കേരള സോഷ്യല്‍ സെന്റര്‍ ഗിന്നസ് റെക്കാര്‍ഡില്‍

March 21st, 2015

guinness-world-record-for-abudhabi-ksc-ePathram
അബുദാബി : വേള്‍ഡ് ഗിന്നസ് റെക്കാര്‍ഡ്സില്‍ അബുദാബി കേരള സോഷ്യല്‍ സെന്റര്‍ സ്ഥാനം പിടിച്ചു.

വി. പി. എസ്. ഹെല്‍ത്ത് കെയര്‍ ലൈഫ് ലൈന്‍ ഹോസ്പിറ്റലിന്റെ ആഭിമുഖ്യ ത്തില്‍ സെന്റര്‍ വനിതാ വിഭാഗ ത്തിന്റെ സഹകരണ ത്തോടെ അബുദാബി സായിദ് യൂണി വേഴ്സിറ്റി യില്‍ സംഘടിപ്പിച്ച ‘സെല്‍ഫ് എക്സാമിനേഷന്‍ ഫോര്‍ ബ്രസ്റ്റ് കാന്‍സര്‍’ എന്ന ബോധ വത്ക്കരണ പദ്ധതി യില്‍ ഏറ്റവും കൂടുതല്‍ വനിത കള്‍ (ഒരേ സയം 971 പേര്‍) നിശ്ചിത സമയ ത്തിനുള്ളില്‍ പങ്കെടുത്തതി നാലാണ് കേരള സോഷ്യല്‍ സെന്ററി ന്റെ നാമം ഗിന്നസ് വേള്‍ഡ് റെക്കാര്‍ഡില്‍ സ്ഥാനം പിടിച്ചത് എന്ന് സെന്റര്‍ ജനറല്‍ സെക്രട്ടറി സഫറുള്ള പാലപ്പെട്ടി അറിയിച്ചു.

കേരള സോഷ്യല്‍ സെന്ററിന്റെ അങ്കണ ത്തില്‍ നടന്ന ചടങ്ങില്‍ ലൈഫ് ലൈൻ ആശുപത്രി യിലെ നഴ്സിംഗ് ഡയറക്ടര്‍ റാണി എല്‍സ ഉമ്മനില്‍ നിന്ന് ഗിന്നസ് വേള്‍ഡ് റെക്കാര്‍ഡ്സിന്റെ അംഗീകാര പത്രം സെന്റര്‍ വനിതാ വിഭാഗം കണ്‍വീനര്‍ രമണി രാജന്റെ നേതൃത്വ ത്തില്‍ വനിതാ വിഭാഗം പ്രവര്‍ത്ത കരും സെന്റര്‍ ഭരണ സമിതി അംഗ ങ്ങളും ചേര്‍ന്ന് ഏറ്റു വാങ്ങി.

സെന്റര്‍ വനിതാ വിഭാഗം പ്രവര്‍ത്ത കര്‍ക്കും ഗിന്നസ് വേള്‍ഡ് റെക്കാര്‍ഡ്സ് വ്യക്ത്യാധിഷ്ഠിത പ്രശസ്തി പത്രം ലഭിച്ചു. കേരള സോഷ്യല്‍ സെന്റര്‍ പ്രസിഡന്റ് എം. യു. വാസു അദ്ധ്യക്ഷത വഹിച്ചു.

അബുദാബി പൊലീസിലെ ഡയറക്ടര്‍ ഒാഫ് ഒാപ്പറേഷന്‍ അഫയേഴ്സ് ലഫ്. കേണല്‍ ഹാമദ് അബ്ദുല്ല അല്‍ എഫാറിയും താമരശ്ശേരി ബിഷപ്പ് റവ. ഫാദര്‍ ഡോ. റെമിജിയോസ് ഇഞ്ചാനിനി യിലും ചടങ്ങിൽ മുഖ്യാതിഥി കൾ ആയിരുന്നു.

ഒായില്‍ ടക്ക് മാനേജിംഗ് ഡയറക്ടര്‍ ജോര്‍ജ്ജ് മാത്യു, യു. എ. ഇ. എക്സ്ചേഞ്ച് പ്രതിനിധി വിനോദ് നമ്പ്യാര്‍, എയര്‍ ഇന്ത്യ പ്രതിനിധി റാഷിദ്, അബുദാബി മലയാളി സമാജം പ്രസിഡന്റ് ഷിബു വര്‍ഗീസ് എന്നിവര്‍ സംബന്ധിച്ചു.

- കറസ്പോണ്ടന്‍റ്

വായിക്കുക: , , , , ,

Comments Off on കേരള സോഷ്യല്‍ സെന്റര്‍ ഗിന്നസ് റെക്കാര്‍ഡില്‍

രാജ് മോഹന്‍ ഉണ്ണിത്താന്റെ നിയമനം; ഷാജി കൈലാസ് ഉള്‍പ്പെടെ ഉള്ളവര്‍ രാജിയ്ക്കൊരുങ്ങുന്നു

March 21st, 2015

ചലച്ചിത്ര വികസന കോര്‍പ്പറേഷന്‍ (കെ.എസ്.എഫ്.ഡി.സി) ചെയര്‍മാനായി രാജ്‌മോഹന്‍ ഉണ്ണിത്താനെ നിയമിച്ച സര്‍ക്കാര്‍ തീരുമാനത്തില്‍ പ്രതിഷേധിച്ച് ഷാജി കൈലാസ്, മണിയന്‍ പിള്ള രാജു, സിദ്ദിഖ്, എസ്.കുമാര്‍ എന്നിവര്‍ രാജിയ്ക്കൊരുങ്ങുന്നു. തിങ്കളാഴ്ച കെ.എസ്.എഫ്.ഡി.സി എം.ഡി. ദീപ ഡി.നായര്‍ക്ക് ഇവര്‍ രാജിക്കത്ത് നല്‍കും എന്നാണ് അറിയുന്നത്.

ഉണ്ണിത്താനെ കൂടാതെ വനിതാ എം.എല്‍.എ മാരായ ബിജിമോള്‍, ജമീല പ്രകാശം എന്നിവര്‍ക്കെതിരെ അധിക്ഷേപകരമായ പ്രസ്ഥാവന നടത്തിയതിന്റെ പേരില്‍ മാപ്പു പറയേണ്ടിവന്ന കോഴിക്കോട് ഡി.സി.സി പ്രസിഡണ്ട് കെ.സി.അബുവിനേയും കോര്‍പ്പറേഷന്‍ അംഗം ആക്കിയിട്ടുണ്ട്. ഇതും പ്രതിഷേധത്തിനു കാരണമായി. ജോഷി മാത്യ, ദിലീപ്, സലിം കുമാര്‍, ഇടവേള ബാബു, കാലടി ഓമന, സഞ്ജയ് ചെറിയാന്‍, എം.എം.ഹംസ, ശാസ്ത മംഗലം മോഹന്‍, സുരേഷ് ഉണ്ണിത്താന്‍ എന്നിവരാണ് നിലവില്‍ കോര്‍പ്പറേഷനിലെ മറ്റ് അംഗങ്ങള്‍. ഇവര്‍ രാജിവെക്കുമോ എന്ന കാര്യം ഇനിയും വ്യക്തമാക്കിയിട്ടില്ല.

ഉണ്ണിത്താന്റെ നിയമനനം കീഴ്‌വഴക്കങ്ങള്‍ ലംഘിച്ചല്ലെന്ന് മന്ത്രി തിരുവഞ്ചൂര്‍ രാധാകൃഷ്ണന്‍ പറഞ്ഞു. മുമ്പും ഇത്തരത്തില്‍ രാഷ്ടീയ നിയമനങ്ങള്‍ ഉണ്ടായിട്ടുണ്ടെന്നും സംഘടനാ പാടവവും കഴിവും കണക്കിലെടുത്താണ് ഉണ്ണിത്താനെ നിയമിച്ചതെന്നും അദ്ദേഹം പ്രതികരിച്ചു. സിനിമാ മേഘലയില്‍ രാഷ്ടീയം കലര്‍ത്തുവാനുള്ള ശ്രമത്തോടാണ് എതിര്‍പ്പെന്ന്‍ പറഞ്ഞ മണിയന്‍ പിള്ള രാജു തങ്ങള്‍ രാജിവെക്കുന്ന ഒഴിവിലേക്ക് രാഷ്ടീയക്കാരെ നിയമിക്കാമെന്ന് പരിഹസിച്ചു.സിനിമയുമായി അടുത്ത് ബന്ധം ഇല്ലാത്ത രാഷ്ടീയക്കാരെ നിയമിക്കുന്നതില്‍ ശക്തമായ വിയോജിപ്പുണ്ടെന്ന് സംവിധായകനും തിരക്കഥാ കൃത്തുമായ ബി.ഉണ്ണികൃഷ്ണന്‍ വ്യക്തമാക്കി.

സാബു ചെറിയാന്റെ കാലാവധി തീരുന്നു എന്ന് പറഞ്ഞാണ് പുതിയ നിയമനം എന്നാല്‍ സാബു വന്നതിനു ശേഷം കോര്‍പ്പറേഷനില്‍ ധാരാളം പദ്ധതികള്‍ നടപ്പിലാക്കുകയും കോര്‍പ്പറേഷനു കീഴില്‍ ഉള്ള തീയേറ്ററുകളില്‍ നിന്നും വരുമാനം വര്‍ദ്ധിക്കുകയും ചെയ്തിട്ടുണ്ട്. കോര്‍പ്പറേഷനെ പുരോഗമനത്തിന്റെ പാതയില്‍ കൊണ്ടുവന്ന സാബുവിനെ മാറ്റി രാഷ്ടീയ നിയമനം നടത്തുന്നതിനോട് വലിയ എതിര്‍പ്പാണ് ഉയര്‍ന്നുവന്നിട്ടുള്ളത്.

- എസ്. കുമാര്‍

വായിക്കുക: , , , , ,

Comments Off on രാജ് മോഹന്‍ ഉണ്ണിത്താന്റെ നിയമനം; ഷാജി കൈലാസ് ഉള്‍പ്പെടെ ഉള്ളവര്‍ രാജിയ്ക്കൊരുങ്ങുന്നു

വനിത എം.എല്‍.എമാരെ പറ്റി മോശം പരാമര്‍ശം;പ്രതിഷേധത്തിനൊടുവില്‍ കെ.സി.അബു മാപ്പു പറഞ്ഞു

March 21st, 2015

കോഴിക്കോട് :എം.എല്‍.എ മാരായ ബിജിമോള്‍, ജമീല പ്രകാശം എന്നിവരെ കുറിച്ച് പത്രസമ്മേളനത്തിനിടയില്‍ അവഹേളന പരമായ പരാമര്‍ശം നടത്തിയ കോഴിക്കോട് ഡി.സി.സി പ്രസിഡണ്ട് കെ.സി.അബു മാപ്പു പറഞ്ഞു. കോഴിക്കോട് നഗരത്തിലും ഡി.സി.സി ഓഫീ‍സിനു മുമ്പിലും അബുവിന്റെ വീടിനു മുമ്പിലും വിവിധ വനിതാ സംഘടനകളുടെയും എ.ഐ.വൈ.എഫിന്റേയും,ഡിവൈ.എഫ്.ഐയുടേയും നേതൃത്വത്തില്‍ ശക്തമായ പ്രതിഷേധ പ്രകടനം നടന്നു. എ.ഐ.വൈ.ഫ് നടത്തിയ പ്രകടനം അക്രമാസക്തമായതോടെ പ്രവര്‍ത്തകരെ പോലീസ് ലാത്തിവീശിയോടിച്ചു.

കോണ്‍ഗ്രസില്‍ നിന്നും അബുവിന്റെ അവഹേളനപരമായ പരാമര്‍ശത്തെ വിമര്‍ശിച്ചു കൊണ്ട് നേതാക്കള്‍ രംഗത്തെത്തി. കോണ്‍ഗ്രസ്സ് നേതാവ് ഷാനി മോള്‍ ഉസ്മാന്‍ അബുവിന്റെ പരാമര്‍ശത്തോട് ശക്തമായ വിയോജിപ്പ് രേഖപ്പെടുത്തി. അബുവിന്റെ പരാമര്‍ശം കോണ്‍ഗ്രസ് സംസ്കാരത്തിനു ചേര്‍ന്നതല്ലെന്ന് മുഖ്യമന്ത്രി ഉമ്മന്‍ ചാണ്ടി പറഞ്ഞു. വാക്കുകള്‍ ഉപയോഗിക്കുമ്പോള്‍ മിതത്വം പാലിക്കണമെന്ന് അദ്ദേഹം ആവശ്യപ്പെട്ടു.

പ്രതിഷേധം വ്യാപകമായതോടെ കെ.പി.സി.സി. പ്രസിഡണ്ട് വി.എം.സുധീരന്‍ അബു മാപ്പു പറയണമെന്ന് ആവശ്യപ്പെടുകയായിരുന്നു. പരസ്യമായി മാപ്പു പറഞ്ഞില്ലെങ്കില്‍ അബുവിനെതിരെ അച്ചടക്ക നടപടിയെടുക്കുമെന്ന് സുധീരന്‍ തിരുവനന്തപുരത്ത് പത്രസമ്മേളനത്തില്‍ പറഞ്ഞു. തുടര്‍ന്ന് അബു വനിത എം.എല്‍.എമാരെയും ഷിബു ബേബിജോണിനേയും കുറിച്ച് താന്‍ നടത്തിയ പരാമര്‍ശങ്ങളില്‍ മാപ്പു പറഞ്ഞു കൊണ്ട് പത്രക്കുറിപ്പ് പുറത്തിറക്കുകയായിരുന്നു.

നിയമസഭയില്‍ ബിജിമോളെ മന്ത്രി ഷിബു ബേബി ജോണ്‍ തടഞ്ഞതുമായി ബന്ധപ്പെട്ട് ബിജിമോള്‍ക്ക് പരാതിയുണ്ടാകാന്‍ ഇടയില്ലെന്നും ഇരുവരും അത് ആസ്വദിച്ചിട്ടുണ്ടാകുമെന്നാണ് മനസ്സിലാക്കുന്നതെന്നും അബു പറഞ്ഞിരുന്നു.നിയമ സഭയ്ക്കകത്ത് തന്നെ തടഞ്ഞ മന്ത്രി ശിവദാസന്‍ നായരെ ജമീല പ്രകാശം എം.എല്‍.എ കടിച്ചതിനെ പറ്റിയും അബു അവഹേളന പരമായിട്ടാണ് കെ.സി.അബു സംസാരിച്ചത്. ഇത് വന്‍ പ്രതിഷേധത്തിനു ഇടവരുത്തി. മന്ത്രി ഷിബു ബേബി ജോണ്‍ അബുവിനെതിരെ മുഖ്യമന്ത്രിക്ക് പരാതി നല്‍കി. നിയമ നടപടിയും സ്വീകരിക്കുമെന്ന് ഷിബു വ്യക്തമാക്കി. ബിജിമോളും അബുവിനെതിരെ ഡി.ജി.പിക്ക് പരാതി നല്‍കിയിട്ടുണ്ട് . തന്നെ വ്യക്തിഹത്യ നടത്തുവാനുള്ള ബോധപൂര്‍വ്വമായ ശ്രമമാണ് ഭരണ പക്ഷം നടത്തുന്നതെന്ന് അവര്‍ പറഞ്ഞു.

- എസ്. കുമാര്‍

വായിക്കുക: , , , , ,

Comments Off on വനിത എം.എല്‍.എമാരെ പറ്റി മോശം പരാമര്‍ശം;പ്രതിഷേധത്തിനൊടുവില്‍ കെ.സി.അബു മാപ്പു പറഞ്ഞു

മലയാളി സമാജത്തില്‍ പാചക മല്‍സരം

March 18th, 2015

coocking-competition-ePathram
അബുദാബി : മലയാളി സമാജം വനിതാ വിഭാഗ ത്തിന്റെ ആഭിമുഖ്യ ത്തില്‍ ‘അഭിരുചി 2015’ എന്ന പേരില്‍ തത്സമയ പാചക മല്‍സരം സംഘടിപ്പിക്കുന്നു.

പച്ചക്കറികൾ അടങ്ങിയ കുട്ടികളുടെ ഭക്ഷണവും നാടൻ ചിക്കൻ കറി യുമാണ് മത്സര ഇനങ്ങൾ.

മാര്‍ച്ച് 20 വെള്ളിയാഴ്ച ഉച്ച കഴിഞ്ഞ് 3 മണി മുതല്‍ ആരംഭിക്കുന്ന പാചക മത്സര ത്തില്‍ പങ്കെടുക്കാന്‍ ആഗ്രഹിക്കുന്നവര്‍ പേര് റജിസ്റ്റര്‍ ചെയ്യണം.

വിവരങ്ങള്‍ക്ക് 055 81 47 180, 02 55 37 600.

- കറസ്പോണ്ടന്‍റ്

വായിക്കുക: ,

Comments Off on മലയാളി സമാജത്തില്‍ പാചക മല്‍സരം

പ്രവാസി മലയാളി കുടുംബ സംഗമ ത്തില്‍ സ്ത്രീകളും സമൂഹവും

March 11th, 2015

newyork-pravasi-malayali-ladies-wing-ePathram
ന്യൂയോര്‍ക്ക് : പ്രവാസി മലയാളി കുടുംബ സംഗമ ത്തോട് അനുബന്ധിച്ചു നടക്കുന്ന വനിതാ സെമിനാറില്‍ ‘സ്ത്രീകളും സമൂഹവും’ എന്ന വിഷയ ത്തില്‍ ചര്‍ച്ച നടക്കും എന്ന് പ്രവാസി മലയാളി ഫെഡറേഷന്‍ വിമന്‍സ് ഫോറം ഗ്ലോബല്‍ കോഡിനേറ്റര്‍ ലൈസി അലെക്‌സ് (യു. എസ്. എ.) അറിയിച്ചു.

പ്രവാസി മലയാളി ഫെഡറേഷന്‍ പുരുഷ ന്മാരോ ടൊപ്പം സ്ത്രീ കള്‍ക്കും തുല്യത നല്‍കുന്ന ഒരു സംഘടന യാണ്. പ്രവാസി മലയാളി കളില്‍ ഭൂരി ഭാഗവും സ്വന്തം കുടുംബ ത്തിന്റെയും നാടി ന്റെയും നന്മ യ്ക്കായി വിദേശ ങ്ങളില്‍ കഴിയുന്ന സ്ത്രീകള്‍ ആണ്. അവരെ ഏകോപി പ്പിക്കേ ണ്ടതും ആവശ്യ ങ്ങളില്‍ സഹായി ക്കേണ്ടതും ഒരു കര്‍ത്തവ്യം എന്ന നില യിലാണ് സംഘടന ഏറ്റെടുത്തി രിക്കുന്നത്.

ഇതിനോടകം ഇറാക്ക്, ലിബിയ, മറ്റ് ഗള്‍ഫ് നാടുകള്‍ എന്നിവിട ങ്ങളില്‍ പ്രയാസ ങ്ങളില്‍ കഴിഞ്ഞിരുന്ന നൂറു കണക്കിനു മലയാളി നേഴ്സു മാര്‍ക്കും ഗാര്‍ഹിക തൊഴിലാളി കള്‍ക്കും സഹായം നല്‍കാന്‍ സംഘടന യ്ക്ക് സാധിച്ചിട്ടുണ്ട്.

സംഘടന യുടെ മുന്നോട്ടുള്ള എല്ലാ പ്രവര്‍ത്തന ങ്ങളിലും സ്ത്രീ കള്‍ക്കു പ്രാധാന്യം നല്‍കി കൊണ്ടാ യിരിക്കും സംഘടന പ്രവര്‍ത്തി ക്കുക എന്നും ലൈസി അറിയിച്ചു.

സ്ത്രീ കളുടെ മാന്യത സമൂഹ ത്തില്‍ ചവിട്ടി അരയ്ക്ക പ്പെടുന്ന ഈ കാല ഘട്ട ത്തില്‍ ഇത്തരം ഒരു ചര്‍ച്ച പ്രാധാന്യം അര്‍ഹിക്കുന്ന താണ് എന്ന് ഗ്ലോബല്‍ വൈസ് ചെയര്‍പേഴ്സണ്‍ ഷീല ചെറു (യു. എസ്. എ) അഭിപ്രായപ്പെട്ടു.

ഓഗസ്റ്റ് 7, 8, 9 തീയതി കളില്‍ തിരുവനന്തപുരം പോത്തന്‍ കോട്ടുള്ള ശാന്തി ഗിരി ആശ്രമ ത്തില്‍ വച്ചാണ് പ്രവാസി മലയാളി ഫെഡ റേഷന്‍ കുടുംബ സംഗമം നടക്കുന്നത്.

അന്തര്‍ ദേശീയ തല ങ്ങളില്‍ അറിയപ്പെടുന്ന പ്രമുഖ സാമൂഹിക – സാംസ്കാരിക രാഷ്ട്രീയ നേതാക്കള്‍ പരിപാടി കളില്‍ പങ്കെടുക്കും.

ഷീല ചെറു (യു. എസ്. എ.), ലൈസി അലെക്‌സ് (യു. എസ്. എ. ) എന്നിവരെ കൂടാതെ പ്രവാസി മലയാളി ഫെഡറേഷന്‍ വനിതാ വിഭാഗം നേതാക്കളായ ഗ്ലോബല്‍ ജനറല്‍ സെക്രട്ടറി ഷിബി നാര മംഗലത്ത്, ബിന്ദു അലെക്‌സ് (യു. എ. ഇ.), സംഗീത രാജ് (യു. എ. ഇ.), രമാ വേണു ഗോപാല്‍ (ദമാം), ആനി ഫിലിപ്പ് (കാനഡ), മേരിയം (ജിദ്ദ) എന്നിവരും ചര്‍ച്ച യില്‍ പങ്കെടുത്തു സംസാരിക്കും.

പ്രവാസി മലയാളി കുടുംബ സംഗമ ത്തിലുംവനിതാ സെമിനാറിലും പങ്കെടു ക്കുവാന്‍ താല്‍‌പ്പര്യ മുള്ളവര്‍ pravasi malayali federation at gmail dot com എന്ന ഇ – മെയിലില്‍ ബന്ധപ്പെ ടേണ്ടതാണ്.

- കറസ്പോണ്ടന്‍റ്

വായിക്കുക: , ,

Comments Off on പ്രവാസി മലയാളി കുടുംബ സംഗമ ത്തില്‍ സ്ത്രീകളും സമൂഹവും

Page 20 of 60« First...10...1819202122...304050...Last »

« Previous Page« Previous « ഭാരതമേ ഉണരുക : ഷീല ചെറു
Next »Next Page » ശക്തി വാര്‍ഷികാഘോഷം »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha