 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : പ്രവാസി തൊഴിലാളികളുമായി സംവദിക്കുന്ന യു. എ. ഇ. പ്രസിഡണ്ട് ശൈഖ് മുഹമ്മദ് ബിൻ സായിദ് അല്‍ നഹ്യാന്‍റെ വീഡിയോ വൈറല്‍.
വാഹനത്തിലേക്ക് കയറുന്ന പ്രസിഡണ്ടിനെ അടുത്തു വെച്ച് കണ്ടപ്പോള്‍ അമ്പരന്നു നില്‍ക്കുന്ന രണ്ട് തൊഴിലാളികളെ അദ്ദേഹത്തിന്‍റെ ശ്രദ്ധയില്‍പ്പെട്ടു. പ്രവാസികളായ അവരെ അടുത്തേക്കു വിളിച്ചു.
തുടര്‍ന്ന് അദ്ദേഹം അവരോട് കുശലാന്വേഷണം നടത്തുകയും ഒരുമിച്ചുള്ള ഫോട്ടോ എടുക്കുകയും ചെയ്തു. പ്രസിഡണ്ട് രണ്ട് പേരുമായി സംസാരിക്കുന്ന വീഡിയോ ട്വിറ്ററില്‍ പെട്ടെന്നു തന്നെ വൈറല്‍ ആവുകയായിരുന്നു.
- pma
വായിക്കുക: social-media, viral-video, തൊഴിലാളി, ബഹുമതി, യു.എ.ഇ.
അബുദാബി : കേരളാ സോഷ്യല്‍ സെന്‍ററിന്‍റെ പുതിയ മാനേജിംഗ് കമ്മിറ്റി ഭാരവാഹികള്‍ അബുദാബി ഇന്ത്യന്‍ എംബസ്സിയില്‍ എത്തി സ്ഥാനപതി സഞ്ജയ് സുധീറുമായി കൂടിക്കാഴ്ച നടത്തി. കെ. എസ്. സി. യുടെ ദൈനം ദിന പ്രവര്‍ത്തനങ്ങളെ കുറിച്ചും സാമൂഹിക സാംസ്കാരിക ജീവകാരുണ്യ പ്രവര്‍ത്തനങ്ങളെ കുറിച്ചും വിശദീകരിച്ചു.
Newly elected office bearers of Kerala Social Centre (KSC) , Abu Dhabi called on Amb @sunjaysudhir at the Embassy. Briefed about their socio-cultural & welfare activities. Amb hailed KSC's active role in well-being of the Indian community in the 🇦🇪. @MEAIndia @IndianDiplomacy pic.twitter.com/jNycSKquiW
— India in UAE (@IndembAbuDhabi) June 27, 2023
പ്രവാസികള്‍ അനുഭവിക്കുന്ന വിമാന യാത്രാ ക്ലേശ ങ്ങള്‍ അടക്കം നിരവധി വിഷയങ്ങള്‍ കൂടിക്കാഴ്ച യില്‍ ഭാരവാഹികള്‍ സ്ഥാനപതി യുടെ ശ്രദ്ധയില്‍ പ്പെടുത്തി. ഇന്ത്യന്‍ സ്ഥാനപതി കാര്യാലയം ഡെപ്യൂട്ടി ചീഫ് ഓഫ് മിഷന്‍ എ. അമര്‍ നാഥ്, കെ. എസ്. സി. പ്രസിഡണ്ട് എ. കെ. ബീരാന്‍ കുട്ടി, ജനറല്‍ സെക്രട്ടറി കെ. സത്യന്‍ തുടങ്ങിയവര്‍ സന്നിഹിതരായി
- pma
വായിക്കുക: social-media, അബുദാബി, ഇന്ത്യന്‍ കോണ്സുലേറ്റ്, കേരള സോഷ്യല്‍ സെന്റര്‍, പ്രവാസി, സംഘടന
സംഗീത ഇതിഹാസം എ. ആര്‍. റഹ്‍മാന്‍റെ കൂടെയുള്ള ചിത്രം നസ്രിയ നസിം ട്വിറ്റര്‍ പേജില്‍ പങ്കു വെച്ചത് വൈറലായി. ഇതിഹാസത്തിനൊപ്പം (With The Legend himself arrahman Sir) എന്ന തലക്കെട്ടില്‍ നസ്രിയ പങ്കു വെച്ച ഫോട്ടോയില്‍ ഫഹദ് ഫാസിലും കൂടെയുണ്ട്. ഏതാനും മണിക്കൂറിനുള്ളില്‍ ഈ ചിത്രം ട്വിറ്ററില്‍ വൈറല്‍ ആവുകയും ചെയ്തു. ഒട്ടനവധി ലെെക്കും റീ-ട്വീറ്റുകളും ഈ പോസ്റ്റിന് ലഭിച്ചിട്ടുണ്ട്. ഫഹദ് ഫാസിൽ നായകനായി അഭിനയിച്ച് ഫാസില്‍ നിര്‍മ്മിച്ച മലയൻ കുഞ്ഞ് എന്ന സിനിമക്കു സംഗീതം നല്‍കിയത് എ. ആർ. റഹ്മാന്‍ ആയിരുന്നു.
- pma
വായിക്കുക: ar-rahman, fahad-fazil, nazriya, social-media, viral
അബുദാബി : റെഡ് എക്സ് മീഡിയയുടെ നാലാമത്തെ ബ്രാഞ്ച് അബുദാബി മുസ്സഫയിൽ പ്രവർത്തനം ആരംഭിച്ചു. പ്രമുഖ പ്രഭാഷകനും പണ്ഡിതനുമായ സിംസാറുൽ ഹഖ് ഹുദവി, റെഡ് എക്സ് മീഡിയ സ്ഥാപകനും എം. ഡി. യുമായ ഹനീഫ് കുമരനെല്ലൂർ എന്നിവർ ചേർന്ന് ഉദ്ഘാടനം ചെയ്തു. അത്യാധുനിക സജ്ജീകരണങ്ങളോടെ തയ്യാറാക്കിയ റെഡ് എക്സ് സ്റ്റുഡിയോ ഫ്ലോർ, വെയർ ഹൌസ് എന്നിവയാണ് മുസ്സഫ (39) യിൽ പ്രവർത്തനം ആരംഭിച്ചത്.
സായിദ് തീയ്യേറ്റർ ഫോർ ടാലെന്‍റ് ഡയറക്ടർ ഫദിൽ സലേഹ് അൽ തമീമി മുഖ്യ അതിഥി ആയിരുന്നു. അബുദാബി ഇന്ത്യൻ ഇസ്ലാമിക് സെന്‍റർ പ്രസിഡണ്ട് പി. ബാവാ ഹാജി, മലയാളീ സമാജം പ്രസിഡണ്ട് റഫീഖ് കയനയിൽ, കേരള സോഷ്യൽ സെന്‍റർ പ്രസിഡണ്ട് എ. കെ. ബീരാൻ കുട്ടി, എ. എഫ്. ഇന്‍റർനാഷണൽ ഗ്രൂപ്പ് ചെയർമാൻ യു. അബ്ദുള്ള ഫാറൂഖി, ഇൻകാസ് അബുദാബി സംസ്ഥാന കമ്മിറ്റി ജനറൽ സെക്രട്ടറി സലിം ചിറക്കൽ, ലുലു പി. ആർ. ഒ. അഷ്‌റഫ്, അബ്‌ദുറഹ്‌മാൻ അബ്ദുല്ലഹാജി, ഡി. നടരാജൻ, വി. പി. കൃഷ്ണ കുമാര്‍, സൂരജ് പ്രഭാകർ, നയിമ അഹമ്മദ് തുടങ്ങീ സാമൂഹിക സാംസ്കാരിക വ്യാപാര വ്യവസായ രംഗത്തെ പ്രമുഖരും സംബന്ധിച്ചു.
റെഡ് എക്സ് മീഡിയ ഇവന്‍റ്സ്‌ ഓപ്പറേഷൻ മാനേജർ സുബിൻ സോജൻ, പ്രൊഡക്ഷൻ മാനേജർ ഷഫീക്, മീഡിയ മാനേജർ സമീർ കല്ലറ, ജനറൽ മാനേജർ അജുസെൽ, ഹർഷിദ്, അഷ്‌ഫാസ് തുടങ്ങിയവർ സന്നിഹിതരായിരുന്നു.
ഒരു പതിറ്റാണ്ടിനു മുകളിൽ മീഡിയാ പ്രൊഡക്ഷൻ രംഗത്ത് യു. എ. ഇ. യിൽ സജീവമായ റെഡ് എക്സ് മീഡിയ, എൽ. ഇ. ഡി. വാൾ, സ്റ്റേജ്, ലൈറ്റിംഗ് , സൗണ്ട് തുടങ്ങി ഇവന്‍റ് മാനേജ് മെന്‍റ് രംഗത്തെ അത്യാധുനിക സൗകര്യങ്ങളാണ് ഒരുക്കിയിട്ടുള്ളത്. RedX FB
- pma
വായിക്കുക: social-media, തൊഴിലാളി, പ്രവാസി, മാധ്യമങ്ങള്‍, വ്യവസായം, സംഗീതം, സാമ്പത്തികം
അബുദാബി : യു. എ. ഇ. മാനവ വിഭവ ശേഷി മന്ത്രാലയം പ്രഖ്യാപിച്ച തൊഴിൽ നഷ്ട ഇൻഷ്വറൻസ് പദ്ധതി (ILOE) യിൽ അംഗത്വം എടുക്കുവാനുളള സമയ പരിധി 2023 ഒക്ടോബർ ഒന്നു വരെ നീട്ടി. നിലവിൽ ജൂൺ 30 വരെ ആയിരുന്നു അനുവദിച്ച സമയ പരിധി.
പൊതുജന ആവശ്യാര്‍ത്ഥം റജിസ്റ്റ്രേഷന്‍ കാലാവധി ദീര്‍ഘിപ്പിക്കുകയായിരുന്നു. ഒക്ടോബര്‍ ഒന്നു മുതല്‍ രജിസ്റ്റര്‍ ചെയ്യാത്തതിന് 400 ദിര്‍ഹം പിഴ ഈടാക്കും.
പൊതു മേഖലയിലേയും സ്വകാര്യ മേഖലകളിലെ എല്ലാ പ്രവാസി ജീവനക്കാരും സ്വദേശി ജീവനക്കാരും ഫ്രീ സോണുകളില്‍ ജോലി ചെയ്യുന്ന ജീവനക്കാരും തൊഴിലില്ലായ്മ ഇന്‍ഷ്വറന്‍സ് പ്രോഗ്രാമില്‍ രജിസ്റ്റര്‍ ചെയ്യേണ്ടത് നിര്‍ബ്ബന്ധം തന്നെയാണ് എന്നും യു. എ. ഇ. മാനവ വിഭവ ശേഷി സ്വദേശി വത്ക്കരണ മന്ത്രാലയം (MOHRE) അറിയിച്ചു.
സ്വന്തം കാരണത്താല്‍ തൊഴില്‍ നഷ്ടപ്പെടുന്ന തൊഴിലാളികള്‍ക്കാണ് ഈ ആനുകൂല്യം ലഭിക്കുക. 2023 ജനുവരി 1 മുതല്‍ സര്‍ക്കാര്‍ – സ്വകാര്യ മേഖല കളില്‍ ജോലി ചെയ്യുന്ന എല്ലാ ജീവനക്കാരും ഇന്‍ഷ്വറന്‍സ് പദ്ധതി യില്‍ രജിസ്റ്റര്‍ ചെയ്യണം എന്ന് അധികൃതര്‍ അറിയിച്ചിരുന്നു. ചെയ്തിരുന്ന ജോലിയുടെ അടിസ്ഥാന ശമ്പളത്തിന്‍റെ അറുപത് ശതമാനം മൂന്ന് മാസം ലഭിക്കുന്നതമാണ് ഈ ഇന്‍ഷ്വറന്‍സ് പദ്ധതി.
നിക്ഷേപകര്‍, ഹൗസ് ഡ്രൈവര്‍, ആയ തുടങ്ങിയ വീട്ടു ജോലിക്കാര്‍, താല്‍ക്കാലിക കരാര്‍ തൊഴിലാളികള്‍, 18 വയസ്സിന് താഴെയുള്ള പ്രായ പൂര്‍ത്തി ആകാത്തവര്‍, പെന്‍ഷന് അര്‍ഹതയുള്ളവരും പുതിയ ജോലിയില്‍ ചേര്‍ന്ന വരുമായ വിരമിച്ചവര്‍ എന്നിവരെ പദ്ധതിയില്‍ രജിസ്റ്റര്‍ ചെയ്യുന്നതില്‍ നിന്നും ഒഴിവാക്കിയിട്ടുണ്ട്.
16,000 ദിര്‍ഹത്തില്‍ താഴെ അടിസ്ഥാന ശമ്പളം ഉള്ള ജീവനക്കാര്‍ പ്രതിമാസം 5 ദിര്‍ഹം വീതം പ്രതി വര്‍ഷം 60 ദിര്‍ഹവും അതിന്‍റെ നികുതിയും (വാറ്റ്) പ്രീമിയം അടക്കണം.
തുടര്‍ച്ചയായി മൂന്ന് മാസത്തെ തൊഴില്‍ നഷ്ടത്തിന് ശരാശരി അടിസ്ഥാന ശമ്പളത്തിന്‍റെ 60 ശതമാനം നഷ്ട പരി ഹാരം നല്‍കും. 16,000 ദിര്‍ഹത്തിന് മുകളില്‍ അടിസ്ഥാന ശമ്പളമുള്ള ജീവനക്കാര്‍ ഈ സ്‌കീമിന് കീഴില്‍ പ്രതിമാസം 10 ദിര്‍ഹം അല്ലെങ്കില്‍ 120 ദിര്‍ഹം വാര്‍ഷിക പ്രീമിയം നല്‍കേണ്ടതുണ്ട്.
Involuntary Loss of Employment വെബ് സൈറ്റ്, സ്മാര്‍ട്ട് ആപ്ലിക്കേഷനുകള്‍, ടെലികോം കമ്പനികള്‍, മണി എക്സ് ചേഞ്ചുകള്‍, കിയോസ്കുകള്‍, സേവന കേന്ദ്രങ്ങള്‍ എന്നിവയുള്‍പ്പെടെ നിരവധി ചാനലുകള്‍ വഴി ഇന്‍ഷ്വറന്‍സ് പ്രീമിയം അടക്കാം. Twitter, Instagram
- pma
വായിക്കുക: expat, insurance, islamic-center-, jobs, nri, social-media, ഇന്ത്യന്‍ കോണ്സുലേറ്റ്, കെ.എം.സി.സി., കേരള സോഷ്യല്‍ സെന്റര്‍, തൊഴിലാളി, നിയമം, പ്രവാസി, മലയാളി സമാജം, സാമ്പത്തികം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
