ഭോപ്പാലിൽ മുഖ്യമന്ത്രിയെ തടഞ്ഞത് ഫാസിസമെന്ന് രമേഷ് ചെന്നിത്തല

December 12th, 2016

ramesh_epathram

കൊച്ചി : ഭോപ്പാലിൽ മലയാളി സംഘടനയുടെ പരിപാടിയിൽ പങ്കെടുക്കാനെത്തിയ മുഖ്യമന്ത്രി പിണറായി വിജയനെ തടഞ്ഞ നടപടിയെ ഫാസിസമെന്ന് വിശേഷിപ്പിച്ച് പ്രതിപക്ഷ നേതാവ് രമേഷ് ചെന്നിത്തല. മുഖ്യമന്ത്രിക്ക് നേരെയുണ്ടായ നീക്കം കേരളത്തെ അപമാനിക്കുന്നതിന് തുല്യമാണെന്ന് നേരത്തെ ഉമ്മൻ ചാണ്ടിയും അഭിപ്രായപ്പെട്ടിരുന്നു.

ആർ.എസ്.എസ്. പ്രതിഷേധത്തെ തുടർന്നാണ് മുഖ്യമന്ത്രിയെ ഭോപ്പാലിൽ തടഞ്ഞതെന്ന് വാർത്തകളുണ്ട്. സംഭവത്തിൽ മധ്യപ്രദേശ് സർക്കാർ ഖേദം പ്രകടിപ്പിച്ചു. സ്വീകരണ പരിപാടി മുടങ്ങിയതിനെ തുടർന്ന് നാട്ടിലെത്തിയ മുഖ്യമന്ത്രി ബി.ജെ.പി യെയും ആർ. എസ്.എസ്സിനെയും വിമർശിച്ചിരുന്നു.

- അവ്നി

വായിക്കുക:

Comments Off on ഭോപ്പാലിൽ മുഖ്യമന്ത്രിയെ തടഞ്ഞത് ഫാസിസമെന്ന് രമേഷ് ചെന്നിത്തല

വി. എസ്സിന് സെക്രട്ടറിയേറ്റിൽ ഓഫീസ് നൽകാനാവില്ലെന്ന് പിണറായി

November 12th, 2016

pinarayi-vijayan-epathram

തിരുവനന്തപുരം : ഭരണ പരിഷ്ക്കാര കമ്മീഷനു സെക്രട്ടറിയേറ്റിൽ ഓഫീസ് നൽകാനാവില്ലെന്ന് കാണിച്ച് സർക്കാർ ഉത്തരവിറക്കി. കമ്മീഷനു സെക്രട്ടറിയേറ്റിൽ ഓഫീസ് അനുവദിക്കണമെന്ന് കാണിച്ച് വി.എസ് അച്യുതാനന്ദൻ ചീഫ് സെക്രട്ടറിക്ക് കത്ത് നൽകിയിരുന്നു. അതിനെ തുടർന്നാണ് ഉത്തരവ്.

ഐഎം എജിയിൽ കഴിഞ്ഞ ആഗസ്തിൽ അനുവദിച്ച ഓഫീസിൽ തന്നെ ഭരണം തുടരണമെന്ന് മുഖ്യമന്ത്രി പിണറായി വിജയൻ വി എസ്സിനോട് ആവശ്യപ്പെട്ടു. വി എസ്സിന് സെക്രട്ടറിയേറ്റിൽ ഓഫീസ് അനുവദിക്കുന്നതിന് തുടക്കം മുതൽ തന്നെ പിണറായിക്ക് എതിർപ്പായിരുന്നു.

- അവ്നി

വായിക്കുക: ,

Comments Off on വി. എസ്സിന് സെക്രട്ടറിയേറ്റിൽ ഓഫീസ് നൽകാനാവില്ലെന്ന് പിണറായി

കേരളപ്പിറവി ആഘോഷ വിവാദം : സ്​പീക്കർ ​ഖേദം പ്രകടിപ്പിച്ചു

November 6th, 2016

kerala-speaker -p-sree-rama-krishnan-ePathram
തിരുവനന്തപുരം : കേരളപ്പിറവി ആഘോഷങ്ങൾക്ക് ഗവർണ്ണര്‍ പി. സദാ ശിവത്തെ ക്ഷണിക്കാ ത്തതിൽ സ്പീക്കർ പി. ശ്രീരാമ കൃഷണൻ ഖേദം പ്രകടി പ്പിച്ചു.

ഗവര്‍ണ്ണറെ ബോധ പൂര്‍വ്വം ആഘോഷ ങ്ങളില്‍ നിന്ന് ഒഴി വാക്കി യതല്ല എന്ന്‌ സൂചി പ്പിച്ച് സ്പീക്കര്‍ ക്ഷമാപണ ക്കത്ത് നല്‍കി. കേരള പ്പിറവി യുടെ വജ്ര ജൂബിലി ആഘോഷ ങ്ങളിൽ ഗവർണ്ണറെ ക്ഷണി ക്കാതി രുന്നത് ഏറെ വിവാദ മായിരുന്നു.

വജ്ര ജൂബിലി യുടെ ഉദ്ഘാടനം മുഖ്യമന്ത്രി നിര്‍വ്വഹി ക്കുകയും ഒരു വര്‍ഷം നീളുന്ന പരിപാടി യുടെ സമാപന ചടങ്ങിലോ മറ്റ് ഏതെങ്കിലും പരിപാടി യിലോ ഗവര്‍ണ്ണറെ പങ്കെടു പ്പിക്കാം എന്നുമാണ് ഉദ്ദേശി ച്ചിരുന്നത് എന്നും സ്പീക്കറുടെ കത്തില്‍ പറ യുന്നു. പരിപാടി നിശ്ചയിച്ച ദിവസം ഗവര്‍ണ്ണര്‍ സ്ഥലത്തു ണ്ടാകുമോ എന്ന് നിയമ സഭാ സെക്രട്ടേറിയറ്റ് ആരാഞ്ഞത് ആശയ ക്കുഴപ്പത്തിന് ഇടയാക്കി എന്നും സ്പീക്കര്‍ വിശദീകരിച്ചു.

- pma

വായിക്കുക: , , , ,

Comments Off on കേരളപ്പിറവി ആഘോഷ വിവാദം : സ്​പീക്കർ ​ഖേദം പ്രകടിപ്പിച്ചു

16 ക്രിമിനൽ കേസുകൾ : സി.പി.എം കളമശ്ശേരി ഏരിയാ സെക്രട്ടറിക്ക് മുൻകൂർ ജാമ്യം നിഷേധിച്ച് സംസ്ഥാന സർക്കാർ

November 4th, 2016

cpm-zakir-hussain-ernakulam-epathram

എറണാകുളം : സി.പി.എം കളമശ്ശേരി ഏരിയാ സെക്രട്ടറി സക്കീർ ഹുസൈന് എതിരായുള്ള 16 ക്രിമിനൽ കേസുകളിൽ മുൻകൂർ ജാമ്യം നിഷേധിച്ചുകൊണ്ട് സംസ്ഥാന സർക്കാർ രംഗത്ത്. അറസ്റ്റ് ഭയന്ന് ജാമ്യം എടുക്കാനുള്ള നിലപാടിലായിരുന്നു സക്കീർ ഹുസൈൻ. എന്നാൽ മുൻകൂർ ജാമ്യാപേക്ഷ നിരസിക്കണമെന്ന് സർക്കാർ കോടതിയിൽ വാദിച്ചു.

രാഷ്ട്രീയക്കാർക്ക് ഗുണ്ടാ പ്രവർത്തനം എന്തിനാണെന്ന് കോടതിയിൽ പ്രോസിക്യൂട്ടർ വാദിച്ചു. എറണാകുളം പ്രിൻസിപ്പൽ സെഷൻസ് കോടതിയാണ് ജാമ്യാപേക്ഷ തള്ളിയത്. ഇതിനിടെ സക്കീർ ഹുസൈനെ സംരക്ഷിക്കാനാണ് പാർട്ടിയുടെ നീക്കം എന്ന് റിപ്പോർട്ടുണ്ട്.

- അവ്നി

വായിക്കുക: ,

Comments Off on 16 ക്രിമിനൽ കേസുകൾ : സി.പി.എം കളമശ്ശേരി ഏരിയാ സെക്രട്ടറിക്ക് മുൻകൂർ ജാമ്യം നിഷേധിച്ച് സംസ്ഥാന സർക്കാർ

ജേക്കബ് തോമസിന്റെ രാജി : നളിനി നെറ്റോ മുഖ്യമന്ത്രിയെ കണ്ടു

October 19th, 2016

jacob thomas_epathram

വിജിലൻസ് ഡയറക്ടർ സ്ഥാനത്ത് നിന്നു ഒഴിയണമെന്നാവശ്യപ്പെട്ടു കൊണ്ട് ജേക്കബ് തോമസ് നൽകിയ രാജിക്കത്തിന് തീരുമാനമെടുക്കുന്നതിനായി ആഭ്യന്തര സെക്രട്ടറി നളിനി നെറ്റോ മുഖ്യമന്ത്രിയുമായി കൂടിക്കാഴ്ച നടത്തി.

ചില വ്യക്തിപരമായ കാരണങ്ങളാൽ വിജിലൻസ് ഡയറക്ടർ സ്ഥാനത്ത് നിന്നും തന്നെ ഒഴിവാക്കണമെന്ന് പറഞ്ഞുകൊണ്ടായിരുന്നു ജേക്കബ് തോമസിന്റെ രാജി. എന്നാൽ നിയമസഭയിൽ തന്റെ വിശ്വാസ്യത ചോദ്യം ചെയ്യപ്പെട്ടതും രാജിക്ക് കാരണമായെന്ന് കരുതുന്നു.
ചൊവ്വാഴ്ച മുഖ്യമന്ത്രിക്ക് നേരിട്ടായിരുന്നു കത്ത് കൈമാറിയത്. തന്നെക്കാൾ യോഗ്യതയുള്ളവരെ ഈ സ്ഥാനത്ത് കൊണ്ടുവരണമെന്നും അദ്ദേഹം ആവശ്യപ്പെട്ടു.

- അവ്നി

വായിക്കുക: , ,

Comments Off on ജേക്കബ് തോമസിന്റെ രാജി : നളിനി നെറ്റോ മുഖ്യമന്ത്രിയെ കണ്ടു

Page 29 of 52« First...1020...2728293031...4050...Last »

« Previous Page« Previous « അബുദാബി ടൂർ 2016 സൈക്ലിംഗ് മത്സരം വ്യാഴാഴ്ച തുടങ്ങും
Next »Next Page » ഭരത് മുരളി നാടകോത്സവം ഡിസംബര്‍ 21 മുതല്‍ »



മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha