കൊച്ചി : യാത്രക്കാരൻ ട്രാക്കിൽ ഇറങ്ങിയതിനെത്തുടർന്ന് കൊച്ചി മെട്രോ ട്രെയിനുകൾ നിർത്തിയിട്ടു. പാലാരിവട്ടം സ്റ്റേഷനിലാണ് യാത്രക്കാരൻ ട്രാക്കിൽ ഇറങ്ങിയത്. ഏകദേശം അരമണിക്കൂറിനു ശേഷം മേട്രോ യാത്ര തുടർന്നു.
മലപ്പുറം സ്വദേശിയായ അലി അക്ബർ ആണ് ട്രാക്കിൽ ഇറങ്ങിയത്. പാലാരിവട്ടം സ്റ്റേഷനിൽ വെച്ച് ട്രാക്കിൽ ഇറങ്ങിയ ഇയാൾ ചങ്ങമ്പുഴ പാർക്ക് ഭാഗത്തേക്ക് നടന്നു. അപ്പോൾ തന്നെ ട്രാക്കിലെ വൈദ്യുതബന്ധം വിഛേദിച്ചു. എതിർവശത്തു നിന്നും പോലീസ് എത്തിയതോടെ ഇയാൾ തിരിച്ച് പാലാരിവട്ടത്തെത്തി. ഇയാളെ പോലീസ് ചോദ്യം ചെയ്തു വരികയാണ്.
