ഇസ്ലാമിക് സെൻ്ററില്‍ ലിറ്റററി ക്ലബ്ബ് രൂപീകരിച്ചു

June 23rd, 2023

logo-indian-islamic-center-abudhabi-ePathram
അബുദാബി : ഇന്ത്യൻ ഇസ്ലാമിക് സെൻ്റർ സാഹിത്യ വിഭാഗത്തിൻ്റെ കീഴിൽ ലിറ്റററി ക്ലബ്ബ് രൂപീകരിച്ചു. സാഹിത്യ അഭിരുചിയുള്ള സെന്‍റർ അംഗങ്ങൾക്കും അനുഭാവികൾക്കും തങ്ങളുടെ കഴിവുകളെ പരിപോഷിപ്പിക്കാനും കൂടുതൽ ഇടപെടലുകൾ നടത്താനും വേദി ഒരുക്കുക, സെൻ്ററിൻ്റെ സാഹിത്യ വിഭാഗം ഒരുക്കുന്ന പരിപാടികളുടെ വിജയകരമായ നടത്തിപ്പിന് പങ്കാളിത്തം ഉറപ്പു വരുത്തുക എന്ന ലക്ഷ്യത്തോടെയാണ് ലിറ്റററി ക്ലബ്ബ് രൂപീകരിച്ചത്.

islamic-center-literary-wing-formation-ePathram

സാഹിത്യ വിഭാഗം സെക്രട്ടറി യു. കെ. മുഹമ്മദ് കുഞ്ഞി (ചെയർമാൻ), ജുബൈർ വെള്ളാടത്ത് (ജനറൽ കൺവീനർ), മുഹമ്മദലി മാങ്കടവ്, നൗഫൽ പേരാമ്പ്ര (കൺവീനർമാർ) എന്നിവർ ലിറ്റററി ക്ലബ്ബിന് നേതൃത്വം നൽകും.

സെൻ്റർ ജനറൽ സെക്രട്ടറി അഡ്വ. കെ. വി. മുഹമ്മദ് കുഞ്ഞി അദ്ധ്യക്ഷത വഹിച്ചു. എം. പി. എം. റഷീദ്, മുഹമ്മദ് നാഫിഹ് വാഫി, ഷാനവാസ് പുളിക്കൽ, യു. കെ. മുഹമ്മദ് കുഞ്ഞി, സ്വാലിഹ് വാഫി എന്നിവർ സംസാരിച്ചു.

ഈ പ്രവര്‍ത്തന വര്‍ഷത്തില്‍ സാഹിത്യ വിഭാഗം നടത്താന്‍ ഉദ്ദേശിക്കുന്ന ഐ. ഐ. സി. ബുക്ക് ഫെസ്റ്റ്, അരനൂറ്റാണ്ട് പിന്നിടുന്ന സെൻ്ററിൻ്റെ ഗതകാല ചരിത്രം ഉൾക്കൊള്ളുന്ന സമഗ്രമായ ചരിത്ര ഗ്രന്ഥം ഒരുക്കുക തുടങ്ങിയ പദ്ധതികൾ സെക്രട്ടറി വിശദീകരിച്ചു.

ജുബൈർ വെള്ളാടത്ത് രചിച്ച ‘എന്‍റെ ആനക്കര, നാൾ വഴികളും നാട്ടു വഴികളും’ എന്ന പുസ്തകം ഇസ്ലാമിക് സെന്‍റർ ലൈബ്രറിയിലേക്ക് സമ്മാനിച്ചു.

- pma

വായിക്കുക: , , ,

Comments Off on ഇസ്ലാമിക് സെൻ്ററില്‍ ലിറ്റററി ക്ലബ്ബ് രൂപീകരിച്ചു

മഹിതം മലപ്പുറം കൊടിയിറങ്ങി

June 23rd, 2023

kmcc-mahitham-malappuram-fest-2023-kurumba-ePathram
അബുദാബി : മലപ്പുറം ജില്ലാ കെ. എം. സി. സി. യുടെ നേതൃത്വത്തില്‍ അബുദാബി ഇന്ത്യൻ ഇസ്‌ലാമിക് സെന്‍ററില്‍ രണ്ടു ദിവസങ്ങളിലായി ഒരുക്കിയ ‘മഹിതം മലപ്പുറം’ ഫെസ്റ്റ്-2023  വൈവിധ്യങ്ങളായ പരിപാടികളാല്‍ വേറിട്ടതായി. പ്രസിഡണ്ട് കാളിയാടൻ അസീസ് അദ്ധ്യക്ഷത വഹിച്ചു. യു. അബ്ദുല്ല ഫാറൂഖി ഉത്ഘാടനം ചെയ്തു.

മുഖ്യ അതിഥിയായി നാട്ടിൽ നിന്നും എത്തിയ കുറുമ്പ ചേച്ചിയെ കരഘോഷത്തോട് കൂടിയാണ് മഹിതം വേദി സ്വീകരിച്ചത്. മുസ്ലീം ലീഗ് നേതാവ് ഇ. ടി. മുഹമ്മദ് ബഷീർ എം. പി.  മഹിതം മലപ്പുറം വേദി യിൽ കുറുമ്പയെ ആദരിച്ചു.

novalist-kp-sudheera-in-kmcc-mahitham-malappuram-ePathram

ഫാത്തിയ അൽ നിഥാരി, സാലഹ് കഹ്‌മീസ് അൽ ജുനൈബി, ഫദൽ അൽ തമീമി, നവീൻ ഹൂദ് അലി, കഥാകാരി കെ. പി. സുധീര, അഡ്വ. കെ. വി. മുഹമ്മദ് കുഞ്ഞി, ഷാജഹാൻ മാടമ്പാട്, എം. പി. എം. റഷീദ്, ഷുക്കൂറലി കല്ലുങ്കൽ, ടി. കെ. അബ്ദുസ്സലാം, അഷ്‌റഫ് പൊന്നാനി, അബ്ദുൽ റഹ്മാൻ ഹാജി, വെട്ടം ആലി ക്കോയ, നൗഫൽ അരീക്കൻ തുടങ്ങീ മത സാമൂഹിക സാംസ്കാരിക വ്യാപാര രംഗത്തെ പ്രമുഖരും സംബന്ധിച്ചു.

കെ. എം. സി. സി. മലപ്പുറം ജില്ലാ കമ്മിറ്റിക്കു കീഴിലുള്ള വിവിധ മണ്ഡലം കമ്മറ്റി കളുടെ കലാ പരിപാടികളും ഭക്ഷണ ശാലകളും മലപ്പുറം ഫെസ്റ്റിനു മറ്റു കൂട്ടി. വിവിധ ദേശക്കാരായ അയ്യായിരത്തോളം ആളുകൾ സന്ദർശകര്‍ ആയി എത്തി.

മലപ്പുറം ജില്ലയുടെ മഹിതമായ മത മൈത്രിയും ഊഷ്മളമായ പാരമ്പര്യങ്ങളും കലാപരമായ പൈതൃക വും സാംസ്കാരിക വൈവിധ്യവും മനസ്സിലാക്കാനും തനതായ രുചി കൂട്ടുകളും അനുഭവിക്കാനും കഴിഞ്ഞ മേള യായിരുന്നു മഹിതം മലപ്പുറം.

ഭാരവാഹികളായ കെ. കെ. ഹംസ ക്കോയ, അഷ്‌റഫലി പുതുക്കുടി, ഫെസ്റ്റ് കൺവീനർ നൗഷാദ് തൃപ്രങ്ങോട്, കുഞ്ഞിപ്പ മോങ്ങം, ഹുസ്സൈൻ സി. കെ., ബഷീർ വറ്റല്ലൂർ, ഹസ്സൻ അരീക്കൻ, എ. കെ. ഷംസു, മുനീർ എടയൂർ, ഷാഹിദ് ചെമ്മുക്കൻ, സാൽമി പാട്ടശ്ശേരി, നാസർ വൈലത്തൂർ, സാഹിർ പൊന്നാനി, സമീർ പുറത്തൂർ , സിറാജ് ആതവനാട് , സൈയ്തു മുഹമ്മദ്, മുജീബ് വേങ്ങര എന്നിവർ പരിപാടിക്ക് നേതൃത്വം നൽകി. ഹൈദർ ബിൻ മൊയ്‌ദു, നിദാ ഹാരിസ് എന്നിവർ സ്റ്റേജ് നിയന്ത്രിച്ചു.

- pma

വായിക്കുക: , , , , , ,

Comments Off on മഹിതം മലപ്പുറം കൊടിയിറങ്ങി

ആർ. എം. വൈ. സി. ‘കാൽ നൂറ്റാണ്ടിന്‍റെ സാന്ത്വനം’ ലോഗോ പ്രകാശനം ചെയ്തു

June 17th, 2023

rmyc-ramanthali-muslim-youth-center-25-th-year-ePathram
അബുദാബി : സാമൂഹിക – സാംസ്‌കാരിക – മത – ജീവ കാരുണ്യ മേഖലകളിൽ ഇരുപത്തിയഞ്ചു വർഷമായി സജീവ പ്രവർത്തന ങ്ങളുമായി മുന്നേറുന്ന രാമന്തളി മുസ്ലിം യൂത്ത് സെന്‍റര്‍ അബുദാബിയുടെ (ആർ. എം. വൈ. സി.) സിൽവർ ജൂബിലി ആഘോഷം ‘കാൽ നൂറ്റാണ്ടിന്‍റെ സാന്ത്വനം’ പരിപാടി യുടെ ലോഗോ പ്രകാശനം ചെയ്തു.

logo-release-rmyc-ramanthali-muslim-youth-center-25-th-year-ePathram

അബുദാബി ഇന്ത്യൻ ഇസ്ലാമിക് സെന്‍ററിൽ വെച്ച് നടന്ന പരിപാടിയിൽ മുസ്ലിം ലീഗ് നേതാവ് ഇ. ടി. മുഹമ്മദ് ബഷീർ എം. പി. ലോഗോയുടെ പ്രകാശന കർമ്മം നിർവ്വഹിച്ചു. അഡ്വക്കേറ്റ് എൻ. ശംസുദ്ധീൻ എം. എൽ. എ. , യു. അബ്ദുല്ല ഫാറൂഖി തുടങ്ങിയവർ സംബന്ധിച്ചു.

ഹസ്സൻ കുഞ്ഞഹമ്മദിന്‍റെ പ്രാര്‍ത്ഥനയോടെ ആരംഭിച്ച പരിപാടിയിൽ ആർ. എം. വൈ. സി. പ്രസിഡണ്ട് ഇബ്രാഹിം കുടുക്കിൽ അദ്ധ്യക്ഷത വഹിച്ചു. ജനറൽ സെക്രട്ടറി നിയാസ് ഇ. ടി. വി. സ്വാഗതം പറഞ്ഞു. എം. പി. അബ്ദുൽ ഖാദർ പരിപാടി ഉത്ഘാടനം ചെയ്തു. സക്കരിയ നക്കാരൻ, നസീർ രാമന്തളി, ജാഫർ കെ. സി. വി. തുടങ്ങിയവർ സംസാരിച്ചു.

അബ്ദുൽ അസീസ്, പി. കെ. ഹസ്സൻ, അഹമ്മദ്, അഷ്‌റഫ്, ഹസ്സൻ ചിറയിൽ, ബഷീർ, അമീൻ കരപ്പാത്ത്, സഫീർ, തമീം, ഇസ്മായിൽ കരപ്പാത്ത്, സാദിഖ്, റഹ്മത്തുള്ള, ജലാൽ, അബ്ദുൽ ജബ്ബാർ, റഹീം മാതമംഗലം, അൻവർ മാടത്തിൽ ഉൾപ്പെടെ ആർ. എം. വൈ. സി. ഭാര വാഹികളും പ്രവർത്തകരും പരിപാടി യിൽ സംബന്ധിച്ചു. മുഹമ്മദ് സി. എച്ച്. നന്ദി പറഞ്ഞു.

- pma

വായിക്കുക: , , , , , , ,

Comments Off on ആർ. എം. വൈ. സി. ‘കാൽ നൂറ്റാണ്ടിന്‍റെ സാന്ത്വനം’ ലോഗോ പ്രകാശനം ചെയ്തു

ഗ്രാൻഡ് മാസ്റ്റർ കെ. എം. ഷെരീഫിന് പെരുമയുടെ ആദരം

June 16th, 2023

logo-peruma-payyyoli-ePathram

ദുബായ് : മലബാറിലെ കരാട്ടെ പ്രചാരകന്‍ എന്ന വിശേഷണമുള്ള കരാട്ടെ പരിശീലകനും ലോകം എമ്പാടും ശിഷ്യ ഗണങ്ങളുള്ള ഗ്രാൻഡ് മാസ്റ്റർ ഗ്രാൻഡ് മാസ്റ്റർ കെ. എം. ഷെരീഫ് പയ്യോളി പെരുമയുടെ ആദരം എറ്റു വാങ്ങി.

peruma-payyoli-honoring-karate-grand-master-shereef-ePathram

കെ. എം. ഷെരീഫിനെ അഡ്വ. മുഹമ്മദ് സാജിദ് സദസ്സിനു പരിചയപ്പെടുത്തി. വളരെ ചെറുപ്പത്തിൽ തന്നെ പ്രവാസം ആരംഭിച്ച ഷെരീഫ്, വിദേശത്തു വെച്ചു തന്നെ കരാട്ടെയിൽ ബ്ലാക്ക് ബെല്‍റ്റും റെഡ് ബെൽറ്റും നേടി. അന്താരാഷ്ട്ര കരാട്ടെ ഫെഡറേഷന്‍റെ മുൻ ഇന്ത്യൻ വൈസ് പ്രസിഡണ്ട് കൂടിയായ ഇദ്ദേഹം നേപ്പാൾ, മുംബൈ, ഹൈദരാബാദ്, ബാംഗ്ലൂർ എന്നിവിടങ്ങളിൽ ക്ലാസ്സുകള്‍ നടത്തുകയും പ്രദർശനങ്ങൾ സംഘടിപ്പിക്കുകയും ഏറെ അംഗീകാരങ്ങൾ നേടുകയും ചെയ്തിട്ടുണ്ട്.

ഇന്‍റര്‍ നാഷണൽ ഗോൾഡ് മെഡലിസ്റ്റും തെലുങ്കാന പോണ്ടിച്ചേരി ഗവർണ്ണർമാരുടെ അവർഡിനും അർഹനായ ഷെരീഫ് മുൻ ബ്രിട്ടീഷ് പ്രധാനമന്ത്രി ടോണി ബ്ലയർ, മുൻ രാഷ്ട്രപതിമാരായ കെ. ആർ. നാരായണൻ, എ. പി. ജെ. അബ്ദുൽ കലാം, മുൻ മുഖ്യ മന്ത്രി കെ. കരുണാകരൻ തുടങ്ങിയവരുടെ പ്രശംസ പത്രങ്ങളും നേടിയിട്ടുണ്ട്.

പെരുമ പ്രസിഡണ്ട് സാജിദ് പുറത്തൂട്ട് അദ്ധ്യക്ഷത വഹിച്ചു. ബഷീർ തിക്കോടി പൊന്നാട അണിയിച്ചു. സത്യൻ പള്ളിക്കര ഉപഹാരം നൽകി.

സുരേഷ്, മൊയ്‌ദീൻ പട്ടായി, ഫിറോസ്, ഫൈസൽ തിക്കോടി, നൗഷർ, പവിത്രൻ, മൊയ്‌ദു, സുരേന്ദ്രൻ, നിഷാദ്, ഗഫൂർ ടി. കെ., റയീസ് എന്നിവർ ആശംസ കൾ നേർന്നു. സെക്രട്ടറി സുനിൽ പാറേമ്മൽ സ്വാഗതവും ട്രഷറർ വേണു അയനിക്കാട് നന്ദിയും പറഞ്ഞു.

സ്വകാര്യ സന്ദര്‍ശനാര്‍ത്ഥം യു. എ. ഇ. യിൽ എത്തിയ അദ്ദേഹത്തിന് തന്‍റെ നാട്ടുകാരും ശിഷ്യന്മാരും ഉൾപ്പെട്ട വൻ സദസ്സിൽ ആദരം ഏറ്റു വാങ്ങിയത് വേറിട്ട അനുഭവവുമായി. Peruma Payyoli

- pma

വായിക്കുക: , , , , , ,

Comments Off on ഗ്രാൻഡ് മാസ്റ്റർ കെ. എം. ഷെരീഫിന് പെരുമയുടെ ആദരം

ചേറ്റുവോത്സവം ഞായറാഴ്ച

June 16th, 2023

chettuwa-association-chettuwoltavam-2023-ePathram
ഷാർജ : തൃശ്ശൂർ ജില്ലയിലെ ചേറ്റുവ സ്വദേശികളുടെ യു. എ. ഇ. യിലെ സാംസ്കാരിക കൂട്ടായ്മ ചേറ്റുവ അസ്സോസിയേഷൻ സംഘടിപ്പിക്കുന്ന 18-ാമത് ‘ചേറ്റുവോത്സവം-2023’ ജൂൺ 18 ഞായറാഴ്ച ഉച്ചക്ക് 2 മണി മുതൽ രാത്രി 10 മണി വരെ ഷാർജ മുവൈലയിലെ ഡൽഹി പ്രൈവറ്റ് സ്കൂൾ ഓഡിറ്റോറിയത്തിൽ നടക്കും.

സാംസ്‌കാരിക സമ്മേളനം, ശിങ്കാരി മേളം, സ്റ്റാർ സിംഗേഴ്സ്‌ നൈറ്റ്‌, ‘അപ്പൂപ്പൻ താടി’ മ്യൂസിക്‌ ബാൻഡ് അവതരണം, കുട്ടികളുടെ വിവിധ കലാ പരിപാടികൾ എന്നിവയും ഉണ്ടായിരിക്കും എന്ന് മുഖ്യ രക്ഷാധികാരി പി. ബി. ഹുസൈൻ, പ്രസിഡണ്ട് ബഷീർ കന്നത്ത് പടി, സെക്രട്ടറി നിസാർ, ട്രഷറർ ഇയ്യാസ് എന്നിവർ അറിയിച്ചു.

- pma

വായിക്കുക: , , , , , ,

Comments Off on ചേറ്റുവോത്സവം ഞായറാഴ്ച

Page 18 of 138« First...10...1617181920...304050...Last »

« Previous Page« Previous « മലപ്പുറം ഫെസ്റ്റ് : ‘മഹിതം മലപ്പുറം’ ജൂൺ 17, 18 തിയ്യതികളിൽ ഇസ്ലാമിക് സെന്‍ററിൽ
Next »Next Page » ഗ്രാൻഡ് മാസ്റ്റർ കെ. എം. ഷെരീഫിന് പെരുമയുടെ ആദരം »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha