വിദ്യാർത്ഥികൾക്കായി വിൻ്റർ ക്യാമ്പ് ഡിസംബർ 27 മുതൽ

December 14th, 2023

abudhabi-kmcc-transformation-winter-camp-2023-ePathram
അബുദാബി : സംസ്ഥാന കെ. എം. സി. സി. കമ്മിറ്റി ‘ട്രാൻസ്‌ഫോമേഷൻ’ എന്ന പേരിൽ സംഘടിപ്പിക്കുന്ന വിൻ്റർ ക്യാമ്പ് 2023 ഡിസംബർ 27 ബുധൻ മുതൽ 31 ഞായർ വരെ രാവിലെ 9 മണി മുതൽ ഉച്ചക്ക് 1 മണി വരെ അഞ്ച് ദിവസങ്ങളിലായി അബുദാബി ഇന്ത്യൻ ഇസ്‌ലാമിക് സെൻ്ററിൽ നടക്കും.

ഇൻഫോസ്കിൽസുമായി സഹകരിച്ചു നടത്തുന്ന വിൻ്റർ ക്യാമ്പിൽ വിവിധ മേഖലകളിൽ വിദഗ്ദ്ധരായ പരിശീലകർ ക്ലാസ്സുകൾക്ക് നേതൃത്വം നൽകും. ഗ്രേഡ് 1 മുതൽ 12 വരെയുള്ള കുട്ടികൾക്കാണ് പ്രവേശനം. ഡിസംബർ 31 ഞായറാഴ്ച വൈകുന്നേരം 6 മണിക്ക് നടക്കുന്ന ഗ്രാൻഡ് ഫിനാലെയോടെ ക്യാമ്പിന് സമാപനമാകും. പരിശീലനത്തിന് എത്തുന്ന കുട്ടികൾക്കായി പ്രത്യേക വാഹന സൗകര്യവും ഒരുക്കിയിട്ടുണ്ട്.

വിൻ്റർ ക്യാമ്പ് അഡ്മിഷന് ഈ ലിങ്കിൽ ക്ലിക്ക് ചെയ്ത് രജിസ്റ്റർ ചെയ്യാം. കൂടുതൽ വിവരങ്ങൾക്ക്  050 742 1020, 050 200 1157 എന്നീ നമ്പറുകളിൽ ബന്ധപ്പടുക.

- pma

വായിക്കുക: , , , ,

Comments Off on വിദ്യാർത്ഥികൾക്കായി വിൻ്റർ ക്യാമ്പ് ഡിസംബർ 27 മുതൽ

കാനം രാജേന്ദ്രൻ്റെ നിര്യാണത്തിൽ അനുശോചിച്ചു

December 12th, 2023

cpi-leader-kanam-rajendran-ePathram
അബുദാബി : സി. പി. ഐ. സംസ്ഥാന ജനറൽ സെക്രട്ടറിയും മുതിർന്ന ഇടതു പക്ഷ നേതാവുമായ കാനം രാജേന്ദ്രൻ്റെ നിര്യാണത്തിൽ അനുശോചന യോഗം സംഘടിപ്പിച്ചു. അബുദാബി കേരള സോഷ്യൽ സെൻറർ, യുവ കലാ സാഹിതിയും സംയുക്തമായി നടത്തിയ അനുശോചന യോഗത്തിൽ കെ. എസ്. സി. പ്രസിഡണ്ട് എ. കെ. ബീരാൻ കുട്ടി അദ്ധ്യക്ഷത വഹിച്ചു.

ksc-yks-remembering-cpi-leader-kanam-rajendran-ePathram

ചന്ദ്രശേഖരൻ അനുശോചന പ്രമേയം അവതരിപ്പിച്ചു. ഐ. എസ്. സി. ആക്ടിംഗ് പ്രസിഡണ്ട് റജി ഉലഹന്നാൻ, കെ. എസ്. സി. വൈസ് പ്രസിഡണ്ട് റോയ് ഐ. വർഗീസ്, ആക്ടിംഗ് ജനറൽ സെക്രട്ടറി അഭിലാഷ് തറയിൽ, ശക്തി തിയ്യറ്റേഴ്‌സ് പ്രസിഡണ്ട് ടി. കെ. മനോജ്, നാടക സംവിധായകൻ വൈശാഖ് അന്തിക്കാട്, സുനിൽ ബാഹുലേയൻ, യുവ കലാ സാഹിതി പ്രസിഡണ്ട് ആർ. ശങ്കർ, സെക്രട്ടറി രഞ്ജിത്ത് പരിയാരം തുടങ്ങി അബുദാബിയിലെ വിവിധ സംഘടനാ നേതാക്കൾ ഉൾപ്പെടെ ഒട്ടേറെ പേർ അനുശോചന യോഗത്തിൽ പങ്കെടുത്തു സംസാരിച്ചു.

- pma

വായിക്കുക: , , , ,

Comments Off on കാനം രാജേന്ദ്രൻ്റെ നിര്യാണത്തിൽ അനുശോചിച്ചു

ദൃശ്യം -3 : പത്മരാജൻ പുരസ്‌കാര സമർപ്പണവും നൃത്ത സംഗീത നിശയും

December 8th, 2023

samskarika-vedhi-drishyam-3-ePathram
അബുദാബി : സാംസ്കാരിക കൂട്ടായ്മയായ അബുദാബി സാംസ്കാരിക വേദി ഒരുക്കുന്ന ‘ദൃശ്യം-3’ എന്ന നൃത്ത സംഗീത നിശ 2023 ഡിസംബർ 9 ശനിയാഴ്ച രാത്രി ഏഴു മണിക്ക് ഇന്ത്യൻ ഇസ്ലാമിക് സെൻററിൽ അരങ്ങേറും.

പ്രശസ്ത കഥാകൃത്തും സംവിധായകനും ആയിരുന്ന പി. പത്മാരാജൻ്റെ സ്മരണാർത്ഥം നൽകി വരുന്ന മൂന്നാമത്  പത്മരാജൻ പുരസ്കാരം  ദൃശ്യം -3 പ്രോഗ്രാമിൽ വെച്ച് നടനും സംവിധായകനും തിരക്കഥാ കൃത്തുമായ രഞ്‌ജി പണിക്കർക്ക് സമ്മാനിക്കും.

അവാർഡ് ദാന ചടങ്ങിൽ വെച്ച് അബുദാബി സാംസ്കാരിക വേദിയുടെ 2023 വർഷത്തെ ‘ബിസ്സിനസ്സ് എക്സലൻസി അവാർഡ്’ ഫ്രാൻസിസ് ആൻറണിക്കും ‘യംഗ് എൻറർ പ്രണർ അവാർഡ്’ ഫർഹാൻ നൗഷാദിനും ‘വുമൻ എംപവർ മെൻറ് അവാർഡ്’ സൗമ്യ മൈലുക്കിനും സമ്മാനിക്കും.

സംവിധായകൻ മൻജിത് ദിവാകറിനെയും ചടങ്ങിൽ വെച്ച് ആദരിക്കും. അബുദാബി സാംസ്കാരിക വേദി കലാ കാരന്മാർ ഒരുക്കുന്ന വിവിധ സംഗീത- നൃത്ത- കലാ പരിപാടികളും അരങ്ങേറും.

- pma

വായിക്കുക: , , , , , , ,

Comments Off on ദൃശ്യം -3 : പത്മരാജൻ പുരസ്‌കാര സമർപ്പണവും നൃത്ത സംഗീത നിശയും

പലോത്ത് പറമ്പ് അബുദാബി മുസാഅദ കമ്മിറ്റി കൺവെൻഷൻ

December 8th, 2023

abudhabi-musaada-committee-reception-ePathram
അബുദാബി : ഹ്രസ്വ സന്ദർശനാർത്ഥം അബുദാബി യിൽ എത്തിയ പലോത്ത് പറമ്പ് മഹല്ല് സെക്രട്ടറി യു. വി. ആരിഫ്, പി. പി. ഫൈസൽ എന്നിവർക്ക് അബു ദാബി പലോത്ത് പറമ്പ്  മഹല്ല് മുസാഅദ കമ്മിറ്റി സ്വീകരണം നൽകി. അബുദാബി ഇന്ത്യൻ ഇസ്ലാമിക് സെൻ്ററിൽ സംഘടിപ്പിച്ച മുസാഅദ കമ്മിറ്റിയുടെ കൺവെൻഷനിൽ മുസാഅദ പ്രസിഡണ്ട് ഇബ്രാഹിം മുസ്ലിയാർ അദ്ധ്യക്ഷത വഹിച്ചു.

palothu-parambu-mahallu-abudhabi-committee-ePathram

ജനറൽ സെക്രട്ടറി നൗഷാദ് തൃപ്രങ്ങോട് സ്വാഗതം പറഞ്ഞു. പലോത്ത് പറമ്പ് മഹല്ല് കമ്മിറ്റി സെക്രട്ടറി യു. വി. ആരിഫ് യോഗം ഉദ്ഘാടനം ചെയ്തു.

പി. പി. ഫൈസൽ മുഖ്യ പ്രഭാഷണം നിർവ്വഹിച്ചു. അടുത്തിടെ വിട പറഞ്ഞ അലിക്ക് വേണ്ടിയുള്ള പ്രാർത്ഥനക്ക് ഇബ്രാഹിം ഉസ്താദ് നേതൃത്വം നൽകി.

മുസാഅദ കമ്മിറ്റി വൈസ് പ്രസിഡണ്ട് ടി. അബ്ദു, നജീബ്, ട്രഷറർ ബഷീർ എന്നിവർ അതിഥികളെ പൊന്നാട അണിയിച്ചു. ഹുസൈൻ പുല്ലത്ത്, അഷ്റഫ് സി. വി. ബാബു എന്നിവർ ആശംസകൾ നേർന്നു.

ഫഹദ്, ഗഫൂർ വി. പി. ഹാഷിം, യു. വി റഷീദ് എന്നിവർ നേതൃത്വം നൽകി. ബഷീർ ടി. പി. നന്ദി പറഞ്ഞു.

- pma

വായിക്കുക: , , , ,

Comments Off on പലോത്ത് പറമ്പ് അബുദാബി മുസാഅദ കമ്മിറ്റി കൺവെൻഷൻ

യു. എ. ഇ. യൂണിയൻ ഡേ : കെ. എം. സി. സി. യുടെ വൻ ജനകീയ റാലി

December 4th, 2023

uae-national-day-kmcc-walkathon-ePathram

അബുദാബി : യു. എ. ഇ. ദേശീയ ദിന ആഘോഷ ങ്ങളുടെ നിറവിൽ രാജ്യത്തിനും ഭരണാധികാരി കൾക്കും അഭിവാദ്യം അർപ്പിച്ചു കൊണ്ട് അബുദാബി കെ. എം. സി. സി. സംഘടിപ്പിച്ച റാലിയിൽ ആയിരക്കണക്കിന് പ്രവാസികൾ പങ്കെടുത്തു. അബുദാബി കോൺനീഷിൽ യു. എ. ഇ. യുടെ ചതുർ വർണ്ണക്കൊടി ഏന്തിയും ഷാളണിഞ്ഞും വർണ്ണാഭമായ ഒരു തീരം അബുദാബി കെ. എം. സി. സി. ഒരുക്കുക യായിരുന്നു.

ഇന്തോ-അറബ് കലാ പരിപാടികളും ബാൻഡ് മേളവും കോൽക്കളിയും അടക്കം വിവിധ പരിപാടികളും ജനകീയ റാലിക്ക് മാറ്റു കൂട്ടി. കെ.എം.സി.സി. പ്രസിഡണ്ട് ഷുക്കൂറലി കല്ലുങ്ങൽ, ജനറൽ സെക്രട്ടറി യുസുഫ് സി. എച്ച്. എന്നിവർക്ക് ഇന്ത്യൻ ഇസ്ലാമിക് സെൻറർ പ്രസിഡണ്ട് പി. ബാവാ ഹാജി യു. എ. ഇ. ദേശീയ പതാക കൈമാറി റാലി ഉൽഘടനം ചെയ്തു. അഡ്വ. കെ. വി. മുഹമ്മദ് കുഞ്ഞി, എം. ഹിദായത്തുള്ള, ഇബ്രാഹിം ബഷീർ എന്നിവർ സന്നിഹിതരായിരുന്നു.

സംസ്ഥാന ഭാരവാഹികളായ ടി. കെ. അബ്ദു സലാം, അഷറഫ് പൊന്നാനി, റഷീദ് പട്ടാമ്പി, ഹംസ നടുവിൽ, കോയ തിരുവത്ര, ബാസിത് കായക്കണ്ടി, അനീസ് മാങ്ങാട്, സാബിർ മാട്ടൂൽ, ഷറഫുദ്ദീൻ കൊപ്പം, ഖാദർ ഒളവട്ടൂർ, ഹംസ ഹാജി പാറയിൽ, സി. പി. അഷറഫ്, മൊയ്തുട്ടി വേളേരി, ഷാനവാസ് പുളിക്കൽ റാലിക്ക് നേതൃത്വം നൽകി. FB  POST 

- pma

വായിക്കുക: , , , ,

Comments Off on യു. എ. ഇ. യൂണിയൻ ഡേ : കെ. എം. സി. സി. യുടെ വൻ ജനകീയ റാലി

Page 7 of 138« First...56789...203040...Last »

« Previous Page« Previous « ജനസാഗരമായി കെ. എസ്. സി. കേരളോത്സവം
Next »Next Page » ദേശീയ ദിനആഘോഷം : 500 ദിർഹം പോളിമർ നോട്ട് പുറത്തിറക്കി »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha