നിയമം « e പത്രം

യു. എ. ഇ. ഉപ പ്രധാന മന്ത്രിയായി ശൈഖ് മഖ്തൂം ബിൻ മുഹമ്മദ്

September 25th, 2021

ദുബായ് : യു. എ. ഇ. മന്ത്രിസഭ നവീകരിച്ചു. ശൈഖ് മഖ്തൂം ബിൻ മുഹമ്മദ് ബിൻ റാഷിദ് അൽ മഖ്തൂമിനെ ഉപ പ്രധാനമന്ത്രിയും ധനമന്ത്രിയുമായി നിയമിച്ചു. യു. എ. ഇ. വൈസ് പ്രസിഡണ്ടും പ്രധാന മന്ത്രിയും ദുബായ് ഭരണാധികാരി യുമായ ശൈഖ് മുഹമ്മദ് ബിൻ റാഷിദ് അൽ മഖ്തൂം അറിയിച്ചതാണ് ഇക്കാര്യം.

#MohammedbinRashid: We announce a new #UAE Cabinet formation. Sheikh Maktoum bin Mohammed bin Rashid Al Maktoum has been appointed Deputy Prime Minister and Minister of Finance.#WamNews pic.twitter.com/5axSKoZ0Yu

— WAM English (@WAMNEWS_ENG) September 25, 2021

ഫെഡറൽ സുപ്രീം കൗൺസിൽ കാര്യവകുപ്പ് മന്ത്രി യായി അബ്ദുല്ല ബിൻ മുഹൈർ അൽ കെത്ബി, ധനകാര്യ വകുപ്പ് സഹ മന്ത്രിയായി മുഹമ്മദ് ബിൻ ഹാദി അൽ ഹുസൈനി, മനുഷ്യ വിഭവ – സ്വദേശി വത്കരണ വകുപ്പു മന്ത്രിയായി ഡോ. അബ്ദുൽ റഹ്മാൻ അല്‍ അവാര്‍, നീതി ന്യായ വകുപ്പ് മന്ത്രിയായി അബ്ദുല്ലാ ബിൻ സുൽത്താൻ ബിൻ അവാദ് അൽ നുഐമി, കാലാവസ്ഥാ വ്യതിയാന- പരിസ്ഥിതി വകുപ്പു മന്ത്രി യായി മർയം അൽ മുഹൈരി തുടങ്ങിയവരെ നിയമിച്ചു.

- pma

വായിക്കുക: ദുബായ്‌, നിയമം, ബഹുമതി, യു.എ.ഇ.

Comments Off

ചില നിർദ്ദിഷ്ട സ്ഥലങ്ങളിൽ ഫേയ്സ് മാസ്ക് നിര്‍ബ്ബന്ധമില്ല

September 23rd, 2021

covid-19-strict-rules-in-uae-if-not-wearing-face-mask-3000-dhs-fine-ePathram
അബുദാബി : കൊവിഡ് മാനദണ്ഡങ്ങളില്‍ മാറ്റം വരുത്തി യു. എ. ഇ. ആരോഗ്യ മന്ത്രാലയം. രണ്ട് മീറ്റർ സുരക്ഷിതമായ ശാരീരിക അകലം പാലിക്കുമ്പോൾ ചില നിർദ്ദിഷ്ട സ്ഥലങ്ങളിൽ ഫേയ്സ് മാസ്ക് ധരിക്കേണ്ടതില്ല.

ഒരേ വീട്ടിൽ താമസിക്കുന്നവർക്കും ഒരേ കുടുംബത്തിലെ അംഗങ്ങള്‍ സ്വകാര്യ വാഹനങ്ങളിലെ യാത്രയിലും പൊതു സ്ഥലങ്ങളിൽ വ്യായാമം ചെയ്യുമ്പോഴും തുറന്ന കടൽ ത്തീരങ്ങളിലും നീന്തൽ ക്കുളങ്ങളിലും ഫേയ്സ് മാസ്ക് ധരിക്കല്‍ നിര്‍ബ്ബന്ധമില്ല.

യു. എ. ഇ. ആരോഗ്യ, പ്രതിരോധ മന്ത്രാലയവും (MoHAP) നാഷണൽ എമർജൻസി ക്രൈസിസ് ആൻഡ് ഡിസാസ്റ്റർ മാനേജ്‌ മെന്റ് അഥോറിറ്റിയും (NCEMA) അറിയിച്ചതാണ് ഇക്കാര്യം.

രാജ്യത്ത് കൊവിഡ് പോസിറ്റീവ് കേസുകളുടെ എണ്ണ ത്തിൽ ഗണ്യമായ കുറവ് ഉണ്ടായതിന്ന് ശേഷമാണ് ഈ തീരുമാനം.

#MoHAP, #NCEMA announce that it is not mandatory to wear #facemask in certain places while committing to keep a safe physical distance of two metres #WamNews pic.twitter.com/1fzI6WXrRO

— WAM English (@WAMNEWS_ENG) September 22, 2021

സലൂണുകളിലും ബ്യൂട്ടി സെന്ററുകളിലും മെഡിക്കൽ സെന്ററുകളിലും ക്ലിനിക്കുകളിലും ഫേയ്സ് മാസ്കു കള്‍ ധരിക്കേണ്ടതില്ല. എന്നാല്‍ ഓരോരുത്തരും രണ്ടു മീറ്റര്‍ അകലം പാലിച്ചിരിക്കണം.

വൈറസ് പടരുന്നത് തടയുവാനുള്ള ഏറ്റവും പ്രധാന മാർഗ്ഗങ്ങളില്‍ ഒന്നാണ് ഫേയ്സ് മാസ്ക്കുകള്‍ എന്ന് പഠന ങ്ങൾ സ്ഥിരീകരിച്ചു. നിർബ്ബന്ധമായും മാസ്കുകൾ ധരിക്കേണ്ടതായ സ്ഥലങ്ങളിൽ മാസ്ക് ധരിക്കാത്ത വർക്ക് പിഴ ചുമത്തും എന്നും അധികൃതര്‍ വീണ്ടും ഓര്‍മ്മിപ്പിച്ചു.

- pma

വായിക്കുക: covid-19, ആരോഗ്യം, ഗതാഗതം, തൊഴിലാളി, നിയമം, യു.എ.ഇ., സാമൂഹികം

Comments Off

ഫ്‌ളൂ – കൊവിഡ് വാക്‌സിനുകള്‍ തമ്മിൽ മൂന്ന് ആഴ്ച ഇടവേള വേണം

September 22nd, 2021

covid-vaccine-ePathram
അബുദാബി : കൊവിഡ് വാക്സിന്‍ കുത്തി വെപ്പു കഴിഞ്ഞ് മൂന്ന് ആഴ്ച കഴിഞ്ഞു മാത്രമേ ഫ്‌ളൂ വാക്സിന്‍ എടുക്കുവാന്‍ പാടുള്ളൂ എന്ന് ആരോഗ്യ വകുപ്പ്. രണ്ടു വാക്സിനു കള്‍ക്കും തമ്മില്‍ ഏറ്റവും കുറഞ്ഞത് 3 ആഴ്ചത്തെ ഇടവേള ഉണ്ടായിരിക്കണം. കാലാവസ്ഥാ വ്യതിയാനത്തില്‍ ബാധിക്കുന്ന ജല ദോഷം, പനി എന്നിവക്കു ഫ്‌ളൂ വാക്സിന്‍ എടുക്കുന്നവരാണ് എല്ലാവരും.

എന്നാല്‍ കൊവിഡ് വാക്സിന്‍ വളരെ അത്യാവശ്യം ആയതിനാല്‍ തന്നെ മൂന്നാഴ്ചത്തെ ഇടവേള കാത്തു സൂക്ഷിക്കണം. മാത്രമല്ല സാധാരണ ജലദോഷപ്പനി യുടേയും കൊവിഡ് പോസിറ്റീവ് കേസുകളുടെയും ലക്ഷണങ്ങള്‍ ഒരേ തരത്തില്‍ ആയതു കൊണ്ട് കൂടുതല്‍ ജാഗ്രത വേണം എന്നും അധികൃതര്‍ ഓര്‍മ്മിപ്പിച്ചു.

NCEMA UAE Twitter

- pma

വായിക്കുക: covid-19, ആരോഗ്യം, നിയമം, യു.എ.ഇ., സാമൂഹികം

Comments Off

ബൂസ്റ്റര്‍ ഡോസ് എടുത്ത് ഗ്രീന്‍ സ്റ്റാറ്റസ് നില നിര്‍ത്തുക

September 19th, 2021

corona-virus-first-case-confirmed-in-uae-ePathram
അബുദാബി : കൊവിഡ് പ്രതിരോധ വാക്സിന്‍ സിനോഫാം രണ്ടാമത്തെ ഡോസ് എടുത്ത് ആറു മാസം പൂർത്തിയാക്കിയവര്‍ ഉടനെ ബൂസ്റ്റര്‍ ഡോസ് എടുക്കണം എന്ന്‍ അധികൃതര്‍. സിനോഫാം ബൂസ്റ്റര്‍ ഡോസ് കൂടി എടുത്താല്‍ മാത്രമേ അൽ ഹൊസ്ൻ ആപ്പ് ഗ്രീൻ സ്റ്റാറ്റസ് നില നില്‍ക്കുകയുള്ളൂ.

അൽ ഹൊസ്ൻ ഗ്രീൻ സ്റ്റാറ്റസ് നില നിർത്തുന്നതിനായി 2021 സെപ്റ്റംബർ 20 ന് മുന്‍പു തന്നെ ബൂസ്റ്റർ ഡോസ് സ്വീകരിക്കണം എന്ന് അബുദാബി ദേശീയ ദുരന്ത നിവാരണ അഥോറിറ്റി യുടെ മുന്നറിയിപ്പും വന്നിട്ടുണ്ട്.

ബൂസ്റ്റര്‍ വാക്സിൻ ലഭിക്കുന്ന ആരോഗ്യ കേന്ദ്ര ങ്ങളുടെ പട്ടിക സേഹ (SEHA) യുടെ വെബ്‌ സൈറ്റിൽ നൽകി യിട്ടുണ്ട്. ബൂസ്റ്റർ ഡോസ് എടുത്ത ശേഷം 30 ദിവസങ്ങള്‍ പൂര്‍ത്തിയാവും മുന്‍പേ ആര്‍. ടി. പി. സി. ആര്‍. പരിശോധന നടത്തി അൽ ഹൊസ്ൻ ഗ്രീൻ സ്റ്റാറ്റസ് നില നിർത്തുകയും വേണം.

അബുദാബി എമിറേറ്റിലെ പൊതു സ്ഥലങ്ങളിൽ പ്രവേശിക്കുവാന്‍ അൽ ഹൊസ്ൻ ഗ്രീന്‍ സ്റ്റാറ്റസ് വേണം എന്നുള്ള നിബന്ധന നില നില്‍ക്കുന്നുണ്ട്.

- pma

വായിക്കുക: covid-19, നിയമം, യു.എ.ഇ.

Comments Off

അബുദാബി പ്രവേശനം : നിലവിലെ വിലക്കുകള്‍ നീക്കി

September 18th, 2021

traffic-awareness-of-abudhabi-police-in-al-ghuwaifat-road-ePathram
അബുദാബി : യു. എ. ഇ. യുടെ ഇതര എമിറേറ്റുകളില്‍ നിന്നും അബുദാബിയില്‍ പ്രവേശിക്കുന്നതിന് കൊവിഡ് നെഗറ്റീവ് സര്‍ട്ടിഫിക്കറ്റ് വേണം എന്നുള്ള നിബന്ധന നീക്കി. 2021 സെപ്റ്റംബര്‍ 19 ഞായറാഴ്ച മുതല്‍ ഇത് നിലവിൽ വരും. കൊവിഡ് വ്യാപനം കുറഞ്ഞു വന്ന സാഹചര്യ ത്തിലാണ് ഈ തീരുമാനം എന്ന് അബുദാബി ദുരന്ത നിവാരണ അഥോറിറ്റി അറിയിച്ചു. ഇപ്പോള്‍ കൊവിഡ് വ്യാപന നിരക്ക് ദശാംശം രണ്ടു ശതമാനം ആയി കുറഞ്ഞിട്ടുണ്ട്.

al-hosn-app-green-pass-for-entry-to-public-places-ePathram

എന്നാല്‍ എമിറേറ്റിലെ പൊതു സ്ഥലങ്ങളിൽ പ്രവേശി ക്കുവാന്‍ അൽ ഹുസ്ൻ ഗ്രീന്‍ സിഗ്നല്‍ കാണിക്കണം എന്നുള്ള നിബന്ധന നിലവിലുണ്ട്. മാത്രമല്ല രാജ്യത്തിനു പുറത്തു നിന്നും അബു ദാബിയില്‍ എത്തുന്ന യാത്ര ക്കാര്‍ക്ക് ആര്‍. ടി. പി. സി. ആർ. നെഗറ്റീവ് സർട്ടിഫിക്കറ്റ് നിർബ്ബന്ധം തന്നെയാണ് എന്നും അധികൃതര്‍ ഓര്‍മ്മിപ്പിച്ചു.