 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : ഇന്ത്യയുടെ സ്വാതന്ത്ര്യ ദിന ആഘോഷ ങ്ങളുടെ ഭാഗമായി അബുദാബി ഇന്ത്യൻ ഇസ്ലാമിക് സെന്റർ കൾച്ചറൽ വിംഗ് സംഘടിപ്പിക്കുന്ന ഓപ്പൺ ചിത്ര രചന മത്സരം (Open Drawing Competition) 2026 ആഗസ്റ്റ് 14 വെള്ളിയാഴ്ച സെന്റർ അങ്കണത്തിൽ നടക്കും.
വൈകുന്നേരം 6 മണി മുതലാണ് മത്സരങ്ങൾ ആരംഭിക്കുക. രജിസ്ട്രേഷനും മറ്റു വിശദ വിവരങ്ങൾക്കും 055 424 3561, 055 955 7395 എന്നീ നമ്പറുകളിൽ വാട്സാപ്പ് വഴിയും സെന്റർ ഓഫീസുമായും (02 642 4488) ബന്ധപ്പെടുക.
വിജയികൾക്ക് ട്രോഫിയും സർട്ടിഫിക്കറ്റും മറ്റ് ആകർഷക സമ്മാനങ്ങളും നൽകും.
- pma
വായിക്കുക: competition, islamic-center-, ചിത്രകല, പൂര്വ വിദ്യാര്ത്ഥി, പ്രവാസി, സംഘടന
ദുബായ് : മലബാർ പ്രവാസി (യു. എ. ഇ.) ജനുവരി 27 നു ദുബായിൽ സംഘടിപ്പിക്കുന്ന മാമുക്കോയ അനുസ്മരണ പരിപാടിയായ ‘നമ്മുടെ സ്വന്തം മാമുക്കോയ’ യുടെ ഭാഗമായി കുട്ടികൾക്കു വേണ്ടി ചിത്ര രചന / കളറിംഗ് മത്സരവും കുടുംബിനികൾക്കു വേണ്ടി പായസ മത്സരവും നടത്തുന്നു.
അന്നേ ദിവസം 3 മണിക്ക് ആരംഭിക്കുന്ന മത്സര പരിപാടിയിൽ പങ്കെടുക്കുവാൻ ആഗ്രഹിക്കുന്നവർ മുൻകൂട്ടി പേര് രജിസ്റ്റർ ചെയ്യണം എന്ന് സംഘാടകർ അറിയിച്ചു.
ജേതാക്കൾ ആവുന്നവർക്ക് ആകർഷകമായ സമ്മാനങ്ങളും മുഴുവൻ മത്സരാർത്ഥികകൾക്കും സർട്ടിഫിക്കറ്റുകളും സമ്മാനിക്കും.
വിവരങ്ങൾക്ക് : 054 449 04 94, 050 578 69 80.
- pma
വായിക്കുക: nri, remembering, കുട്ടികള്, ചിത്രകല, പ്രവാസി, സിനിമ, സ്ത്രീ
അബുദാബി : ഇന്ത്യ സോഷ്യല് ആന്ഡ് കള്ച്ചറല് സെൻറർ സംഘടിപ്പിക്കുന്ന ഐ. എസ്. സി. – യു. എ. ഇ. ഓപ്പണ് യൂത്ത് ഫെസ്റ്റിവെൽ ജനുവരി 12, 13, 14 (വെള്ളി, ശനി, ഞായർ) ദിവസങ്ങളിൽ ഐ. എസ്. സി. യിലെ വിവിധ വേദികളിലായി നടക്കും.
യു. എ. ഇ. യിലെ 35 സ്കൂളുകളില് നിന്നുള്ള 3 മുതല് 18 വയസ്സ് വരെയുള്ള അഞ്ഞൂറോളം വിദ്യാര്ത്ഥികള് നാല് വിഭാഗ ങ്ങളിലായി യൂത്ത് ഫെസ്റ്റിവെലിൽ മാറ്റുരക്കും എന്ന് ഭാരവാഹികൾ വാർത്താ സമ്മേളന ത്തിൽ അറിയിച്ചു.
നൃത്ത വിഭാഗങ്ങളിൽ ഇന്ത്യന് ക്ലാസിക്കല്, സെമി ക്ലാസിക്കല്, ഫോക് ഡാന്സ് എന്നിവയും സംഗീത വിഭാഗത്തിൽ കര്ണാടിക്, ഹിന്ദുസ്ഥാനി, സിനിമാ ഗാനങ്ങള്, ലളിത ഗാനങ്ങള് എന്നിവയും മൂന്നാമത് വിഭാഗത്തിൽ ഉപകരണ സംഗീതം (ഈസ്റ്റേൺ & വെസ്റ്റേൺ), നാലാമത് വിഭാഗത്തിൽ മോണോ ആക്ട്, ഡ്രോയിങ്, പെയിന്റിങ്, കളറിംഗ്, ഫാന്സി ഡ്രസ്സ് എന്നിങ്ങനെ 26 ഇനങ്ങളിലാണ് മത്സരങ്ങൾ നടക്കുക.
ഏറ്റവും കൂടുതൽ പോയിൻറുകൾ നേടുന്ന ആൺ കുട്ടിക്ക് ‘ഐ. എസ്. സി. പ്രതിഭ 2023-24’ പുരസ്കാരവും പെൺ കുട്ടിക്ക് ‘ഐ. എസ്. സി. തിലക് 2023-24’ പുരസ്കാരവും മൊത്തം പോയിന്റു നേടിയതിന്റെ അടിസ്ഥാനത്തിൽ സ്കൂളിന് ‘ബെസ്റ്റ് ഇന്ത്യന് ആര്ട്ട് ആന്ഡ് കള്ച്ചറല് സ്കൂള് 2023-24’ പുരസ്കാരവും സമ്മാനിക്കും.
ഐ. എസ്. സി. അംഗം റോബിന്സണ് മൈക്കിളിൻ്റെ മകന് ഹാരോള്ഡ് റോബിന്സൻ്റെ സ്മരണാര്ത്ഥം ഏര്പ്പെടുത്തിയ പ്രത്യേക അവാർഡ്, യൂത്ത് ഫെസ്റ്റിവെലിലെ മികച്ച ഗായകനും നര്ത്തകനും സമ്മാനിക്കും.
സമാപന സമ്മേളനത്തില് ഇന്ത്യന് എംബസി കൗണ്സിലര് ഡോ. ബാലാജി രാമസ്വാമി മുഖ്യ അതിഥി ആയിരിക്കും.
ഐ. എസ്. സി. പ്രസിഡണ്ട് ജോണ് പി. വര്ഗ്ഗീസ്, ജനറല് സെക്രട്ടറി വി. പ്രദീപ് കുമാര്, ട്രഷറര് ദിലീപ് കുമാര്, സാഹിത്യ വിഭാഗം സെക്രട്ടറി ഗോപാല് സിഡ്ഡുല, യൂത്ത് ഫെസ്റ്റിവെല് കണ്വീനര് രാജ ശ്രീനിവാസ റാവു ഐത, ഭവന്സ് സ്കൂള് പ്രിന്സിപ്പല് സുരേഷ് വി. ബാലകൃഷ്ണന്, അഡ്മിനിസ്ട്രേഷന് മാനേജര് പ്രശാന്ത് ബാലചന്ദ്രന്, റിക്കു വര്ഗീസ് എന്നിവർ വാര്ത്താ സമ്മേളനത്തില് സംബന്ധിച്ചു.
- pma
വായിക്കുക: social-media, youth-festival, ആഘോഷം, ഇന്ത്യന് കോണ്സുലേറ്റ്, ഇന്ത്യന് സോഷ്യല് സെന്റര്, കല, കുട്ടികള്, ചിത്രകല, നൃത്തം, പ്രവാസി, ബഹുമതി, സംഗീതം, സംഘടന
അബുദാബി : പാലക്കാട് ജില്ലാ കെ. എം. സി. സി. ഇന്ത്യൻ ഇസ്ലാമിക് സെന്ററിൽ സംഘടിപ്പിച്ച സർഗ്ഗോത്സവ്-2023 കലാ സാഹിത്യ മത്സരങ്ങളിൽ കോങ്ങാട്, മണ്ണാർക്കാട്, പട്ടാമ്പി മണ്ഡലം കെ. എം. സി. സി. കമ്മിറ്റികൾ യഥാക്രമം ഒന്നും രണ്ടും മൂന്നും സ്ഥാനങ്ങൾ കരസ്ഥമാക്കി. ജില്ലയിലെ വിവിധ മണ്ഡലം കമ്മിറ്റികളെ പ്രതിനിധീകരിച്ചു നൂറോളം പ്രതിഭകൾ അഞ്ചോളം വേദികളിലായി മാറ്റുരച്ച പരിപാടി, മികച്ച സംഘാടനം കൊണ്ടും മത്സരങ്ങളുടെ നിലവാരം കൊണ്ടും വേറിട്ടതായി. ഷൊർണൂർ, തൃത്താല, ഒറ്റപ്പാലം മണ്ഡലങ്ങളും മത്സര പങ്കാളികൾ ആയിരുന്നു.
അബുദാബി ഇന്ത്യൻ ഇസ്ലാമിക് സെന്റർ പ്രസിഡണ്ട് പി. ബാവ ഹാജി സമാപന സമ്മേളനം ഉൽഘാടനം ചെയ്തു. പാലക്കാട് ജില്ലാ കെ. എം. സി. സി. പ്രസിഡണ്ട് ഷിഹാബ് കരിമ്പനോട്ടിൽ അദ്ധ്യക്ഷത വഹിച്ചു. കെ. എം. സി. സി. നേതാക്കളും സംസ്ഥാന – ജില്ലാ – മണ്ഡലം ഭാരവാഹികളും സെന്റര് ഭാരവാഹികളും ചടങ്ങില് സംബന്ധിച്ചു. സർഗ്ഗോത്സവ്-2023 പരിപാടിയുടെ ഭാഗമായി വനിതകൾക്ക് വേണ്ടി മെഹന്തി മത്സരവും കുട്ടികൾക്കായി കളറിംഗ് മത്സരവും സംഘടിപ്പിച്ചിരുന്നു.
- pma
വായിക്കുക: ആഘോഷം, കല, കുട്ടികള്, കെ.എം.സി.സി., ചിത്രകല, പ്രവാസി, ബഹുമതി, സംഗീതം, സംഘടന, സാഹിത്യം, സ്ത്രീ
അബുദാബി : കേരള സോഷ്യൽ സെന്റര് സംഘടി പ്പിക്കുന്ന ‘കെ. എസ്. സി. യുവ ജനോത്സവം 2023’ നിറപ്പകിട്ടാര്ന്ന പരിപാടികളോടെ തുടക്കമായി. ഇന്ത്യ ബുക്ക് ഓഫ് റെക്കോർഡ്സ് നേടിയ വേദവല്ലി തിരുനാവുക്കരശ്, പ്രശസ്ത ശില്പിയും ചിത്രകലാ സംവിധായകനുമായ ഡാവിഞ്ചി സുരേഷ് എന്നിവർ ചേർന്ന് ‘കെ. എസ്. സി. യുവജനോത്സവം-2023’ ഉല്ഘാടനം ചെയ്തു.
പ്രശസ്ത കാഥികൻ ഇടക്കൊച്ചി സലിം കുമാർ, പ്രശസ്ത നർത്തകിമാരായ മൻസിയ, തീർത്ഥ, ബിന്ദു ലക്ഷ്മി പ്രദീപ് എന്നിവരും ഉല്ഘാടന ചടങ്ങില് സംബന്ധിച്ചു.
കേരള സോഷ്യൽ സെന്റർ പ്രസിഡണ്ട് എ. കെ. ബീരാന് കുട്ടി അദ്ധ്യക്ഷത വഹിച്ചു. സെൻറർ ജനറൽ സെക്രട്ടറി കെ. സത്യൻ സ്വാഗതം പറഞ്ഞു. കലാ മത്സരങ്ങൾ മെയ് 26, 27, 28 വെള്ളി, ശനി, ഞായര് ദിവസങ്ങളില് കെ. എസ്. സി. യിലെ വിവിധ വേദി കളായിലായി അരങ്ങേറും.
കേരളാ സോഷ്യൽ സെന്റർ അബുദാബി സംഘടിപ്പിക്കുന്ന യുവജനോത്സവം 2023 ഉദ്ഘാടനത്തിൽ നിന്നും… pic.twitter.com/JNprsqqf75
— Kerala Social Center , Abu Dhabi ( K S C ) (@KSCauh) May 26, 2023
കെ. എസ്. സി. സാഹിത്യ മത്സരങ്ങൾ ജൂൺ 3 ന് രാവിലെ 9 മണി മുതൽ സെന്റര് ഓഡിറ്റോറിയത്തില് നടക്കും.
സാഹിത്യ മത്സരങ്ങൾക്ക് രജിസ്റ്റർ ചെയ്യാനുള്ള അവസാന തീയ്യതി 2023 മെയ് 29 വരെയാണ് എന്ന് ഭാരവാഹികള് അറിയിച്ചു. മത്സരത്തിൽ പങ്കെടുക്കാൻ താല്പര്യമുള്ളവർ 02 631 44 55 എന്ന നമ്പറിലോ കെ. എസ്. സി. യില് നേരിട്ടോ ബന്ധപ്പെടുക.
- pma
വായിക്കുക: ആഘോഷം, കല, കുട്ടികള്, കേരള സോഷ്യല് സെന്റര്, ചിത്രകല, പൂര്വ വിദ്യാര്ത്ഥി, പ്രവാസി, വിദ്യാഭ്യാസം, സംഗീതം, സംഘടന, സാംസ്കാരികം, സാഹിത്യം, സ്ത്രീ
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
