്ങില്‍ ബോളിവുഡ് താരം ഷാരൂഖ് ഖാന്‍ ഉള്‍പ്പെടെയുള്ള പ്രമുഖര്‍ സംബന്ധിച്ചു.

- കറസ്പോണ്ടന്റ്

വായിക്കുക: , , , , ,

Comments Off on അറബ് ലോകത്തെ പ്രമുഖ ഇന്ത്യക്കാരില്‍ ഒന്നാം സ്ഥാനത്ത് എം. എ. യൂസഫലി

ഫോബ്‌സ് മാഗസിന്റെ കവര്‍ ചിത്രമായി മലയാളി വ്യവസായി

May 15th, 2014


ദുബായ് : പ്രശസ്ത ബിസിനസ് മാഗസിനായ ഫോബ്‌സിന്റെ 2014 പതിപ്പില്‍, കവര്‍ ചിത്രമായി മലയാളി യായ യുവ വ്യവസായി ഡോ. ഷംസീര്‍ വയലില്‍ സ്ഥാനം നേടി.

‘മെഡിസിന്‍ മാന്‍’ എന്ന തലക്കെട്ടോടെയാണ് മാഗസി ന്റെ കവര്‍ പുറത്തിറ ക്കിയത്. അറബ് ലോകത്തെ പ്രമുഖ ഇന്ത്യ ക്കാരുടെ പട്ടിക ഫോബ്‌സ് മാഗസിന്‍ പുറത്തിറ ക്കിയ ചടങ്ങില്‍ വെച്ചാ യിരുന്നു ഡോ. ഷംസീറിന്റെ മുഖചിത്ര മുള്ള ഫോബ്‌സ്  മാഗസിന്‍ കവര്‍ യു. എ. ഇ. യിലെ ഇന്ത്യന്‍ അംബാസഡര്‍ ടി. പി. സീതാറാം പ്രകാശനം ചെയ്തത്.

യു. എ. ഇ. കേന്ദ്ര മായുള്ള പ്രമുഖ ഹെല്‍ത്ത് കെയര്‍ ഗ്രൂപ്പായ വി. പി. എസ്. ഹെല്‍ത്ത് കെയറിന്റെ മാനേജിംഗ് ഡയറക്ട റാണ് പ്രവാസി ഭാരതീയ സമ്മാന്‍ ജേതാവു കൂടി യായ ഡോ. ഷംസീര്‍ വയലില്‍.

- കറസ്പോണ്ടന്റ്

വായിക്കുക: , , , , ,

Comments Off on ഫോബ്‌സ് മാഗസിന്റെ കവര്‍ ചിത്രമായി മലയാളി വ്യവസായി

ഗുജറാത്ത് മോഡൽ എങ്കിൽ കേരളം സൂപ്പർ മോഡൽ

May 11th, 2014

poverty-epathram

ന്യൂഡൽഹി: വികസന രംഗത്ത് ഗുജറാത്ത് മാതൃകാ സംസ്ഥാനം ആണെങ്കിൽ കേരളവും തമിഴ്നാടും കൈവരിച്ച നേട്ടങ്ങളെ പിന്നെ എന്ത് പറയും എന്ന് പ്രമുഖ സാമ്പത്തിക വിദഗ്ദ്ധൻ ഷോൺ ദ്രേസ. ഗുജറാത്ത് മുഖ്യമന്ത്രി നരേന്ദ്ര മോഡിയുടെ പ്രചരണ നൈപുണ്യത്തിനപ്പുറം ഗുജറാത്ത് മോഡലിൽ കാമ്പില്ല എന്ന് അദ്ദേഹം കണക്കുകളുടെ അടിസ്ഥാനത്തിൽ വ്യക്തമാക്കി. ഹ്യൂമൻ ഡെവെലപ്മെന്റ് ഇൻഡക്സ് (എച്ച്. ഡി. ഐ.) ആണ് വികസനത്തിന്റെ ഒരു പ്രധാനപ്പെട്ട അളവ് കോൽ. എന്നാൽ ഇന്ത്യയിലെ പ്രമുഖമായ 20 സംസ്ഥാനങ്ങളുടെ പട്ടികയിൽ 9ആം സ്ഥാനമാണ് എച്ച്. ഡി. ഐ. യുടെ കാര്യത്തിൽ ഗുജറാത്തിന്. കുട്ടികളുടെ പോഷണം, വിദ്യഭ്യാസം, ആരോഗ്യം, രോഗ പ്രതിരോധം എന്നിവ കണക്കിലെടുത്ത് തയ്യാറാക്കുന്ന ശിശുക്ഷേമത്തിന്റെ പട്ടികയിലും ഗുജറാത്ത് ഒൻപതാം സ്ഥാനത്ത് തന്നെ. ദാരിദ്ര്യത്തിന്റെ അളവായ മൾട്ടി ഡയമെൻഷനൽ പോവർട്ടി ഇൻഡെക്സ് (എം. പി. ഐ.) യുടെ കാര്യത്തിലും ഗുജറാത്ത് മുൻപിൽ തന്നെ. ഇവിടെയും 9ആം സ്ഥാനം ഗുജറാത്തിന് തന്നെ സ്വന്തം. പ്രതിശീർഷ ഉപഭോഗം, അരോഗ്യം, വിദ്യഭ്യാസം, വീട്ട് സൌകര്യങ്ങൾ, നഗരവൽക്കരണം, വാർത്താ വിനിമയം എന്നിങ്ങനെ അനേകം സൂചകങ്ങളുടെ അടിസ്ഥാനത്തിൽ രഘുറാം രാജൻ സമിതി ഏർപ്പെടുത്തിയ സമഗ്ര വികസന അളവ്കോൽ അനുസരിച്ചും ഗുജറാത്ത് തങ്ങളുടെ ഒൻപതാം സ്ഥാനം ഭദ്രമാക്കിയിട്ടുണ്ട്. എന്നാൽ പ്രതിശീർഷ ചിലവിന്റെ അടിസ്ഥാനത്തിൽ പ്ലാനിംഗ് കമ്മീഷൻ ഏർപ്പെടുത്തിയ ദാരിദ്ര്യ പട്ടികയിൽ ഗുജറാത്ത് 10ആം സ്ഥാനം ആണ് അലങ്കരിക്കുന്നത്. ഇതിലും രസകരം നേരത്തെ പറഞ്ഞ സമഗ്ര വികസന ലക്ഷ്യങ്ങൾ കൈവരിക്കുന്നതിലുള്ള പ്രവർത്തനക്ഷമത അളക്കുന്ന പെർഫോമൻസ് ഇൻഡക്സിന്റെ കാര്യത്തിലാണ്. ഇതിൽ പന്ത്രണ്ടാം സ്ഥാനത്താണ് ഗുജറാത്ത്.

എങ്ങനെ നോക്കിയാലും പിന്നോക്കമായ ഒരു സംസ്ഥാനത്തിന്റെ വികസനമാണ് മാതൃകയായി ഉയർത്തി കാണിക്കപ്പെടുന്നത് എങ്കിൽ തീർച്ചയായും ഇതിന് സമാനമാണ് ഹരിയാനയും കർണ്ണാടകവും എല്ലാം. മുൻപ് പറഞ്ഞ എല്ലാ കണക്കുകളിലും മഹാരാഷ്ട്ര ഗുജറാത്തിനേക്കാൾ മുൻപിലാണ് എന്നതും ചൂണ്ടിക്കാണിക്കപ്പെടേണ്ടതാണ്.

വികസന സൂചകങ്ങളുടെ കാര്യത്തിൽ ഏറ്റവും മുൻപന്തിയിലാണ് കേരളവും തമിഴ്നാടും. മറ്റ് സംസ്ഥാനങ്ങളെ അപേക്ഷിച്ച് ഇത്തരം നേട്ടങ്ങൾ കൈവരിക്കുന്നതിൽ കേരളവും തമിഴ്നാടും കാണിക്കുന്ന വേഗതയും അദ്ഭുതാവഹമാണ് എന്ന് കണക്കുകൾ സൂചിപ്പിക്കുന്നു.

പിന്നെ എന്താണീ ഗുജറാത്ത് മോഡൽ?

നരേന്ദ്ര മോഡിക്ക് ജനങ്ങളെ അശയക്കുഴപ്പത്തിൽ ആക്കുവാനുള്ള കഴിവ് തീർച്ചയായും ഇവിടെ പ്രസക്തമാണ്. എന്നാൽ ഇതിനേക്കാൾ ഒക്കെ അധികമായി ഇന്ത്യയെ കുറിച്ചുള്ള സാമാന്യ ബോധമാണ് ഇത്തരമൊരു പരിവേഷം ഗുജറാത്തിന് നൽകാൻ സഹായകരമാവുന്നത് എന്ന് ഷോൺ ദ്രേസ പറയുന്നു. ബീഹാർ, മദ്ധ്യപ്രദേശ്, രാജസ്ഥാൻ, ഉത്തർ പ്രദേശ് എന്നീ വൻ കിട സംസ്ഥാനങ്ങളിലെ പിന്നോക്ക അവസ്ഥയാണ് നമ്മുടെ മനസ്സിലെ ഉത്തരേന്ത്യ. ഈ സംസ്ഥാനങ്ങളുമായി താരതമ്യം ചെയ്യുമ്പോഴാണ് ഗുജറാത്തിന് മെച്ചെപ്പെട്ട ഒരു നില കൈവരുന്നത്. എന്നാൽ മറ്റ് അനേകം സംസ്ഥാനങ്ങൾ ഗുജറാത്തിനേക്കാൾ മുൻപിലാണ് എന്നത് വിസ്മരിക്കപ്പെടുകയും ചെയ്യുന്നു. ഇതാണ് ഗുജറാത്ത് മോഡൽ.

- ജെ.എസ്.

വായിക്കുക: ,

Comments Off on ഗുജറാത്ത് മോഡൽ എങ്കിൽ കേരളം സൂപ്പർ മോഡൽ

Page 79 of 83« First...102030...7778798081...Last »

« Previous Page« Previous « ദുബായ് വാഹനാപകടത്തിൽ 15 പേർ കൊല്ലപ്പെട്ടു
Next »Next Page » ‘ഇമ’ ഭാരവാഹികള്‍ »



മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha