ഡ്രൈവിംഗിൽ ഫോൺ ഉപയോഗിച്ചാൽ 800 ദിർഹം പിഴ : ഷാർജ പോലീസ്

February 16th, 2025

sharjah-police-warn-drivers-800-dirhams-fine-using-phones-while-driving-ePathram
ഷാർജ : വാഹനം ഓടിക്കുമ്പോൾ മൊബൈൽ ഫോൺ ഉപയോഗിക്കുന്ന ഡ്രൈവർമാർക്ക് 800 ദിർഹം പിഴയും ലൈസൻസിൽ നാല് ബ്ലാക്ക് പോയിന്റും ചുമത്തും എന്ന മുന്നറിപ്പ് നൽകി ഷാർജ പോലീസ്. നിയമ ലംഘകരെ പിടി കൂടാൻ അത്യാധുനിക സ്മാർട്ട് ക്യാമറ കൾ എമിറേറ്റിൽ സ്ഥാപിച്ചിട്ടുണ്ട്.

ഫോണിൽ സംസാരിക്കുക മാത്രമല്ല, മെസ്സേജ് അയക്കുവാനും ചാറ്റ് ചെയ്യുവാനും ചിത്രങ്ങൾ / വീഡിയോ പകർത്തുവാനും ഫോൺ കയ്യിൽ എടുത്താൽ പോലും അത് കുറ്റകൃത്യമായി പോലീസ് ക്യാമറകൾ കണ്ടെത്തും എന്നുള്ള മുന്നറിയിപ്പ് സോഷ്യൽ മീഡിയ കളിൽ വീഡിയോ അടക്കമാണ് ഷാർജ പോലീസ് പോസ്റ്റ് ചെയ്തിട്ടുള്ളത്. Twitter

 

- pma

വായിക്കുക: , , , ,

Comments Off on ഡ്രൈവിംഗിൽ ഫോൺ ഉപയോഗിച്ചാൽ 800 ദിർഹം പിഴ : ഷാർജ പോലീസ്

ഇലക്ട്രിക് സ്‌കൂട്ടർ : നോള്‍ കാര്‍ഡ് ഉപയോഗിക്കാം

December 26th, 2024

dubai-road-transport-nol-card-ePathram
ദുബായ് : കൂടുതല്‍ സംവിധാനങ്ങള്‍ ഉള്‍പ്പെടുത്തി നോള്‍ കാര്‍ഡ് സേവനം വിപുലീകരിക്കുന്നു. ഇതിന്റെ ഭാഗമായി വിവിധ തരത്തിലുള്ള ഇലക്ട്രിക് സ്‌കൂട്ടർ പേയ്‌മെൻ്റ് ഇനി നോൾ കാർഡ് വഴി ചെയ്യാം എന്ന് ദുബായ് റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (ആർ. ടി. എ.) അറിയിച്ചു.

എല്ലാ അംഗീകൃത ഇലക്ട്രിക് സ്കൂട്ടർ ഓപ്പറേറ്റർ ആപ്പുകളിലും നോൽ കാർഡ് ഒരു പുതിയ പേയ്മെൻ്റ് രീതിയായി ഉൾപ്പെടുത്തിയിട്ടുണ്ട്. ഉപയോക്താക്കൾക്ക് അവരുടെ സ്‌മാർട്ട്‌ ഫോണുകളിൽ NFC ടെക്‌നോളജി വഴി അവരുടെ നോൾ കാർഡ് ലിങ്ക് ചെയ്യുക. തുടർന്ന് മണിക്കൂർ കണക്കിന്, ദിനം പ്രതിയും അല്ലെങ്കിൽ പ്രതിമാസ തലത്തിൽ വിവിധ പാക്കേജുകൾ ഇപ്പോൾ സ്വന്തമാക്കാം. ഈ സേവനം ആക്സസ് ചെയ്യുന്നതിന് ഓപ്പറേറ്ററുടെ ആപ്പ് ഡൗൺലോഡ് ചെയ്താൽ മതിയാകും.

ബസ്സുകൾ, മെട്രോ – ട്രാമുകൾ, മറൈൻ ഗതാഗതം, ടാക്സികൾ, നഖീൽ മോണോറെയിൽ, ഇലക്ട്രിക് സ്കൂട്ടറുകൾ തുടങ്ങിയ സ്വകാര്യ ഗതാഗത സേവനങ്ങൾ ഉൾപ്പെടെയുള്ള പൊതു ഗതാഗതത്തിനും നോൽ കാർഡ് ഇതിനകം തന്നെ വ്യാപകമായിട്ടുണ്ട്.

കൂടാതെ പൊതു പാർക്കിംഗ്, മ്യൂസിയങ്ങളും ക്ലബ്ബുകളും ഉൾപ്പെടെ യുള്ള പൊതു സ്ഥലങ്ങളിൽ പ്രവേശിക്കുവാനും നോൾ കാർഡ് ഉപയോഗിച്ച് വരുന്നു. RTA &  media office

- pma

വായിക്കുക: , , ,

Comments Off on ഇലക്ട്രിക് സ്‌കൂട്ടർ : നോള്‍ കാര്‍ഡ് ഉപയോഗിക്കാം

നിയമം ലംഘിച്ച 670 പേര്‍ക്ക് പിഴ ചുമത്തി

December 26th, 2024

abu-dhabi-police-fined-670-violations-on-eid-al-etihad-celebration-ePathram
അബുദാബി : യു. എ. ഇ. ദേശീയ ദിന ആഘോഷമായ ഈദ് അൽ ഇത്തിഹാദ് ദിനത്തിൽ നിയമ ലംഘനം നടത്തിയ 670 പേര്‍ക്ക് അബുദാബി പോലീസ് പിഴ ചുമത്തി.

വാഹന യാത്രക്കാർ, കാല്‍നട യാത്രക്കാർ, റോഡു കളില്‍ സ്‌പ്രേ ചെയ്തു നഗരം മലിനം ആക്കിയവർ എന്നിങ്ങനെ പൊലീസ് മാര്‍ഗ്ഗ നിര്‍ദ്ദേശങ്ങള്‍ പാലിക്കാതെ നിയമ ലംഘനം നടത്തിയവർക്കാണ് പിഴ ചുമത്തിയത് എന്നും അബുദാബി പോലീസ് സാമൂഹിക മാധ്യമ ങ്ങളിലൂടെ അറിയിച്ചു.

വാഹനം ഓടിക്കുന്നവർ ട്രാഫിക് നിയമത്തിലെ ആര്‍ട്ടിക്കിള്‍ 71 ലംഘിച്ചാല്‍ 1000 ദിര്‍ഹം പിഴയും ഡ്രൈവിംഗ് ലൈസന്‍സില്‍ 6 ബ്ലാക്ക് പോയിന്റ് രേഖപ്പെടുത്തുകയും ചെയ്യും.

ഡ്രൈവർമാരും വാഹന യാത്രികരും മാലിന്യം വലിച്ചെറിയുന്നത് ഒഴിവാക്കി നഗരത്തിൻ്റെ പരിഷ്‌കൃത രൂപം സംരക്ഷിച്ച് നിർത്തുന്നതിൻ്റെ പ്രാധാന്യത്തെക്കുറിച്ച് ബോധവാന്മാരാകണം. ആരോഗ്യം, സുരക്ഷ, പരിസ്ഥിതി എന്നിവ ഏറെ പ്രാധാന്യം ഉള്ളതാണ് എന്നതിനാൽ പൊതു ജനങ്ങളും വാഹന യാത്രികരും പ്രത്യേകം ശ്രദ്ധ ചെലുത്തണം എന്നും പൊലീസ് ഓർമ്മിപ്പിച്ചു.

- pma

വായിക്കുക: , , , , , ,

Comments Off on നിയമം ലംഘിച്ച 670 പേര്‍ക്ക് പിഴ ചുമത്തി

സായിദ് ഇന്‍റര്‍ നാഷണല്‍ എയര്‍ പോര്‍ട്ട് : ലോകത്തിലെ മനോഹരമായ വിമാനത്താവളം

December 6th, 2024

abudhabi-zayed-international-airport-ePathram
അബുദാബി : ലോകത്തിലെ ഏറ്റവും മനോഹരമായ എയർ പോർട്ട് എന്ന പദവി കരസ്ഥമാക്കി അബുദാബി സായിദ് അന്താരാഷ്ട്ര വിമാനത്താവളം.

പ്രീ വേർസെയിലസ് ദ വേൾഡ് ആർക്കി ടെക്ച്ചർ ആൻഡ് ഡിസൈൻ അവാർഡിലാണ് വാസ്തുവിദ്യാ മികവ് കൊണ്ട് ‘World’s Most Beautiful Airport’ എന്ന പുരസ്കാരം സായിദ് ഇന്‍റര്‍ നാഷണല്‍ എയര്‍ പോര്‍ട്ട് സ്വന്തമാക്കിയത്. പാരീസിൽ യുനെസ്‌കോ യുടെ ആസ്ഥാനത്തു നടന്ന ചടങ്ങിലാണ് പുരസ്കാരം പ്രഖ്യാപിച്ചത്.

ഒരു വർഷത്തെ പ്രവർത്തനത്തിലൂടെയാണ് ആഗോള വ്യോമയാന മേഖലയിൽ സായിദ് അന്താരാഷ്ട്ര വിമാനത്താവളം ശക്തമായ ആധിപത്യം സ്ഥാപിച്ചത്. Image Credit : W A M , Twitter

 

- pma

വായിക്കുക: , , , ,

Comments Off on സായിദ് ഇന്‍റര്‍ നാഷണല്‍ എയര്‍ പോര്‍ട്ട് : ലോകത്തിലെ മനോഹരമായ വിമാനത്താവളം

ഇലക്ട്രിക് പോസ്റ്റുകളിലെ അപകടകരമായ കേബിളുകള്‍ നീക്കം ചെയ്യണം : ഹൈക്കോടതി

December 6th, 2024

advertisement-on-kseb-electricity-pole-is-criminal-case-ePathram

കൊച്ചി : ഇലക്ട്രിക് പോസ്റ്റുകളിലെ അപകടരകരമായ കേബിളുകള്‍ നീക്കം ചെയ്യുവാനും സുരക്ഷാ ചട്ടങ്ങള്‍ ഉറപ്പാക്കുവാനും കെ. എസ്. ഇ. ബി. ക്ക് ഹൈക്കോടതി നിര്‍ദ്ദേശം നല്‍കി.

പൊതു ജനങ്ങൾക്ക് അപകടരകരമായ കേബിളുകള്‍ നീക്കം ചെയ്യാത്തത് എന്ത് കൊണ്ട് എന്നും കോടതി ചോദിച്ചു.

കേബിള്‍ വലിക്കുമ്പോള്‍ പാലിക്കേണ്ട മാര്‍ഗ്ഗ നിര്‍ദ്ദേശ ങ്ങള്‍ കോടതിയില്‍ വിശദീകരിക്കുകയും കെ. എസ്. ഇ. ബി. സത്യവാങ്മൂലം സമര്‍പ്പിക്കുകയും വേണം എന്നും കോടതി ഉത്തരവിൽ പറയുന്നു.

കേബിളുകൾ നീക്കം ചെയ്യുന്നതിന് എതിരെ കേബിള്‍ ഓപ്പറേറ്റേഴ്സ് അസോസിയേഷന്‍ സമര്‍പ്പിച്ച ഹർജി യിലാണ് അപകടര കരമായ കേബിളുകള്‍ നീക്കം ചെയ്യുവാൻ ഹൈക്കോടതി നിര്‍ദ്ദേശം.

- pma

വായിക്കുക: , , , , , , , , , , ,

Comments Off on ഇലക്ട്രിക് പോസ്റ്റുകളിലെ അപകടകരമായ കേബിളുകള്‍ നീക്കം ചെയ്യണം : ഹൈക്കോടതി

Page 3 of 6012345...102030...Last »

« Previous Page« Previous « ശനിയാഴ്ച രാവിലെ മഴക്കു വേണ്ടി പ്രത്യേക പ്രാർത്ഥന നിർവ്വഹിക്കണം : യു. എ. ഇ. പ്രസിഡണ്ട്
Next »Next Page » എം. പി. എൽ. സീസൺ-8 : ഡൊമൈൻഎഫ്സി ജേതാക്കൾ »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha