 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : പുതുവത്സരം പ്രമാണിച്ച് 2022 ജനുവരി 1 ശനിയാഴ്ച, യു. എ. ഇ. യിലെ എല്ലാ മന്ത്രാലയങ്ങൾക്കും ഫെഡറൽ സ്ഥാപനങ്ങൾക്കും അതോടൊപ്പം സ്വകാര്യ മേഖലയിലെ ജീവനക്കാര്‍ക്കും ശമ്പളത്തോടെയുള്ള അവധി ആയിരിക്കും.
സര്‍ക്കാര്‍ മേഖലയിലെ പുതിയ വാരാന്ത്യ അവധി സമ്പ്രദായത്തെ അടിസ്ഥാനമാക്കിയാണ് പുതു വത്സര അവധി പ്രഖ്യാപിച്ചിരിക്കുന്നത്.
രാജ്യത്തെ എല്ലാ മന്ത്രാലയങ്ങള്‍ക്കും ഫെഡറല്‍ സ്ഥാപനങ്ങള്‍ക്കും അവധി ബാധകമാണ്. വാരാന്ത്യ അവധി കൂടി കഴിഞ്ഞ് മന്ത്രാലയ ങ്ങളുടെ അടുത്ത പ്രവൃത്തി ദിനം ജനുവരി 3 തിങ്കളാഴ്ച ആയിരിക്കും.
- pma
അബുദാബി : ഇതുവരെ കൊവിഡ് വാക്സിന്‍റെ ബൂസ്റ്റര്‍ ഡോസ് സ്വീകരിക്കാത്ത 18 വയസ്സു കഴിഞ്ഞവര്‍ എത്രയും വേഗം ബൂസ്റ്റര്‍ ഡോസ് എടുക്കണം എന്ന് യു. എ. ഇ. ദേശീയ അടിയന്തര ദുരന്ത നിവാരണ അഥോറിറ്റി (NCEMA) അറിയിച്ചു.
രണ്ടാം ഡോസ് കുത്തിവെപ്പ് എടുത്ത് ആറു മാസം പൂര്‍ത്തി ആക്കിയവര്‍ക്ക് ബൂസ്റ്റര്‍ ഡോസ് ലഭ്യമാണ്. ഇവര്‍ക്ക് തൊട്ടടുത്തുള്ള വാക്‌സിനേഷന്‍ സെന്‍ററുകളില്‍ നിന്ന് കുത്തിവെപ്പ് ലഭ്യമാണ് എന്നും അധികൃതര്‍ ഓര്‍മ്മിപ്പിച്ചു.
രോഗ ബാധ ഒഴിവാക്കുന്നതിനൊപ്പം രോഗ ബാധിതരില്‍ ഗുരുതര ആരോഗ്യ പ്രശ്‌നങ്ങള്‍ ചെറുക്കുന്നതിനും ബൂസ്റ്റര്‍ ഡോസ് ഏറെ സഹായകമാണ്. മാത്രമല്ല കൊവിഡ് വൈറസ് വക ഭേദങ്ങളെ ചെറുക്കുന്നതില്‍ ബൂസ്റ്റര്‍ ഡോസ് ഫലപ്രദമാണ് എന്നും അധികൃതര്‍ ചൂണ്ടിക്കാട്ടി.
ബൂസ്റ്റര്‍ ഡോസ് എടുത്തവർക്ക് മാത്രമേ അൽ ഹൊസൻ ആപ്പിൽ ഗ്രീന്‍ പാസ്സ് ഉണ്ടാവുകയുള്ളൂ. പൊതു സ്ഥല ങ്ങളിലും സര്‍ക്കാര്‍ സ്ഥാപനങ്ങളിലും ആളുകള്‍ക്ക് പ്രവേശനത്തിന് അല്‍ ഹൊസന്‍ ഗ്രീന്‍ പാസ്സ് നിര്‍ബ്ബന്ധം ആക്കിയിട്ടുണ്ട്.
എല്ലാവരും കൊവിഡു മാനദണ്ഡങ്ങൾ പാലിക്കണം. വാക്സിനുകൾ സ്വീകരിക്കുക എന്നതിനു കൂടെ തന്നെ ശരിയായ രീതിയിൽ ഫെയ്‌സ് മാസ്കുകൾ ധരിക്കുക, കൈകൾ ഇപ്പോഴും ശുചിയാക്കുക, പൊതു സ്ഥല ങ്ങളിൽ സാമൂഹിക അകലം പാലിക്കുക തുടങ്ങിയ കാര്യങ്ങളിൽ വീഴ്ച വരുത്തരുത്.
കൊവിഡ് മഹാമാരിയിൽ നിന്നും രക്ഷനേടുന്നതിനായി സർക്കാരും ആരോഗ്യ പ്രവർത്തകരും വിവിധ വകുപ്പു കളും ചെയ്തുവരുന്ന പ്രവർത്തനങ്ങൾക്ക് പൊതു ജന ങ്ങളിൽ നിന്നുള്ള സഹകരണവും കൊവിഡ് നിയമങ്ങൾ പാലിക്കുന്നതിൽ അതീവ ജാഗ്രത വേണമെന്നും ഓർമ്മിപ്പിച്ചു. NCEMA UAE : Twitter
- pma
വായിക്കുക: covid-19, അബുദാബി, ആരോഗ്യം, ഇന്ത്യന്‍ കോണ്സുലേറ്റ്, നിയമം, പൂര്‍വ വിദ്യാര്‍ത്ഥി, യു.എ.ഇ.
ന്യൂഡൽഹി : വോട്ടർ പട്ടികയും ആധാറും തമ്മില്‍ ബന്ധിപ്പിക്കുവാനുള്ള തെരഞ്ഞെടുപ്പ് നിയമ ഭേദഗതി ബില്‍ രാജ്യസഭ പസ്സാക്കി. വ്യാജ വോട്ടു തടയുവാന്‍ ഇതു വഴി സാധിക്കും എന്നാണ് വിലയിരുത്തല്‍. ആധാര്‍ കാര്‍ഡുമായി വോട്ടർ പട്ടിക ലിങ്ക് ചെയ്യുവാന്‍ കേന്ദ്ര മന്ത്രി സഭ നേരത്തേ തീരുമാനിച്ചിരുന്നു.
വോട്ടര്‍ പട്ടികയിൽ പേരു ചേർക്കാൻ വർഷത്തിൽ 4 തവണ അവസരം നൽകുന്നത് ഉൾപ്പെടെ ജന പ്രാതി നിധ്യ നിയമത്തിന് തെരഞ്ഞെടുപ്പു കമ്മീഷൻ നിർദ്ദേശിച്ച ഏതാനും ഭേദഗതികൾ കൂടി അംഗീകരിച്ചിട്ടുണ്ട്.
ജനുവരി 1, ഏപ്രിൽ 1, ജൂലായ് 1, ഒക്ടോബർ 1 എന്നിങ്ങനെ കട്ട് ഓഫ് തീയ്യതികള്‍ വോട്ടർ പട്ടികയിൽ പേര്‍ ചേര്‍ക്കുന്നതിന്ന് അനുവദിക്കും.
സർവ്വീസ് വോട്ട് ചെയ്യുവാനുള്ള സൗകര്യത്തിന് നിലവിലുള്ള ആൺ – പെൺ വേർതിരിവ് ഒഴിവാക്കും. പകരം പങ്കാളി എന്ന പദം ഉപയോഗിക്കും. സർവ്വീസ് വോട്ട് ചെയ്യുവാൻ അവകാശം ഉള്ള ആളുടെ ഭാര്യക്കും സർവ്വീസ് വോട്ട് ചെയ്യുവാന്‍ നിലവിൽ അനുമതിയുണ്ട്. എന്നാല്‍ ഈ അവകാശം ഉള്ള സ്ത്രീയുടെ ഭര്‍ത്താവിന് സര്‍വ്വീസ് വോട്ട് ചെയ്യാന്‍ നിലവില്‍ അനുമതി ഇല്ല.
പങ്കാളി എന്നു ചേര്‍ക്കുന്നതോടെ ഭാര്യാ – ഭര്‍ത്താവ് വേര്‍ തിരിവ് ഇല്ലാതെ സർവ്വീസ് വോട്ട് ചെയ്യുവാൻ അവകാശം ലഭിക്കും.
- pma
വായിക്കുക: aadhaar, ഇന്ത്യന്‍ രാഷ്ട്രീയം, തിരഞ്ഞെടുപ്പ്, നിയമം, സാങ്കേതികം
അബുദാബി : യു. എ. ഇ. യിലെ കൊവിഡ് മാനദണ്ഡ ങ്ങളില്‍ പുതിയ പരിഷ്കാരങ്ങള്‍ വരുത്തുന്നു. 2022 ജനുവരി 3 മുതല്‍ എല്ലാ മന്ത്രാലയങ്ങളിലും ഫെഡറൽ സ്ഥാപനങ്ങളിലും പ്രവേശിക്കുമ്പോൾ അൽ ഹൊസൻ ആപ്പ് ‘ഗ്രീൻ പാസ്സ്’ സാധുത കര്‍ശ്ശനമാക്കും.
മന്ത്രാലയങ്ങളിലെ ജീവനക്കാർക്കും ഇവിടങ്ങളിലെ സേവനങ്ങൾ ആവശ്യമുള്ള പൊതു ജനങ്ങൾക്കും ഈ വ്യവസ്ഥ ബാധകമാണ്. നിലവിലെ കൊവിഡ് നിയമം അനുസരിച്ച് 14 ദിവസം കൂടുമ്പോഴുള്ള പി. സി. ആര്‍. നെഗറ്റീവ് ഫലം ലഭിക്കുന്നവര്‍ക്കാണ് അൽ ഹൊസൻ ആപ്പ് ഗ്രീൻ പാസ്സ് അപ്ഡേറ്റ് ആവുന്നത്.
യു. എ. ഇ. അംഗീകൃത കൊവിഡ് വാക്സിന്‍ രണ്ടാം ഡോസ് എടുത്ത് ആറു മാസം പൂര്‍ത്തി ആയാല്‍ ബൂസ്റ്റർ ഡോസ് എടുക്കണം എന്നാണ് നിലവിലെ വ്യവസ്ഥ. ഇപ്രകാരം ബൂസ്റ്റര്‍ ഡോസ് എടുത്തവർക്ക് മാത്രമേ പി. സി. ആർ. നെഗറ്റീവ് ഫലം ലഭിച്ചാൽ അൽ ഹൊസൻ ആപ്പിൽ 14 ദിവസത്തെ ഗ്രീന്‍ പാസ്സ് സാധുത ഉണ്ടാവുക. അല്ലാത്തവർക്ക് പി. സി. ആർ. നെഗറ്റീവ് ഫലം ലഭിച്ചാൽ ആപ്പിൽ നാലു ദിവസത്തെ ഗ്രീൻ പാസ്സ് സാധുത ലഭിക്കും.
പൊതുജന സുരക്ഷ ഉറപ്പു വരുത്തുക, പ്രതി ദിന കൊവിഡ് കേസുകളിലെ വർദ്ധന നിയന്ത്രിക്കുക എന്നീ ലക്ഷ്യങ്ങളോടെയാണ് ദേശീയ അത്യാഹിത ദുരന്ത നിവാരണ സമിതി (NCEMA) കൊവിഡ് മാനദണ്ഡങ്ങളില്‍ പുതിയ വ്യവസ്ഥകൾ ചേര്‍ത്തിരിക്കുന്നത്.
ഈ നിയമം പ്രാബല്ല്യത്തില്‍ വരുന്നതോടെ കൊവിഡ് വാക്സിന്‍ എടുക്കാത്തവര്‍ക്കും ഗ്രീൻ പാസ്സ് ഇല്ലാത്ത വർക്കും സർക്കാർ ഓഫീസുകളില്‍ പ്രവേശനം ലഭിക്കില്ല.
- pma
അബുദാബി : യു. എ. ഇ. യുടെ ഇതര ഭാഗങ്ങളില്‍ നിന്നും അബുദാബി യിലേക്ക് വരുന്ന ആളുകളെ ഇ. ഡി. ഇ. സ്കാൻ പരിശോധനക്ക് വിധേയമാക്കും എന്ന് അധികൃതര്‍ അറിയിച്ചു. കൊവിഡ് സുരക്ഷയെ മുന്‍ നിറുത്തിയാണ് 2021 ഡിസംബര്‍ 19 ഞായര്‍ മുതല്‍ അബുദാബി അതിര്‍ത്തികളിലെ എന്‍ട്രി പോയിന്‍റു കളില്‍ ഇ. ഡി. ഇ. സ്കാനിംഗ് ആരംഭിക്കുന്നത്.
വ്യക്തിഗത വിവരങ്ങള്‍ ശേഖരിക്കാതെ തന്നെ അതി വേഗത്തില്‍ കൊവിഡ് ബാധ കണ്ടെത്തുവാൻ കഴിയും എന്നതാണ് ഇ. ഡി. ഇ. സ്കാനറുകളുടെ പ്രത്യേകത. ഈ പരിശോധനയില്‍ പോസിറ്റീവ് ലക്ഷണങ്ങള്‍ ഉള്ളവരെ അവിടെ വെച്ചു തന്നെ അന്‍റിജന്‍ പരിശോധന നടത്തും. ഈ സൗജന്യ പരിശോധനാ ഫലം 20 മിനിറ്റിനുള്ളില്‍ ലഭ്യമാകും.
അന്‍റിജന്‍ പരിശോധനാ ഫലത്തിന്റെ അടിസ്ഥാനത്തിൽ തുടർ നടപടികൾ കൈക്കൊള്ളും. വൈറസ് ബാധ ഇല്ല എന്നു ഉറപ്പു വരുത്തിയ ശേഷമേ അബുദാബി യിലേക്ക് പ്രവേശനം അനുവദിക്കുകയുള്ളൂ.
കൊവിഡ് വ്യാപന നിരക്ക് 0.05 % ത്തിൽ നിന്ന് ഉയരാതെ നിയന്ത്രിച്ച് നിർത്തുക എന്ന ലക്ഷ്യം മുന്‍ നിറുത്തിയാണ് അതിര്‍ത്തികളില്‍ സ്കാനറുകള്‍ സ്ഥാപിക്കുന്നത്.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
