ജ്യോതി ശാസ്ത്ര ക്ലാസ്സ് ‘ശാസ്ത്ര നിലാവ്’ ശ്രദ്ധേയമായി

December 12th, 2023

astronomy-center-ePathram
അജ്മാൻ : ഇന്ത്യൻ സോഷ്യൽ സെൻ്റർ, ഫ്രണ്ട്സ് ഓഫ് കെ. എസ്. എസ്. പി., മലയാളം മിഷൻ ഷാർജ ചാപ്ടർ എന്നിവർ വിദ്യാർത്ഥികൾക്കായി ഒരുക്കിയ ‘ശാസ്ത്ര നിലാവ്’ എന്ന ജ്യോതി ശാസ്ത്ര ക്ലാസ്സ്  ശ്രദ്ധേയമായി. അജ്മാൻ ഇന്ത്യൻ സോഷ്യൽ സെൻ്റർ ഹാളിൽ നടന്ന ക്ലാസ്സിന് പ്രശസ്ത ജ്യോതി ശാസ്ത്ര വിദഗ്ദനും അദ്ധ്യാപകനുമായ ശരത് പ്രഭാവു നേതൃത്വം നൽകി.
shasthra-nilav-kssp-astrology-class-in-ajman-isc-ePathram

ഭൂമിയിൽ നിന്ന് കൊണ്ട് നക്ഷത്രങ്ങളെയും ഗ്രഹ ങ്ങളെയും നിരീക്ഷിക്കുവാനുള്ള വിവിധ മാർഗ്ഗ ങ്ങൾ പരിചയപ്പെടുത്തി. നക്ഷത്ര നിരീക്ഷണ ത്തിൻ്റെ ആദ്യ പാഠങ്ങൾ കുട്ടികളെയും മുതിർന്നവരെയും ഒരു പോലെ ആവേശം കൊള്ളിച്ചു.

അമ്പതോളം കുട്ടികളും രക്ഷിതാക്കളും പങ്കെടുത്ത ‘ശാസ്ത്ര നിലാവ്’ പരിപാടിയിൽ അജ്മാൻ ഐ. എസ്‌. സി. ആക്ടിംഗ് പ്രസിഡണ്ട് കെ. ജി. ഗിരീഷ് അദ്ധ്യക്ഷത വഹിച്ചു. സന്തോഷ് ബാബു, ശ്രീകുമാരി ആൻ്റണി, അഫ്സൽ ഹുസൈൻ, പ്രജിത് എന്നിവർ സംസാരിച്ചു.

- pma

വായിക്കുക: , , , , ,

Comments Off on ജ്യോതി ശാസ്ത്ര ക്ലാസ്സ് ‘ശാസ്ത്ര നിലാവ്’ ശ്രദ്ധേയമായി

വിസ്മയം തീർത്ത് മലയാളം മിഷൻ അജ്മാൻ ചാപ്റ്റർ പഠനോത്സവം

May 9th, 2023

logo-malayalam-mission-of-kerala-government-ePathram

അജ്മാൻ : മലയാളം മിഷൻ അജ്മാൻ ചാപ്റ്റർ കണി ക്കൊന്ന – സൂര്യ കാന്തി കോഴ്സുകളിൽ പഠനോത്സവം സംഘടിപ്പിച്ചു. കണി ക്കൊന്ന, സൂര്യ കാന്തി, ആമ്പൽ, നീല ക്കുറിഞ്ഞി എന്നിങ്ങനെ നാല് കോഴ്സുകളാണ് മലയാളം മിഷൻ നൽകുന്നത്. ഇവ പൂർത്തിയാക്കുന്ന വിദ്യാർത്ഥികൾക്ക് മലയാളത്തിൽ പത്താം ക്ലാസിന് തുല്യമായ സർട്ടിഫിക്കറ്റ് നൽകും.

പാട്ടും കളിയും ചിരിയുമായി ഉത്സവ ലഹരിയിലാണ് കുട്ടി കൾ പഠനോത്സവത്തിൽ പങ്കാളികളായത്. തുഞ്ചൻ പറമ്പ്, കേരള സാഹിത്യ അക്കാദമി, കേരള കലാമണ്ഡലം എന്നിവ പ്രതീകാത്മകമായി പഠനോത്സവ നഗരിയിൽ ഒരുക്കിയിരുന്നു.

തുഞ്ചൻ പറമ്പിൽ നിന്ന് ആരംഭിച്ച കുട്ടികളുടെ ഘോഷ യാത്ര കേരള സാഹിത്യ അക്കാദമി, കേരള കലാമണ്ഡലം എന്നിവ സന്ദർശിച്ച് ബലൂൺ വണ്ടി കളിൽ പഠനോത്സവ വേദികളിൽ എത്തിച്ചേർന്നു. ചെണ്ട മേളം, കുമ്മാട്ടി എന്നിവയുടെ അകമ്പടിയോടെ നാടൻ പാട്ടും പാടി രക്ഷിതാക്കളും അദ്ധ്യാപകരും അടങ്ങുന്ന നൂറു കണക്കിന് ആളുകൾ ഘോഷ യാത്ര യിൽ കുട്ടികളെ അനുഗമിച്ചു.

മലയാളം മിഷൻ ഡയറക്ടർ മുരുകൻ കാട്ടാക്കട പ്രവേശനോത്സവം ഉദ്ഘാടനം ചെയ്തു. മലയാളം മിഷൻ ഭാഷാദ്ധ്യാപകൻ സതീഷ് കുമാർ, കോഡിനേറ്റർ കെ. എൽ. ഗോപി എന്നിവർ ആശംസകൾ നേര്‍ന്നു. ചാപ്റ്റർ പ്രസിഡണ്ട് ഫാമി ഷംസുദ്ദീൻ അദ്ധ്യക്ഷത വഹിച്ചു. സെക്രട്ടറി ജാസിം മുഹമ്മദ് സ്വാഗതവും കൺവീനർ ദീപ്തി ബിനു നന്ദിയും പറഞ്ഞു. ചാപ്റ്റർ കോഡിനേറ്റർ അഞ്ജു ജോസ്, ജോയിന്‍റ് സെക്രട്ടറി ഷെമിനി സനിൽ, വൈസ് പ്രസിഡണ്ട് പ്രജിത്ത് എന്നിവർ സംബന്ധിച്ചു.

ആർട്സ് കമ്മിറ്റി കൺവീനർ ശ്രീവിദ്യ രാജേഷ്, ഫുഡ് കമ്മറ്റി കൺവീനർ രതീഷ്, രജിസ്ട്രേഷൻ കമ്മിറ്റി കൺവീനർ സോന ജയൻ എന്നിവർ പഠനോത്സവ ത്തിനുള്ള സജ്ജീകരണങ്ങൾ ഒരുക്കി. അദ്ധ്യാപകരായ രാജേന്ദ്രൻ പുന്നപ്പള്ളി, നിഷാദ്, റഫിയ അസീസ്, ഷബ്ന നിഷാദ്, അഞ്ജു ജോസ് എന്നിവർ നിള, പമ്പ, പെരിയാർ, കാവേരി, കബനി എന്നീ പഠനോത്സവ കേന്ദ്രങ്ങളിൽ പ്രവർത്തനങ്ങൾ ഏകോപിപ്പിച്ചു.

വേറിട്ട ബോധന രീതിയിൽ ഭാഷാ പഠനം സാദ്ധ്യമാകും വിധം ഭാഷാ പരിജ്ഞാനവും അതോടൊപ്പം കുട്ടികളുടെ സാഹിത്യ അഭിരുചിയും സർഗാത്മക കഴിവുകളും വികസിപ്പിച്ച് എടുക്കാൻ പര്യാപ്തമാകും വിധത്തിലാണ് മലയാളം മിഷൻ ക്ലാസുകൾ സംഘടിപ്പിക്കുന്നത്. ഇതിനായി മലയാളം മിഷൻ അദ്ധ്യാപകർക്ക് പ്രത്യേക പരിശീലനം നല്‍കി വരുന്നു.  FB PAGE

- pma

വായിക്കുക: , , , ,

Comments Off on വിസ്മയം തീർത്ത് മലയാളം മിഷൻ അജ്മാൻ ചാപ്റ്റർ പഠനോത്സവം

മാതൃകാ പഠനോത്സവം സംഘടിപ്പിച്ചു

April 19th, 2023

logo-malayalam-mission-of-kerala-government-ePathram
അജ്മാൻ : മലയാളം മിഷൻ അജ്മാൻ ചാപ്റ്റർ മാതൃകാ പഠനോത്സവം സംഘടിപ്പിച്ചു. അജ്മാൻ ഹാബിറ്റാറ്റ് സ്കൂളിൽ ഒരുക്കിയ പരിപാടി യില്‍ കണിക്കൊന്ന, സൂര്യകാന്തി എന്നീ കോഴ്സുകളിലെ ഇരുനൂറോളം വിദ്യാർത്ഥികള്‍ പങ്കാളികളായി. ഏപ്രിൽ 30 ഞായറാഴ്ച രാവിലെ 9 മണി മുതല്‍ വിപുലമായ പരിപാടികളോടെ പഠനോത്സവം അരങ്ങേറും.

malayalam-mission-ajman-chapter-conducted-model-padanolsavam-ePathram

മലയാളം മിഷന്‍റെ ആദ്യ രണ്ട് കോഴ്സുകളായ കണിക്കൊന്ന സൂര്യകാന്തി എന്നീ കോഴ്സുകൾ പൂർത്തിയാക്കുന്ന പഠിതാക്കൾക്ക് തൊട്ടടുത്ത കോഴ്സിലേക്ക് പ്രവേശനം നൽകും.

കണിക്കൊന്ന കോഴ്സ് പാസ്സായ വിദ്യാർത്ഥികളെ സൂര്യകാന്തിയിലേക്കും, സൂര്യകാന്തി കോഴ്സ് പാസ്സായ വിദ്യാർത്ഥികളെ ആമ്പല്‍ എന്ന മൂന്നാമത്തെ കോഴ്സിലേക്കും പ്രവേശിപ്പിക്കും. ഇവർക്കായുള്ള പ്രത്യേക ക്ലാസുകൾ തുടർ പഠനത്തിന്‍റെ ഭാഗമായി ഒരുക്കും. പഠനോത്സവത്തിന്‍റെ വിജയത്തിന് ചാപ്റ്റർ ഭാരവാഹികളോടൊപ്പം അദ്ധ്യാപകരും രക്ഷിതാക്കളും ക്ലാസ്സ്‌ കോഡിനേറ്റർമാരും വലിയ പിന്തുണയാണ് നൽകുന്നത്.

മലയാളം മിഷൻ യു. എ. ഇ. കോഡിനേറ്റർ കെ. എൽ. ഗോപി, അജ്മാൻ മലയാളം മിഷൻ ചാപ്റ്റർ പ്രസിഡണ്ട് ഫാമി ഷംസുദ്ദീൻ, സെക്രട്ടറി ജാസിം മുഹമ്മദ്, കൺവീനർ ദീപ്തി ബിനു, വൈസ്‌ പ്രസിഡണ്ട് പ്രജിത്ത്‌, ജോയിന്‍റ് സെക്രട്ടറി ഷെമിനി സനിൽ, ക്ലാസ്സ് കോഡി നേറ്റർ അഞ്ജു ജോസ്‌ എന്നിവർ പഠനോത്സവ ത്തിന്‍റെ പ്രവർത്തനങ്ങൾക്ക് നേതൃത്വം നൽകി. FB Page

- pma

വായിക്കുക: , ,

Comments Off on മാതൃകാ പഠനോത്സവം സംഘടിപ്പിച്ചു

ഇടപ്പാളയം പ്രീമിയർ ലീഗ് ഫെബ്രുവരി 26 ന്

February 8th, 2023

edappalayam-premier-league-foot-ball-ePathram
അജ്മാന്‍ : എടപ്പാള്‍ സ്വദേശികളുടെ ആഗോള പ്രവാസി കൂട്ടായ്മ ഇടപ്പാളയം ദുബായ് ചാപ്റ്റർ സംഘടിപ്പിക്കുന്ന അഖിലേന്ത്യാ സെവൻസ് ഫുട് ബോള്‍ ടൂര്‍ണ്ണമെന്‍റ് 2023 ഫെബ്രുവരി 26 ഞായറാഴ്ച ദുബായിലെ മിർദിഫ് ഗ്രീൻ സോൺ സ്റ്റേഡിയത്തിൽ വെച്ച് നടക്കും.

ടൂര്‍ണ്ണമെന്‍റ് വിജയിപ്പിക്കുന്നതിനു വേണ്ടി ഫക്രുദ്ധീൻ നെല്ലിശ്ശേരി (ചെയർമാന്‍) യൂനുസ് വട്ടംകുളം (കൺവീനര്‍) എന്നിവരുടെ നേതൃത്വത്തില്‍ 31 അംഗ സ്വാഗത സംഘം രൂപീകരിച്ചു.

യു. എ. ഇ. യിലെ മികച്ച ടീമുകൾ പങ്കെടുക്കുന്ന ഇടപ്പാളയം പ്രീമിയര്‍ ലീഗിന്‍റെ പ്രഖ്യാപനവും ലോഗോ പ്രകാശനവും അജ്മാനിൽ വെച്ച് നടന്നു. കൈരളി ന്യൂസ് റിപ്പോർട്ടർ ജമാൽ വട്ടംകുളം ലോഗോ പ്രകാശനം ചെയ്തു.

ഇടപ്പാളയം ദുബായ് ചാപ്റ്റർ പ്രസിഡണ്ട് ജാഫർ ശുകപുരം അദ്ധ്യക്ഷത വഹിച്ചു. സെക്രട്ടറി കാഞ്ചേരി മജീദ്, പി. എസ്. നൗഷാദ്, സി. വി. ശറഫുദ്ധീൻ എന്നിവർ നേതൃത്വം നൽകി. നിയാസ് ബാബു, കെ. പി. അസീസ്, ഹൈദർ അലി, ഉദയ കുമാർ, കെ. ടി. എസ്. ബഷീർ, പി. എം. അബൂബക്കർ, ശറഫുദ്ധീൻ നെല്ലിശ്ശേരി, ഷബീർ എന്നിവർ സംസാരിച്ചു.

- pma

വായിക്കുക: , , , , ,

Comments Off on ഇടപ്പാളയം പ്രീമിയർ ലീഗ് ഫെബ്രുവരി 26 ന്

നാടകോത്സവത്തിന് അരങ്ങുണര്‍ന്നു

January 15th, 2023

isc-ajman-navarashtra-drama-ePathram

അബുദാബി : കേരള സോഷ്യൽ സെന്‍റർ ഭരത് മുരളി നാടകോത്സവത്തില്‍ അജ്മാന്‍ ഇന്ത്യ സോഷ്യൽ സെന്‍റർ അവതരിപ്പിച്ച ‘നവരാഷ്ട്ര’ യോടെ നാടക രാവുകള്‍ക്ക് തുടക്കമായി.

സംസ്ഥാന സാംസ്കാരിക വകുപ്പു മന്ത്രി സജി ചെറിയാൻ വെർച്വലായി നാടകോത്സവം ഉദ്ഘാടനം ചെയ്തു. കെ. എസ്‌. സി. പ്രസിഡണ്ട് വി. പി. കൃഷ്ണ കുമാർ അദ്ധ്യക്ഷത വഹിച്ചു. കേരള സംഗീത നാടക അക്കാദമി സെക്രട്ടറി കരിവെള്ളൂർ മുരളി, രഘുപതി (ലുലു ഇന്‍റർ നാഷണൽ എക്സ് ചേഞ്ച്), അച്യുത് വേണു ഗോപാൽ (അഹല്യ ഗ്രൂപ്പ്), ജോബ്‌ മഠത്തിൽ (നാടക സംവിധായകൻ) എന്നിവര്‍ ആശംസകള്‍ നേര്‍ന്നു.

ksc-drama-fest-2023-poster-ePathram

സി. എൻ. ശ്രീകണ്ഠൻ നായർ രചിച്ച് എമിൽ മാധവി സംവിധാനം ചെയ്ത് ചമയം തിയേറ്റർ ഷാർജ അവതരി പ്പിക്കുന്ന ലങ്കാലക്ഷ്മി രണ്ടാം ദിവസമായ ഞായറാഴ്ച അരങ്ങില്‍ എത്തും. KSC FB Page,

- pma

വായിക്കുക: , , ,

Comments Off on നാടകോത്സവത്തിന് അരങ്ങുണര്‍ന്നു

Page 1 of 41234

« Previous « ഐ. എസ്. സി. യൂത്ത് ഫെസ്റ്റിവല്‍ ജനുവരി 20 മുതല്‍ 22 വരെ
Next Page » തണുത്ത കാലാവസ്ഥ തുടരും : മഴ പെയ്യാൻ സാദ്ധ്യത »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha