തുഹ്ഫത്തുല്‍ മുജാഹിദീന്‍ പ്രകാശനം അബുദാബിയില്‍

April 21st, 2015

jaleel-ramanthali-in-tuhfatul-mujahideen-press-meet-ePathram
അബുദാബി : കേന്ദ്ര സര്‍ക്കാര്‍ സാംസ്കാരിക വിഭാഗമായ നാഷനല്‍ മിഷന്‍ ഫോര്‍ മാനു സ്ക്രിപ്റ്റ്സ് പ്രസിദ്ധീകരിച്ച ‘തുഹ്ഫത്തുല്‍ മുജാഹിദീന്‍’ എന്ന കൃതിയുടെ മലയാള പരി ഭാഷ യുടെ പ്രകാശനം ഏപ്രില്‍ 23 വ്യാഴാഴ്ച രാത്രി എട്ടര മണിക്ക് അബുദാബി ഇന്ത്യന്‍ ഇസ്ലാമിക് സെന്ററില്‍ നടക്കും എന്ന് സംഘാടകര്‍ വാര്‍ത്താ സമ്മേളന ത്തില്‍ അറിയിച്ചു.

430 വര്‍ഷങ്ങള്‍ക്കു മുന്‍പ് കേരള ചരിത്രത്തെ കുറിച്ച് ആദ്ധ്യാത്മിക ആചാര്യനും സൂഫി വര്യനുമായ ദൈവ ശാസ്ത്ര സൈദ്ധാന്തികന്‍ ഷെയ്ഖ് സൈനുദ്ദീന്‍ മഖ്ദൂം രണ്ടാമന്‍ അറബിക് ഭാഷ യില്‍ രചിച്ച ‘തുഹ്ഫത്തുല്‍ മുജാഹിദീന്‍’ അഥവാ ‘പോരാളി കള്‍ക്കുള്ള പാരി തോഷികം’ എന്ന കൃതി യുടെ മലയാള പരിഭാഷ യുടെ ഗള്‍ഫ് പ്രകാശനവും അതോ ടൊപ്പം സെമിനാറും നടക്കും. ചടങ്ങില്‍ എം. പി. അബ്ദുല്‍ സമദ് സമദാനി മുഖ്യ പ്രഭാഷണം നടത്തും.

അറബിക് ഭാഷ യില്‍ എഴുതപ്പെട്ട കേരള ത്തിന്റെ ആദ്യ കാല ചരിത്ര മാണ് ഇതെന്നും അന്താരാഷ്‌ട്ര തല ത്തിലേക്ക് ശ്രദ്ധിക്ക പ്പെടെണ്ട തായ ഈ കൃതി, സമകാലിക കേരളീയ സാഹചര്യ ത്തില്‍ ഏറെ പ്രാധാന്യം അര്‍ഹിക്കുന്നു എന്നും പ്രമുഖ ചരിത്ര കാരനും കോഴിക്കോട് സര്‍വ കലാ ശാല മുന്‍ വൈസ് ചാന്‍സലറുമായ ഡോക്ടര്‍ കെ. കെ. എന്‍. കുറുപ്പ് പറഞ്ഞു.

zainuddin-makhdoom-tuhfatul-mujahideen-cover-page-ePathram

ഈ ഗ്രന്ഥം 36 ഭാഷകളില്‍ വിവര്‍ത്തനം ചെയ്യപ്പെട്ടിട്ടുണ്ട്. കേരള ത്തിലെ ആദ്യ കാല മുസ്ലിം കുടിയേറ്റത്തിന്റെ ചരിത്രം നാലു ഭാഗ ങ്ങളിലായി ക്രോഡീ കരി ച്ചിരിക്കുന്ന ഈ ഗ്രന്ഥ ത്തില്‍ ഉണ്ട്. അറബി ഭാഷ യോടൊപ്പം  ഇംഗ്ലിഷ്, ഹിന്ദി, മലയാളം എന്നീ ഭാഷ കളിലുള്ള പരിഭാഷ യും ഉള്‍ക്കൊള്ളുന്ന ഗ്രന്ഥം ഒറ്റ പുസ്തക മായാണ് കേന്ദ്ര സര്‍ക്കാര്‍ സാംസ്കാരിക വിഭാഗ മായ നാഷനല്‍ മിഷന്‍ ഫോര്‍ മാനു സ്ക്രിപ്റ്റ്സ് പുനഃ പ്രസിദ്ധീ കരിച്ചിരി ക്കുന്നത്.

മലയാള പരിഭാഷ യ്ക്കു നേതൃത്വം നല്‍കിയതു ഡോക്ടര്‍. കെ. കെ. എന്‍. കുറുപ്പാണ്. അദ്ദേഹത്തോടൊപ്പം വാര്‍ത്താ സമ്മേളന ത്തില്‍ അബുദാബി ഇന്ത്യന്‍ ഇസ്ലാമിക് സെന്റര്‍ പ്രസിഡന്റ് പി. ബാവ ഹാജി, ജനറല്‍ സെക്രട്ടറി അഡ്വക്കെറ്റ്. കെ. വി. മുഹമ്മദ് കുഞ്ഞി, വൈസ് പ്രസിഡന്റ് യു. അബ്ദുല്ല ഫാറൂഖി, യു. എ. ഇ. എക്സ്ചേഞ്ച് പ്രസിഡന്റ് വൈ. സുധീര്‍ കുമാര്‍ ഷെട്ടി, ജലീല്‍ രാമന്തളി, വി. പി. കെ. അബ്ദുല്ല, കരപ്പാത്ത് ഉസ്മാന്‍ തുടങ്ങിയ പ്രമുഖര്‍ സംബന്ധിച്ചു.

- കറസ്പോണ്ടന്റ്

വായിക്കുക: , , ,

Comments Off on തുഹ്ഫത്തുല്‍ മുജാഹിദീന്‍ പ്രകാശനം അബുദാബിയില്‍

ഗ്രീന്‍ വോയ്സ് സ്നേഹപുരം 2015 : പുരസ്കാരങ്ങള്‍ സമ്മാനിച്ചു

April 18th, 2015

 green-voice-madhyamshree-award-2015-ePathram
അബുദാബി : ഇന്ത്യന്‍ ഇസ്ലാമിക് സെന്ററില്‍ ഗ്രീന്‍ വോയ്സ് അബുദാബി യുടെ പത്താം വാര്‍ഷിക ആഘോഷ മായ സ്നേഹപുരം 2015 ല്‍ മാധ്യമശ്രീ പുരസ്കാര ങ്ങളും ഹരിതാക്ഷര പുരസ്കാരവും സമ്മാനിച്ചു.

അമൃതാ ന്യൂസ് അബുദാബി റിപ്പോര്‍ട്ടര്‍ ആഗിന്‍ കീപ്പുറം, ഗള്‍ഫ് മാധ്യമം ദിനപ്പത്രം അബുദാബി കറസ്പോണ്ടന്റ് മുഹമ്മദ്‌ റഫീഖ്, ഹിറ്റ് എഫ്. എം. റേഡിയോ അവതാരകന്‍ ഷാബു കിളിത്തട്ടില്‍ എന്നിവ ര്‍ക്ക് യു. എ. ഇ. എക്സ്ച്ചേഞ്ച് പ്രസിഡന്റ് വൈ. സുധീര്‍ കുമാര്‍ ഷെട്ടി മാധ്യമശ്രീ പുരസ്കാരം സമ്മാനിച്ചു.

സാഹിത്യ രംഗത്തെ സംഭാവനകളെ പരിഗണിച്ച് നല്‍കി വരുന്ന ഗ്രീന്‍ വോയ്സ് ഹരിതാക്ഷര പുരസ്കാരം യുവ കവികളില്‍ ശ്രദ്ധേയനായ പവിത്രന്‍ തീക്കുനിക്ക്‌ സമ്മാനിച്ചു.

പൊതുപ്രവര്‍ത്തന രംഗത്തെ മികവിന് മലയാളി സമാജം വൈസ് പ്രസിഡന്റ് അഷ്‌റഫ്‌ പട്ടാമ്പി, മികച്ച തിരക്കഥ ക്കുള്ള ഈ വര്‍ഷ ത്തെ ദേശീയ അവാര്‍ഡ് ജേതാവ് ജോഷി എസ്. മംഗലത്ത്, ശ്രദ്ധേയ മായ ന്യൂസ് റിപ്പോര്‍ട്ട് പരിഗണിച്ച് ഏഷ്യാ നെറ്റ് ന്യൂസ് അബുദാബി ടീം സിബി കടവില്‍, മനു കല്ലറ എന്നിവരെ ചടങ്ങില്‍ ആദരിച്ചു.

മികച്ച ഓണ്‍ ലൈന്‍ പത്ര പ്രവര്‍ത്തകനുള്ള പുരസ്കാരം ഈ വര്‍ഷം മനോരമ ഓണ്‍ ലൈന്‍ ദുബായ് കറസ്പോണ്ടന്റ് സാദിഖ് കാവിലിന് സമ്മാനിക്കും.

ഗ്രീന്‍ വോയ്സ് നടപ്പാക്കാന്‍ പോകുന്ന പുതിയ ജീവ കാരുണ്യ പദ്ധതി കളുടെ പ്രഖ്യാപനവും ചടങ്ങില്‍ നടന്നു. ചെയര്‍മാന്‍ സി. എച്ച്. ജാഫര്‍ തങ്ങള്‍, പാട്രന്‍ കെ. കെ. മൊയ്തീന്‍ കോയ എന്നിവര്‍ പരിപാടി കള്‍ക്ക് നേതൃത്വം നല്‍കി.

അബുദാബി ഇന്ത്യന്‍ ഇസ്ലാമിക് സെന്റര്‍ പ്രസിഡന്റ് പി. ബാവാ ഹാജി, മറ്റു സാമൂഹ്യ സാംസ്കാരിക മണ്ഡല ങ്ങളിലെ പ്രമുഖരും ചടങ്ങില്‍ സംബന്ധിച്ചു.

തുടര്‍ന്ന് ടെലിവിഷന്‍ റിയാലിറ്റി ഷോ കളിലൂടെ പ്രശസ്തരായ യുവ ഗായകര്‍ അണി നിരന്ന ഗാന മേളയും അരങ്ങേറി.

- കറസ്പോണ്ടന്റ്

വായിക്കുക: , , , ,

Comments Off on ഗ്രീന്‍ വോയ്സ് സ്നേഹപുരം 2015 : പുരസ്കാരങ്ങള്‍ സമ്മാനിച്ചു

ഗ്രീന്‍ വോയ്സ് ‘സ്നേഹപുരം’ ഇസ്ലാമിക് സെന്ററില്‍

April 15th, 2015

sneha-puram-2015-press-meet-ePathram
അബുദാബി : ജീവകാരുണ്യ പ്രവര്‍ത്തന രംഗത്ത് നിരവധി സംഭാവന കള്‍ നല്‍കിയ ഗ്രീന്‍ വോയ്സ് അബുദാബി യുടെ പത്താം വാര്‍ഷിക ആഘോഷം ‘സ്നേഹ പുരം 2015’ അബുദാബി ഇന്ത്യന്‍ ഇസ്ലാമിക് സെന്ററില്‍ വെച്ച് സംഘടിപ്പിക്കും.

ഏപ്രില്‍ 16 വ്യാഴാഴ്ച രാത്രി എട്ടു മണിക്ക് ആരംഭിക്കുന്ന പൊതു സമ്മേളന ത്തില്‍ സാമൂഹ്യ സാംസ്കാരിക രംഗത്തെ പ്രമുഖര്‍ സംബന്ധിക്കും. വിവിധ പരിപാടികളോടെ നടക്കുന്ന ‘സ്നേഹ പുരം 2015’ ല്‍ ഗ്രീന്‍ വോയ്സ് ഹരിതാക്ഷര പുരസ്കാരം പ്രമുഖ കവി പവിത്രന്‍ തീക്കുനി ക്ക്‌ സമ്മാനിക്കും.

മാധ്യമ പ്രവര്‍ത്തകരെ ആദരിക്കുന്നതിന്റെ ഭാഗമായി ഗ്രീന്‍ വോയ്സ് നല്‍കി വരുന്ന മാധ്യമശ്രീ പുരസ്കാരം അമൃതാ ന്യൂസ് അബുദാബി റിപ്പോര്‍ട്ടര്‍ ആഗിന്‍ കീപ്പുറം, ഗള്‍ഫ് മാധ്യമം ദിനപ്പത്രം അബുദാബി കറസ്പോണ്ടന്റ് മുഹമ്മദ്‌ റഫീഖ്, മനോരമ ഓണ്‍ ലൈന്‍ ദുബായ് കറസ്പോണ്ടന്റ് സാദിഖ് കാവില്‍, ഹിറ്റ് എഫ്. എം. റേഡിയോ അവതാരകന്‍ ഷാബു കിളിത്തട്ടില്‍ എന്നിവര്‍ക്ക് സമ്മാനിക്കും.

പൊതുപ്രവര്‍ത്തന രംഗത്തെ മികവിന് മലയാളി സമാജം വൈസ് പ്രസിഡന്റ് അഷ്‌റഫ്‌ പട്ടാമ്പി യേയും ശ്രദ്ധേയമായ ന്യൂസ് റിപ്പോര്‍ട്ട് പരിഗണിച്ച് ഏഷ്യാനെറ്റ് ന്യൂസ് അബുദാബി ടീം സിബി കടവില്‍, മനു കല്ലറ എന്നിവരെയും മികച്ച തിരക്കഥക്കു ദേശീയ അവാര്‍ഡ് നേടിയ പ്രവാസി മലയാളി ജോഷി എസ്. മംഗലത്ത് എന്നിവരെയും ആദരിക്കും.

ഗ്രീന്‍ വോയ്സ് നടപ്പാക്കാന്‍ പോകുന്ന പുതിയ ജീവ കാരുണ്യ പദ്ധതി കള്‍ പ്രഖ്യാപി ക്കും. ഇതിനകം ഒന്‍പതു ഭവന രഹിതര്‍ക്ക് വീടുകള്‍ നിര്‍മ്മിച്ചു നല്‍കിയ ഗ്രീന്‍ വോയ്സ്, പുതിയ അഞ്ചു വീടു കളുടെ നിര്‍മ്മാണ ത്തിലാണ്. നാല് നിര്‍ദ്ധന വിദ്യാര്‍ത്ഥി കളുടെ വിദ്യാഭ്യാസ ചെലവുകളും നിര്‍വ്വഹിച്ചു വരുന്നു.

സ്നേഹ പുരം ആഘോഷങ്ങളുടെ ഭാഗമായി ടെലിവിഷന്‍ റിയാലിറ്റി ഷോ കളിലൂടെ പ്രശസ്തരായ യുവ ഗായകര്‍ അണി നിരക്കുന്ന ഗാന മേളയും അരങ്ങേറും.

നിര്‍ദ്ധനരായവര്‍ക്കും അഗതി കള്‍ക്കും സൌജന്യ വൈദ്യ സഹായവും മരുന്നും പാവപ്പെട്ട രോഗി കള്‍ക്ക് കുറഞ്ഞ നിരക്കില്‍ മരുന്നും നല്‍കു വാന്‍ ഗ്രീന്‍ വോയ്സി ന്റെ ഫാര്‍മസി നാട്ടില്‍ ഒരുങ്ങി ക്കൊണ്ടി രിക്കുക യാണ് എന്നും സംഘാടകര്‍ വാര്‍ത്താ സമ്മേളനത്തില്‍ അറിയിച്ചു.

*  ഗ്രീന്‍ വോയ്സ് ‘ഹരിതാക്ഷര പുരസ്‌കാരം’ കവി വീരാന്‍ കുട്ടിക്ക്

**  ഗ്രീന്‍ വോയ്‌സ് മാധ്യമ പുരസ്‌കാരങ്ങള്‍ സമ്മാനിച്ചു

***  ഗ്രീന്‍ വോയ്‌സ് പുരസ്‌കാരങ്ങള്‍ സമ്മാനിച്ചു

- കറസ്പോണ്ടന്റ്

വായിക്കുക: , , , , , , ,

Comments Off on ഗ്രീന്‍ വോയ്സ് ‘സ്നേഹപുരം’ ഇസ്ലാമിക് സെന്ററില്‍

ബോധവത്കരണ പരിപാടി സംഘടിപ്പിച്ചു

April 5th, 2015

vinod-nambiar-e-nest-family-campaign-ePathram
ദുബായ് : ഇ നെസ്റ്റിന്റെ ആഭിമുഖ്യ ത്തില്‍ ‘നവ സാമൂഹ്യ മാധ്യമ ങ്ങളും കുടുംബ ബന്ധ ങ്ങളും’ എന്ന വിഷയ ത്തില്‍ ബോധ വത്കരണ പരിപാടി സംഘടിപ്പിച്ചു.

വിനോദ് നമ്പ്യാര്‍ ഉദ്ഘാടനം ചെയ്തു. മാധ്യമ പ്രവര്‍ത്തകന്‍ ഷാബു കിളിത്തട്ടില്‍ മുഖ്യ പ്രഭാഷണം നടത്തി.

ബന്ധങ്ങൾ ശിഥിലമാക്കുന്ന തിന് പകരം നവ സാമൂഹ്യ മാധ്യമ ങ്ങളെ സാമൂഹിക ബന്ധ ങ്ങളുടെ ശാക്തീകരണ ത്തിനും സാമൂഹ്യ സേവന ത്തിനു മുള്ള മാധ്യമം ആക്കി മാറ്റുക യാണ് വേണ്ടത് എന്ന് ചടങ്ങിൽ സംബന്ധിച്ചവർ അഭിപ്രായപ്പെട്ടു.

അഡ്വ. മുഹമ്മദ് സാജിദ് അധ്യക്ഷത വഹിച്ചു. മുജീബ് റഹ്മാന്‍, യു. സി. ശംസുദ്ധീന്‍, നജീബ്, രാജന്‍ കൊളവിപാലം, മുഹമ്മദ് അലി, ഹംസ പയ്യോളി, അഫ്‌സല്‍ ശ്യാം എന്നിവര്‍ സംസാരിച്ചു.

ഇ നെസ്റ്റ് ട്രഷറര്‍ അബൂബക്കര്‍ സിദ്ധീഖ് ഉപഹാരം നല്കി. ഹാരിസ് കോസ്‌മോസ് സ്വാഗതവും ഹാഷിം പുന്നക്കല്‍ നന്ദിയും പറഞ്ഞു.

- കറസ്പോണ്ടന്റ്

വായിക്കുക: , , , , ,

Comments Off on ബോധവത്കരണ പരിപാടി സംഘടിപ്പിച്ചു

റിപ്പോര്‍ട്ടര്‍ ചാനല്‍ മേധാവി എം.വി.നികേഷ് കുമാറിനെ അറസ്റ്റു ചെയ്ത് ജാമ്യത്തില്‍ വിട്ടു

March 24th, 2015

കൊച്ചി: സേവന നികുതി ഇനത്തില്‍ വരുത്തിയ കുടിശ്ശിക അടയ്ക്കാത്തതിനെ തുടര്‍ന്ന് റിപ്പോര്‍ട്ടര്‍ ചാനല്‍ മേധാവി എം.വി.നികേഷ് കുമാറിനെ സെന്‍‌ട്രല്‍ എക്സൈസ് വിഭാഗം കസ്റ്റഡിയില്‍ എടുത്തു. രാവിലെ കളമശ്ശേരിയിലെ ചാനല്‍ ആസ്ഥാനത്തെത്തിയാണ് നികേഷ് കുമാറിനെ കസ്റ്റഡിയില്‍ എടുത്തത്. ജാമ്യത്തില്‍ ഇറങ്ങിയ നികേഷ് റിപ്പോര്‍ട്ടര്‍ ചാനലില്‍ രാത്രി എഡിറ്റേഴ്സ് അവര്‍ അവതരിപ്പിച്ചു.

2013 മാര്‍ച്ച് മുതല്‍ -2014 മാര്‍ച്ച് വരെ ഉള്ള കാലഘട്ടത്തില്‍ 2.20 കോടി രൂപയുടെ സേവന നികുതി നല്‍കുന്നതിലാണ്` ചാനല്‍ വീഴ്ച വരുത്തിയിട്ടുള്ളത്. ഇതില്‍ 1.71 കോടി രൂപ എറണാകുളം അഡീഷ്ണല്‍ ചീപ് ജുഡീഷ്യല്‍ മജിസ്ട്രേറ്റ് (സാമ്പത്തികം) എ.എം ബഷീര്‍ മുമ്പാകെ അടച്ച് ബാക്കി തുകയില്‍ 19 ലക്ഷം ഈ മാസം തന്നെ അടച്ച് തീര്‍ക്കുമെന്നും ശേഷിക്കുന്ന തുക ജൂലൈ 30 നകം അടയ്ക്കുമെന്നും നികേഷ് കുമാര്‍ കോടതിയില്‍ സമ്മതിച്ചു. അഞ്ച് ലക്ഷം രൂപയുടെ ബോണ്ടിന്മേലാണ് ജാമ്യം അനുവദിച്ചത്.

വിവിധ പരസ്യ ഏജന്‍സികളില്‍ നിന്നും പരസ്യ ദാതാക്കളില്‍ നിന്നും കൈപറ്റിയ സേവന നികുതിയില്‍ 2.20 കോടിരൂപ അടച്ചിരുന്നില്ല. ഈ കുടിശ്ശിക അടച്ചു തീര്‍ക്കുവാന്‍ പലതവണ സെന്‍‌ട്രല്‍ എകൈസ് വിഭാഗം നോട്ടീസ് അയച്ചിരുന്നു. എന്നിട്ടും അടയ്ക്കാതിരുന്നതിനെ തുടര്‍ന്നാണ് ചാനല്‍ മേധാവിയായ എം.വി.നികേഷ് കുമാറിനെ അറസ്റ്റ് ചെയ്തത്.

നികുതി കുടിശ്ശിക വരുത്തിയതിനു നികേഷ് കുമാറിനെ അറസ്റ്റു ചെയ്തതിനെ വിമര്‍ശിച്ച് സി.പി.എം പോളിറ്റ് ബ്യൂറോ അംഗം പിണറായി വിജയന്‍ രംഗത്തെത്തിയിരുന്നു. കേന്ദ്ര സര്‍ക്കാരിനു കീഴിലെ സെന്‍‌ട്രല്‍ എക്സൈസ് വകുപ്പ് നടത്തുന്ന നീക്കം അതിരുവിട്ടതും മാധ്യമ സ്വാതന്ത്രത്തിനു നേരെ ഉള്ള കടന്നു കയറ്റവും ആണെന്ന് അദ്ദേഹം തന്റെ ഫേസ്ബുക്ക് പേജില്‍ കുറിച്ചു.

- എസ്. കുമാര്‍

വായിക്കുക: , , , ,

Comments Off on റിപ്പോര്‍ട്ടര്‍ ചാനല്‍ മേധാവി എം.വി.നികേഷ് കുമാറിനെ അറസ്റ്റു ചെയ്ത് ജാമ്യത്തില്‍ വിട്ടു

Page 30 of 46« First...1020...2829303132...40...Last »

« Previous Page« Previous « പ്രവാസി വോട്ട് : ഭേദഗതി ബില്‍ മന്ത്രിസഭ യുടെ പരിഗണനയ്ക്ക്
Next »Next Page » എതിര്‍പ്പുകള്‍ ഫലം കണ്ടു; കൊച്ചി മെട്രോക്കായി ശ്രീമാട്ടിയുടെ സ്ഥലം ഏറ്റെടുത്തു »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...
മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha