ശ്രീനഗര്‍ : ജമ്മു കാശ്മീരിലെ കുല്‍ഗാമില്‍ ഭീകരരും സൈനികരും തമ്മിലുണ്ടായ ഏറ്റുമുട്ടലില്‍ 2 സൈനികര്‍ കൊല്ലപ്പെടുകയും 4 ഭീകരരെ വധിക്കുകയും ചെയ്തു. ഞായറാഴ്ച രാവിലെയാണ് സംഭവമുണ്ടായത്. പരിക്കേറ്റ 3 ഭീകരര്‍ രക്ഷപ്പെട്ടു. ഇവര്‍ക്കായുള്ള തിരച്ചില്‍ തുടരുകയാണ് സൈന്യം.

കഴിഞ്ഞ കുറച്ചു ദിവസങ്ങളായി സമാധാനം നിലനില്‍ക്കുന്ന നിയന്ത്രണരേഖയില്‍ ഈ സംഭവത്തോടെ വീണ്ടും തീവ്രവാദി ആക്രമണം തുടങ്ങിയിരിക്കുകയാണ്. ഭീകരര്‍ ഒളിച്ചിരുന്ന വീടിനെക്കുറിച്ച് വിവരം കിട്ടിയ സൈന്യം അങ്ങോട്ട് പുറപ്പെടുകയും അവിടെ വെച്ച് ഭീകരര്‍ വെടിയുതിര്‍ക്കുകയുമായിരുന്നു. തുടര്‍ന്ന് സൈന്യം ശക്തമായ പ്രത്യാക്രമണം നടത്തി.

ശ്രീനഗർ : നഗ്രോട്ട സൈനിക താവളത്തിൽ ഭീകരാക്രമണത്തെ തുടർന്ന് 3 സൈനികർ കൊല്ലപ്പെട്ടു. ഭീകരരും സൈനികരും തമ്മിലുള്ള ഏറ്റുമുട്ടൽ തുടരുന്നു. കാശ്മീർ അതിർത്തി സംരക്ഷിക്കുകയും ഭീകരറുടെ നുഴഞ്ഞുകയറ്റം തടയുകയും ചെയ്യുന്ന വിഭാഗത്തിലുള്ള സൈനികരാണ് നഗ്രോട്ടയിലുള്ളത്.

പുലർച്ചെ 5 മണിയോടെയാണ് ഭീകരർ ആക്രമണം ആരംഭിച്ചത്. മെസ്സിനു സമീപം ഒളിച്ചിരിക്കുകയായിരുന്നു ഇവർ. കൊല്ലപ്പെട്ട സൈനികരിൽ ഒരാൾ മേജർ റാങ്കിൽ ഉള്ളയാളാണ്. ഏറ്റുമുട്ടലിനെ തുടർന്ന് സമീപവാസികളെ ഒഴിപ്പിക്കുകയും സ്കൂളുകൾക്ക് അവധി നൽകുകയും ചെയ്തു.