പത്മജ വേണു ഗോപാല്‍ ബി. ജെ. പി. വിട്ടു

November 19th, 2026

bjp-in-kerala-epathram
തിരുവനന്തപുരം : കോൺഗ്രസ്സ് വിട്ടു ബി. ജെ. പി. യിൽ ചേക്കേറിയ പത്മജ വേണു ഗോപാല്‍ അംഗത്വം രാജി വെച്ചു. പാര്‍ട്ടിയില്‍ നിന്ന് കടുത്ത അവഗണന നേരിട്ടു എന്ന് വെളിപ്പെടുത്തിയാണ് സംസ്ഥാന അദ്ധ്യക്ഷന്‍ രാജീവ് ചന്ദ്രശേഖറിന് പത്മജ ഇ-മെയിലായി രാജി നല്‍കിയത്. ബി. ജെ. പി. യുടെ ആശയങ്ങളുമായി പൊരുത്തപ്പെട്ടു പോകാൻ കഴിയില്ല എന്നും തെറ്റു തിരുത്തുന്നു വെന്നും പത്മജ പറഞ്ഞു.

കെ. കരുണാകരന്റെ മകള്‍ കോൺഗ്രസ്സിൽ തന്നെ ഉണ്ടാവണം എന്ന് കുടുംബത്തില്‍ നിന്നും അഭ്യുദയ കാംക്ഷികളിൽ നിന്നും നിരന്തരം സമ്മർദ്ദം ഉണ്ടായിരുന്നു. ബി. ജെ. പി. യില്‍ പോയത് തെറ്റായിപ്പോയി. അവരുടെ ആശയങ്ങളെക്കുറിച്ചു പഠിക്കാതെയാണു പോയത്.

മീനിനെ പിടിച്ചു കരയിൽ ഇട്ട അവസ്ഥയായിരുന്നു. കെ. കരുണാകരന്റെ മകളാണെന്നു ഞാന്‍ ഓര്‍ക്കണമായിരുന്നു. പദവിക്ക് വേണ്ടിയല്ല ബി. ജെ. പി. യില്‍ പോയത്. അധികാരത്തിനു വേണ്ടി ആയിരുന്നു എങ്കിൽ യു. ഡി. എഫി. നൊപ്പം നിന്നാല്‍ മതിയായിരുന്നു. ഭാവി പരിപാടികള്‍ തീരുമാനിച്ചിട്ടില്ല. കെ. മുരളീധരനോട് മാത്രമാണ് രാജിക്കാര്യം സംസാരിച്ചത്. കോണ്‍ഗ്രസില്‍ മറ്റാരോടും ആശയ വിനിമയം നടത്തിയിട്ടില്ലഎന്നും പത്മജ പറഞ്ഞു.

തിരിച്ചു കോൺഗ്രസിലേക്ക് വരാൻ തന്നെയാണ് അവരുടെ തീരുമാനം. എന്നാൽ പത്മജ തിരിച്ചെത്തും എന്നുള്ള അഭ്യൂഹം പരന്നതോടെ തൃശൂര്‍ ജില്ലയിലെ കോണ്‍ഗ്രസ് നേതാക്കളില്‍ പലരും എതിര്‍പ്പുമായി രംഗത്തു വന്നിട്ടുണ്ട്.

കോൺഗ്രസ്സിൽ നിന്നും രാജി വെച്ച് പത്മജ വേണു ഗോപാല്‍ 2024 മാര്‍ച്ച് മാസത്തിലാണ് ബി. ജെ. പി. യില്‍ ചേര്‍ന്നത്. ശേഷം പാർട്ടിയുടെ ദേശീയ കൗണ്‍സില്‍ അംഗമായി നിയമിച്ചു. അല്ലാതെ മറ്റു പ്രധാന പദവി കളിലേക്ക് ഒന്നും അവരെ പരിഗണിച്ചിരുന്നില്ല. ഗവർണ്ണർ പദവി നൽകും എന്ന് അഭ്യൂഹങ്ങൾ ഉണ്ടായിരുന്നു.

- pma

വായിക്കുക: , , , , ,

Comments Off on പത്മജ വേണു ഗോപാല്‍ ബി. ജെ. പി. വിട്ടു

പങ്കാളിയെ തെരഞ്ഞെടുക്കാന്‍ പ്രായ പൂര്‍ത്തിയായ സ്ത്രീക്ക് പൂർണ്ണ സ്വാതന്ത്ര്യം

November 12th, 2026

marriage-fundamental-right-choose-a-partner-ePathram
മുംബൈ : മതം, വിശ്വാസം, ജാതി എന്നിവ നോക്കാതെ പ്രായ പൂര്‍ത്തിയായ സ്ത്രീക്ക് സ്വന്തം ജീവിത പങ്കാളിയെ തെരഞ്ഞെടുക്കാന്‍ പൂർണ്ണ സ്വാതന്ത്ര്യം എന്ന് ബോംബെ ഹൈക്കോടതി.

ഭരണ ഘടനയുടെ അനുച്ഛേദം 21 ല്‍ സ്വന്തം ഇഷ്ട പ്രകാരം ഒരാളെ വിവാഹം ചെയ്യാനും ഉള്ള അവകാശം ഉറപ്പു നല്‍കുന്നു എന്നും കോടതി. ജസ്റ്റിസ് അദ്വൈത് എം സേത്ന, ജസ്റ്റിസ് രഞ്ജിത്സിന്‍ഹ രാജ ഭോന്‍സ്ലെ എന്നിവർ അടങ്ങിയ അവധിക്കാല ബെഞ്ച് പുറപ്പെടുവിച്ച ഉത്തരവിലാണ് ഇക്കാര്യം പറഞ്ഞത്.

കഴിഞ്ഞ ഒക്ടോബറില്‍ വിവാഹിതരായ 21 വയസ്സുള്ള ഹിന്ദു യുവതിയും 21 വയസ്സുള്ള മുസ്ലിം യുവാവും നല്‍കിയ ഹരജി പരിഗണിച്ച് കൊണ്ടാണ് കോടതി ഈ കാര്യം വ്യക്തമാക്കിയത്.

കഴിഞ്ഞ ഏതാനും വർഷങ്ങളായി യുവാവുമായി തനിക്ക് ബന്ധം ഉണ്ട് എന്നും ഇരു കുടുംബങ്ങൾക്കും തങ്ങളുടെ ബന്ധത്തെ ക്കുറിച്ച് വ്യക്തമായി അറിയാമായിരുന്നു എന്നും യുവതി കോടതിയെ അറിയിച്ചു.

ഒക്ടോബർ 19 ന് മുസ്ലീം യുവാവിനെ വിവാഹം കഴിച്ച് ജീവിതം ആരംഭിച്ച ഹിന്ദു യുവതിക്ക് വീട്ടുകാരിൽ നിന്നുള്ള ഭീഷണി കാരണം സംരക്ഷണം ആവശ്യപ്പെട്ട് അവർ പോലീസിനെ സമീപിച്ചു. എന്നാൽ, ധാരാവി പൊലീസ് ഹർജി യിൽ നടപടി എടുത്തില്ല എന്നും അവർ ആരോപിച്ചു. മാത്രമല്ല തന്നെ ബലം പ്രയോഗിച്ച് മാതാപിതാക്കൾ ഉത്തർ പ്രദേശിലേക്ക് കൊണ്ടു പോയി.

വീട്ടു തടങ്കലിൽ നിന്നും രക്ഷപ്പെട്ടു മുംബൈയിലേക്ക് മടങ്ങിയ ശേഷം, തൻ്റെ സുരക്ഷയെ ക്കുറിച്ച് ആശങ്ക പ്രകടിപ്പിക്കുകയും ഭർത്താവിനൊപ്പം താമസിക്കാൻ സംരക്ഷണം നൽകുകയും ചെയ്യണം എന്നും ആവശ്യപ്പെട്ട് അവർ ഹൈക്കോടതിയെ സമീപിച്ചു. ഇതിനെ തുടർന്നാണ് ബോംബെ ഹൈക്കോടതി വിധി പ്രസ്താവിച്ചത്.

- pma

വായിക്കുക: , , , , , , , ,

Comments Off on പങ്കാളിയെ തെരഞ്ഞെടുക്കാന്‍ പ്രായ പൂര്‍ത്തിയായ സ്ത്രീക്ക് പൂർണ്ണ സ്വാതന്ത്ര്യം

ഇന്ത്യക്കാർക്ക് എതിരെ തീവ്ര വലതു പക്ഷ പ്രവർത്തകർ

November 10th, 2026

deepawali-issue-in-america-stop-hindu-replacement-of-christians-ePathram
അമേരിക്കയിലെ സിയാറ്റിൽ സെന്റർ ആർമറിയിൽ നടന്ന ദീപാവലി ആഘോഷം തടസ്സപ്പെടുത്തി, ഹിന്ദു ക്കൾക്ക് എതിരെ വംശീയ വിദ്വേഷ മുദ്രാ വാക്യ ങ്ങളുമായി തീവ്ര വലതു പക്ഷ പ്രവർത്തകരുടെ പ്രതിഷേധം. ഹിന്ദു വിരുദ്ധവും വംശീയാധിക്ഷേപം നിറഞ്ഞതുമായ പ്ലക്കാർഡുകൾ ഏന്തിയാണ് ഒരു സംഘം തീവ്ര വലതു പക്ഷ വാദികൾ അക്രമം നടത്തിയത്.

2026 നവംബർ 7 ശനിയാഴ്ച സിയാറ്റിൽ സെന്റർ ആർമറിയിലെ ദീപാ വലി ആഘോഷത്തിൽ പങ്കെടുക്കാനായി നിരവധി ഇന്ത്യൻ കുടുംബങ്ങൾ ഇവിടെ എത്തിയിരുന്നു. അവർക്ക് ഇടയിലേക്കാണ് പ്ലക്കാർഡുകളുമായി പ്രതിഷേധക്കാർ തള്ളി ക്കയറിയത്.

‘ഹിന്ദുക്കളെ നാടു കടത്തുക, ക്രിസ്ത്യാനികൾക്ക് പകരം ഹിന്ദുക്കളെ കൊണ്ടു വരുന്നത് നിർത്തുക’ എന്നിങ്ങനെ ആയിരുന്നു പ്ലക്കാർഡുകളിൽ എഴുതിയിരുന്നത്.

മുദ്രാവാക്യം മുഴക്കിയെത്തിയ പ്രതിഷേധക്കാരും ആഘോഷത്തിൽ പങ്കെടുക്കാനെത്തിയവരും തമ്മിൽ വാക്കേറ്റവുമുണ്ടായി. പിന്നാലെ പ്രതിഷേധക്കാരെ പുറത്താക്കി.

കൺസർവേറ്റീവുകളായ ജെയ്ക്ക് ലാംഗ്, തോമസ് അലൻ തുടങ്ങിയവരുടെ നേതൃത്വത്തിലാണ് തീവ്ര വലതു പക്ഷ പ്രവർത്തകർ എത്തിയത് എന്നും മാധ്യമങ്ങൾ റിപ്പോർട്ട് ചെയ്യുന്നു.

സംഭവത്തിനു ശേഷം പ്രതിഷേധത്തിന്റെ വീഡിയോ എക്സിൽ പങ്കു വെച്ച ജെയ്ക്ക് ലാംഗ്, ഹിന്ദുക്കൾക്ക് എതിരെ അധിക്ഷേപ പരാമർശങ്ങൾ നടത്തി.

അമേരിക്കയിലെ ഇടക്കാല തെരഞ്ഞെടുപ്പിൽ ടെക്സസ് സംസ്ഥാനത്ത് ഡെമോക്രാറ്റുകൾ നേടിയ വിജയത്തിന് കാരണം ഹിന്ദുക്കൾ എന്നും അവിടെ ക്രമക്കേട് നടന്നതായും ആരോപിച്ചു. Image Credit : X

- pma

വായിക്കുക: , , , , , , , , , ,

Comments Off on ഇന്ത്യക്കാർക്ക് എതിരെ തീവ്ര വലതു പക്ഷ പ്രവർത്തകർ

പരാജയത്തിന് കാരണം ഇറാൻ യുദ്ധം : യു. എസ്‌. വൈസ് പ്രസിഡണ്ട്

November 5th, 2026

american-vice-president-2026-j-d-vance-ePathram
അമേരിക്കന്‍ ഇടക്കാല തെരഞ്ഞെടുപ്പില്‍ റിപ്പബ്ലിക്കന്‍ പാര്‍ട്ടി പരാജയപ്പെട്ടത് ഇറാന്‍ യുദ്ധം കാരണമാണ് എന്ന് യു. എസ്‌. വൈസ് പ്രസിഡണ്ട് ജെ. ഡി. വാന്‍സ്. നമ്മള്‍ പരാജയപ്പെടാന്‍ കാരണം യുദ്ധമാണ് എന്ന് പ്രസിഡണ്ട് ഡൊണാൾഡ് ട്രംപ് വ്യക്തമാക്കിയിരുന്നു.

യുദ്ധം ശരിയായിരുന്നു എന്ന് വാദിക്കാന്‍ ആഗ്രഹി ക്കുന്നവര്‍ക്ക് അങ്ങനെ ചെയ്യാം. 6 വര്‍ഷത്തേക്ക് സെനറ്റിന്റെ നിയന്ത്രണം നഷ്ടപ്പെടുന്നത് ഈ യുദ്ധം കാരണമായി എന്നും ജെ. ഡി. വാന്‍സ് പറഞ്ഞു.

ഇടക്കാല തെരഞ്ഞെടുപ്പില്‍ ഉണ്ടായ കനത്ത തോല്‍വിക്ക് കാരണം ഇറാന്‍ യുദ്ധവും ഇന്ധന വില വർദ്ധനവും എന്ന് ട്രംപ് പറഞ്ഞു. താല്‍ക്കാലിക വില വര്‍ദ്ധന ജനം അംഗീകരിച്ചില്ല. എന്നാല്‍ ഇറാനിലെ സൈനിക നടപടികളില്‍ ഖേദമില്ല എന്നും പ്രസിഡണ്ട് ഡൊണാൾഡ് ട്രംപ് ഇന്നലെ തന്നെ പ്രസ്താവന ഇറക്കി യിരുന്നു.

റിപ്പബ്ലിക്കൻ പാർട്ടിയെ പരമ്പരാഗതമായി പിന്തുണച്ച് വരുന്നവർ പോലും ഇക്കുറി ഡെമോക്രാറ്റ് പാർട്ടിയ്ക്ക് വോട്ടു ചെയ്തു. റിപ്പബ്ലിക്കൻസിനു സ്വാധീനമുള്ള മേഖലകളിൽ ഉൾപ്പെടെയാണ് ഡെമോക്രാറ്റുകൾ നേട്ടം കൊയ്തത്.

അമേരിക്കൻ ജനപ്രതിനിധി സഭയിലും (House of Representatives) സെനറ്റിലും (Senate) ഡെമോക്രാറ്റുകൾക്ക് ആധിപത്യം ലഭിച്ചതോടെ നിയമ നിർമ്മാണങ്ങളിലും കോൺഗ്രസിന്റെ മേൽ നോട്ടത്തിലും അവർക്ക് കൂടുതൽ സ്വാധീനം ലഭിക്കും.

എന്നാൽ ഇതിനെ നേരിടാൻ തന്റെ പ്രസിഡൻഷ്യൽ വീറ്റോ (Presidential Veto) അധികാരം ഉപയോഗിക്കാൻ തയ്യാറാണെന്ന് ട്രംപ് വ്യക്തമാക്കി കഴിഞ്ഞു.

Image Credit : J D Vance-X

- pma

വായിക്കുക: , , , , ,

Comments Off on പരാജയത്തിന് കാരണം ഇറാൻ യുദ്ധം : യു. എസ്‌. വൈസ് പ്രസിഡണ്ട്

ടോമിന്‍ ജെ. തച്ചങ്കരി ജയില്‍ മോചിതനായി

October 16th, 2026

tomin-thachenkary-epathram

കൊച്ചി : മുൻ ഡി. ജി. പി. ടോമിൻ ജെ. തച്ചങ്കരി ജയിൽ മോചിതനായി. തച്ചങ്കരിയുടെ തടവ് ശിക്ഷ സ്‌റ്റേ ചെയ്തു കൊണ്ട് ഹൈക്കോടതി വിധി വന്നതോടെയാണ് ജയിലിൽ നിന്നും തച്ചങ്കരി പുറത്തിറങ്ങിയത്.

അനധികൃത സ്വത്ത് സമ്പാദനക്കേസിൽ തച്ചങ്കരിക്ക് നാല് വര്‍ഷം തടവ് ശിക്ഷയും 30 ലക്ഷം രൂപ പിഴയും കോട്ടയം വിജിലൻസ് കോടതി വിധിച്ചിരുന്നു. തുടർന്ന് തച്ചങ്കരിയെ പൂജപ്പുര സെൻട്രൽ ജയിലിലേക്കു മാറ്റി.

ശിക്ഷാ വിധി സ്റ്റേ ചെയ്യണം എന്ന ആവശ്യപ്പെട്ട് തച്ചങ്കരി നൽകിയ ഹർജിയിൽ ഹൈക്കോടതി ജസ്റ്റിസ് എ. ബദറുദ്ദീനാണ് വിധി പുറപ്പെടുവിച്ചത്.

ആദ്യമായാണ് സംസ്ഥാനത്ത് അഴിമതിക്കേസിൽ ഒരു മുൻ ഡി. ജി. പി. യെ ജയിലിൽ അടക്കുന്നത്.

2003 ജനുവരി 1 മുതൽ 2007 ജൂലായ് 4 വരെയുള്ള കാലയളവിൽ ഐ. ജി. യായി ഔദ്യോഗിക പദവിയിൽ ഇരിക്കവേ തച്ചങ്കരി 64,70,891 രൂപ അനധികൃതമായി സമ്പാദിച്ച്‌ എന്നായിരുന്നു വിജിലൻസ് കേസ്.

2025 നവംബർ ഒന്നിനാണ് കോട്ടയം വിജിലൻസ് കോടതിയിൽ വിചാരണ തുടങ്ങിയത്. 9 മാസം കൊണ്ട് വിചാരണ പൂർത്തിയാക്കി 2026 സെപ്റ്റംബർ 17 നാണു കോട്ടയം വിജിലൻസ് കോടതി ശിക്ഷ വിധിച്ചത്.

- pma

വായിക്കുക: , , , ,

Comments Off on ടോമിന്‍ ജെ. തച്ചങ്കരി ജയില്‍ മോചിതനായി

Page 1 of 11812345...102030...Last »

« Previous « ഇന്ദിരാ ഗാന്ധിയും പുറത്ത് : കേന്ദ്ര പദ്ധതികളുടെ പേരു മാറ്റി
Next Page » മിറാക്കിൾ ഗാർഡൻ : 15-ാമത് പതിപ്പ് തുടക്കമായി »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha