സമൂഹത്തിലേക്ക് ഇറങ്ങി ആശയ വിനിമയം ശക്തമാക്കും

September 11th, 2022

new-logo-abudhabi-2013-ePathram
അബുദാബി : സമൂഹത്തിലെ എല്ലാ വിഭാഗം ജനങ്ങളു മായും ഇടപഴകുവാനും നേരിട്ടുള്ള ആശയ വിനിമയം വർദ്ധിപ്പിക്കുന്നതിനും വേണ്ടി അബുദാബി മുനിസിപ്പാലിറ്റി ആൻഡ് ട്രാൻസ്‌ പോർട്ട് വകുപ്പ് പുതിയ പദ്ധതി ആരംഭിച്ചു. താമസക്കാരുടെ ആവശ്യങ്ങൾ മനസ്സിലാക്കുവാനും ജനങ്ങളുടെ കാഴ്ചപ്പാടുകളും അഭിലാഷങ്ങളും അറിയുന്നതിനും വേണ്ടി എമിറേറ്റില്‍ ഉടനീളം ഔപചാരിക കൗൺസിലുകളും മജ്‌ലിസുകളും കമ്മ്യൂണിറ്റി ഫോറങ്ങളും സംഘടിപ്പിക്കും.

തുടക്കത്തില്‍ അബുദാബി നഗരത്തിലും പിന്നീട് അൽ ഐൻ, അൽ ദഫ്റ തുടങ്ങി എമിറേറ്റിലെ വിവിധ ഭാഗങ്ങളില്‍ ഉള്ള ജനങ്ങളിൽ നിന്നും ഉപഭോക്തൃ സേവന കേന്ദ്രങ്ങളിൽ നിന്നും അഭിപ്രായങ്ങളും വിവരങ്ങളും ശേഖരിക്കും. താമസക്കാരുടെ കാഴ്ച പ്പാടുകളും ആവശ്യങ്ങളും രേഖപ്പെടുത്തി വിശകലനം ചെയ്യും.

* AbuDhabi DMT Twitter

- pma

വായിക്കുക: , , , ,

Comments Off on സമൂഹത്തിലേക്ക് ഇറങ്ങി ആശയ വിനിമയം ശക്തമാക്കും

‘ആരോഗ്യകരമായ വേനൽ ക്കാലം’ കൂൾ ഡൗൺ ബൂത്തിലെ സേവനങ്ങൾ 20,000 പേർ ഉപയോഗിച്ചു

September 10th, 2022

industrial-workers-queue-cooling-center-in-llh-hospital-musaffah-ePathram
മുസഫ: ചുട്ടു പൊള്ളുന്ന വേനലിൽ പുറം ജോലികള്‍ ചെയ്യുന്നവര്‍ക്കും വ്യവസായിക തൊഴിലാളികൾക്കും ആശ്വാസം നല്‍കുവാനായി അബുദാബി മുസഫയിൽ ലൈഫ്‌ കെയർ ആശുപത്രിക്ക് സമീപം സ്ഥാപിച്ച കൂൾ ഡൗൺ ബൂത്തിലെ സേവനങ്ങൾ 20,000 ത്തില്‍ അധികം തൊഴിലാളികൾക്ക് ഉപകരിച്ചു.

അബുദാബി പോലീസും മുനിസിപ്പാലിറ്റിയും ലൈഫ്‌ കെയർ ആശുപത്രിയുടെ സഹകരണ ത്തോടെയാണ് ചൂടിൽ നിന്നും ആശ്വാസം തേടി എത്തുന്നവർക്കായി കൂൾ ഡൗൺ ബൂത്ത് സ്ഥാപിച്ചത്. മെഡിക്കൽ സേവന ങ്ങളും വേനൽക്കാലത്തെ ആരോഗ്യ പ്രശ്നങ്ങൾ പ്രതിരോധി ക്കുവാനുള്ള പാനീയങ്ങളും ബൂത്തിൽ നല്‍കിയിരുന്നു.‘ആരോഗ്യകരമായ വേനൽക്കാലം’ എന്ന പരിപാടിയുടെ ഭാഗമായാണ് ബുർജീൽ ഹോൾഡിംഗ്‌സിനു കീഴിലുള്ള ലൈഫ്‌ കെയർ ആശുപത്രി ആഗസ്റ്റ് ആദ്യം നൂതന സേവന വുമായി രംഗത്ത് എത്തിയത്.

പ്രത്യേകം സജ്ജീകരിച്ച കൂൾ ഡൗൺ ബൂത്തിൽ നഴ്‌സുമാര്‍ അടക്കമുള്ള പ്രത്യേക മെഡിക്കൽ സംഘം സേവന നിരതരായിരുന്നു. ഇവർ സന്ദർശകരുടെ ആരോഗ്യ സ്ഥിതി വിലയിരുത്തുകയും സൂര്യാഘാത ത്തിന്‍റെ ലക്ഷണ ങ്ങളുമായി എത്തുന്നവർക്ക് പ്രഥമ ശുശ്രൂഷ നൽകുകയും സൂര്യാഘാതം ഏറ്റതായി സംശയിക്കുന്നവരെ ആശുപത്രിയിലേക്ക് മാറ്റിയാണ് തുടർ ചികിത്സ നൽകി വരുന്നത്.

ചൂടിനെ നേരിടുന്നത് സംബന്ധിച്ച ബോധവൽക്കരണ പരിപാടികളും ബൂത്തിൽ സംഘടിപ്പിച്ചിരുന്നു. കൊടും ചൂടിൽ ജോലി ചെയ്യുന്ന വരെ സഹായിക്കുകയാണ് പരിപാടിയുടെ ലക്ഷ്യം എന്ന് ലൈഫ് കെയർ ഹോസ്പിറ്റൽ ഡെപ്യൂട്ടി മെഡിക്കൽ ഡയറക്ടർ ഡോ. രാകേഷ് ഗുപ്ത പറഞ്ഞു. സെപ്റ്റംബർ പകുതി വരെ കൂൾ ഡൗൺ ബൂത്തിന്‍റെ സൗകര്യങ്ങൾ തൊഴിലാളി കൾക്ക് പ്രയോജനപ്പെടുത്താം.

- pma

വായിക്കുക: , , , , , ,

Comments Off on ‘ആരോഗ്യകരമായ വേനൽ ക്കാലം’ കൂൾ ഡൗൺ ബൂത്തിലെ സേവനങ്ങൾ 20,000 പേർ ഉപയോഗിച്ചു

വടകര എൻ. ആർ. ഐ. ഫോറം രക്തദാനം സംഘടിപ്പിച്ചു

August 24th, 2022

vatakara-nri-forum-logo-ePathram
ദുബായ് : വടകര എൻ. ആർ. ഐ. ഫോറം ദുബായ് ചാപ്റ്റര്‍ ഇരുപതാം വാർഷിക ആഘോഷം ‘പ്രവാസോത്സവം-2022’ ൻ്റെ ഭാഗമായി ദുബായ് ലത്തീഫ ഹോസ്പിറ്റലില്‍ രക്ത ദാനം സംഘടിപ്പിച്ചു. യുവ നടി സുവൈബതുൽ അസ്ലമിയ ഉത്ഘാടനം ചെയ്തു. ഇരുനൂറോളം പ്രവർത്തകർ രക്തം ദാനം ചെയ്തു.

suvaibathul-aslamiya-blood-donation-vadakara-nri-dubai-ePathram

അഡ്വ. മുഹമ്മദ് സാജിദ് അദ്ധ്യക്ഷത വഹിച്ചു. ഡോ. ഹാരിസ്, ഇ. കെ. ദിനേശൻ, റഹീസ് പേരോട്, പുഷ്പജൻ, കെ. പി. ഭാസ്കരൻ തുടങ്ങിയവർ സംസാരിച്ചു. കൺവീനർ ഇഖ്ബാൽ ചെക്യാട് സ്വാഗതവും അനിൽ കീർത്തി നന്ദിയും പറഞ്ഞു. മൊയ്തു, പ്രേമാനന്ദൻ, എസ്. പി. മഹമൂദ്, അസീസ്, സുശി കുമാർ, രജീഷ്, സലാം, ജിജു, മുഹമ്മദ് ഏറാമല, ഷാജി, ബഷീർ, രാജേഷ്, നൗഫൽ എന്നിവർ നേതൃത്വം നൽകി.

- pma

വായിക്കുക: , , , , , ,

Comments Off on വടകര എൻ. ആർ. ഐ. ഫോറം രക്തദാനം സംഘടിപ്പിച്ചു

ഇന്ത്യന്‍ എംബസ്സിയുടെ ഓപ്പണ്‍ ഹൗസ് വീണ്ടും

August 18th, 2022

abudhabi-indian-embassy-logo-ePathram
അബുദാബി : യു. എ. ഇ. യിലെ ഇന്ത്യന്‍ എംബസ്സി ഓപ്പണ്‍ ഹൗസ് വീണ്ടും തുടങ്ങുന്നു. കൊവിഡ് വ്യാപനത്തെ തുടര്‍ന്ന് കഴിഞ്ഞ രണ്ടു വര്‍ഷമായി നിറുത്തി വെച്ചിരുന്നതാണ് ഓപ്പണ്‍ ഹൗസ് സര്‍വ്വീസ്.

ഇതിന്‍റെ ആദ്യ സേവനം 2022 ആഗസ്റ്റ് 21 ഞായറാഴ്ച രാവിലെ 10 മണി മുതല്‍ 4 മണി വരെ റുവൈസ് യാസ് സോഷ്യല്‍ സെന്‍ററിലെ ലെക്ചര്‍ ഹാളില്‍ (ന്യൂ റിക്രിയേഷന്‍ സെന്‍റര്‍ എക്സ്റ്റന്‍ഷന്‍) നടക്കും. റുവൈസിലും പരിസരങ്ങളിലും ഉള്ളവര്‍ ഈ സൗകര്യം പരമാവധി പ്രയോജനപ്പെടുത്തണം.

ഓപ്പണ്‍ ഹൗസുകളില്‍ പങ്കെടുക്കുന്നവര്‍ അല്‍ ഹൊസന്‍ ആപ്പില്‍ ഗ്രീന്‍ സ്റ്റാറ്റസ് കാണിക്കണം. പ്രവാസി ഇന്ത്യ ക്കാര്‍ക്ക് ഏറ്റവും വേഗതയില്‍ സേവനം ഉറപ്പു വരുത്തുന്നതിനാണ് എംബസ്സി ഓപ്പണ്‍ ഹൗസും കോണ്‍സുലാര്‍ സേവനവും ഒരുക്കുന്നത്.

പാസ്സ് പോര്‍ട്ട്, വിസ, അറ്റസ്റ്റേഷന്‍ മാര്‍ഗ്ഗ നിര്‍ദ്ദേശങ്ങള്‍, അപേക്ഷക്കുള്ള നടപടി ക്രമങ്ങള്‍ എന്നിവയെ ക്കുറിച്ചുള്ള കൂടുതല്‍ വിവരങ്ങള്‍ക്ക് ഇന്ത്യന്‍ എംബസ്സിയുടെ വെബ് സൈറ്റ് സന്ദര്‍ശിക്കണം.

- pma

വായിക്കുക: , , ,

Comments Off on ഇന്ത്യന്‍ എംബസ്സിയുടെ ഓപ്പണ്‍ ഹൗസ് വീണ്ടും

പ്രവാസോത്സവം : വടകര എൻ. ആർ. ഐ. ഫോറം രക്ത ദാന ക്യാമ്പ്

August 17th, 2022

blood-donation-save-a-life-give-blood-ePathram
ദുബായ് : ഇരുപതാം വാർഷികം ആഘോഷിക്കുന്ന വടകര എൻ. ആർ. ഐ. ഫോറം ദുബായ് ചാപ്റ്റര്‍ പ്രവാസോത്സവം 2022 ൻ്റെ ഭാഗമായി രക്ത ദാനം സംഘടിപ്പിക്കുന്നു.

ആഗസ്റ്റ് 21 ഞായർ രാവിലെ 9 മണി മുതൽ 5 മണി വരെ ദുബായ് ലത്തീഫ ഹോസ്പിറ്റലില്‍ ഒരുക്കുന്ന രക്ത ദാന ക്യാമ്പിലേക്ക് എത്തി രക്തം ദാനം ചെയ്യാൻ താല്‍പ്പര്യം ഉള്ളവര്‍ ഇതോടൊപ്പം നല്‍കിയ ഫോണ്‍ നമ്പറുകളിൽ ബന്ധപ്പെടണം. 055 898 6329 (ഇഖ്ബാല്‍ ചെക്യാട്), 050 749 9454 (അനില്‍ കീര്‍ത്തി), 052 100 8819 (റയീസ് പേരോട്).

ദുബായ് ജദ്ദാഫ് മെട്രോ സ്റ്റേഷനിൽ എത്തിയാല്‍ ലത്തീഫ ഹോസ്പിറ്റലിലെ ക്യാമ്പിലേക്ക് വാഹന സൗകര്യം ഉണ്ടായിരിക്കും എന്ന് സംഘടകർ അറിയിച്ചു.

- pma

വായിക്കുക: , , ,

Comments Off on പ്രവാസോത്സവം : വടകര എൻ. ആർ. ഐ. ഫോറം രക്ത ദാന ക്യാമ്പ്

Page 23 of 71« First...10...2122232425...304050...Last »

« Previous Page« Previous « മാൾ മില്യണയർ നറുക്കെടുപ്പിൽ തമിഴ്നാട് സ്വദേശിക്ക് ഒരു മില്ല്യണ്‍ ദിർഹം സമ്മാനം
Next »Next Page » മാർത്തോമാ യുവ ജന സഖ്യം സ്വാതന്ത്ര്യ ദിനാഘോഷം ശ്രദ്ധേയമായി »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha