വ്യാജ മെഡിക്കല്‍ ലീവ് ലെറ്റര്‍ നിര്‍മ്മാണം : ടൈപ്പിംഗ് സെന്റര്‍ അടച്ചു പൂട്ടി

November 10th, 2015

abudhabi-police-warning-misusing-social-media-ePathram
അബുദാബി : ബനിയാസില്‍ വ്യാജ മെഡിക്കല്‍ ലീവ് ലെറ്ററു കള്‍ നിര്‍മ്മിച്ചു വിതരണം ചെയ്തിരുന്ന ടൈപ്പിംഗ് സെന്റര്‍ പോലീസ് അടച്ചു പൂട്ടി. നൂതന സോഫ്‌റ്റ് വെയറുകള്‍ ഉപയോ ഗിച്ച്, ടൈപ്പിംഗ് സെന്റര്‍ നടത്തിപ്പുകാരായ രണ്ടു പേരാണ് 50 ദിര്‍ഹം നിരക്കില്‍ ലീവ് ലെറ്ററു കള്‍ തയ്യാറാക്കി നല്‍കി യത്.

പിടി യിലായ രണ്ടു പേരില്‍ ഒരാള്‍ ഇന്ത്യാക്കാരനും ഒരാള്‍ ബംഗാളി യുമാണ് എന്ന് സി. ഐ. ഡി. വകുപ്പ് തലവന്‍ കേണല്‍ റാഷിദ് മുഹമ്മദ് ബുര്‍ഷിദ് പറഞ്ഞു.

രഹസ്യ വിവരത്തെ ത്തുടര്‍ന്ന് നടത്തിയ പരിശോധന യിലാണ് പ്രതി കള്‍ വലയില്‍ ആയത് എന്ന് സി. ഐ. ഡി. വകുപ്പിലെ ‘ഓര്‍ഗനൈസ്ഡ് ക്രൈം’ വിഭാഗം തലവന്‍ ലെഫ്റ്റനന്റ് കേണല്‍ താഹിര്‍ അല്‍ ദാഹിരി വ്യക്തമാക്കി. ഇത്തരം വ്യാജന്മാരെ പ്രോത്സാഹി പ്പിക്കരുത് എന്നും അദ്ദേഹം പൊതു ജനങ്ങളോട് ആവശ്യപ്പെട്ടു.

- pma

വായിക്കുക: , , ,

Comments Off on വ്യാജ മെഡിക്കല്‍ ലീവ് ലെറ്റര്‍ നിര്‍മ്മാണം : ടൈപ്പിംഗ് സെന്റര്‍ അടച്ചു പൂട്ടി

മയക്കു മരുന്ന് മാഫിയ പോലീസ് വലയില്‍

November 9th, 2015

uae-police-busts-narcotic-smugglers-gang-ePathram
അബുദാബി : കഴിഞ്ഞ രണ്ടു മാസത്തെ നിരീക്ഷണത്തിനും അന്വേഷണ ങ്ങള്‍ക്കും ഒടുവില്‍ കുപ്രസിദ്ധ മയക്കു മരുന്ന് മാഫിയ യിലെ 13 പേര്‍ അറസ്റ്റില്‍. ആന്റി നര്‍ക്കോട്ടിക് സെല്ലി ന്റെ നേതൃത്വത്തില്‍ അബുദാബി പോലീസ് നടത്തിയ റെയ്ഡി ലാണ് ഇവരെ വല യിലാക്കിയത്.  അബുദാബി പൊലീസ് പുറ ത്തിറക്കിയ വാര്‍ത്താ ക്കുറിപ്പി ലാണ് ഇക്കാര്യം അറിയിച്ചത്.

54,000 ലഹരി ഗുളിക കളും 3.25 കിലോ ഹാഷിഷും അടക്കം വന്‍ തോതില്‍ മയക്കു മരുന്നും ഇവ രില്‍ നിന്ന് പിടിച്ചെടു ത്തിട്ടുണ്ട് എന്ന് ആന്റി നര്‍ക്കോട്ടിക് വകുപ്പ് ഡയറക്ടര്‍ ജനറല്‍ കേണല്‍ സായിദ്  അല്‍ സുവൈദി വ്യക്തമാക്കി.

അബുദാബി പോലീസു മായി ചേര്‍ന്നു നടത്തിയ കൃത്യ മായ അന്വേഷണ ങ്ങളാണ് പ്രതികളെ കുരുക്കാന്‍ സഹായിച്ചത്. വിദ്യാര്‍ ത്ഥികളും ചെറുപ്പ ക്കാരും അട ക്കമുള്ള വര്‍ ഇത്തരം മാഫിയ കളുടെ ഇര യാ വാ റു ണ്ടെന്നും അദ്ദേഹം ചൂണ്ടിക്കാട്ടി.

അപകട കരമായ രീതി യിലുള്ള കുട്ടി കളുടെ പോക്കു തടയാനുള്ള പ്രാഥമിക ശ്രമങ്ങള്‍ രക്ഷിതാക്കളുടെ ഭാഗത്തു നിന്നാണ് ഉണ്ടാ വേണ്ടത് എന്നും ലഹരി ഉപയോഗവും വിതരണ വുമായി ബന്ധ പ്പെട്ട വിവര ങ്ങളും പ്രവര്‍ത്തന ങ്ങളും ശ്രദ്ധ യില്‍ പ്പെട്ടാല്‍ മുക്കാഫി സെന്റര്‍ നമ്പരായ 800 444 ല്‍ വിളിച്ച് വിവരം അറി യിക്കണം എന്നും കേണല്‍ അല്‍ സുവൈദി ആവശ്യപ്പെട്ടു.

- pma

വായിക്കുക: , , , ,

Comments Off on മയക്കു മരുന്ന് മാഫിയ പോലീസ് വലയില്‍

റോഡ് സുരക്ഷാ രാജ്യാന്തര സമ്മേളനം സംഘടിപ്പിച്ചു

November 7th, 2015

logo-ministry-of-interior-uae-ePathram അബുദാബി : ഗതാഗത മേഖല യിലെ വികസന ങ്ങളും അതി നൂതന സംവി ധാന ങ്ങളും ചർച്ച ചെയ്യുന്ന റോഡ് സുരക്ഷാ രാജ്യാന്തര സമ്മേളനം അബു ദാബി യിൽ നടന്നു. യു. എ. ഇ. ഉപ പ്രധാന മന്ത്രിയും ആഭ്യന്തര മന്ത്രി യുമായ ശൈഖ് സൈഫ് ബിൻ സായിദ് അൽ നഹ്യാന്റെ രക്ഷാ കർതൃ ത്വ ത്തില്‍ ‘റോഡ് സുരക്ഷാ നിർവ്വഹണവും വിവേക മായ ഗതാഗത പദ്ധതിയും’ എന്ന ശീർഷക ത്തിൽ സംഘടി പ്പിച്ച സമ്മേളനം, ആഭ്യന്തര മന്ത്രാലയം അണ്ടർ സെക്രട്ടറി ലഫ്‌റ്റനന്റ് ജനറൽ സെയ്‌ഫ് അബ്‌ദുല്ല അൽ ഷാഫർ ഉദ്‌ഘാടനം ചെയ്‌തു.

യൂറോപ്യൻ ട്രാൻസ്‌പോർട്ട് സേഫ്‌റ്റി കൗൺസിൽ എക്‌സിക്യൂട്ടീവ് ഡയറക്‌ടർ അന്റോണിയോ അവെനോസോ, അറബിക് ഓർഗ നൈസേ ഷൻ ഫോർ ട്രാഫിക് സേഫ്‌റ്റി പ്രസിഡന്റ് അഫീഫ് അൽ ഫാരിഖി, എമിറേറ്റ്‌സ് ട്രാഫിക് സേഫ്‌റ്റി സൊസൈറ്റി ഉദ്യോഗ സ്ഥരും ഉന്നത പൊലീസ് ഉദ്യോഗസ്ഥരും ഉദ്‌ഘാടന ചടങ്ങിൽ പങ്കെടുത്തു.

റോഡ് സുരക്ഷാ മേഖല യിൽ പ്രവർത്തിക്കുന്ന സമിതി അംഗങ്ങളും രാജ്യാന്തര, ദേശീയ, പ്രാദേശിക റോഡ് ഗതാഗത പ്രതിനിധി കളും സർക്കാർ – സ്വകാര്യ സ്‌ഥാപനങ്ങളിൽ നിന്നുള്ള ഉദ്യോഗ സ്‌ഥരും സാമൂഹിക സംഘടനാ പ്രതിനിധി കളും അടക്കം നിരവധി പേര്‍ സംബന്ധിച്ചു. റോഡ്‌ അപകട ങ്ങളില്‍ നിന്നും റോഡ് ഉപയോക്‌താ ക്കളെ സംരക്ഷി ക്കാൻ വേണ്ട നടപടി കള്‍ ചര്‍ച്ച ചെയ്തു.

- pma

വായിക്കുക: , ,

Comments Off on റോഡ് സുരക്ഷാ രാജ്യാന്തര സമ്മേളനം സംഘടിപ്പിച്ചു

വേഗ പരിധി : പോലീസ് ബോധ വല്‍കരണം ആരംഭിച്ചു

October 29th, 2015

traffic-awareness-of-abudhabi-police-in-al-ghuwaifat-road-ePathram
അബുദാബി : നവംബര്‍ 15 മുതല്‍ പ്രാബല്യത്തിലാകുന്ന അബുദാബി – ഗുവൈഫാത്ത് റോഡിലെ വേഗ പരിധി യെ കുറിച്ചുള്ള ബോധ വല്‍കരണ ക്യാമ്പയിന് തുടക്ക മായി.

രാജ്യത്തെ ഏറ്റവും പ്രധാന ദേശീയ പാത യിലെ വേഗ മാറ്റം ഡ്രൈവര്‍ മാരെ അറിയിക്കുന്ന തിനായുള്ള ബോധ വല്‍ കരണ ക്യാമ്പയിന്‍ പശ്‌ചിമ അബു ദാബി യിലെ സര്‍ക്കാര്‍ – സ്വകാര്യ സ്‌ഥാപന ങ്ങളുടെ സഹകരണ ത്തോടെ യാണ് നടത്തു ന്നത് എന്ന് വെസേ്‌റ്റണ്‍ റീജ്യണ്‍ ട്രാഫിക് വിഭാഗം ചീഫ് മേജര്‍ സുഹൈല്‍ സയാ അല്‍ മസ്റൂയി അറിയിച്ചു.

മൂന്നു ഭാഗ മായാണ് അബുദാബി – ഗുവൈഫാത്ത് റോഡില്‍ വേഗ പരിധി പുതുക്കി നിശ്‌ചയിക്കുന്നത്. ഗതാ ഗത നിയമം ലംഘി ക്കുന്ന വരെ പിടികൂടാന്‍ ആധുനിക സൗകര്യ ങ്ങളുള്ള റഡാറു കള്‍ സ്ഥാപി ച്ചിട്ടുണ്ട്. ഓരോ ഭാഗ ങ്ങളിലും കൂടുതലായി അനുവദി ക്കുന്ന 20 കിലോ മീറ്ററും മറി കടക്കുമ്പോള്‍ റഡാര്‍ പിടി കൂടും.

വിവിധ ഭാഷ കളില്‍ റോഡു സുരക്ഷാ നിയമ ങ്ങളും പുതിയ വേഗ നിയന്ത്രണം അനുസരിച്ച് വാഹനം ഓടിക്കണം എന്നുള്ള വിശദാംശ ങ്ങള്‍ അടങ്ങിയ ലഘു ലേഖക കളും ബ്രോഷറു കളും പോലീസ് വിതരണം ചെയ്തു. വേഗ പരിധി യിലെ മാറ്റം ജന ങ്ങളുടെ സംരക്ഷണം ഉറപ്പാക്കും എന്ന് അബുദാബി പൊലീസ് ട്രാഫിക് ആന്‍ഡ് പട്രോള്‍ വിഭാഗം ഓര്‍മ്മിപ്പിച്ചു.

* അബുദാബി – ഗുവൈഫാത്ത് റോഡില്‍ വേഗ പരിധി യില്‍ മാറ്റം വരുത്തുന്നു

- pma

വായിക്കുക: , , , ,

Comments Off on വേഗ പരിധി : പോലീസ് ബോധ വല്‍കരണം ആരംഭിച്ചു

യാത്രാ രേഖകള്‍ നിരീക്ഷിക്കാന്‍ സ്കാനര്‍ കണ്ടു പിടിച്ചു

October 25th, 2015

logo-ministry-of-interior-uae-ePathram അബുദാബി : പാസ്സ്പോര്‍ട്ട് അടക്ക മുള്ള യാത്രാ രേഖകള്‍ പരിശോധി ക്കാനും വ്യാജ രേഖകള്‍ കണ്ടെത്താനും കഴിയുന്ന സ്കാനര്‍, യു. എ. ഇ. ആഭ്യന്തര മന്ത്രാലയ ത്തിലെ ഉദ്യോഗസ്ഥന്‍ സ്വന്ത മായി രൂപ കല്പന ചെയ്തു.

വൈദ്യുതി ഇല്ലാതെ പ്രവര്‍ത്തിപ്പിക്കാവുന്നതും പരിസ്തിഥിക്ക് കോട്ടം തട്ടാത്തതുമായ ഈ സ്കാനര്‍. സ്വദേശിയും ആഭ്യന്തര മന്ത്രാലയ ത്തിലെ ഉദ്യോഗസ്ഥനു മായ ആമിർ അൽ ജാബിരി കണ്ടു പിടിച്ച താണ്.

രേഖാ പരിശോധന യിൽ സാധാരണ കാണുന്നതിലും 20 മടങ്ങ്‌ തെളിഞ്ഞു കാണാൻ കഴിയുന്ന പ്രത്യേക ലെൻസ് ഇതിൽ ഘടിപ്പി ച്ചിട്ടുണ്ട്. ആഭ്യന്തര മന്ത്രാലയ ത്തിലെ ഹെഡ് ക്വാര്‍ട്ടേഴ്സില്‍ എത്തിയ ആഭ്യന്തര മന്ത്രി ശൈഖ് സൈഫ് ബിൻ സായിദ് അൽ നഹ്യാന് യന്ത്ര ത്തിന്റെ പ്രവർത്തനം ജാബിരി വിവരിച്ചു കൊടുത്തു.

എയർപോർട്ട്, സീപ്പോര്‍ട്ട്, രാജ്യത്തെ അതിർത്തി കൾ, തുടങ്ങിയ ഇട ങ്ങളിലും സർക്കാർ സ്ഥാപന ങ്ങളിലും രേഖാ പരിശോധന യന്ത്രം ഏറെ ഉപകാര പ്പെടുമെന്നും ഇത്തര ത്തിലുള്ള കണ്ടു പിടുത്ത ങ്ങൾ രാജ്യത്തെ പുരോഗതി യിലേക്ക് നയിക്കു കയും പുതിയ ഭാവന കൾ ഇനിയും ഉണ്ടാവണം എന്നും യന്ത്രം പരിശോധിച്ച് വില യിരുത്തി ക്കൊണ്ട് അഭ്യന്തര മന്ത്രി ശൈഖ് സൈഫ് പറഞ്ഞു. സ്കാനര്‍ രൂപകല്‍പന ചെയ്ത ആമിര്‍ അല്‍ ജാബിരിയെ മന്ത്രി അഭിനന്ദി ക്കുകയും ചെയ്തു.

- pma

വായിക്കുക: , , ,

Comments Off on യാത്രാ രേഖകള്‍ നിരീക്ഷിക്കാന്‍ സ്കാനര്‍ കണ്ടു പിടിച്ചു

Page 30 of 42« First...1020...2829303132...40...Last »

« Previous Page« Previous « പ്രണയ പര്‍വ്വം കഥകളി മഹോത്സവ ത്തിന് തുടക്കമായി
Next »Next Page » റെഡ് ക്രസന്റ് ഫണ്ടി ലേക്ക് സ്കൂള്‍ വിദ്യാര്‍ത്ഥി കളുടെ സംഭാവന »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha