രണ്ടാമത് ഇ. കെ. നായനാർ സ്മാരക റമദാൻ ഫുട് ബോള്‍ ടൂര്‍ണ്ണമെന്‍റ് മുസ്സഫയില്‍

April 8th, 2023

shakthi-ek-nayanar-football-ePathram
അബുദാബി: ശക്തി തിയ്യറ്റേഴ്‌സ് അബുദാബി യുടെ ആഭിമുഖ്യത്തില്‍ സംഘടിപ്പിക്കുന്ന രണ്ടാമത് ഇ. കെ. നായനാര്‍ സ്മാരക റമദാന്‍ 5 എ – സൈഡ് ഫുട് ബോള്‍ ടൂര്‍ണ്ണ മെന്‍റ് 2023 ഏപ്രില്‍ 8, 9 ശനി, ഞായർ എന്നീ ദിവസങ്ങളിൽ മുസ്സഫ യിലെ അബുദാബി യൂണി വേഴ്‌സിറ്റി ഗ്രൗണ്ടിൽ നടക്കും എന്ന് ശക്തി ഭാര വാഹികള്‍ വാര്‍ത്താ സമ്മേളനത്തിൽ അറിയിച്ചു.

press-meet-ek-nayanar-memorial-shakthi-foot-ball-ePathram

ശക്തി പ്രവർത്തകരുടെ നേതൃത്വ ത്തിൽ 41 ടീമു കളിലായി മുന്നൂറോളം കളിക്കാര്‍ അണി നിരക്കുന്ന ടൂർണ്ണ മെന്‍റില്‍ മുതിര്‍ന്നവരുടെ വിഭാഗ ത്തില്‍ 33 ടീമുകളും കുട്ടികളുടെ വിഭാഗത്തില്‍ 8 ടീമുകളും കളത്തിൽ ഇറങ്ങും.

ഹ്രസ്വ സന്ദർശനാർത്ഥം അബുദാബിയിൽ എത്തിയ മുന്‍ മന്ത്രി എം. എം. മണി സംബന്ധിക്കും. രാത്രി 9 മണി മുതൽ ടൂർണ്ണ മെന്‍റ് ആരംഭിക്കും. 8 ഗ്രൂപ്പുകളിൽ ലീഗ് അടിസ്ഥാനത്തില്‍ നടക്കുന്ന മത്സരങ്ങളില്‍ നിന്ന് ഓരോ ഗ്രൂപ്പില്‍ നിന്നും മുന്നില്‍ എത്തുന്ന രണ്ട് ടീമുകള്‍ ആയിരിക്കും പ്രീ ക്വാര്‍ട്ടര്‍ റൗണ്ടില്‍ പ്രവേശിക്കുക.

84 മാച്ചുകളിലായി നടക്കുന്ന ടൂർണ്ണ മെന്‍റില്‍ നിന്നും മികച്ച ഒന്നും രണ്ടും മൂന്നും ടീമുകളെ കണ്ടെത്തി ട്രോഫിയും മെഡലുകളും നല്‍കും. കൂടാതെ മികച്ച അച്ചടക്കമുള്ള ടീമിനുള്ള ഫെയര്‍ പ്ലേ അവാര്‍ഡും മികച്ച കളിക്കാരന്‍, മികച്ച ഗോള്‍ കീപ്പര്‍ എന്നീ വ്യക്തി ഗത ചാമ്പ്യഷിപ്പുകളും നല്‍കും. ടൂർണ്ണ മെന്‍റില്‍ പങ്കെടുക്കുന്ന എല്ലാ കളിക്കാരെയും ശക്തി തിയ്യറ്റേഴ്‌സ് പ്രശസ്തി പത്രം നല്‍കി ആദരിക്കും.

മലനാട്ടിലും മറുനാട്ടിലും നടക്കുന്ന മലയാള സാഹിത്യ സാംസ്‌കാരിക മണ്ഡലങ്ങളില്‍ ഒട്ടനവധി ചരിത്ര പരമായ ഇടപെടലു കള്‍ക്കും മഹനീയ മുഹൂര്‍ത്ത ങ്ങള്‍ക്കും സാക്ഷ്യം വഹിച്ചിട്ടുള്ള ശക്തി അബുദാബി യുടെ കര്‍മ്മ നിരതമായ 44 വര്‍ഷം പൂര്‍ത്തിയാക്കുന്ന ആഘോഷ പരിപാടി കള്‍ക്ക് തുടക്കം കുറിച്ചു കൊണ്ടുള്ള വിളംബര പരിപാടി കൂടിയാണ് ഇ. കെ. നായനാർ സ്മാരക റമദാൻ ഫുട് ബോള്‍ മത്സരം എന്നും ഭാരവാഹികൾ അറിയിച്ചു.

വാര്‍ത്താ സമ്മേളനത്തില്‍ ശക്തി പ്രസിഡണ്ട് ടി. കെ. മനോജ്, ജനറല്‍ സെക്രട്ടറി സഫറുള്ള പാലപ്പെട്ടി, ലുലു എക്‌സ്‌ചേഞ്ച് ഹെഡ് ഒഫ് ബിസിനസ് സ്ട്രാറ്റെജി അജിത് ജോണ്‍സണ്‍, ശക്തി രക്ഷാധികാരി അഡ്വ. അന്‍സാരി സൈനുദ്ദീന്‍, ഫൈനാന്‍സ് കണ്‍വീനര്‍ എ. കെ. ബീരാന്‍ കുട്ടി, കായിക വിഭാഗം സെക്രട്ടറി ഷഹീര്‍ ഹംസ എന്നിവര്‍ സംബന്ധിച്ചു.

- pma

വായിക്കുക: , , , ,

Comments Off on രണ്ടാമത് ഇ. കെ. നായനാർ സ്മാരക റമദാൻ ഫുട് ബോള്‍ ടൂര്‍ണ്ണമെന്‍റ് മുസ്സഫയില്‍

ചിറയിൻകീഴ് അൻസാര്‍ : ഓർമ്മകൾ പുതുക്കി ഫ്രണ്ട്സ് എ. ഡി. എം. എസ്.

August 31st, 2022

friends-adms-remember-chirayinkeezh-ansar-ePathram
അബുദാബി : യു. എ. ഇ. യുടെ സാംസ്കാരിക ഭൂമിക യിൽ നിറസാന്നിദ്ധ്യം ആയിരുന്ന എഴുത്തു കാരനും നാടക പ്രവർത്തകനും സാമൂഹ്യ സാംസ്കാരിക പ്രവർത്തകനും അഞ്ചു വർഷം അബുദാബി മലയാളി സമാജം പ്രസിഡണ്ടും ആയിരുന്ന ചിറയിൻകീഴ് അൻസാറിന്‍റെ പതിമൂന്നാം ചരമ വാർഷികം ഫ്രണ്ട്സ് എ. ഡി. എം. എസ്. സമുചിതമായി ആചരിച്ചു.

അബുദാബി മലയാളി സമാജം പ്രസിഡണ്ട് റഫീഖ് കയനയിലിന്‍റെ അദ്ധ്യക്ഷതയിൽ സമാജം ഓഡി റ്റോറിയ ത്തില്‍ സംഘടിപ്പിച്ച അനുസ്മരണ സമ്മേളന ത്തിൽ സമാജം കോഡിനേഷൻ കമ്മിറ്റി ചെയർമാൻ ബി. യേശു ശീലൻ മുഖ്യ പ്രഭാഷണം നടത്തി.

സമാജം ജനറൽ സെക്രട്ടറി എം. യു. ഇർഷാദ്, സമാജം കോഡിനേഷൻ കൺവീനർ പി. ടി. റഫീഖ്, സമാജം ട്രഷറർ അജാസ്, ഫ്രണ്ട്‌സ് എ. ഡി. എം. എസ് വർക്കിംഗ് പ്രസിഡണ്ട് പുന്നൂസ് ചാക്കോ, വീക്ഷണം ഫോറം പ്രസിഡണ്ട് സി. എം. അബ്ദുൽ കരീം, നൊസ്റ്റാൾജിയ പ്രസിഡണ്ട് മോഹൻ, ടി. ഡി. അനില്‍ കുമാര്‍, നാസർ വിള ഭാഗം, നിബു സാം ഫിലിപ്പ്, സുനീർ, ഹുസൈൻ പട്ടാമ്പി, ഹംസ കുന്ദംകുളം, ബിനു ബാനർജി തുടങ്ങിയവർ ചിറയിൻ കീഴ് അൻസാറിന്‍റെ ദീപ്ത സ്മരണകൾ പങ്കു വെച്ചു സംസാരിച്ചു.

ചടങ്ങിൽ ഫ്രണ്ട്സ് എ. ഡി. എം. എസ്. ജനറൽ സെക്രട്ടറി ഫസൽ കുന്ദംകുളം സ്വാഗതവും റജീദ് പട്ടോളി നന്ദിയും പറഞ്ഞു.

- pma

വായിക്കുക: , , , , , , ,

Comments Off on ചിറയിൻകീഴ് അൻസാര്‍ : ഓർമ്മകൾ പുതുക്കി ഫ്രണ്ട്സ് എ. ഡി. എം. എസ്.

യു. എഫ്. കെ. – അസ്മോ പുരസ്കാരം : രചനകള്‍ ക്ഷണിക്കുന്നു. 

June 22nd, 2021

poet-asmo-puthenchira-ePathram
ദുബായ് : കവി അസ്‌മോ പുത്തൻചിറ യുടെ ഓർമ്മക്കായി സാംസ്കാരിക കൂട്ടായ്മ യൂണിക്‌ ഫ്രണ്ട്സ് ഓഫ് കേരള (യു. എഫ്. കെ.) യു. എ. ഇ. യിലെ പ്രവാസി എഴുത്തുകാര്‍ക്ക് വേണ്ടി ഏർപ്പെടുത്തിയ അസ്മോ പുത്തൻ ചിറ സ്മാരക സാഹിത്യ പുരസ്കാരത്തിനു വേണ്ടിയുള്ള രചനകള്‍ ക്ഷണിച്ചു.

കഥ, കവിത എന്നീ വിഭാഗത്തിൽ ഇതുവരെ പ്രസിദ്ധീ കരിക്കാത്ത മൗലിക രചന കളാണ് പരിഗണിക്കുക. രചനകള്‍ artsteamufk @ gmail. com എന്ന ഇ – മെയിൽ വിലാസ ത്തിൽ അയക്കുക. സൃഷ്ടികള്‍ ലഭിക്കേണ്ടതായ അവസാന തിയ്യതി: 20 ജൂലായ് 2021.

വിവരങ്ങള്‍ക്ക് : 050 247 3007 (അൻവർ അഹമ്മദ്).

- pma

വായിക്കുക: , , ,

Comments Off on യു. എഫ്. കെ. – അസ്മോ പുരസ്കാരം : രചനകള്‍ ക്ഷണിക്കുന്നു. 

ടി. ഉബൈദ് സ്മാരക സാഹിത്യ ശ്രേഷ്ഠ അവാര്‍ഡ്

November 1st, 2020

dubai-kmcc-kasargod-t-ubaid-award-ePathram
ദുബായ് : കെ. എം. സി. സി. കാസർകോട് ജില്ലാ കമ്മിറ്റി യുടെ ആഭിമുഖ്യ ത്തില്‍ ടി. ഉബൈദി ന്റെ സ്മരണക്ക് സാഹിത്യ ശ്രേഷ്ഠ അവാര്‍ഡ് നല്‍കും.

കവി ടി. ഉബൈദിന്റെ  48–ാം ചരമ വാർഷിക ആചരണ ത്തിന്റെ ഭാഗ മായി നല്‍കുന്ന സാഹിത്യ ശ്രേഷ്ഠ അവാർഡ്, കേരള ത്തിൽ വിദ്യാഭ്യാസ രംഗത്തും മലയാള സാഹിത്യ ത്തിനും മികച്ച സംഭാവനകൾ നൽകിയ വ്യക്തിയെ യാണ് തെരഞ്ഞെടുക്കുക.

ഡോ. എം. കെ. മുനീർ എം. എൽ. എ., ജലീൽ പട്ടാമ്പി, പി. പി. ശശീന്ദ്രൻ, ടി. ഇ. അബ്ദുല്ല തുടങ്ങി യവർ അടങ്ങുന്ന ജൂറിയാണ് അവാർഡ് ജേതാവിനെ കണ്ടത്തുക. പ്രശംസ പത്രവും 50,001 രൂപയും അടങ്ങുന്നതാണ് അവാർഡ്.

- pma

വായിക്കുക: , , , , ,

Comments Off on ടി. ഉബൈദ് സ്മാരക സാഹിത്യ ശ്രേഷ്ഠ അവാര്‍ഡ്

ഉപ ഭരണാധികാരി അന്തരിച്ചു – ഷാർജ യില്‍ മൂന്നു ദിവസം ഔദ്യോഗിക ദുഃഖാചരണം

July 10th, 2020

deputy-ruler-of-sharjah-skeikh-ahmed-bin-sultan-al-qassimi-ePathram
ഷാര്‍ജ : സുപ്രീം കൗണ്‍സില്‍ അംഗവും ഷാര്‍ജ ഉപ ഭരണാധി കാരിയുമായ ശൈഖ് അഹ്‌മദ് ബിന്‍ സുല്‍ത്താന്‍ അല്‍ ഖാസിമി അന്തരിച്ചു. വ്യാഴാഴ്ച ലണ്ടനില്‍ വെച്ചായിരുന്നു അന്ത്യം.

ഷാര്‍ജ ഭരണാധികാരി ഡോ. ശൈഖ് സുല്‍ത്താന്‍ ബിന്‍ മുഹമ്മദ് അല്‍ ഖാസിമിയുടെ ഓഫീസ് ഇറക്കിയ വാർത്താ കുറിപ്പിലാണ് മരണ വിവരം അറിയിച്ചത്. ലണ്ടനില്‍ നിന്നും ഭൗതിക ശരീരം ഷാർജ യില്‍ എത്തിയതു മുതൽ മൂന്നു ദിവസം ഔദ്യോഗിക ദുഃഖാചരണം ആയിരിക്കും. ഈ ദിവസങ്ങളിൽ ദേശീയ പതാക പകുതി താഴ്ത്തി ക്കെട്ടും.

* W A M

- pma

വായിക്കുക: , , ,

Comments Off on ഉപ ഭരണാധികാരി അന്തരിച്ചു – ഷാർജ യില്‍ മൂന്നു ദിവസം ഔദ്യോഗിക ദുഃഖാചരണം

Page 6 of 7« First...34567

« Previous Page« Previous « 20 ലക്ഷം പേര്‍ക്ക് കൊവിഡ് പരിശോധനകൾ നടത്തും
Next »Next Page » യു. എ. ഇ. റസിഡന്‍സ് വിസ ഉള്ളവര്‍ക്ക് തിരിച്ചെത്താന്‍ അനുമതി »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha