തൃശൂർ : സംസ്ഥാന സ്കൂൾ കലോൽസവത്തിന്റെ ഉദ്ഘാടനത്തിന് മുഖ്യമന്ത്രി പിണറായി വിജയൻ എത്തില്ല. പകരം സ്പീക്കർ പി.ശ്രീരാമകൃഷ്ണൻ കലോൽസവം ഉദ്ഘാടനം ചെയ്യും. സി.പി.എമ്മിന്റെ കൊല്ലം ജില്ലാസമ്മേളനത്തിൽ പങ്കെടുക്കാൻ പോകുന്നതിനാൽ എത്തിക്കാൻ സാധിക്കില്ലെന്നാണ് മുഖ്യമന്ത്രിയുടെ വിശദീകരണം. പതിവുള്ള ഘോഷയാത്രയില്ലാതെയാണ് ഇത്തവണ കലോൽസവത്തിന് അരങ്ങുണരുന്നത്.
അപ്പീൽ പ്രവാഹത്തിന് കോടതി വഴി സർക്കാർ തടയണ കെട്ടി എന്നതാണ് ഇക്കുറി ഏറ്റവും ശ്രദ്ധേയം. സ്റ്റേജ്, സ്റ്റേജിതര ഇനങ്ങൾ ഒന്നിച്ച് തുടങ്ങുന്നുവെന്നതാണ് മറ്റൊരു പ്രത്യേകത. മോഹിനിയാട്ടം, ഒപ്പന, ഭരതനാട്യം തുടങ്ങിയ ഇനങ്ങളുടെ മൽസരം ഇന്നു വേദികളിൽ നടക്കും.
