എക്സ്പ്രസ് ബസ്സ് : രണ്ടാം ഘട്ടം തുടങ്ങി

July 2nd, 2022

abu-dhabi-express-bus-service-launched-ePathram
അബുദാബി : അതിവേഗ എക്സ്പ്രസ്സ് ബസ്സ് സർവ്വീസ് രണ്ടാം ഘട്ടം ജൂണ്‍ മുപ്പതു മുതല്‍ തുടക്കം കുറിച്ചു. തലസ്ഥാന നഗരിയില്‍ നിന്നും എമിറേറ്റിന്‍റെ വിവിധ മേഖലകളിലേക്കും തിരിച്ചും അതിവേഗം യാത്ര ചെയ്യാവുന്ന വിധത്തില്‍ ഇടക്കു സ്റ്റോപ്പുകള്‍ ഇല്ലാത്ത അബുദാബി എക്സ്‌പ്രസ്സ് ബസ്സ് സർവ്വീസ് ആദ്യ ഘട്ടം ഇക്കഴിഞ്ഞ മാര്‍ച്ച് മാസത്തിലാണ് ആരംഭിച്ചത്. ഇതിന്‍റെ വിജയത്തെ തുടര്‍ന്നാണ് കൂടുതൽ മേഖല കളിലേക്ക് സര്‍വ്വീസ് വ്യാപിപ്പിക്കുന്നത് എന്ന് ഇന്‍റഗ്രേറ്റഡ് ട്രാന്‍സ്പോര്‍ട്ട് സെന്‍റര്‍ (ITC) അറിയിച്ചു.

അബുദാബിയില്‍ നിന്നും ബനിയാസ് ടാക്സി സ്റ്റേഷൻ, മഫ്റഖ് വർക്കേഴ്സ് സിറ്റി, ലൈഫ് ലൈൻ ഹോസ്പിറ്റൽ ബസ്സ് സ്റ്റോപ്പ്, അൽദഫ്ര യിലെ മിർഫ സിറ്റി, സായിദ് സിറ്റി എന്നിവിടങ്ങളിലേക്കാണ് രണ്ടാം ഘട്ട സർവ്വീസ് ആരംഭിച്ചത്.

തിരക്കുള്ള സമയങ്ങളിൽ 10 മിനിറ്റ് ഇടവേളകളിലും സാധാരണ സമയങ്ങളിൽ 25 മിനിറ്റ് ഇടവേളകളിലും എക്സ്പ്രസ്സ് ബസ്സ് സർവ്വീസ് നടത്തും. തിങ്കൾ മുതൽ വെള്ളി വരെ രാവിലെ 5 മണി മുതൽ രാത്രി 10 മണി വരെയും അവധി ദിവസങ്ങളിൽ പുലർച്ചെ ഒരു മണി വരെയും ബസ്സ് സർവ്വീസ് ഉണ്ടാവും.

ആദ്യ ഘട്ടത്തിൽ 38 ബസ്സുകൾ നടത്തിയ 14,500 ട്രിപ്പു കളിലൂടെ 70,000 പേർക്കു യാത്ര ചെയ്യാന്‍ കഴിഞ്ഞു. എന്ന് ഗതാഗത വകുപ്പ് അറിയിച്ചു.

 

- pma

വായിക്കുക: , , ,

Comments Off on എക്സ്പ്രസ് ബസ്സ് : രണ്ടാം ഘട്ടം തുടങ്ങി

ഇ- സ്കൂട്ടർ പെർമിറ്റുകൾ ഏപ്രില്‍ 28 മുതല്‍ ഓണ്‍ ലൈനിലൂടെ

April 27th, 2022

roads-transport-authority-dubai-logo-rta-ePathram
ദുബായ് : നഗരത്തില്‍ സുരക്ഷിതമായി ഇ – സ്കൂട്ടറുകൾ ഓടിക്കാനുള്ള അനുമതിക്കായി ദുബായ് റോഡ്സ് & ട്രാന്‍സ്പോര്‍ട്ട് അഥോറിറ്റി (ആർ. ടി. എ.) യുടെ വെബ് സൈറ്റ് വഴി ഏപ്രില്‍ 28 മുതല്‍ അപേക്ഷ നല്‍കണം എന്ന് അധികൃതര്‍. 16 വയസ്സ് കഴിഞ്ഞ അപേക്ഷകർക്ക് സൗജന്യമായി അനുമതിനൽകും. ആർ. ടി. എ. യുടെ ബോധ വത്കരണ പരിശീലന കോഴ്സ് വിജയകരമായി പൂർത്തിയാക്കണം എന്നു മാത്രം.

യു. എ. ഇ. ഡ്രൈവിംഗ് ലൈസന്‍സ്, അന്താരാഷ്ട്ര ഡ്രൈവിംഗ് ലൈസന്‍സ് എന്നിവ ഉള്ളവര്‍ക്ക് ഇ- സ്കൂട്ടര്‍ ഓടിക്കുവാന്‍ പ്രത്യേക അനുമതി ആവശ്യമില്ല. ഇ- സ്കൂട്ടറുകൾ ഓടിക്കാൻ അനുവാദമുള്ള സ്ട്രീറ്റുകളിൽ ഇവ ഉപയോഗിക്കാനാണ് പ്രത്യേക പെർമിറ്റ് നൽകുന്നത്.

സൈക്കിൾ പാത, നടപ്പാതയുടെ വശങ്ങൾ എന്നിവിട ങ്ങളിൽ ഇ- സ്കൂട്ടർ ഓടിക്കുന്നതിന് അനുമതി ആവശ്യമില്ല. അനുമതിയില്ലാതെ ഇ-സ്കൂട്ടർ ഓടിക്കുക, ആർ. ടി. എ. യുടെ മാനദണ്ഡങ്ങൾ പാലിക്കാത്ത ഇ-സ്കൂട്ടർ ഉപയോഗിക്കുക എന്നിവ നിയമ ലംഘനമാണ്. ഇത്തരക്കാര്‍ക്ക് 200 ദിർഹം പിഴ ഈടാക്കും.

- pma

വായിക്കുക: , , ,

Comments Off on ഇ- സ്കൂട്ടർ പെർമിറ്റുകൾ ഏപ്രില്‍ 28 മുതല്‍ ഓണ്‍ ലൈനിലൂടെ

സിറ്റി ബസ്സ് സര്‍വ്വീസ് റമദാനില്‍ രാവിലെ 5 മണി മുതൽ

April 3rd, 2022

abudhabi-bus-service-by-itc-ePathram
അബുദാബി : റമദാനിലെ സിറ്റി ബസ്സ് സര്‍വ്വീസ് സമയം പുനക്രമീകരിച്ചു. തലസ്ഥാന നഗരിയില്‍ രാവിലെ 5 മണി മുതൽ പുലര്‍ച്ചെ ഒരു മണി വരെയും ഉള്‍ പ്രദേശ ങ്ങളിലേക്ക് അർദ്ധ രാത്രി 12 മണി വരെയും സർവ്വീസ് നടത്തും എന്ന് ഗതാഗത വകുപ്പ് അറിയിച്ചു.

നഗരത്തില്‍ സര്‍വ്വീസ് നടത്തുന്ന റൂട്ട് നമ്പര്‍ 22, 54, 65, 67, എന്നിവയും എയര്‍ പോര്‍ട്ട് സര്‍വ്വീസ്  A1, A2 കൂടാതെ റൂട്ട് നമ്പര്‍ 101, 110, എന്നിവ 24 മണിക്കൂറും സർവ്വീസ് നടത്തും.

പുതുതായി ആരംഭിച്ച എക്സ്പ്രസ്സ് സർവ്വീസ് പ്രവൃത്തി ദിവസങ്ങളിൽ രാവിലെ 6 മണി മുതൽ രാത്രി 11 മണി വരെയും വാരാന്ത്യ ങ്ങളിൽ രാവിലെ 6 മണി മുതൽ പുലർച്ചെ ഒരു മണി വരെയും സര്‍വ്വീസ് നടത്തും.

വാഹനങ്ങള്‍ പാര്‍ക്ക് ചെയ്യുന്നതിനുള്ള മവാഖിഫ് പെയ്മെന്‍റ് ശനി മുതൽ വ്യാഴം വരെ രാവിലെ 8 മണി മുതൽ അർദ്ധ രാത്രി 12 മണി വരെ യുമാണ്.

വെള്ളിയാഴ്ചയും പൊതു അവധി ദിവസങ്ങളിലും മവാഖിഫ് പാർക്കിംഗ് സൗജന്യം ആയിരിക്കും.

അബുദാബി ടോള്‍ ഗേറ്റ് (ദർബ്) പണം ഈടാക്കുന്നത് രാവിലെ 8 മണി മുതൽ 10 മണി വരെയും ഉച്ചക്ക് 2 മണി മുതൽ വൈകു ന്നേരം 4 മണി വരെയും ആയിരിക്കും.

* W A M , City Express Service

- pma

വായിക്കുക: , , ,

Comments Off on സിറ്റി ബസ്സ് സര്‍വ്വീസ് റമദാനില്‍ രാവിലെ 5 മണി മുതൽ

വേഗതയോടെ ബസ്സ് യാത്രക്ക് അബുദാബി എക്സ്‌പ്രസ്സ് സർവ്വീസ്

March 16th, 2022

abu-dhabi-express-bus-service-launched-ePathram
അബുദാബി : തലസ്ഥാന നഗരിയില്‍ നിന്നും എമിറേറ്റിന്‍റെ വിവിധ മേഖലകളിലേക്കും തിരിച്ചും അതിവേഗം യാത്ര ചെയ്യാവുന്ന വിധത്തില്‍ ഇടക്കു സ്റ്റോപ്പുകള്‍ ഇല്ലാത്ത അബുദാബി എക്സ്‌പ്രസ്സ് ബസ്സ് സർവ്വീസിനു തുടക്കമായി. ഓരോ പത്തു മിനിറ്റിലും അബുദാബി നഗര ത്തെയും എമിറേറ്റിലെ മറ്റ് മേഖല കളെയും ബന്ധിപ്പിച്ചു കൊണ്ടാണ് അബുദാബി എക്സ്‌പ്രസ്സ് സർവ്വീസ് നടത്തുക.

പ്രവൃത്തി ദിവസ ങ്ങളിൽ രാവിലെ 5 മണി മുതൽ രാത്രി 10 മണി വരെ യും വാരാന്ത്യ ദിവസങ്ങളിൽ അർദ്ധ രാത്രി ഒരു മണി വരെയും ആയിരിക്കും സര്‍വ്വീസ്. നഗര യാത്രാ ബസ്സുകളെ അപേക്ഷിച്ച്, എക്സ് പ്രസ്സ് സര്‍വ്വീസിനു സ്റ്റോപ്പുകൾ കുറവാണ് എന്നുള്ളത് കൂടുതല്‍ പേരെ ഇതിലേക്ക് ആകര്‍ഷിക്കും.

രണ്ടു ഘട്ടങ്ങളിലായാണ് സർവ്വീസ് തുടങ്ങുന്നത്. ആദ്യ ഘട്ടത്തില്‍ ആരംഭിച്ച എക്സ് പ്രസ്സ് സര്‍വ്വീസ്, വ്യവസായ മേഖലയായ മുസഫ ഇന്‍ഡസ്ട്രി യല്‍ ഏരിയ, മുഹമ്മദ് ബിൻ സായിദ് സിറ്റി എന്നിവയെ തലസ്ഥാന നഗരി യുമായി ബന്ധിപ്പിക്കും.

രണ്ടാം ഘട്ടത്തില്‍ ഖലീഫ സിറ്റി, ബനിയാസ്, ഷഹാമ, അൽ ഫലാഹ് തുടങ്ങിയ മേഖല കളില്‍ നിന്നും അബു ദാബി നഗരത്തിലേക്കും തിരിച്ചുമുള്ള സര്‍വ്വീസ് ആരംഭിക്കും.

സ്വകാര്യ മേഖല യുടെ സഹകരണ ത്തോടെ യാണ് പദ്ധതി നടപ്പാക്കുന്നത്. ആദ്യഘട്ട സർവീസുകൾ അൽ ഗസൽ ട്രാൻസ് പോർട്ട് കമ്പനി, എമിറേറ്റ്‌സ് ടാക്സി എന്നീ സ്ഥാപന ങ്ങ ളു മായി സഹകരിച്ചാണ് നടപ്പിലാക്കുന്നത്.

 

- pma

വായിക്കുക: , ,

Comments Off on വേഗതയോടെ ബസ്സ് യാത്രക്ക് അബുദാബി എക്സ്‌പ്രസ്സ് സർവ്വീസ്

അബുദാബി ടോൾ ഗേറ്റ് : റജിസ്‌ട്രേഷൻ തുടക്ക മായി

September 8th, 2019

department-of-transport-dot-launch-abu-dhabi-toll-gate-ePathram
അബുദാബി : ഒക്ടോബര്‍ 15 മുതല്‍ പ്രാബല്യ ത്തിൽ വരുന്ന അബുദാബി ടോൾ ഗേറ്റ് സംവി ധാന ത്തിന് മുന്നോടി യായി അബു ദാബി യിലെ വാഹന ങ്ങള്‍ ഇപ്പോൾ സൗജന്യമായി റജിസ്റ്റർ ചെയ്യാം എന്ന് ഗതാഗത വകുപ്പ് അറിയിച്ചു.

ഗതാഗത ക്കുരുക്ക് കുറക്കുക, പ്രാദേ ശിക ഗതാ ഗത മേഖല യുടെ കാര്യക്ഷമത വര്‍ദ്ധി പ്പിക്കുക എന്നീ ലക്ഷ്യ ങ്ങള്‍ മുന്‍ നിറുത്തിയാണ് അൽ മഖ്ത, മുസ്സഫ, ശൈഖ് സായിദ് ബ്രിഡ്ജ്, ശൈഖ് ഖലീഫ ബ്രിഡ്ജ് എന്നീ പ്രധാന പാല ങ്ങളിൽ ടോൾ ഗേറ്റ് സ്ഥാപി ച്ചിരി ക്കുന്നത്.

ഒക്ടോബര്‍ 15 കഴിഞ്ഞാല്‍  100 ദിർഹം റജിസ്‌ട്രേഷൻ ഫീസ് നല്‍കണം. മറ്റു എമി റേറ്റു കളി ലെ വാഹന ങ്ങൾ ക്ക് റജിസ്ട്രേഷൻ സമയത്ത് 100 ദിർഹം ഈടാക്കും എന്നാല്‍ 50 ദിർഹം അക്കൗ ണ്ടിൽ വരവു വെക്കുന്ന തായി രിക്കും.

അബുദാബി ഗതാഗത വകുപ്പിന്റെ വെബ്‌ സൈറ്റ് വഴിയോ സർക്കാർ സേവന കേന്ദ്ര ങ്ങൾ വഴിയോ റജിസ്‌ട്രേ ഷൻ നടത്താം. ആദ്യ ഘട്ടത്തിൽ വ്യക്തി ഗത വാഹ ന ങ്ങളും രണ്ടാം ഘട്ട ത്തിൽ കമ്പനി വാഹന ങ്ങളും റജിസ്റ്റര്‍ ചെയ്യാം.

വാഹന ത്തിന്‍റെ പ്ലേറ്റ് നമ്പർ, റജിസ്റ്റർ ചെയ്ത എമിറേറ്റ്, എമിറേറ്റ് ഐ. ഡി. നമ്പരും കാലാ വധിയും, മൊബൈൽ ഫോണ്‍ നമ്പർ, ഇ – മെയിൽ വിലാസം, പാസ്സ് വേർഡ് എന്നിവ നൽകി അക്കൗണ്ട് ക്രിയേറ്റ് ചെയ്താൽ കിട്ടുന്ന യൂസർ ഐ. ഡി. യും ഒ. ടി. പി. യും ഉപയോഗിച്ച് ലോഗിൻ ചെയ്യാം. അതോടൊപ്പം ബാങ്ക് – ക്രെഡിറ്റ് കാര്‍ഡ് വിവര ങ്ങളും നല്‍കി യിരി ക്കണം. ബാങ്ക് അക്കൗണ്ട് ഇല്ലാത്തവർക്ക് ടെല്ലർ മെഷ്യന്‍ വഴി പണം അടക്കുവാനുള്ള സൗകര്യം ഉണ്ടായിരിക്കും.

- pma

വായിക്കുക: , , , , , , ,

Comments Off on അബുദാബി ടോൾ ഗേറ്റ് : റജിസ്‌ട്രേഷൻ തുടക്ക മായി

Page 1 of 212

« Previous « രാം ജെഠ്മലാനി അന്തരിച്ചു
Next Page » നൗഷാദിന് കെ. എസ്. സി. യിൽ സ്വീകരണം നൽകി  »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha