 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : വയനാട് ഉരുള്‍പ്പൊട്ടലില്‍ അനാഥരായ എല്ലാ കുട്ടികളെയും ദത്തെടുക്കുവാനും അവരെ വളര്‍ത്തുവാനും അവര്‍ക്കു വേണ്ടതായ വിദ്യാഭ്യാസം അവര്‍ ആഗ്രഹിക്കുന്ന തലം വരെ നല്‍കുവാനും അബുദാബി ആസ്ഥാനമായ അഹല്യ മെഡിക്കല്‍ ഗ്രൂപ്പ് സന്നദ്ധത പ്രകടിപ്പിച്ചു.
അഹല്യയുടെ പാലക്കാട് ക്യാമ്പസില്‍ പ്രവര്‍ത്തിച്ചു വരുന്ന അഹല്യ ചില്‍ഡ്രന്‍സ് വില്ലേജ് ഇതിനായി ഒരുങ്ങി ക്കഴിഞ്ഞു എന്നാണു റിപ്പോർട്ട്.
അഹല്യ ചില്‍ഡ്രന്‍സ് വില്ലേജുമായി +91 95440 00122 (ശരത് എം. എസ്) ഈ നമ്പറിൽ ബന്ധപ്പെടാം.
- pma
വായിക്കുക: ahalia-hospital, hospital, nri, social-media, ആരോഗ്യം, കുട്ടികള്‍, ജീവകാരുണ്യം, വിദ്യാഭ്യാസം, വൈദ്യശാസ്ത്രം, സാമൂഹ്യ-സേവനം
അബുദാബി : വയനാട് ദുരന്തത്തില്‍ മരിച്ചവര്‍ക്കും മറ്റ് നാശ നഷ്ടങ്ങള്‍ നേരിട്ടവർക്കും വി. പി. എസ്. ലേക്‌ ഷോര്‍ ഗ്രൂപ്പ് ഒരു കോടി രൂപയുടെ സഹായം പ്രഖ്യാപിച്ചു. വയനാട്ടില്‍ നടന്നു കൊണ്ടിരിക്കുന്ന ദുരിതാശ്വാസ പ്രവര്‍ത്തനങ്ങളെ പിന്തുണക്കുവാൻ അടിയന്തര ആവശ്യമുള്ള മരുന്നുകള്‍, മെഡിക്കല്‍ ഉല്‍പ്പന്നങ്ങള്‍ എന്നിവയായാണ് ദുരിത ബാധിത മേഖലയില്‍ എത്തിക്കുക.
അണുബാധകള്‍ ചികിത്സിക്കുന്നതിനും അടിയന്തര പരിചരണം നല്‍കുന്നതിനും ദീര്‍ഘകാല രോഗ ചികിത്സക്കും ആവശ്യമായ മരുന്നുകള്‍, ഇന്‍സുലിന്‍ തുടങ്ങിയവ ദുരിതാശ്വാസ പാക്കേജില്‍ ഉണ്ടാകും. കൂടാതെ സാനിറ്ററി പാഡുകള്‍, ബെഡ് ഷീറ്റുകള്‍ എന്നീ അവശ്യ വസ്തുക്കളും പാക്കേജില്‍ ഉള്‍പ്പെടുന്നു. വിവിധ മേഖലകളില്‍ വര്‍ഷങ്ങളായി നടപ്പാക്കുന്ന സന്നദ്ധ പ്രവര്‍ത്തനങ്ങളുടെ തുടര്‍ച്ചയായാണ് വയനാടിന് കൈത്താങ്ങ് എത്താനുള്ള വി. പി. എസ്. ലേക്‌ ഷോര്‍ ഗ്രൂപ്പിൻ്റെ ഇടപെടൽ.
- pma
വായിക്കുക: nri, vps, ആരോഗ്യം, ജീവകാരുണ്യം, പ്രവാസി, വ്യവസായം, സാമൂഹ്യ-സേവനം
ദുബായ് : യു. എ. ഇ. യില്‍ എത്തുന്ന സന്ദര്‍ശക വിസക്കാര്‍ക്കും ഇനി മുതൽ ഹെൽത്ത് ഇന്‍ഷ്വറന്‍സ് എടുക്കണം.
വിനോദ സഞ്ചാരത്തിനായി യു. എ. ഇ. യിലേക്കുള്ള വിസക്ക്‌ അപേക്ഷിക്കുമ്പോൾ ആരോഗ്യ പരിരക്ഷാ പദ്ധതിയുടെ ഭാഗമായുള്ള ഇന്‍ഷ്വറന്‍സിനും അപേക്ഷ നൽകാൻ ഐ. സി. പി. യുടെ വെബ്‌ സൈറ്റിലും മൊബൈൽ ആപ്പിലും സംവിധാനം ഒരുക്കും.
പുതിയ പദ്ധതി ഉടന്‍ നിലവില്‍ വരും എന്നും ഫെഡറല്‍ അതോറിറ്റി ഫോര്‍ ഐഡന്റിറ്റി, സിറ്റിസണ്‍ ഷിപ്പ്, കസ്റ്റംസ് ആന്‍ഡ് പോര്‍ട്ട് സെക്യൂരിറ്റി (ഐ. സി. പി.) ഡയറക്ടര്‍ ജനറല്‍ മേജര്‍ ജനറല്‍ സുഹൈല്‍ സഈദ് അല്‍ ഖൈലി അറിയിച്ചു.
തൊഴില്‍ വിസക്കാര്‍ക്ക് ആരോഗ്യ പരിരക്ഷാ പദ്ധതി നിലവിലുണ്ട്. അടിയന്തര ഘട്ടങ്ങളില്‍ സന്ദർശകർക്കും ആരോഗ്യ പരിരക്ഷ നല്‍കുവാനാണ് പുതിയ പദ്ധതി.
- pma
വായിക്കുക: visa-rules, ആരോഗ്യം, തൊഴിലാളി, പൂര്‍വ വിദ്യാര്‍ത്ഥി, പ്രവാസി, യു.എ.ഇ., വിനോദസഞ്ചാരം
കോഴിക്കോട് : സംസ്ഥാനത്ത് വീണ്ടും നിപ്പ മരണം റിപ്പോർട്ട് ചെയ്തു. നിപ്പ ബാധിച്ച് കോഴിക്കോട് മെഡിക്കല്‍ കോളജ് ആശുപത്രിയില്‍ ചികിത്സയിൽ കഴിഞ്ഞിരുന്ന മലപ്പുറം പാണ്ടിക്കാട് സ്വദേശിയായ വിദ്യാർത്ഥിയാണ് മരിച്ചത്. ഹൃദയ സ്തംഭനമാണ് മരണ കാരണം.
പാണ്ടിക്കാട് ചെമ്പ്രശേരി സ്വദേശിയായ 14 വയസ്സുള്ള കുട്ടിയുടെ സാംപിൾ വിദഗ്ധ പരിശോധനക്കു വേണ്ടി പൂനെയിലേക്ക് അയച്ചിരുന്നു. ഈ സാംപിൾ ഫലം പോസിറ്റീവ് ആയതോടെയാണ് ഇന്നലെ നിപ്പ സ്ഥിരീകരിച്ചത്. കഴിഞ്ഞ നാല് ദിവസമായി കുട്ടിയുടെ ആരോഗ്യനില ഗുരുതരമായിരുന്നു.
പാണ്ടിക്കാടാണ് രോഗത്തിന്റെ പ്രഭവ കേന്ദ്രം. മലപ്പുറം ജില്ലയിലെ ആനക്കയം, പാണ്ടിക്കാട് ഗ്രാമ പഞ്ചായത്തുകളില്‍ നിലവില്‍ നിയന്ത്രണങ്ങൾ ഏര്‍പ്പെടുത്തിയിട്ടുണ്ട്. വിദ്യാഭ്യാസ സ്ഥാപനങ്ങൾക്ക് അവധി കൊടുത്തിട്ടുണ്ട്. എല്ലാവരും മാസ്ക് ധരിക്കണം എന്നും നിർദ്ദേശമുണ്ട്.
മലപ്പുറത്ത് നിപ്പാ സ്ഥിരീകരിച്ച സാഹചര്യത്തില്‍ സമ്പര്‍ക്ക പ്പട്ടികയിലുള്ള രണ്ടു പേര്‍ക്ക് പനി ഉള്ള തായും 63 പേരെ ഹൈ റിസ്‌ക് പട്ടിക യില്‍ ഉള്‍പ്പെടുത്തിയതായും ആരോഗ്യ വകുപ്പു മന്ത്രി വീണാ ജോര്‍ജ് അറിയിച്ചു. മലപ്പുറത്ത് അവലോകന യോഗ ത്തിന് ശേഷ മായിരുന്നു മന്ത്രിയുടെ പ്രതികരണം.
നിപ്പാ ബാധിച്ച കുട്ടിയെ ജീവിതത്തിലേക്ക് തിരിച്ചു കൊണ്ടു വരാന്‍ പരമാവധി ശ്രമിച്ചു. ഓസ്‌ട്രേലിയയില്‍ നിന്ന് ആന്റി ബോഡി മരുന്നും പൂനെയില്‍ നിന്ന് പ്രതിരോധ വാക്‌സിനും കോഴിക്കോട് മെഡിക്കല്‍ കോളേജില്‍ എത്തിച്ചിരുന്നു. ഇത് കൊടുക്കുന്നതിന് തൊട്ടു മുമ്പ് ഹൃദയാഘാതമുണ്ടായി. രക്ത സമ്മര്‍ദ്ദം താഴ്ന്നു. ഒപ്പം ആന്തരിക രക്തസ്രാവവും ഉണ്ടായി. തുടര്‍ന്ന് മരണം സംഭവിച്ചു.
പാണ്ടിക്കാട്, ആനക്കയം പ്രദേശത്തെ മുഴുവന്‍ വീടുകളിലും ആരോഗ്യ വകുപ്പ് സര്‍വ്വേ നടത്തും. ഐസൊലേഷനിലുള്ള കുടുംബങ്ങള്‍ക്ക് വളണ്ടിയര്‍മാര്‍ അവശ്യ സാധനങ്ങള്‍ എത്തിച്ചു നല്‍കും.
- pma
വായിക്കുക: ആരോഗ്യം, കുട്ടികള്‍, ചരമം, ദുരന്തം, പരിസ്ഥിതി, വൈദ്യശാസ്ത്രം, സാമൂഹികം, സാമൂഹ്യക്ഷേമം
അബുദാബി : സായിദ് അന്താരാഷ്ട്ര വിമാന ത്താവള ത്തില്‍ 24 മണിക്കൂറും പ്രവർത്തിക്കുന്ന പുതിയ ക്ലിനിക്ക് തുറന്ന് ബുര്‍ജീല്‍ ഹോള്‍ഡിംഗ്‌സ്.
യാത്രക്കാര്‍ക്കും എയര്‍ പോര്‍ട്ട് ജീവനക്കാര്‍ക്കും മികച്ച വൈദ്യ സഹായം ഉടനടി ലഭ്യമാക്കുവാൻ കഴിയും വിധം അത്യാധുനിക സൗകര്യങ്ങൾ ഒരുക്കിയാണ് ബുര്‍ജീല്‍ എയര്‍ പോര്‍ട്ട് ക്ലിനിക്ക് പ്രവർത്തിക്കുന്നത്. യാത്രക്കാര്‍ക്ക് വിമാനത്താവളത്തിന് പുറത്തു പോകാതെ തന്നെ ആരോഗ്യ പരിരക്ഷ ഉറപ്പാക്കും.
സായിദ് ഇന്റർ നാഷണൽ എയര്‍ പോര്‍ട്ടില്‍ നടന്ന ചടങ്ങില്‍ ബുര്‍ജീല്‍ ഹോൾഡിംഗ്‌സ് സ്ഥാപകനും ചെയര്‍ മാനുമായ ഡോ. ഷംഷീര്‍ വയലില്‍, എയര്‍ പോര്‍ട്ട്‌സ് മാനേജിംഗ് ഡയറക്ടറും ചീഫ് എക്‌സി ക്യൂട്ടീവ് ഓഫീസറുമായ എലീന സോര്‍ലിനി എന്നിവര്‍ ചേർന്ന് ക്ലിനിക്ക് ഉദ്ഘാടനം ചെയ്തു. ബുര്‍ജീല്‍ സി. ഇ. ഒ. ജോണ്‍ സുനില്‍, ഗ്രൂപ്പ് സി. ഒ. ഒ. സഫീര്‍ അഹമ്മദ് എന്നിവർ സംബന്ധിച്ചു.
We are happy to announce the launch of the Burjeel Airport Clinic at Zayed International Airport! Open 24/7, the clinic offers top-tier medical services, ensuring the well-being of airport staff and passengers at one of the world's largest airport terminals. @ad_airports pic.twitter.com/VAhZQzPINb
— Burjeel Holdings (@BurjeelHoldings) July 16, 2024
മികച്ച ഡോക്ടര്‍മാരും അനുബന്ധ മെഡിക്കല്‍ പ്രൊഫഷണലുകളും ഉള്‍പ്പെടുന്ന ക്ലിനിക്ക്, ബുര്‍ജീലിൻ്റെ വിപുലമായ ആരോഗ്യ ശൃംഖലയുടെ ഭാഗമായി പ്രവര്‍ത്തിക്കും.
യാത്രികർക്ക് ഉണ്ടായേക്കാവുന്ന വിവിധ ആരോഗ്യ പ്രശ്നങ്ങളെ നേരിടാന്‍ സജ്ജമാണ് ക്ലിനിക്ക്. കൂടുതല്‍ സങ്കീർണ്ണമായ കേസുകള്‍, ലോകോത്തര സൗകര്യ ങ്ങളോടെ പ്രവര്‍ത്തിക്കുന്ന മറ്റു ബുര്‍ജീൽ ആശുപത്രി കളിലേക്ക് റഫര്‍ ചെയ്യും.
ഒക്യുപേഷനല്‍-പ്രിവന്റീവ് കെയര്‍, ഹെല്‍ത്ത് സ്‌ക്രീനിംഗുകള്‍, ഇ. സി. ജി. കുത്തി വെപ്പുകള്‍, ഇന്‍ഫ്യൂഷനുകള്‍, സ്ത്രീ പരിചരണം എന്നീ സൗകര്യങ്ങളും ക്ലിനിക്കില്‍ ലഭ്യമാണ്. കൂടുതല്‍ നിരീക്ഷണം ആവശ്യമായിട്ടുള്ള രോഗികള്‍ക്കായി ഒബ്‌സര്‍ വേഷന്‍ റൂമും ഉണ്ട്. പൊതു ആരോഗ്യ സേവങ്ങള്‍ക്ക് പുറമെ വാക്‌സിനേഷന്‍ സഹായവും ക്ലിനിക് ലഭ്യമാക്കും. എയര്‍ പോര്‍ട്ടിലൂടെ യാത്ര ചെയ്യുന്ന ലേ-ഓവര്‍ യാത്രക്കാര്‍ക്കും ക്ലിനിക്ക് സഹായകരമാകും.
- pma
വായിക്കുക: air-india, vps-burjeel, അബുദാബി, ആരോഗ്യം, പൂര്‍വ വിദ്യാര്‍ത്ഥി, പ്രവാസി, വിമാനം, വ്യവസായം, സാമൂഹ്യ-സേവനം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
