പോലീസ് മുന്നറിയിപ്പ് വീണ്ടും : അ​ന​ധി​കൃ​ത ടാക്സി​ക​ള്‍ക്ക് 3000 ദി​ര്‍ഹം പി​ഴ

July 27th, 2022

illegal-taxi-services-police-warning-to-fake-taxi-ePathram
അബുദാബി : തലസ്ഥാന നഗരിയില്‍ അനധികൃത ടാക്സി സര്‍വ്വീസുകള്‍ക്ക് 3000 ദിര്‍ഹം പിഴയും ഡ്രൈവറുടെ ലൈസന്‍സില്‍ 24 ബ്ലാക്ക് പോയിന്‍റുകളും ശിക്ഷ നല്‍കും എന്ന് അബുദാബി പോലീസ് വീണ്ടും മുന്നറിയിപ്പ് നല്‍കി. മാത്രമല്ല വാഹനം ഒരു മാസത്തേക്ക് കണ്ടു കെട്ടുകയും ചെയ്യും.

അനധികൃത ടാക്സികളുമായി സഹകരിച്ചാല്‍ യാത്ര ക്കാര്‍ നേരിടുന്ന സുരക്ഷാ ഭീഷണിയെക്കുറിച്ചും അപകട സാദ്ധ്യതകളെ കുറിച്ചും പോലീസ് ഓര്‍മ്മ പ്പെടുത്തി. പൊതു ജനങ്ങളുടെ സുരക്ഷ ഉറപ്പു വരുത്തുന്നതിനും അനധികൃത ടാക്സി സർവ്വീസുകള്‍ ഇല്ലാതെ ആക്കുന്നതിനും അംഗീകൃത ടാക്സികളെ മാത്രം ആശ്രയിക്കണം എന്നും പോലീസ് ആവശ്യപ്പെട്ടു.

- pma

വായിക്കുക: , , , ,

Comments Off on പോലീസ് മുന്നറിയിപ്പ് വീണ്ടും : അ​ന​ധി​കൃ​ത ടാക്സി​ക​ള്‍ക്ക് 3000 ദി​ര്‍ഹം പി​ഴ

ഗൂഢാ ലോചനക്കേസ് : കെ. എസ്. ശബരീനാഥനെ അറസ്റ്റ് ചെയ്തു

July 19th, 2022

new-logo-kerala-police-ePathram
തിരുവനന്തപുരം : വിമാനയാത്രയില്‍ മുഖ്യമന്ത്രിക്ക് എതിരെ പ്രതിഷേധം സംഘടിപ്പിച്ച കേസില്‍ യൂത്ത്‌ കോണ്‍ഗ്രസ്സ് സംസ്ഥാന വൈസ് പ്രസിഡണ്ട് കെ. എസ്. ശബരീനാഥന്‍ അറസ്റ്റില്‍.

ചോദ്യം ചെയ്യലിന് ശംഖുമുഖം അസിസ്റ്റന്‍റ് കമ്മീഷണർ മുമ്പാകെ ഹാജരായതിനു പിന്നാലെയാണ് ശബരീ നാഥന്‍റെ അറസ്റ്റ് രേഖപ്പെടുത്തിയത്. മുന്‍കൂര്‍ ജാമ്യഹരജി പരിഗണിക്കുന്നതിനിടെ സര്‍ക്കാര്‍ പ്ലീഡറാണ് അറസ്റ്റ് ചെയ്ത വിവരം കോടതിയെ അറിയിച്ചത്.

മുഖ്യമന്ത്രിക്ക് എതിരെ പ്രതിഷേധിക്കുവാന്‍ യൂത്ത് കോണ്‍ഗ്രസ്സ് വാട്സ്ആപ്പ് ഗ്രൂപ്പില്‍ ആഹ്വാനം ചെയ്തു എന്നുള്ളതിന്‍റെ തെളിവുകള്‍ പുറത്തു വന്നിരുന്നു. കേരളത്തിലെ യൂത്ത് കോണ്‍ഗ്രസ്സ് വാട്സ്ആപ്പ് ഗ്രൂപ്പില്‍ പ്രമുഖ നേതാക്കള്‍ എല്ലാവരുമുണ്ട് എന്നാണ് വിവരം. യൂത്ത് കോണ്‍ഗ്രസ്സിലെ വിഭാഗീയതയെ തുടര്‍ന്നാണ് വാട്ട്സാപ്പ് ചാറ്റ് പുറത്തായത്.

വിമാനത്തിലെ പ്രതിഷേധത്തിന് ഈ ഗ്രൂപ്പില്‍ നിര്‍ദ്ദേശം നല്‍കിയത് ശബരിനാഥന്‍ തന്നെ എന്നു വിവരം ലഭിച്ചതായി പോലീസ് പറഞ്ഞു. ഇതിന്‍റെ അടിസ്ഥാനത്തില്‍ യൂത്ത് കോണ്‍ഗ്രസ്സ് സംസ്ഥാന പ്രസിഡണ്ട് ഷാഫി പറമ്പില്‍ അക്കമുള്ളവരെ വരും ദിവസങ്ങളില്‍ അന്വേഷണ സംഘം ചോദ്യം ചെയ്യും.

- pma

വായിക്കുക: , , , , , ,

Comments Off on ഗൂഢാ ലോചനക്കേസ് : കെ. എസ്. ശബരീനാഥനെ അറസ്റ്റ് ചെയ്തു

പൊടിക്കാറ്റ് : മുന്നറിയിപ്പുമായി പോലീസ്

June 25th, 2022

sand-storm-2014-in-abudhabi-ePathram

അബുദാബി : ശക്തമായ പൊടിക്കാറ്റ് കാരണം ദൂരക്കാഴ്ച കുറയും എന്നതിനാല്‍ വാഹനം ഓടിക്കുന്നവര്‍ വേഗത കുറക്കുകയും കൂടുതല്‍ ജാഗ്രത പാലിക്കുകയും വേണം എന്ന് അബുദാബി പോലീസ് മുന്നറിയിപ്പ്.

അശ്രദ്ധമായ ഡ്രൈവിംഗ് അപകടങ്ങളെ ക്ഷണിച്ചു വരുത്തും എന്നതിനാല്‍ വാഹനം ഓടിക്കുമ്പോള്‍ ചിത്രങ്ങളും വീഡിയോ പകര്‍ത്തലും ഒഴിവാക്കണം എന്നും മൊബൈല്‍ ഫോണ്‍ ഉപയോഗം പാടില്ല എന്നും സാമൂഹിക മാധ്യമ ങ്ങളിലൂടെ പോലീസ് വീണ്ടും ഓര്‍മ്മിപ്പിച്ചു.

- pma

വായിക്കുക: , , , , ,

Comments Off on പൊടിക്കാറ്റ് : മുന്നറിയിപ്പുമായി പോലീസ്

വേഗ പരിധി : മുന്നറിയിപ്പുമായി പുതിയ ബോര്‍ഡുകള്‍

April 17th, 2022

abudhabi-police-new-logo-2017-ePathram
അബുദാബി : പ്രതികൂല കാലാവസ്ഥയില്‍ വേഗത കുറക്കാൻ ഡ്രൈവർമാർക്ക് മുന്നറിയിപ്പ് നൽകുന്ന പുതിയ ഇലക്‌ട്രോണിക് പാനലുകള്‍ അബുദബിയിലെ റോഡുക ളില്‍ സ്ഥാപിച്ചു. മണിക്കൂറിൽ 80 കിലോ മീറ്റർ വേഗ പരിധി ഫ്ലാഷ് ലൈറ്റിന്‍റെ സഹായത്തോടെ ഏതു കാലാവസ്ഥ യിലും ദൃശ്യമാവും വിധമാണ് ഇ- പാനല്‍ ബോര്‍ഡുകള്‍. മൂടല്‍ മഞ്ഞ്, മണല്‍ കാറ്റ്, മഴ, ശക്തമായ കാറ്റ് എന്നിവയിൽ വാഹനങ്ങള്‍ തമ്മില്‍ സുരക്ഷിത അകലം പാലിക്കാൻ മുന്നറിയിപ്പ് നൽകുന്നു.

ക്ഷീണം, ഉറക്കം എന്നിവ അനുഭവപ്പെടുന്ന സമയ ങ്ങളിൽ വാഹനങ്ങൾ ഓടിക്കരുത്. ഡ്രൈവർ മാരുടെ ക്ഷീണം, മയക്കം എന്നിവ അപകടങ്ങളിലേക്ക് നയിക്കാം എന്നതിനാൽ വാഹനം ഓടിക്കുന്നതിനു മുൻപായി മതിയായ വിശ്രമം നേടിയിട്ടുണ്ടെന്ന് ഉറപ്പ് വരുത്തണം എന്നും അബുദബി പോലീസ് ഓര്‍മ്മിപ്പിച്ചു.

- pma

വായിക്കുക: , ,

Comments Off on വേഗ പരിധി : മുന്നറിയിപ്പുമായി പുതിയ ബോര്‍ഡുകള്‍

കാൽനട യാത്രക്കാർക്കു വഴി നൽകാത്തവര്‍ ജാഗ്രത

April 10th, 2022

artificial-intelligence-monitors-in-pedestrian-zebra-crossings-ePathram
അബുദാബി : കാൽനട യാത്രക്കാർക്കുള്ള സീബ്രാ ക്രോസിൽ വാഹനം നിര്‍ത്തിക്കൊടുക്കാത്ത ഡ്രൈവർ മാരെ പിടികൂടാൻ അബുദാബിയിൽ പ്രത്യേക റഡാറു കള്‍ സ്ഥാപിച്ചു. ആർട്ടിഫിഷ്യൽ ഇന്റലിജൻസ് സംവിധാനത്തില്‍ തയ്യാറാക്കിയ ‘ഹാദിർ’ (ജാഗ്രത പാലിക്കുക) എന്നു പേരുള്ള പുതിയ ക്യാമറകള്‍ നഗരത്തില്‍ വിവിധ സ്ഥലങ്ങളില്‍ പരീക്ഷണാര്‍ത്ഥം സ്ഥാപിച്ചു കഴിഞ്ഞതായി അബുദാബി പോലീസ് അറിയിച്ചു. സീബ്രാ ക്രോസില്‍ കാൽ നട യാത്രക്കാർ പ്രവേശിച്ച് അവർ കടന്നു പോയതിനു ശേഷം മാത്രമേ വാഹനം മുന്നോട്ട് എടുക്കാൻ പാടുള്ളൂ. ഇതിൽ വീഴ്ച വരുത്തുന്നത് തിരിച്ചറിഞ്ഞു കൊണ്ടാണ് ഹാദിര്‍ റഡാറുകള്‍ പ്രവര്‍ത്തിക്കുക. നിയമം ലംഘിക്കുന്ന ഡ്രൈവർമാർക്ക് ആദ്യ ഘട്ടത്തില്‍ മുന്നറിയിപ്പ് സന്ദേശം നല്‍കും. നിയമ ലംഘകര്‍ക്ക് 500 ദിർഹം പിഴയും ലൈസൻസിൽ ആറ് ബ്ലാക്ക് പോയന്‍റുമാണ് ശിക്ഷ.

- pma

വായിക്കുക: , ,

Comments Off on കാൽനട യാത്രക്കാർക്കു വഴി നൽകാത്തവര്‍ ജാഗ്രത

Page 4 of 35« First...23456...102030...Last »

« Previous Page« Previous « മുംബൈ ഭീകരാക്രമണം : ഹാഫിസ് സഈദിന് 32 വര്‍ഷം തടവ്
Next »Next Page » ഒറ്റത്തവണ ഉപയോഗിക്കുന്ന പ്ലാസ്റ്റിക് ബാഗുകൾക്ക് അബുദാബിയിലും നിയന്ത്രണം »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha