 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : പൊതു നിരത്തിൽ അപകടകരമായ വിധത്തിൽ ബൈക്കുകള് ഓടിച്ചവരെ ദുബായ് പോലീസ് പിടികൂടി വാഹനങ്ങൾ കണ്ടു കെട്ടി.
ഒറ്റച്ചക്രത്തിൽ ബൈക്ക് ഓടിക്കുക, പൊതു നിരത്തിൽ ബൈക്ക് സ്റ്റണ്ട് നടത്തുക തുടങ്ങി റോഡ് സുരക്ഷയെ മറി കടക്കുന്ന കുറ്റ കൃത്യങ്ങൾ നടത്തിയ വീഡിയോ ദുബായ് പോലീസ് സോഷ്യൽ മീഡിയ യിലൂടെ പുറത്തു വിട്ടു.
നിയമ ലംഘകരെ പിടികൂടി ശിക്ഷകൾ നടപ്പിലാക്കി. ഇത്തരം നിയമ ലംഘനങ്ങൾ Police EYE എന്ന App വഴി റിപ്പോർട്ട് ചെയ്യാം.
- pma
വായിക്കുക: social-media, traffic-fine, ഗതാഗതം, ദുബായ്, നിയമം, പോലീസ്
അബുദാബി : രാജ്യത്തെ എല്ലാ വിദ്യാഭ്യാസ സ്ഥാപനങ്ങളിലും ക്ലാസ്സ് മുറികളിലെ നേരിട്ടുള്ള പഠനവും അതോടൊപ്പം സ്കൂൾ ബസ്സ് സർവ്വീസുകളും തിങ്കളാഴ്ച (ഏപ്രിൽ 20) മുതൽ പുനരാരംഭിക്കും എന്ന് യു. എ. ഇ. വിദ്യാഭ്യാസ മന്ത്രാലയം. സർക്കാർ-സ്വകാര്യ സ്കൂളുകൾക്കും നഴ്സറികൾക്കും ഈ തീരുമാനം ബാധകമാണ്.
ഏപ്രിൽ 20 മുതൽ ക്ലാസ് മുറികളിലെ പഠനം ആരംഭിക്കുന്നു എന്നും സ്കൂൾ ബസ്സ് സർവ്വീസുകൾ താൽക്കാലികമായി നിർത്തി വെച്ചു എന്നുമുള്ള അറിയിപ്പ് വന്നിരുന്നു എങ്കിലും പുതിയ സുരക്ഷാ പരിശോധനകൾക്ക് ശേഷം ബസ്സ് സർവ്വീസ് പുനരാരംഭിക്കാൻ മന്ത്രാലയം തീരുമാനിക്കുക യായിരുന്നു.
വിദ്യാർത്ഥികളുടെ സുരക്ഷ ഉറപ്പാക്കുക എന്നതിനോടൊപ്പം വിദ്യാഭ്യാസ പ്രക്രിയ തടസ്സം ഇല്ലാതെ മുന്നോട്ട് കൊണ്ടു പോകുന്നതിന്റെ ഭാഗമായാണ് ഈ നടപടി.
ഗൾഫ് മേഖലയിലെ സംഘർഷം നില നിന്നിരുന്ന സാഹചര്യത്തിൽ മുൻകരുതൽ നടപടിയുടെ ഭാഗം ആയിട്ടാണ് സ്കൂൾ ബസ്സ് ഗതാഗതം താൽക്കാലികമായി നിറുത്തി വെച്ചത്.
നിലവിലെ സാഹചര്യങ്ങൾ അധികൃതർ കൃത്യമായി നിരീക്ഷിച്ചു വരികയാണ് എന്നും ആവശ്യമായ മുൻ കരുതലുകൾ അധികൃതർ സ്വീകരിക്കും എന്നും മന്ത്രാലയം വ്യക്തമാക്കി. MOE -X
- pma
വായിക്കുക: abu-dhabi-bus, alain, school, social-media, കുട്ടികള്, ഗതാഗതം, ദുബായ്, പ്രവാസി, വിദ്യാഭ്യാസം, ഷാര്ജ
അബുദാബി : രാജ്യത്തെ എല്ലാ വിദ്യാഭ്യാസ സ്ഥാപന ങ്ങളിലും 2026 ഏപ്രിൽ 20 തിങ്കളാഴ്ച മുതൽ ക്ലാസ്സ് മുറികളിലെ നേരിട്ടുള്ള പഠനം പുനരാരംഭിക്കും. ഗൾഫ് മേഖലയിലെ സംഘർഷവുമായി ബന്ധപ്പെട്ട പ്രാദേശിക അനിശ്ചിതത്വം അവസാനിച്ച സന്ദർഭ ത്തിലാണ് ഒരു മാസത്തിലേറെ നീണ്ട വിദൂര പഠന ത്തിനു ശേഷം വിദ്യാർത്ഥികൾ ക്ലാസ്സ് മുറി കളിലേക്ക് മടങ്ങുന്നത്.
സ്കൂൾ ബസ്സ് സർവ്വീസുകൾ മാറ്റി വെച്ചതായി വിദ്യാഭ്യാസ മന്ത്രാലയം
ക്ലാസ്സ് മുറികളിലെ പഠനം ആരംഭിക്കുകയും അതിനോടൊപ്പം പ്രവർത്തന ക്രമീകരണങ്ങളുടെ ഭാഗമായി, നിലവിൽ യു. എ. ഇ. യിൽ ഉട നീളമുള്ള സ്കൂളുകൾ, പൊതു-സ്വകാര്യ നഴ്സറികൾ, കിൻ്റർ ഗാർട്ടനുകൾ, എന്നിവയിലേ ക്കുള്ള സ്കൂള് ബസ്സ് സർവ്വീസുകൾ മാറ്റി വെച്ചതായി വിദ്യാഭ്യാസ മന്ത്രാലയം അറിയിച്ചു.
വിദ്യാർത്ഥികളുടെ സൗകര്യാർത്ഥം, ആവശ്യമെങ്കിൽ ക്ലാസ്സ് മുറിയിലെ നേരിട്ടുള്ള പഠനവും ഓൺ ലൈൻ പഠനവും സമന്വയിപ്പിച്ചു കൊണ്ടുള്ള ഹൈ-ബ്രിഡ് രീതി പിന്തുടരാൻ സ്വകാര്യ സ്കൂളുകൾക്ക് അധികൃതർ അനുമതി നൽകിയിട്ടുണ്ട്.
പ്രത്യേക സാഹചര്യങ്ങൾ നില നിൽക്കുന്ന സ്കൂളു കൾക്ക് ഇത് ആശ്വാസം ആയിരിക്കും. എന്നാൽ നിശ്ചിത തിയ്യതിക്ക് ഉള്ളിൽ തന്നെ അധ്യയനം പൂർണ്ണ രീതിയിൽ പുനഃസ്ഥാപിക്കണം എന്നും അധികൃതർ നിർദ്ദേശിച്ചിട്ടുണ്ട്.
വിദ്യാർത്ഥികളുടെ സുരക്ഷ, സുഗമമായ ഗതാഗത സംവിധാനം ഉറപ്പു വരുത്തി ഉയർന്ന സുരക്ഷാ മാന ദണ്ഡങ്ങൾക്ക് അനുസൃതമായി ബസ്സ് സേവനത്തിൻ്റെ സന്നദ്ധത ഉറപ്പാക്കുവാനും വിവിധ വിഭാഗങ്ങളുടെ അധികാരികളുമായി ഏകോപനം പൂർത്തിയാക്കാനും കൂടിയാണ് സ്കൂൾ ബസ്സ് സർവ്വീസുകൾ മാറ്റി വെക്കുന്നത് എന്നും മന്ത്രാലയം അറിയിച്ചു. * W A M
- pma
വായിക്കുക: abu-dhabi-bus, indian-embassy-, school, social-media, അബുദാബി, ഇന്ത്യന് കോണ്സുലേറ്റ്, കുട്ടികള്, ഗതാഗതം, പൂര്വ വിദ്യാര്ത്ഥി, പ്രവാസി, യു.എ.ഇ., വിദ്യാഭ്യാസം
അബുദാബി : വ്യവസായ നഗരമായ മുസഫയിലെ കൂടുതൽ സെക്ടറുകളിലേക്കു പെയ്ഡ് പാർക്കിംഗ് സംവിധാനം വ്യാപിപ്പിക്കുന്നു എന്ന് ഗതാഗത വകുപ്പ് അറിയിച്ചു.
മുസഫ M7, M8, M9, M14, M15, തുടങ്ങിയ മേഖല കളിലാണ് 2026 ഏപ്രിൽ 20 തിങ്കളാഴ്ച മുതൽ പെയ്ഡ് പാർക്കിംഗ് സംവിധാനം നിലവിൽ വരിക.
മണിക്കൂറിന് രണ്ടു ദിർഹം നിരക്കാണ് ഈടാക്കുക. DARB ആപ്പ് TAMM അപ്ലിക്കേഷൻ വഴി പാർക്കിംഗ് ഫീസ് അടക്കാം. അനിയന്ത്രിതമായ പാർക്കിംഗ് ഒഴിവാക്കി പൊതു പാർക്കിംഗ് ക്രമീകരിക്കുക, ഗതാഗത സുരക്ഷയും സുതാര്യതയും വർദ്ധിപ്പിക്കുക എന്നിവയാണ് ഈ നടപടിയിലൂടെ അധികൃതർ ലക്ഷ്യമിടുന്നത്. F B PAGE
- pma
വായിക്കുക: social-media, അബുദാബി, ഗതാഗതം, പ്രവാസി, സാമ്പത്തികം
അബുദാബി : അപകടങ്ങൾ ഇല്ലാതാക്കാൻ റോഡ് സുരക്ഷാ നിയമങ്ങൾ പാലിക്കുവാൻ അബുദാബി പോലീസ് വീണ്ടും മുന്നറിയിപ്പ് നൽകി. പ്രധാന റോഡുകളിൽ ഗതാഗതം സാവധാനം ആകുമ്പോഴും മുന്നിലെ വാഹനങ്ങൾക്ക് വേഗത കുറയുമ്പോഴും സിഗ്നലുകളിൽ വണ്ടികൾ നിർത്തിയിടുമ്പോഴും വാഹനം ഓടിക്കുന്നവരുടെ ശ്രദ്ധ, പൂർണ്ണമായും ഡ്രൈവിംഗിൽ തന്നെ ആയിരിക്കണം.
ഏതാനും വാഹന അപകടങ്ങളുടെ ദൃശ്യങ്ങൾ തങ്ങളുടെ സോഷ്യൽ മീഡിയ പേജുകളിൽ പങ്കു വെച്ചു കൊണ്ടാണ് പോലീസിന്റെ മുന്നറിയിപ്പ്.
ഇത്തരം സന്ദർഭങ്ങളിൽ അപ്രതീക്ഷിതമായി മറ്റു വാഹനങ്ങൾ ബ്രേക്ക് ചെയ്യാൻ സാദ്ധ്യത ഉള്ളതിനാലും വശങ്ങളിലെ റോഡുകളിൽ നിന്നും വണ്ടികൾ പെട്ടെന്ന് കടന്നു വരാവുന്നതിനാലും ഡ്രൈവ് ചെയ്യുമ്പോൾ മറ്റു കാര്യങ്ങളിലേക്ക് ശ്രദ്ധ തിരിക്കരുത്.
ഫോൺ ഉപയോഗം, ഇൻറർനെറ്റ് ബ്രൗസിംഗ്, ഫോട്ടോ, വീഡിയോ ചിത്രീകരണം എല്ലാം അപകടങ്ങൾക്ക് കാരണമാവുന്നു.
ഇത്തരം നിയമ ലംഘനങ്ങൾക്ക് 800 ദിർഹം പിഴയും ലൈസൻസിൽ നാല് ബ്ലാക്ക് പോയിന്റുകളും ശിക്ഷ ലഭിക്കും എന്നും അധികൃതർ ഓർമിപ്പിച്ചു.
- pma
വായിക്കുക: abu-dhabi-police, social-media, traffic-fine, അബുദാബി, ഗതാഗതം, നിയമം, പോലീസ്, യു.എ.ഇ.
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
