അബുദാബി : അകാലത്തില്‍ അന്തരിച്ച പൊതു പ്രവര്‍ത്തകന്‍ എം. എം. നാസ്സറിന്‍റെ (നാസര്‍ കാഞ്ഞങ്ങാട്) സ്മരണാര്‍ത്ഥം അബുദാബി ഇന്ത്യന്‍ ഇസ്ലാമിക് സെന്‍ററില്‍ 2022 ജൂലായ് 17 ഞായറാഴ്ച കബഡി മല്‍സരം നടത്തും എന്നു സംഘാടകര്‍ അറിയിച്ചു. മഞ്ചേശ്വരം മണ്ഡലം കെ. എം. സി. സി. യും ബ്രദേഴ്സ് കന്തൽ യു. എ. ഇ. യും സംയുക്തമായി ഒരുക്കുന്ന എം. എം. നാസർ മെമ്മോറിയൽ കബഡി ചാമ്പ്യൻ ഷിപ്പ് ബ്രോഷർ പ്രകാശനം ഇസ്ലാമിക് സെന്റര് ജനറൽ സെക്രട്ടറി ടി. കെ. അബ്ദുൽ സലാം, സി. എച്ച്. അസ്‌ലം കാഞ്ഞങ്ങാട് എന്നിവര്‍ ചേര്‍ന്നു നിര്‍വ്വഹിച്ചു.
എം. എം. നാസർ മെമ്മോറിയൽ കബഡി ചാമ്പ്യൻ ഷിപ്പ് ലോഗോ പ്രകാശനം
കബഡി മല്‍സരം സംബന്ധിച്ച കാര്യങ്ങൾ മുജീബ് മൊഗ്രാൽ വിശദീകരിച്ചു. പ്രഗത്ഭരായ പതിനാല് ടീമുകൾ പങ്കെടുക്കും.
സംസ്ഥാന കെ. എം. സി. സി. ട്രഷറർ പി കെ അഹമ്മദ് ബല്ലാകടപ്പുറം, ജില്ലാ കെ. എം. സി. സി. പ്രസിഡണ്ട് അബ്ദുൽ റഹിമാൻ പൊവ്വൽ, ജനറൽ സെക്രട്ടറി ഹനീഫ് പടിഞ്ഞാർമൂല, ട്രഷറർ അബ്ദുൽ റഹിമാൻ ഹാജി, മണ്ഡലം പ്രസിഡണ്ട് ഉമ്പു ഹാജി പെർള, മണ്ഡലം ജനറൽ സെക്രട്ടറി ഇസ്മായിൽ മുഗളി, കെ. കെ. സുബൈർ കാഞ്ഞങ്ങാട്, മൊയ്‌തീൻ ബല്ലാ കടപ്പുറം, അസീസ് കന്തൽ, റസാക്ക് നൽക്ക, ഹമീദ് മാസ്സിമ്മാർ, റംഷാദ് കന്തൽ, അബ്ദുൽ ലത്തീഫ് അക്കര, ഹുസ്സൈൻ കാദർ ആരിക്കാടി, ഷബീർ കാഞ്ഞങ്ങാട്, സി. എച്ച്. അബ്ദുൽ സലാം തുടങ്ങിയവർ സംബന്ധിച്ചു.
