പയ്യോളി പെരുമ ഫാമിലി ക്ലബ്ബ് രൂപീകരിച്ചു

May 11th, 2023

logo-peruma-payyyoli-ePathram
റാസൽ ഖൈമ : പെരുമ പയ്യോളി യു. എ. ഇ. കമ്മറ്റി യുടെ ആഭിമുഖ്യത്തിൽ സ്ത്രീകൾക്കും കുട്ടികൾക്കും വേണ്ടി ഫാമിലി ക്ലബ്ബ് രൂപീകരിച്ചു. റാസൽ ഖൈമ സൂഫി ഫാം ഹൗസിൽ നടന്ന പെരുമ ഫാമിലി ആൻഡ് ബാച്ചിലേഴ്സ് മീറ്റിൽ വെച്ചു തുടക്കം കുറിച്ച ഫാമിലി ക്ലബ്ബ്, പെരുമയുടെ രക്ഷാധികാരി രാജൻ കൊളവിപ്പാലം ഉത്ഘാടനം ചെയ്തു.

family-club-peruma-payyoli-uae-ePathram

സുജാത സത്യൻ (പ്രസിഡണ്ട്), ആയിഷ ഹിമ (വൈസ് പ്രസിഡണ്ട്), സനില ഷാജി (സെക്രട്ടറി), ഷൈജ സുനിൽ (ജോയിന്‍റ് സെക്രട്ടറി) റുബീന ജാബിർ (ട്രഷറർ), ശാന്തിപ്രിയ ബിജു (ജോയിന്‍റ് ട്രഷറർ) എന്നിവരാണ് വനിതാ വിഭാഗം ഭാരവാഹികള്‍.

ചിൽഡ്രൻസ് ഗ്രൂപ്പ്‌ ഭാരവാഹികളായി ആൽവിൻ ഷാജി (പ്രസിഡണ്ട്), അഭിത് ലാൽ (സെക്രട്ടറി) അഭിറാം (ട്രഷറർ) എന്നിവരെയും തെരഞ്ഞെടുത്തു. അഡ്വ. മുഹമ്മദ് സാജിദ് കുടുംബ ബോധ വത്കരണവും കരീം വടക്കയിൽ ആരോഗ്യ ബോധ വത്കരണവും നടത്തി.

ഷാജി പള്ളിക്കര, ബിജു പണ്ടാര പറമ്പിൽ, പ്രമോദൻ, സതീശൻ പള്ളിക്കര, റമീസ്, സത്യൻ പള്ളിക്കര, മൊയ്‌ദീൻ പട്ടായി, വേണു പുതുക്കൂടി, റയീസ്, മൊയ്‌ദു, കനകൻ, ജ്യോതിഷ് കുമാർ എന്നിവർ ആശംസകൾ നേർന്നു.

പെരുമ പയ്യോളി പ്രസിഡണ്ട് സാജിദ് പുറത്തൂട്ട് അദ്ധ്യക്ഷത വഹിച്ചു. സെക്രട്ടറി സുനിൽ പാറേമ്മൽ സ്വാഗതവും ട്രഷറർ ഷമീർ കാട്ടടി നന്ദിയും പറഞ്ഞു. പെരുമയിലെ കലാകാരന്മാർ ഒരുക്കിയ ഗാനമേളയും അരങ്ങേറി.

- pma

വായിക്കുക: , , ,

Comments Off on പയ്യോളി പെരുമ ഫാമിലി ക്ലബ്ബ് രൂപീകരിച്ചു

ചിരന്തന പുന:സ്സംഘടിപ്പിച്ചു

May 4th, 2023

dubai-chiranthana-samskarika-vedhi-ePathram
ദുബായ് : ചിരന്തന സാംസ്കാരിക വേദിയുടെ പുതിയ കമ്മിറ്റി നിലവില്‍ വന്നു. പുന്നക്കൻ മുഹമ്മദലി വീണ്ടും പ്രസിഡണ്ടായി. സലാം പാപ്പിനിശ്ശേരി, ടി. പി. അബ്ബാസ് ഹാജി സി. പി. ജലീൽ എന്നിവരാണ് വൈസ് പ്രസിഡണ്ടുമാര്‍.

ടി. പി. അശറഫ് (ജനറൽ സിക്രട്ടറി), ഡോ. വി. എ. ലത്തീഫ് ഹാജി, അഖിൽ ദാസ്, ജെന്നി പോൾ (സിക്രട്ടറിമാർ), സാബു തോമസ് (ട്രഷര്‍), ഫിറോസ് തമന്ന (ചിരന്തന പബ്ലിക്കേഷൻ കൺവീനര്‍), ഡോ. മുനീബ് മുഹമ്മദലി (കോഡിനേറ്റര്‍) എന്നിവരാണ് മറ്റു ഭാരവാഹികൾ. കഴിഞ്ഞ 23 വര്‍ഷമായി ദുബായിലെ സാമൂഹ്യ സാംസ്കാരിക സാഹിത്യ രംഗങ്ങളില്‍ സജീവമായി പ്രവര്‍ത്തിച്ചു വരികയാണ് ചിരന്തന.

- pma

വായിക്കുക: , , , ,

Comments Off on ചിരന്തന പുന:സ്സംഘടിപ്പിച്ചു

ഇന്ത്യൻ മീഡിയ അബുദാബിയുടെ ഇഫ്താർ വിരുന്ന്

April 18th, 2023

ima-iftar-2023-chief-guest-counsellor-ramaswami-balaji-ePathram
അബുദാബി: ഇന്ത്യൻ മീഡിയ അബുദാബി (ഇമ) ഇഫ്താർ വിരുന്ന് സംഘടിപ്പിച്ചു. മുഷ്റിഫ് മാളിലെ ഇന്ത്യാ പാലസിൽ നടന്ന ഇഫ്താറിൽ ഇന്ത്യൻ എംബസിയിലെ കൗൺസല‍ർ ഡോ. ബാലാജി രാമസ്വാമി മുഖ്യാതിഥി ആയിരുന്നു.

indian-media-ima-iftar-2023-at-india-palace-ePathram

വിവിധ മേഖലകളില്‍ മാധ്യമ പ്രവര്‍ത്തകരുടെ ഇട പെടലുകള്‍ സമൂഹത്തിന് ഏറെ ഗുണം ചെയ്യും എന്ന് ഇഫ്താര്‍ വിരുന്നില്‍ പങ്കെടുത്ത് ഡോ. ബാലാജി രാമ സ്വാമി പറഞ്ഞു.

ഇത്തരം കൂട്ടായ്മകളും കൂടിച്ചേരലുകളും അതിന് കൂടുതല്‍ സാദ്ധ്യതകള്‍ ഉണ്ടാക്കട്ടെ എന്നും അദ്ദേഹം കൂട്ടിച്ചേര്‍ത്തു.

indian-media-family-members-in-iftar-2023

ഇമ പ്രസിഡണ്ട് എൻ. എം. അബൂബക്കർ (മലയാള മനോരമ), വൈസ് പ്രസിഡണ്ട് പി. എം. അബ്ദുൽ റഹിമാൻ (ഇ-പത്രം), ആക്ടിംഗ് ജനറൽ സെക്രട്ടറി അനിൽ സി. ഇടിക്കുള (ദീപിക), ഭരണ സമിതി അംഗങ്ങളായ റാഷിദ് പൂമാടം (സിറാജ്), സമീർ കല്ലറ (24 / 7), റസാഖ് ഒരുമനയൂർ (ചന്ദ്രിക), സഫറുള്ള പാലപ്പെട്ടി (ദേശാഭിമാനി) എന്നിവർ നേതൃത്വം നൽകി.

ima-family-iftar-meet-2023-ePathram

ഇന്ത്യന്‍ മീഡിയ അംഗങ്ങളും കുടുംബാംഗങ്ങളും ഇഫ്താര്‍ വിരുന്നില്‍ സംബന്ധിച്ചു.

- pma

വായിക്കുക: , , , , , , , ,

Comments Off on ഇന്ത്യൻ മീഡിയ അബുദാബിയുടെ ഇഫ്താർ വിരുന്ന്

മുഖ്യമന്ത്രി പിണറായി വിജയന് മെയ് 7 ന് അബുദാബിയിൽ പൗര സ്വീകരണം

April 10th, 2023

kerala-chief-minister-pinarayi-vijayan-ePathram
അബുദാബി : യു. എ. ഇ. ഗവണ്മെന്‍റ് സംഘടിപ്പിക്കുന്ന ഇൻവെസ്റ്റ്‌മെന്‍റ് മീറ്റിൽ പങ്കെടുക്കുവാൻ മെയ്‌ ആദ്യ വാരം അബുദാബിയില്‍ എത്തുന്ന കേരള മുഖ്യമന്ത്രി പിണറായി വിജയന് അബുദാബിയിൽ പൗര സ്വീകരണം നൽകും.

മുഖ്യമന്ത്രി ആയതിനു ശേഷം ആദ്യമായാണ് പിണറായി വിജയൻ അബുദാബിയിൽ പൊതുജന സ്വീകരണം ഏറ്റു വാങ്ങുന്നത്.

അബുദാബി നാഷണൽ തീയ്യേറ്ററിൽ വെച്ച് 2023 മെയ് 7 ഞായറാഴ്ച വൈകുന്നേരം 7 മണിക്ക് നടക്കുന്ന പൊതു യോഗത്തിൽ, രണ്ടാം ഇടതു മുന്നണി സർക്കാറിൻെറ രണ്ടാം വാർഷികത്തോട് അനുബന്ധിച്ച് നടത്തുന്ന വികസന പ്രവർത്തനങ്ങളും ഭാവി പദ്ധതികളും വിശദീകരിച്ചു കൊണ്ട് പൊതു ജനങ്ങളെ അഭിസംബോധന ചെയ്യും.

സ്വീകരണ പരിപാടി വിജയിപ്പിക്കുന്നതിനു വേണ്ടി ലുലു ഗ്രൂപ്പ് ചെയര്‍മാന്‍ ഡോ. എം. എ. യൂസഫലി മുഖ്യ രക്ഷാധികാരിയായി 151 അംഗ സംഘാടക സമിതി രൂപീകരിച്ചു.

മറ്റു രക്ഷാധികാരികൾ : ഒ. വി. മുസ്തഫ (ഡയറക്ടർ, നോർക്ക), വി. നന്ദ കുമാർ (ഡയറക്ടർ മാർക്കറ്റിംഗ് & കമ്മ്യൂണി ക്കേഷൻ – ലുലു ഗ്രൂപ്പ്), കെ. മുരളീ ധരൻ, (എസ്. എഫ്. സി ഗ്രൂപ്പ്), പി. ബാവ ഹാജി (ഇസ്ലാമിക് സെന്‍റര്‍ പ്രസിഡണ്ട്), ഡി. നടരാജൻ, (ഐ. എസ്. സി. പ്രസിഡണ്ട്, റഫീക്ക് കയനയിൽ, (മലയാളി സമാജം പ്രസിഡണ്ട്), മുബാറക് മുസ്തഫ (അൽ ഐൻ ഐ. എസ്. സി. പ്രസിഡണ്ട്), പി. പത്മ നാഭൻ, ബാബു വടകര, ബി. യേശു ശീലൻ, ഗണേഷ് ബാബു, രാജൻ അമ്പലത്തറ, കുഞ്ഞി രാമൻ നായർ,

ചെയർമാൻ : അഡ്വ. അൻസാരി സൈനുദ്ധീൻ, വൈസ് ചെയർമാൻമാർ : സലിം ചിറക്കൽ, എ. കെ. ബീരാൻ കുട്ടി, റോയ് വർഗ്ഗീസ്, ടി. കെ. മനോജ്. അജിത് ജോൺസൺ, നിർമ്മൽ ചിയ്യാരത്ത്, സൂരജ് പ്രഭാകർ, എം. കെ. സജീവൻ, ഇ. കെ. സലാം, പി. ചന്ദ്രശേഖരൻ, ഷുക്കൂറലി കല്ലിങ്കൽ, ഹമീദ് പരപ്പ, പി. എം. ഫാറൂക്ക്, പി. എം. ഹമീദലി.

കൺവീനർമാർ : വി. പി. കൃഷ്ണകുമാർ, ഷെറീൻ വിജയൻ, സഫറുള്ള പാലപ്പെട്ടി, ടോമിച്ചൻ, ഫസൽ കുന്ദംകുളം, ടി. കെ. അബ്ദുസ്സലാം, കെ. വി. രാജൻ, ഇഖ്ബാൽ എന്നിവര്‍.

കേരള സോഷ്യൽ സെന്‍ററിൽ വിളിച്ചു ചേർത്ത സംഘാടക സമിതി രൂപീകരണ യോഗത്തിൽ കെ. എസ്. സി. പ്രസിഡണ്ട് വി. പി. കൃഷ്ണ കുമാർ അദ്ധ്യക്ഷത വഹിച്ചു. അബുദാബിയിലെ വിവിധ അംഗീകൃത – സാംസ്കാരിക സംഘടനാ സാരഥികളും കൂട്ടായ്മ കളുടെയും പ്രതിനിധികൾ പങ്കെടുത്തു.

- pma

വായിക്കുക: , , , , , ,

Comments Off on മുഖ്യമന്ത്രി പിണറായി വിജയന് മെയ് 7 ന് അബുദാബിയിൽ പൗര സ്വീകരണം

മൈൻഡ് & മ്യൂസിക് ഇവന്‍റ് : സ്വാഗത സംഘം രൂപീകരിച്ചു

February 6th, 2023

edappalayam-mind-and-music-ePathram
അബുദാബി : ഇടപ്പാളയം അബുദാബി ചാപ്റ്റര്‍ ഒരുക്കുന്ന മൈൻഡ് & മ്യൂസിക് ഇവന്‍റ് 2023 മാർച്ച് 12 ഞായറാഴ്ച ഇന്ത്യൻ ഇസ്ലാമിക് സെന്‍ററിൽ നടക്കും. മെന്‍റലിസ്റ്റ് ഫാസിൽ ബഷീർ, ഗായകർ എടപ്പാൾ വിശ്വന്‍, കൊല്ലം ഷാഫി, സിന്ധു പ്രേംകുമാർ എന്നിവർ മൈൻഡ് ആൻഡ് മ്യുസിക് ഇവന്‍റിന്‍റെ ഭാഗമാവും.

മെന്‍റലിസവും മ്യൂസിക്കും ചേർന്നുള്ള ഈ ഫ്യൂഷൻ ഷോ കാണികൾക്ക് ഒരു വ്യത്യസ്ത അനുഭവം സമ്മാനിക്കും എന്ന് സ്വാഗത സംഘം രൂപീകരണ യോഗത്തില്‍ സംഘാടകര്‍ അറിയിച്ചു. യോഗത്തില്‍ വെച്ച് പ്രോഗ്രാമിന്‍റെ പോസ്റ്റർ പുറത്തിറക്കി

edappalayam-fusion-of-mentalism-and-music-ePathram

പോസ്റ്റര്‍ പ്രകാശനം

ഇടപ്പാളയം അബുദാബി ചാപ്റ്റർ പ്രസിഡണ്ട് ഗഫൂർ എടപ്പാൾ, ചെയർമാൻ മജീദ്, സെക്ര ട്ടറി പി. വി. ജാഫർ, പ്രോഗ്രാം കൺവീനർ ബാബുരാജ്, മീഡിയ കൺവീനർ നിഷാർ പട്ടർ മഠത്തിൽ, രാജേഷ്, വനിതാ വിഭാഗം കോഡിനേറ്റർ ഷഹന ഷെറിൻ, റബിത രാജേഷ് എന്നിവർ സംബന്ധിച്ചു. രജീഷ് പാണേക്കാട്ട്, അഷ്‌റഫ്‌ നടുക്കാട്ടിൽ, താഹ മാഷ്, നൗഷാദ് കല്ലമ്പുള്ളി, രാജൻ കാലടി, റഹീദ് അഹ്‌മദ്, ദീപക് ദാസ്, ആഷിക് കൊട്ടിലിൽ, ഹബീബ് റഹ്മാൻ, അമീൻ കോലക്കാട്ട് എന്നിവർ സംസാരിച്ചു. FB Page

- pma

വായിക്കുക: , , ,

Comments Off on മൈൻഡ് & മ്യൂസിക് ഇവന്‍റ് : സ്വാഗത സംഘം രൂപീകരിച്ചു

Page 17 of 57« First...10...1516171819...304050...Last »

« Previous Page« Previous « പിന്നണി ഗായിക വാണി ജയറാം അന്തരിച്ചു
Next »Next Page » കണ്ടൽ ചെടികള്‍ നട്ടു പിടിപ്പിച്ച് പരിസ്ഥിതി ദിനം ആചരിച്ചു »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha