ബീഹാറിലെ വിധവകൾ ബീഹാറിൽ മതിയെന്ന് ഹേമമാലിനി

September 18th, 2014

widows-of-vrindavan-epathram

മധുര: വിധവകളുടെ നഗരം എന്ന് അറിയപ്പെടുന്ന മധുരയിലെ വൃന്ദാവൻ നഗരത്തിൽ ബീഹാറിൽ നിന്നും ബംഗാളിൽ നിന്നും വിധവകൾ വരേണ്ട എന്ന് സ്ഥലം എം.പി. യായ നടി ഹേമമാലിനിയുടെ വിലക്ക്.

പുനർ വിവാഹം ചെയ്യുവാൻ ആചാരം അനുവദിക്കാതെ സ്വന്തം കുടുംബങ്ങളിൽ നിന്നും തിരസ്കൃതരായ ഹിന്ദു വിധവകൾ മധുരയിലെ വൃന്ദാവനിലേക്ക് ചേക്കേറുന്ന പതിവുണ്ട്. തീർഥാടകർ നൽകുന്ന ഭിക്ഷയാണ് ഇവരുടെ വരുമാനം. ഭജന പാടി ജീവിതം കഴിക്കുന്ന ഇവരെ സംരക്ഷിക്കാനായി ചില സന്നദ്ധ സംഘടനകളും നിലവിലുണ്ട്.

എന്നാൽ വൃന്ദാവനിലെ വിധവകളുടെ എണ്ണം ക്രമാതീതമായിരിക്കുന്നു എന്നാണ് മധുര സന്ദർശിച്ച ഹേമമാലിനി കഴിഞ്ഞ ദിവസം പറഞ്ഞത്. ബംഗാളിലും ബീഹാറിലും നല്ല അമ്പലങ്ങൾ ഉണ്ടെന്നിരിക്കെ എന്തിനാണ് ബംഗാളിലും ബീഹാറിലും നിന്നും വിധവകൾ മധുരയിലേക്ക് വരുന്നത് എന്നും അവർ ചോദിച്ചു. അതത് സംസ്ഥാനങ്ങളിലെ വിധവകളുടെ സംരക്ഷണം അതത് സംസ്ഥാനങ്ങൾ തന്നെ ഏറ്റെടുക്കണം. ഈ കാര്യം താൻ ബംഗാൾ മുഖ്യമന്ത്രി മമതാ ബാനർജിയുമായി താൻ ചർച്ച ചെയ്യും എന്നും അവർ അറിയിച്ചു.

- ജെ.എസ്.

വായിക്കുക: , , ,

Comments Off on ബീഹാറിലെ വിധവകൾ ബീഹാറിൽ മതിയെന്ന് ഹേമമാലിനി

ഷീല ദീക്ഷിത് സ്ഥാനം ഒഴിഞ്ഞു

August 26th, 2014

sheila-dikshit-epathram

തിരുവനന്തപുരം: കേരള ഗവർണർ ഷീല ദീക്ഷിത് സ്ഥാനം ഒഴിഞ്ഞു. ബി. ജെ. പി. അധികാരത്തിൽ വന്നതോടെ തങ്ങൾക്ക് അനഭിമതരായ എല്ലാ ഗവർണ്ണർമാരെയും തൽസ്ഥാനത്ത് മാറ്റുന്ന കാര്യം പരിഗണിക്കും എന്ന് വ്യക്തമാക്കിയിരുന്നു. ഇതിന് വഴങ്ങാതെ കുറച്ചു നാൾ പിടിച്ചു നിന്ന ഷീല ദീക്ഷിത് അവസാനം ബി. ജെ. പി. ആഗ്രഹിച്ച പ്രകാരം തന്നെ സ്ഥാനം ഒഴിയുകയാണ് ഉണ്ടായത്. ഗവർണർ പദവി സ്വീകരിച്ച് കേവലം ഏഴു മാസത്തിനകമാണ് രാജി. മാദ്ധ്യമ പ്രവർത്തകർക്ക് മുൻപിൽ തന്റെ രാജി സ്ഥിരീകരിച്ച അവർ, രാഷ്ട്രപതി രാജി സ്വീകരിച്ചതിനു ശേഷമേ ഭാവി പരിപാടികളെ കുറിച്ച് സംസാരിക്കൂ എന്ന് വ്യക്തമാക്കി.

- ജെ.എസ്.

വായിക്കുക: ,

Comments Off on ഷീല ദീക്ഷിത് സ്ഥാനം ഒഴിഞ്ഞു

വാജ്പേയിയും അദ്വാനിയും പുറത്ത്

August 26th, 2014

advani-vajpei-epathram

ന്യൂഡൽഹി: പുതിയ ഭരണത്തിന് പഴയ തലമുറ വഴി മാറുന്ന പ്രക്രിയ ബി. ജെ. പി. യിൽ ഇന്ന് പൂർണ്ണതയിൽ എത്തി. പാർട്ടിയുടെ സ്ഥാപക നേതാക്കളായ അടൽ ബിഹാരി വാജ്പേയി, എൽ. കെ. അദ്വാനി, മുരളി മനോഹർ ജോഷി എന്നിവരെ പാർലിമെന്ററി ബോർഡ് അംഗത്വത്തിൽ നിന്നും ഒഴിവാക്കിയ തോടെയാണിത്. ഇതോടെ പരമ പ്രധാനമായ എല്ലാ സ്ഥാനങ്ങളിലും പ്രധാന മന്ത്രി നരേന്ദ്ര മോഡിയുടെ ആധിപത്യം ഉറപ്പാക്കപ്പെട്ടതായി രാഷ്ട്രീയ വൃത്തങ്ങൾ വിലയിരുത്തുന്നു.

- ജെ.എസ്.

വായിക്കുക: ,

Comments Off on വാജ്പേയിയും അദ്വാനിയും പുറത്ത്

രാജ്യം നേരിടുന്ന പ്രധാന പ്രശ്‌നം ദാരിദ്ര്യം : രാഷ്ട്രപതി

August 15th, 2014

Pranab Mukherjee-epathram
ന്യൂഡല്‍ഹി : ദാരിദ്ര്യമാണ് രാജ്യം നേരിടുന്ന പ്രധാന പ്രശ്‌നം എന്നും സാമ്പത്തിക വളര്‍ച്ച യുടെ ഗുണ ങ്ങള്‍ പാവ പ്പെട്ടവര്‍ക്കും ഉറപ്പു വരുത്തണം എന്നും സ്വാതന്ത്ര്യ ദിനത്തിനു തലേന്നു രാഷ്ട്രത്തെ അഭി സംബോധന ചെയ്തു കൊണ്ട് രാഷ്ട്രപതി പ്രണബ് മുഖര്‍ജി പറഞ്ഞു.

ആറ് പതിറ്റാണ്ടിനിടെ പട്ടിണി നിയന്ത്രിക്കാന്‍ ആയെങ്കിലും രാജ്യത്തെ മൂന്നില്‍ ഒന്ന് ജനങ്ങള്‍ ഇന്നും ദാരിദ്ര്യ ത്തില്‍ തുടരുക യാണെന്ന് അദ്ദേഹം ഓര്‍മ പ്പെടുത്തി. അസഹിഷ്ണുതയും കലാപവും ജനാധി പത്യ ത്തിന്റെ സത്തയെ ഒറ്റു കൊടുക്കും. ഭാരത ത്തിന്റെ മൂല്യ ങ്ങള്‍ തിരിച്ചറി യാത്ത വരാണ് പ്രകോപന പരമായി വിഷം ചീറ്റുന്നത്. അന്താരാഷ്ട്ര സാഹചര്യ ങ്ങള്‍ കലങ്ങി മറിയുക യാണ്. ഇതിന്റെ പ്രതിഫലന ങ്ങള്‍ രാജ്യത്തും ഉണ്ടാകും.

സാമൂഹിക സൗഹാര്‍ദവും വികസ നവും നടപ്പാക്കാന്‍ ആകുന്ന വിധം മികച്ച ഭരണം എന്ന സങ്കല്‍പ്പ ത്തില്‍ ചര്‍ച്ചകള്‍ നടക്കേണ്ട തുണ്ട്. ഭരണ ഘടനയുടെ ചട്ടക്കൂടിന് നിന്നു കൊണ്ടാ കണം മികച്ച ഭരണ മെന്ന സങ്കല്‍പ്പം യാഥാര്‍ഥ്യ മാക്കേണ്ടത്. ഫല പ്രദമായ ഭരണ ത്തിന് നില വിലുള്ള സംവിധാന ത്തെ പുനഃസ്ഥാപിക്കുകയും വീണ്ടും കണ്ടെത്തുകയുമാണ് വേണ്ടത് – രാഷ്ട്രപതി പറഞ്ഞു.

പരിസ്ഥിതി സംരക്ഷണ ത്തിന് പ്രഥമ പരിഗണന നല്‍കണമെന്ന് രാഷ്ട്രപതി ഓര്‍മപ്പെടുത്തി. ഇത് ദേശീയ ലക്ഷ്യമായി ഓരോ പൗരനും കാണണം. പാര്‍പ്പിടവും വഴിയും ഓഫീസും വൃത്തി യായി സൂക്ഷിക്കാന്‍ നമുക്കാവണം. നമ്മളെ സംരക്ഷിക്കാന്‍ തുടര്‍ച്ച യായി പ്രകൃതിയെ തിരിച്ചും സംരക്ഷിക്കേണ്ടതും ഉണ്ട്ട്.

- കറസ്പോണ്ടന്‍റ്

വായിക്കുക: , , , , , ,

Comments Off on രാജ്യം നേരിടുന്ന പ്രധാന പ്രശ്‌നം ദാരിദ്ര്യം : രാഷ്ട്രപതി

പുതിയ ഗവര്‍ണ്ണര്‍മാരുടെ പട്ടികയില്‍ ഒ. രാജഗോപാല്‍ ഇല്ല

July 13th, 2014

o-rajagopal-epathram

ന്യൂഡെല്‍ഹി: പുതിയ ഗവര്‍ണ്ണര്‍മാരുടെ പട്ടികയില്‍ ബി. ജെ. പി. യുടെ മുതിര്‍ന്ന നേതാവും മുന്‍ കേന്ദ്ര മന്ത്രിയുമായ ഒ. രാജഗോപാല്‍ ഇല്ല. ബി. ജെ. പി. നേതാക്കളായ രാം നായിക്, കേസരി നാഥ് ത്രിപാഠി, കൈലാസ് ജോഷി, വി. കെ. മല്‍‌ഹോത്ര, ബി. ഡി. ഠണ്ഡന്‍ എന്നിവര്‍ ഇടം കണ്ടെത്തി.

കഴിഞ്ഞ ലോക്‍സഭാ തിരഞ്ഞെടുപ്പില്‍ തിരുവനന്തപുരത്ത് നിന്നും മത്സരിച്ച രാജഗോപാല്‍ ഡോ. ശശി തരൂരിനോട് പരാജയപ്പെട്ടിരുന്നു. കേരളത്തില്‍ നിന്നും ബി. ജെ. പി. ക്ക് പ്രാതിനിധ്യം ഇല്ലാത്തത്തിനാല്‍ രാജഗോപാലിനെ രാജ്യസഭ യിലേക്ക് എത്തിച്ച് മന്ത്രിയാക്കും എന്നൊരു പ്രചാരണം ഉയര്‍ന്നെങ്കിലും അതുണ്ടായില്ല. അതിനു ശേഷമാണ് രാജഗോപാല്‍ കര്‍ണ്ണാടകയില്‍ ഗവര്‍ണ്ണര്‍ ആകും എന്ന വാര്‍ത്തകള്‍ വന്നത്. എന്നാല്‍ രാജഗോപാലിന്റെ പേരു കേന്ദ്ര നേതൃത്വം പരിഗണിച്ചില്ലെന്ന് വേണം കരുതുവാന്‍.

യു. പി. എ. നിയമിച്ച ഗവര്‍ണ്ണര്‍മാരോട് രാജി വെക്കുവാന്‍ സര്‍ക്കാര്‍ ആവശ്യപ്പെട്ടിരുന്നു. ചിലര്‍ രാജി വെക്കുകയും ചെയ്തു. എന്നാല്‍ രാജി വെക്കാത്ത ഷീല ദീക്ഷിത്, ശിവരാജ് പാട്ടീല്‍, ശങ്കര നാരായണന്‍ എന്നിവരെ സ്ഥലം മാറ്റാന്‍ നീക്കങ്ങള്‍ നടക്കുന്നുണ്ട്.

- എസ്. കുമാര്‍

വായിക്കുക: ,

Comments Off on പുതിയ ഗവര്‍ണ്ണര്‍മാരുടെ പട്ടികയില്‍ ഒ. രാജഗോപാല്‍ ഇല്ല

Page 20 of 40« First...10...1819202122...3040...Last »

« Previous Page« Previous « കാര്‍മോഷ്ടിക്കാന്‍ ശ്രമം; മുന്‍ മന്ത്രിയുടെ മകനെ നാട്ടുകാര്‍ തല്ലിക്കൊന്നു
Next »Next Page » ഗാസയില്‍ ഏറ്റുമുട്ടല്‍ തുടരുന്നു; മരണം നൂറ്റമ്പത് കവിഞ്ഞു »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha