 |
 |
 |
 |
 |
 |
 |
 |
 |
 |
 |
 |
 |
 |
തിരുവനന്തപുരം : കേരള സര്ക്കാര് പൊതു മേഖലാ സ്ഥാപനം കെല്ട്രോണ്, ഡിഗ്രി/പ്ലസ്ടു യോഗ്യതയുള്ള വിദ്യാർത്ഥികൾക്കായി അവരുടെ തിരുവനന്തപുരം, കോഴിക്കോട്, പാലക്കാട് കേന്ദ്രങ്ങളില് 2025-26 വര്ഷത്തെ മാധ്യമ കോഴ്സുകളിലേക്ക് പ്രവേശനം ആരംഭിച്ചു. കൂടുതൽ വിവരങ്ങൾക്ക് വിളിക്കുക (ഫോണ്) : 95449 58182.
അവസാന തിയ്യതി 2025 ഡിസംബര് 12.
- pma
വായിക്കുക: job-opportunity, kerala-government-, social-media, telecommunication, വിദ്യാഭ്യാസം, സാമൂഹികം
അബുദാബി : റുവൈസിലെ അൽ-ധന്നയിൽ എക്സലൻസ് ഗ്ലോബൽ സ്കൂൾ തുറന്നു പ്രവർത്തനം ആരംഭിച്ചു. സ്കൂൾ കാമ്പസിൽ നടന്ന ഉദ്ഘാടന ചടങ്ങിൽ അഡ്നോക്ക് അൽ ദഫ്ര മേഖല മേധാവി മുബാറക് അൽ മൻസൂരി, സ്കൂൾ ചെയർമാൻ പാറയിൽ കുഞ്ഞി മുഹമ്മദ് അൻസാരി, മാനേജിംഗ് ഡയറക്ടർ ഡോ. മുനീർ അൻസാരി പാറയിൽ, അഡ്നോക്ക് ഉദ്യോഗസ്ഥർ, പൗര പ്രമുഖർ, രക്ഷിതാക്കളും കുട്ടികളും പങ്കെടുത്തു.
വിദ്യാഭ്യാസ വകുപ്പിന്റെ അംഗീകാരത്തോടെ പ്രീ-കെ. ജി. മുതൽ ഗ്രേഡ് 6 വരെയുള്ള ക്ലാസ്സുകളിൽ അത്യാധുനിക സൗകര്യങ്ങളോടു കൂടിയാണ് സ്കൂൾ പ്രവർത്തനം ആരംഭിച്ചത്. മേഖലയിലെ ആദ്യത്തെ ബ്രിട്ടീഷ് കരിക്കുലം സ്കൂൾ എന്ന പ്രത്യേകതയുമുണ്ട്.
അബുദാബിയുടെ പടിഞ്ഞാറൻ മേഖലയായ റുവൈസിലെ (അൽ-ദഫ്ര) അൽ-ധന്ന സിറ്റിയിൽ ഇത്രയും മഹത്തരമായുള്ള വിദ്യാഭ്യാസ ദൗത്യം ഏറ്റെടുത്തു പ്രാവർത്തികം ആക്കിയതിനു ഗ്ലോബൽ എജ്യുക്കേഷണൽ സൊല്യൂഷൻസ് (GES) നേതൃത്വ ത്തിനെ അഡ്നോക്ക് അൽ ദഫ്ര മേഖല മേധാവി മുബാറക് അൽ മൻസൂരി അഭിനന്ദിച്ചു.
- pma
വായിക്കുക: expat, nri, കുട്ടികള്, പൂര്വ വിദ്യാര്ത്ഥി, പ്രവാസി, ബഹുമതി, വിദ്യാഭ്യാസം, സാമൂഹ്യ-സേവനം, സാമ്പത്തികം
ഷാർജ : അന്താരാഷ്ട്ര പുസ്തക മേള 2025-ൽ തിളങ്ങി അബുദാബി സെൻ്റ് ജോസഫ് സ്കൂളിലെ ആലിയ ഷെയ്ഖ്. ഏഴാം ക്ലാസ് വിദ്യാർത്ഥിനിയായ ആലിയ, തൻ്റെ ആദ്യ പുസ്തകമായ ‘His Ghost, Our Inheritance’ എന്ന കൃതിയിലൂടെ യാണ് യു. എ. ഇ. യിലെ ഏറ്റവും മികച്ച 20 വിൽപനയുള്ള യുവ എഴുത്തുകാരുടെ പട്ടിക യിലൂടെ അംഗീകാരം നേടിയിരിക്കുന്നത്.
ബ്രി-ബുക്സിലൂടെ പ്രസിദ്ധീകരിച്ച ആലിയയുടെ ‘His Ghost, Our Inheritance’ എന്ന കൃതി രാജ്യത്തുടനീളമുള്ള ആയിര ക്കണക്കിന് യുവ എഴുത്തുകാർക്ക് ഇടയിൽ വേറിട്ടു നിന്നു. ഷാർജ ഇൻ്റർ നാഷണൽ ബുക്ക് ഫെയർ ഇൻ്റലക്ച്വൽ ഹാളിൽ നടന്ന ചടങ്ങിൽ ആലിയ ഷെയ്ഖിനു മൊമെൻ്റോയും സർട്ടിഫിക്കറ്റും നൽകി ആദരിച്ചു.
യുവ പ്രതിഭകളുടെ വ്യത്യസ്തങ്ങളായ കഴിവുകൾ കണ്ടെത്തി പരിപോഷിപ്പിക്കുന്നതിൽ മുന്നിൽ നിൽക്കുന്ന സെൻ്റ് ജോസഫ് സ്കൂളിന് ഈ നേട്ടം അഭിമാനം പകരുന്നു. ഒരു നല്ല വായനക്കാരിയും ക്രിയേറ്റീവ് സ്റ്റോറി ടെല്ലറുമായ ആലിയ, STEM, AI എന്നിവയോടുള്ള അവളുടെ അഭിനിവേശം പര്യവേക്ഷണം ചെയ്യുന്നതിനിടയിൽ ഒരു എഴുത്തുകാരിയായി വളരാൻ ആഗ്രഹിക്കുന്നു.
- pma
വായിക്കുക: social-media, അബുദാബി, ആഘോഷം, ഇന്ത്യന് കോണ്സുലേറ്റ്, കുട്ടികള്, പൂര്വ വിദ്യാര്ത്ഥി, പ്രവാസി, ബഹുമതി, വിദ്യാഭ്യാസം, ഷാര്ജ, സാഹിത്യം, സ്ത്രീ
തിരുവനന്തപുരം : ഹയര് സെക്കന്ഡറി ക്രിസ്തുമസ് പരീക്ഷകൾ രണ്ടു ഘട്ടങ്ങളിലായി നടക്കും.
2025 ഡിസംബര് 15 മുതല് 23 വരെ പരീക്ഷയുടെ ആദ്യ ഘട്ടം നടക്കും. ഡിസംബര് 24 മുതല് 2026 ജനുവരി 4 വരെയാണ് ക്രിസ്തുമസ് അവധി നൽകിയിരിക്കുന്നത്. ശേഷം രണ്ടാം ഘട്ട പരീക്ഷ 2026 ജനുവരി 6 മുതൽ നടത്തും.
ക്രിസ്തുമസ് അവധിക്കു മുമ്പ് മുഴുവന് പരീക്ഷകളും നടത്തും എന്നായിരുന്നു ആദ്യ അറിയിപ്പ് വന്നത്. ഇതിനിടെ ഡിസംബർ 9, 11 തിയ്യതികളിലായി തദ്ദേശ തെരഞ്ഞെടുപ്പ് നടക്കും എന്ന പ്രഖ്യാപനം വന്നതോടെ അതിന് അനുസരിച്ച് പരീക്ഷാ തിയ്യതി കളിൽ മാറ്റം വരുത്തുകയും ചെയ്തു.
- pma
വായിക്കുക: exam, കുട്ടികള്, വിദ്യാഭ്യാസം, സാമൂഹികം
തിരുവനന്തപുരം : അടുത്ത വർഷം മാർച്ച് മാസത്തില് നടക്കാനിരിക്കുന്ന എസ്. എസ്. എല്. സി.-ടി. എച്ച്. എസ്. എല്. സി. പരീക്ഷകളുടെ രജിസ്ട്രേഷന് തുടക്കമായി. പരീക്ഷാ ഫീസ് അടച്ച് നവംബർ 30 ന് മുന്പ് രജിസ്ട്രേഷന് നടപടികള് പൂര്ത്തിയാക്കണം. പിഴ കൂടാതെ വ്യാഴാഴ്ച വരെ ഫീസ് അടക്കാം. നവംബര് 21 മുതല് 26 വരെ 10 രൂപ പിഴയോടെയും പിന്നീട് ഉള്ള ദിവസങ്ങളിൽ 350 രൂപ പിഴയോടെ ഫീസ് അടക്കാം.
2026 മാര്ച്ച് 5 മുതല് 30 വരെയാണ് പരീക്ഷ. ഐ. ടി. പരീക്ഷ ഫെബ്രുവരി 2 മുതല് 13 വരെ നടത്തും. വിദ്യാഭ്യാസ വകുപ്പിൻറെ വിജ്ഞാപനത്തിലെ സമയ ക്രമത്തില് ഒരു മാറ്റവും അനുവദിക്കില്ല എന്നും പരീക്ഷാ ഭവന് അറിയിച്ചു.
- pma
വായിക്കുക: exam, kerala-government-, കുട്ടികള്, വിദ്യാഭ്യാസം, സാമൂഹികം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
