 |
 |
 |
 |
 |
 |
 |
 |
 |
 |
 |
 |
 |
 |
അൽഐൻ : ഇന്ത്യൻ സോഷ്യൽ സെന്‍ററിൽ എല്ലാ ശനിയാഴ്ചകളിലും ഉച്ചക്ക് 2 മണി മുതൽ 5 മണി വരെ നടന്നു വന്നിരുന്ന ഇന്ത്യൻ എംബസ്സി സേവനങ്ങൾ അടുത്ത ആഴ്ച മുതല്‍ ഞായറാഴ്ചകളില്‍ ഉച്ചക്ക് 12 മണി മുതൽ 3 മണി വരെ ആയിരിക്കും പ്രവർത്തിക്കുക എന്ന് അൽ ഐൻ ഐ. എസ്. സി. ഭാരവാഹികള്‍ അറിയിച്ചു. യു. എ. ഇ. യിലെ വാരാന്ത്യ അവധി വെള്ളിയാഴ്ച യില്‍ നിന്നും ഞായറാഴ്ചയാക്കി മാറ്റിയതിനെ തുടര്‍ന്നാണ് ഇത്.
- pma
വായിക്കുക: alain, ഇന്ത്യന്‍ കോണ്സുലേറ്റ്, പൂര്‍വ വിദ്യാര്‍ത്ഥി, പ്രവാസി, സംഘടന, സാമൂഹ്യ-സേവനം, സാംസ്കാരികം
അബുദാബി : നന്മ നിറഞ്ഞ പ്രവർത്തനങ്ങളിലൂടെ സമൂഹത്തിൽ മാറ്റങ്ങൾ സൃഷ്ടിച്ചവർക്കായി സയ്യിദ് ഹൈദരലി ശിഹാബ് തങ്ങളുടെ നാമത്തിൽ അബുദാബി കെ. എം. സി. സി. പ്രഖ്യാപിച്ച ‘ഇൻസൈറ്റ് അവാർഡ്’ സാമൂഹ്യ പ്രവര്‍ത്തക കെ. വി. റാബിയക്കു സമ്മാനിക്കും.
അസുഖങ്ങളോടും മറ്റു ശാരീരിക ബുദ്ധിമുട്ടുകളോടും പൊരുതി ജീവിതം മുന്നോട്ടു കൊണ്ടു പോകുമ്പോഴും ഒരല്പം പോലും വിശ്രമിക്കാതെ മറ്റുള്ളവര്‍ക്കു പ്രചോദനം നല്‍കി കൊണ്ട് തന്‍റെ സാമൂഹിക പ്രവർത്തനങ്ങളിൽ സജീവമാണ് കെ. വി. റാബിയ. പ്രതിസന്ധികൾ വിധിയായ് കരുതി ജീവിതം തീർക്കുന്നവർക്ക് റാബിയ നൽകുന്നതു വലിയ പ്രചോദനമാണ്. അവരുടെ സാമൂഹ്യ പ്രവർത്തനങ്ങളെ മുൻ നിർത്തി രാജ്യം പത്മശ്രീ നൽകി ആദരിച്ചിരുന്നു.
അടുത്ത ദിവസം തന്നെ റാബിയയുടെ തിരൂരങ്ങാടി വെള്ളിനക്കാട് വീട്ടിൽ നടക്കുന്ന ചടങ്ങിൽ വെച്ച് അവാർഡ് സമ്മാനിക്കും എന്നു ഭാരവാഹികള്‍ അറിയിച്ചു. ഒരു ലക്ഷം രൂപയും പ്രശസ്തി പത്രവുമാണ് ഹൈദരലി ശിഹാബ് തങ്ങൾ ഇൻസൈറ്റ് അവാർഡ്.
- pma
വായിക്കുക: കെ.എം.സി.സി., കേരള സാംസ്കാരിക വ്യക്തിത്വം, ജീവകാരുണ്യം, ബഹുമതി, സാമൂഹ്യ-സേവനം
അബുദാബി : മുസ്ലിംലീഗ് നേതാവ് യു. വി. മൊയ്തു ഹാജിയുടെ സ്മരണാര്‍ത്ഥം അബുദാബി കാഞ്ഞങ്ങാട് മണ്ഡലം കെ. എം. സി. സി. ഏര്‍പ്പെടുത്തിയ പ്രഥമ യു. വി. മൊയ്തു ഹാജി സ്മാരക അവാര്‍ഡിന് കെ. എം. സി. സി. പ്രവര്‍ത്തകൻ കാഞ്ഞങ്ങാട്ടെ ഇൽയാസ് ബല്ല അർഹനായി.
കൊവിഡ് കാലത്തും അതിന് മുമ്പും ശേഷവും യു. എ. ഇ. യില്‍ നടത്തിയ സാമുഹ്യ പ്രവര്‍ത്തനങ്ങള്‍ പരിഗണിച്ചു കൊണ്ടാണ് ഇൽയാസ് ബല്ല അവാര്‍ഡിന് അർഹനായത്.
പി. കെ. അഹമ്മദ്, അബ്ദുൾ റഹിമാൻ ഹാജി, കെ. കെ. സുബൈർ, റിയാസ്‌ സി ഇട്ടമ്മൽ, റാഷിദ് എടത്തോട് എന്നിവർ ഉൾപ്പെട്ട കമ്മിറ്റിയാണ് അവാര്‍ഡിനായി ഇൽയാ സിനെ തെരഞ്ഞെടുത്തത്. കാഞ്ഞങ്ങാട് വെച്ച് നടക്കുന്ന ചടങ്ങിൽ അവാർഡ് തുകയായ ഒരു ലക്ഷം രൂപയും പ്രശസ്തി പത്രവും ഇൽയാസിന് സമ്മാനിക്കും.
ബല്ലാ കടപ്പുറത്തെ റംസാൻ ഹാജിയുടെയും റുഖിയ ഹജ്ജുമ്മ യുടെയും മകനാണ് ഇൽയാസ് ബല്ല. റംസീനയാണ് ഭാര്യ. മുഹമ്മദ് ഇഖ്റം, ഫാത്തിമത്ത് ജുമൈല, മുഹമ്മദ് ബിസ്ഹർ എന്നിവർ മക്കളാണ്.
- pma
വായിക്കുക: കെ.എം.സി.സി., പൂര്‍വ വിദ്യാര്‍ത്ഥി, പ്രവാസി, ബഹുമതി, സംഘടന, സാമൂഹ്യ-സേവനം, സാംസ്കാരികം
അബുദാബി : ഉക്രൈന്‍ അഭയാര്‍ത്ഥികള്‍ക്ക് പ്രത്യേക പദ്ധതി പ്രഖ്യാപിച്ച് വി. പി. എസ്. ഹെല്‍ത്ത് കെയര്‍ ചെയര്‍മാന്‍ ഡോ. ഷംഷീര്‍ വയലില്‍. അര്‍ബുദ രോഗ ബാധിതരായ 50 കുട്ടികളുടെ മൂലകോശം മാറ്റി വെക്കുന്നതിന് സഹായം നല്‍കും.
യുദ്ധ ബാധിതരെ സഹായിക്കുക എന്നത് ധാര്‍മിക ഉത്തരവാദിത്വമായി ഏറ്റെടുക്കുകയാണ്. യുദ്ധ ബാധിത മേഖല യില്‍ സുശക്തമായ തല മുറയെ സൃഷ്ടിക്കുക എന്ന ലക്ഷ്യത്തോടെയാണ് നീക്കം. കാന്‍സര്‍ ചികിത്സക്ക് വിധേയരാകുന്ന കുട്ടികള്‍ ഉള്‍പ്പെടെ ഉള്ളവരെയാണ് യുദ്ധം ഏറ്റവും ദൗര്‍ഭാഗ്യകരമായി ബാധിച്ചത്. നിരവധി പേരെ ചികിത്സക്കായി മാറ്റിക്കഴിഞ്ഞു. ബുര്‍ജീല്‍ ഹോള്‍ഡിംഗ്സ് അവര്‍ക്ക് ആവശ്യമുള്ള ചികില്‍സ നല്‍കും.’ ഡോ. ഷംഷീര്‍ അറിയിച്ചു. ദാവൂസില്‍ നടന്ന ലോക സാമ്പത്തിക ഫോറം വാര്‍ഷിക യോഗത്തില്‍ വെച്ചായിരുന്നു ഡോ. ഷംഷീറിന്‍റെ ഈ നിര്‍ണ്ണായക പ്രഖ്യാപനം. യുദ്ധ മേഖലയിലെ അര്‍ബുദ രോഗ ബാധിതരായ കുട്ടികള്‍ക്ക് ചികിത്സ ലഭിക്കാത്തത് സംബന്ധിച്ച നിരവധി റിപ്പോര്‍ട്ടുകള്‍ വന്നതിന്‍റെ അടിസ്ഥാനത്തിലാണ് ഈ പ്രഖ്യാപനം.
രാഷ്ട്ര പിതാവ് ശൈഖ് സായിദ് ബിന്‍ സുല്‍ത്താന്‍ അല്‍ നഹ്യാനോടുള്ള ആദരവായി 100 സൗജന്യ ഹൃദയ ശസ്ത്ര ക്രിയകള്‍, യെമന്‍ യുദ്ധത്തില്‍ പരിക്കേറ്റവര്‍ക്ക് 2018 ല്‍ യു. എ. ഇ. സര്‍ക്കാറിന്‍റെ സഹായത്തോടെ ഇന്ത്യയില്‍ ചികിത്സ ഒരുക്കിയത് അടക്കം കഴിഞ്ഞ 15 വര്‍ഷ ത്തി നിടെ ഡോ. ഷംഷീര്‍ വയലിലും വി. പി. എസ്. ഹെല്‍ത്ത് കെയറും നിരവധി സാമൂഹിക സേവന പ്രവര്‍ത്തന ങ്ങളുടെ ഭാഗമായിട്ടുണ്ട്.
- pma
വായിക്കുക: vps-burjeel, ആരോഗ്യം, കുട്ടികള്‍, ജീവകാരുണ്യം, വ്യവസായം, സാമൂഹ്യ-സേവനം, സാമ്പത്തികം
അബുദാബി : വടകര എൻ. ആർ. ഐ. ഫോറം അബുദാബി ചാപ്റ്റർ, 2022-23 വർഷത്തേക്കുള്ള ഭാര വാഹികളെ തെരഞ്ഞെടുത്തു. അബ്ദുൽ ബാസിത് കായക്കണ്ടി (പ്രസിഡണ്ട്), സുരേഷ് കുമാർ ടി. കെ. (ജനറൽ സെക്രട്ടറി), മുഹമ്മദ് സക്കീർ പി. കെ. വി. (ട്രഷറർ) എന്നിവരാണ് പ്രധാന ഭാരവാഹികള്‍.
മുകുന്ദൻ ടി, ജാഫർ തങ്ങൾ നാദാപുരം (വൈസ് പ്രസിഡണ്ടുമാർ), ഷാനവാസ്. എ. കെ, സന്ദീപ് ടി. കെ, സുനിൽ മാഹി, രാജേഷ് എൻ. ആർ. (സെക്രട്ടറിമാർ), നിഖിൽ കാർത്തികപ്പള്ളി (അസിസ്റ്റൻറ് ട്രഷറർ), ജയ കൃഷ്‌ണൻ (ഓഡിറ്റർ) എന്നിവരാണ് മറ്റു ഭാരവാഹികള്‍.
ഇബ്രാഹിം ബഷീർ, രാജേഷ് മഠത്തിൽ മീത്തൽ, പവിത്രൻ. പി, യാസർ അറഫാത് കല്ലേരി, ഹാരിസ് കെ. പി, മനോജ് പറമ്പത്ത്, രാജീവൻ. കെ. പി, ശറഫുദ്ധീൻ കടമേരി, രജീദ് പന്തിൽ പറമ്പത്ത്, മുഹമ്മദ് അലി എന്നിവരാണ് കമ്മിറ്റി അംഗങ്ങള്‍.
അബുദാബി കേരളാ സോഷ്യൽ സെന്‍ററിൽ ചേർന്ന ജനറൽ ബോഡി യോഗത്തിൽ പ്രസിഡണ്ട് ഇന്ദ്ര തയ്യിൽ അദ്ധ്യക്ഷത വഹിച്ചു. എൻ. കുഞ്ഞമ്മദ്, ബാബു വടകര, രവീന്ദ്രൻ മാസ്റ്റർ, സി. വി. അഹ്‌മദ്‌, അബ്ദുൽ ബാസിത് കായക്കണ്ടി, യാസർ കല്ലേരി, തുടങ്ങിയവർ സംസാരിച്ചു. ജയ കൃഷ്‌ണൻ സ്വാഗതവും, സുരേഷ് കുമാർ നന്ദിയും പറഞ്ഞു.
ദീർഘ കാലത്തെ പ്രവാസ ജീവിതം അവസാനിപ്പിച്ചു നാട്ടിലേക്ക് മടങ്ങുന്ന മുതിർന്ന അംഗം ശശിധരൻ കല്ലൻ കണ്ടിക്ക് യാത്രയയപ്പ് നൽകി.
വടകര പാർലമെൻറ് പരിധിയിലും മാഹി പ്രദേശത്തും ഉള്ള പ്രവാസികളുടെ കൂട്ടായ്മ യായ വടകര എൻ. ആർ. ഐ. ഫോറം 2002 ല്‍ പ്രവർത്തനം ആരംഭിച്ചു. 2014 ൽ അബുദാബി ചാപ്റ്റർ രൂപീകരിച്ചു. ജനോപകാര പ്രദമായ പദ്ധതി കളും വേറിട്ട പരിപാടികളും കൊണ്ട് പ്രവാസ ലോകത്തും നാട്ടിലും ശ്രദ്ധേയമാണ് വടകര എൻ. ആർ. ഐ. ഫോറം.
മൂന്ന് തവണകളിലായി152 യുവതീ യുവാക്കളുടെ മംഗല്യ സാഫല്യം പദ്ധതി, പ്രവാസികൾക്ക് ഗൃഹാതുരത്വം പകർന്നു നൽകിയ വടകര മഹോത്സവം, കലാ കായിക മല്‍സരങ്ങള്‍ തുടങ്ങി നിരവധി പരിപാടികള്‍ക്ക് ഈ കൂട്ടായ്മ നേതൃത്വം നല്‍കി. മെമ്പർമാരുടെ ക്ഷേമ പ്രവർത്തന ങ്ങളിലും ഫോറം ശ്രദ്ധ ചെലുത്തി വരുന്നു.
വിവരങ്ങള്‍ക്ക് : 050 314 0534 (അബ്ദുല്‍ ബാസിത്).
- pma
വായിക്കുക: expat, nri, സംഘടന, സാമൂഹ്യ-സേവനം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
