അബുദാബി : കേരള സോഷ്യൽ സെൻ്റർ സംഘടിപ്പിക്കുന്ന 24-ആമത് ജിമ്മി ജോർജ്ജ് മെമ്മോറിയൽ അന്താരാഷ്ട്ര റമദാൻ വോളി ബോൾ ടൂർണ്ണ മെൻ്റ് 2024 മാർച്ച് 27 മുതൽ 31 വരെ അബുദാബി എയർ പോർട്ട് റോഡിൽ എമിഗ്രേഷൻ ബ്രിഡ്ജിനു സമീപം ലിവ ഇൻ്റർ നാഷണൽ സ്കൂൾ ഗ്രൗണ്ടിൽ വെച്ച് നടക്കും എന്ന് ഭാരവാഹികൾ അറിയിച്ചു.
വിവിധ രാജ്യങ്ങളിൽ നിന്നുള്ള അന്താരാഷ്ട്ര താരങ്ങൾ അണി നിരക്കുന്ന മത്സരത്തിൽ ആറോളം ടീമുകൾ പങ്കെടുക്കും.
ബുർജീൽ ഹോൾഡിംഗ്സിൻ്റെ എൽ. എൽ. എച്ച്. ഹോസ്പിറ്റൽ ഗ്രൂപ്പുമായി സഹകരിച്ചു കൊണ്ടാണ് കെ. എസ്. സി.- ജിമ്മി ജോർജ്ജ് മെമ്മോറിയൽ വോളി ബോൾ ടൂർണ്ണ മെൻ്റ് സംഘടിപ്പിക്കുന്നത്.
എല്ലാ ദിവസവും രാത്രി എട്ടു മണിക്ക് മത്സരങ്ങൾ ആരംഭിക്കും. പ്രവേശനം സൗജന്യം ആയിരിക്കും. FB PAGE
