ദുബായ്‌ « e പത്രം

പെരുമ പയ്യോളി യു. എ. ഇ. ഇരുപതാം വാർഷികം ആഘോഷിച്ചു

December 10th, 2024

ദുബായ് : പെരുമ പയ്യോളി യു. എ. ഇ. ഇരുപതാം വാർഷികം (പെരുമോത്സവം) വൈവിധ്യമാർന്ന കലാ സാംസ്കാരിക പരിപാടികളോടെ ആഘോഷിച്ചു. സപ്ലൈകോ സി. എം. ഡി. യും പത്തനം തിട്ട മുൻ കലക്ടറുമായ പി. ബി. നൂഹ് സാംസ്കാരിക സമ്മേളനം ഉദ്ഘാടനം ചെയ്തു. പ്രസിഡണ്ട് സാജിദ് പുറത്തൂട്ട് അദ്ധ്യക്ഷത വഹിച്ചു. ബഷീർ തിക്കോടി ആമുഖ പ്രഭാഷണം നടത്തി.

peruma-payyoli-20-th-year-perumolsavam-2024-ePathram
അഡ്വ. മുഹമ്മദ് സാജിദ്, ഇ. കെ. ദിനേശൻ എന്നിവരെ ആദരിച്ചു. ഗായകനും സംഗീത സംവിധായകനുമായ ജാസി ഗിഫ്റ്റ് നേതൃത്വം നൽകി നിസാർ വയനാട്, റിയാസ് കരിയാട്, ഷെയ്ക്ക, ഷഹാന എന്നീ ഗായകർ പങ്കെടുത്ത ഗാനമേള, വയലിനിസ്റ്റ് റിഹാൻ റിയാസ്, സമദ് മിമിക്സ് എന്നിവരുടെ പ്രകടനവും അരങ്ങേറി.

എ. കെ. അബ്ദുറഹിമാൻ, പ്രമോദ് പുതിയ വളപ്പിൽ, ബിജു പണ്ടാരപ്പറമ്പിൽ, സതീഷ് പള്ളിക്കര, നൗഷർ ആരണ്യ, ഷാമിൽ മൊയ്തീൻ, വേണു പുതുക്കുടി, റമീസ് കെ. ടി., ഷാജി ഇരിങ്ങൽ, മൊയ്തു പെരുമാൾപുരം, നിയാസ് തിക്കോടി, ബഷീർ നടമ്മൽ, ഷംസീർ പയ്യോളി, ഉണ്ണി അയനിക്കാട്, ഹർഷാദ് തച്ചൻകുന്ന്, സത്യൻ പള്ളിക്കര, ബാബു തയ്യിൽ, ഫിയാസ് ഇരിങ്ങൽ, റയീസ് കോട്ടക്കൽ, എന്നിവർ പരിപാടിക്ക് നേതൃത്വം നൽകി. സെക്രട്ടറി സുനിൽ പാറേമ്മൽ സ്വാഗതവും ട്രഷറർ മൊയ്തീൻ പട്ടായി നന്ദിയും പറഞ്ഞു.

- pma

വായിക്കുക: expat, nri, peruma-payyoli, ആഘോഷം, ദുബായ്‌, പൂര്‍വ വിദ്യാര്‍ത്ഥി, പ്രവാസി, സംഘടന, സാമൂഹ്യ-സേവനം, സാംസ്കാരികം

Comments Off

പുതിയ കുടുംബ മന്ത്രാലയം പ്രഖ്യാപിച്ച് ശൈഖ് മുഹമ്മദ് ബിന്‍ റാഷിദ്

December 9th, 2024

ദുബായ് : കുടുംബങ്ങളുടെ ശാക്തീകരണവും ഐക്യവും ശക്തിപ്പെടുത്തലും കെട്ടുറപ്പും ലക്ഷ്യമിട്ട് യു. എ. ഇ. യില്‍ പുതിയ കുടുംബ കാര്യ മന്ത്രാലയം രൂപീകരിച്ചു എന്ന് വൈസ് പ്രസിഡണ്ടും പ്രധാന മന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിന്‍ റാഷിദ് അല്‍ മഖ്തൂം.

കുടുംബ മന്ത്രാലയത്തിന് നേതൃത്വം നൽകുന്നത് സന ബിൻത് മുഹമ്മദ് സുഹൈൽ ആയിരിക്കും.

ബാല്യകാലം, കുടുംബം, നിശ്ചയ ദാര്‍ഢ്യമുള്ള ആളുകളെ പിന്തുണക്കല്‍, സര്‍ക്കാര്‍ സേവനത്തിലുള്ള കാലങ്ങളിൽ സാമൂഹിക പ്രവര്‍ത്തന മേഖലകളില്‍ സന സുഹൈല്‍ പ്രവര്‍ത്തിച്ചിട്ടുണ്ട് എന്നും അദ്ദേഹം അറിയിച്ചു. കുടുംബവുമായി ബന്ധപ്പെട്ട നയങ്ങള്‍, തന്ത്രങ്ങള്‍, നിയമ നിര്‍മ്മാണം, സംരംഭങ്ങള്‍ എന്നിവ വികസിപ്പിക്കുകയും നടപ്പിലാക്കുകയും ചെയ്യുക എന്നതാണ് പുതിയ മന്ത്രാലയത്തിൻ്റെ ചുമതലകൾ.

W A M

- pma

വായിക്കുക: social-media, ദുബായ്‌, നിയമം, ബഹുമതി, യു.എ.ഇ.

Comments Off

ദേശീയ ദിനത്തിൽ രക്തദാനവുമായി പെരുമ പയ്യോളി

December 5th, 2024

ദുബായ് : യു. എ. ഇ. ദേശീയ ദിനത്തോടനുബന്ധിച്ച് ദുബായ് ഹെൽത്ത് അതോറിറ്റി ഹെഡ് കോർട്ടേഴ്സിൽ ‘പെരുമ പയ്യോളി’ പ്രവർത്തകർ രക്തം ദാനം ചെയ്തു. ബ്ലഡ് ഡോണേഴ്സ് കേരളയുമായി സഹകരിച്ചാണ് രക്തദാനം സംഘടിപ്പിച്ചത്.

peruma-payyoli-blood-donation-for-uae-national-day-ePathram

ദുബായ് കമ്മ്യുണിറ്റി ഡവലപ്പ്മെൻറ് അതോറിറ്റി സീനിയർ എക്സിക്യൂട്ടീവ് അഹ്‌മദ്‌ അൽ സാബി ഉത്ഘാടനം ചെയ്തു. മുഹമ്മദ് അസീം, മുഹമ്മദ് അൽ വാസി, ഉമ്മു മറവാൻ എന്നിവർ അതിഥികൾ ആയിരുന്നു.

ദേശീയ ദിന ആഘോഷങ്ങളുടെ ഭാഗമായി നിരവധി വർഷങ്ങളായി രക്തദാനം മഹാദാനം എന്ന മുദ്രാ വാക്യം ഉയർത്തി പെരുമ പയ്യോളി ഈ മഹാ കർമ്മം നിർവ്വഹിക്കുന്നു.

പെരുമ പ്രസിഡണ്ട് സാജിദ് പുറത്തൂട്ട് അദ്ധ്യക്ഷത വഹിച്ചു. അഡ്വ. മുഹമ്മദ് സാജിദ്, നൗഷർ, സതീശൻ പള്ളിക്കര, വേണു അയനിക്കാട്, മൊയ്തു പെരുമാൾ പുരം, ഗഫൂർ പള്ളിക്കര, അഷ്റഫ് പള്ളിക്കര, ഹർഷാദ് തച്ചൻകുന്ന്, ജ്യോതിഷ് ഇരിങ്ങൽ തുടങ്ങിയവർ സംബന്ധിച്ചു. സെക്രട്ടറി സുനിൽ പാറേമ്മൽ സ്വാഗതം പറഞ്ഞു. ട്രഷറർ മൊയ്തീൻ പട്ടായി നന്ദിയും പറഞ്ഞു.

- pma

വായിക്കുക: blood-donors-, peruma-payyoli, ജീവകാരുണ്യം, ദുബായ്‌, സംഘടന, സാമൂഹ്യ-സേവനം

Comments Off

മലബാർ പ്രവാസി ഈദ് അല്‍ ഇത്തിഹാദ് ആഘോഷിച്ചു.

December 4th, 2024

ദുബായ് : മലബാർ പ്രവാസി (യു. എ. ഇ.) യുടെ ആഭിമുഖ്യത്തിൽ ‘ഈദ് അല്‍ ഇത്തിഹാദ്’ ആഘോഷിച്ചു. ദുബായ് കമ്മ്യൂണിറ്റി അതോറിറ്റി സീനിയർ എക്സിക്യൂട്ടീവ് അഹ്‌മദ്‌ അൽ സാബി ഉത്ഘാടനം ചെയ്തു. യു. എ. ഇ. യിൽ സ്വദേശികൾക്കും വിദേശികൾക്കും തുല്യ പരിഗണനയാണ് ലഭിക്കുന്നത് എന്നും സഹിഷ്ണുതയും സമാധാനവുമാണ് രാജ്യത്തിൻ്റെ മുഖ മുദ്ര എന്നും ‘ഈദ് അല്‍ ഇത്തിഹാദ്’ ആഘോഷം ഉദ്ഘാടനം ചെയ്തു കൊണ്ട് അദ്ദേഹം പറഞ്ഞു.

ഡോ. ഖാലിദ് അൽ ബലൂഷി, മുഹമ്മദ് അൽ വാസി എന്നിവർ മുഖ്യ അതിഥികളായി. നെല്ലിയോട്ട് ബഷീർ മാസ്റ്റർ മുഖ്യ പ്രഭാഷണം നടത്തി. യു. എ. ഇ. യുടെ ഉന്നമനത്തിനു വേണ്ടി ജീവ ത്യാഗം ചെയ്തവരെ ചടങ്ങിൽ അനുസ്മരിച്ചു. മലബാർ പ്രവാസി(യു. എ. ഇ.) പ്രസിഡണ്ട് ജമീൽ ലത്തീഫ് അദ്ധ്യക്ഷത വഹിച്ചു.

മോഹൻ എസ്. വെങ്കിട്ട്, മൊയ്തു കുറ്റിയാടി, മുഹമ്മദ് അലി, കിഷോർ, പോൾ, ശങ്കർ, അഷ്‌റഫ് ടി. പി., സുനിൽ പയ്യോളി, ബഷീർ മേപ്പയൂർ, മുരളി കൃഷ്ണൻ, മൊയ്തു പേരാമ്പ്ര, അഹമ്മദ് ചെനായി, നൗഷാദ്, അസീസ് വടകര, സതീഷ് നരിക്കുനി, നാസർ മലപ്പുറം തുടങ്ങിയവർ സംസാരിച്ചു. ജനറൽ സിക്രട്ടറി അഡ്വ. മുഹമ്മദ്‌ സാജിദ് സ്വാഗതവും അഡ്വ. അസീസ് തോലേരി നന്ദിയും പറഞ്ഞു.

- pma

വായിക്കുക: expat, national-day, nri, social-media, ആഘോഷം, ദുബായ്‌, പൂര്‍വ വിദ്യാര്‍ത്ഥി, പ്രവാസി, യു.എ.ഇ., സംഘടന

Comments Off

യു. എ. ഇ. നിവാസികളില്‍ 67 ശതമാനം പേരും പ്രമേഹ രോഗ സാദ്ധ്യത ഉള്ളവർ

November 16th, 2024

ദുബായ് : ആരോഗ്യ മന്ത്രാലയം യു. എ. ഇ. നിവാസി കളില്‍ നടത്തിയ രാജ്യവ്യാപക പ്രമേഹ പരിശോധനയിൽ 36 വയസ്സിനും 60 വയസ്സിനും ഇടയിലുള്ള 67 % പേരിലും രോഗ സാദ്ധ്യത ഉള്ളവർ എന്ന് കണ്ടെത്തി. 18 – 35 വയസ്സിനു ഇടയില്‍ പ്രായമുള്ളവരിൽ 24 ശതമാനം പേര്‍ക്ക് രോഗ സാദ്ധ്യതയുണ്ട്.

പ്രീ-ഡയബറ്റിക് രോഗ നിർണ്ണയം നടത്തിയവരില്‍ 64 ശതമാനം പേരും അമിത ഭാരം ഉള്ളവർ അല്ല.

ശാരീരികമായി ആരോഗ്യം ഉള്ളവർ എന്ന് തോന്നിപ്പിക്കുന്നവർ പോലും രോഗത്തിന് അടിമപ്പെടാൻ എളുപ്പമാണ്.

രാജ്യത്തെ ഇൻഷ്വറൻസ് സ്ഥാപനങ്ങളെ സഹകരിപ്പിച്ച് ആരോഗ്യ-പ്രതിരോധ മന്ത്രാലയം സംഘടിപ്പിച്ച പ്രമേഹ പരിശോധനയിലൂടെ കണ്ടെത്തിയ ഈ വിവരങ്ങൾ, ലോക പ്രമേഹ ദിനത്തിൽ ദുബായ് സബീല്‍ പാര്‍ക്കില്‍ മന്ത്രാലയം സംഘടിപ്പിച്ച പ്രത്യേക പരിപാടിയിലെ ഡ്രോണ്‍ ഷോയിലൂടെ വെളിപ്പെടുത്തിയത്.