കൊച്ചി : ട്രാന്സ് ജെന്ഡര് ദമ്പതികൾക്ക് ജനിച്ച കുട്ടിയുടെ ജനന സര്ട്ടിഫിക്കറ്റില് അച്ഛന്, അമ്മ എന്നതിനു പകരം രക്ഷിതാക്കള് എന്നു മാത്രം രേഖപ്പെടുത്തുക എന്ന് കേരള ഹൈക്കോടതി.
രക്ഷിതാവ് എന്ന് രേഖപ്പെടുത്താന് പുതിയ കോളം ഉൾപ്പെടുത്തണം എന്നും കോടതി ഉത്തരവ്. രക്ഷിതാക്കളുടെ ലിംഗ സ്വത്വം സർട്ടിഫിക്കറ്റിൽ രേഖപ്പെടുത്തരുത് എന്നും ഹൈക്കോടതി ഉത്തരവ്.
കോഴിക്കോട് സ്വദേശികളായ ട്രാന്സ് ജെന്ഡര് ദമ്പതികളുടെ ഹരജിയിലാണ് ഉത്തരവ്. ഈ ആവശ്യം ഉന്നയിച്ച് ദമ്പതികള് നേരത്തെ കോർപ്പറേഷന് പരാതി നല്കിയിരുന്നു.
എന്നാല് നിലവിലെ നിയമം അനുസരിച്ച് ജനന സര്ട്ടിഫിക്കറ്റില് അച്ഛനും അമ്മയും എന്ന് മാത്രമേ രേഖപ്പെടുത്താന് സാധിക്കുകയുള്ളൂ എന്ന് അറിയിപ്പുണ്ടായി. തുടർന്ന് കുട്ടിയുടെ രക്ഷിതാക്കള് ഹൈക്കോടതിയെ സമീപിക്കുകയായിരുന്നു.
ഉഭയ ലിംഗത്തിന് സുപ്രീം കോടതിയുടെ അംഗീകാരം
ട്രാന്സ്ജെന്ഡര് വിദ്യാര്ത്ഥികള്ക്ക് അധികസീറ്റ് അനുവദിച്ചു
ലിംഗ മാറ്റ ശസ്ത്ര ക്രിയക്ക് രണ്ടു ലക്ഷം രൂപ സംസ്ഥാന സർക്കാർ നൽകും
