എം. എം. കല്‍ബുര്‍ഗി യുടെ കൊലപാതക ത്തില്‍ പ്രതിഷേധിച്ചു

September 6th, 2015

yuva-kala-sahithy-logo-epathram ദുബായ് : സാഹിത്യകാരന്‍ എം. എം. കല്‍ബുര്‍ഗി യുടെ കൊല പാതക ത്തില്‍ യുവ കലാ സാഹിതി ദുബായ് കമ്മിറ്റി പ്രതിഷേധിച്ചു.

പ്രസിഡന്‍റ് അജികണ്ണൂർ അദ്ധ്യക്ഷത വഹിച്ച യോഗ ത്തില്‍ ഇന്ത്യ യില്‍ കൂടി വരുന്ന വർഗ്ഗീയതയിലും തീവ്രവാദ പ്രവർത്തനങ്ങളിലും ആശങ്ക രേഖപ്പെടുത്തി.

അന്ധ വിശ്വാസ ങ്ങള്‍ക്കും അനാചാര ങ്ങള്‍ക്കും എതിരെ പോരാടുന്ന സാമൂഹ്യ പ്രവർത്ത കരെ ഉന്മൂലനം ചെയ്യുന്ന ഫാസിസ്റ്റ് ശക്തികളുടെ പ്രവർത്തന ങ്ങൾ പരിഷ്കൃത സമുഹത്തെ പിറകോട്ടു നയിക്കുമെന്നും രാജ്യത്ത് അരാജകത്വം സൃഷ്ടിക്കും എന്നും യോഗം വിലയിരുത്തി.

ജനാധിപ ത്യ മതേ തര ശക്തി കളുടെ ജാഗ്രത യോടുള്ള പ്രവർത്തന ങ്ങളിലൂടെ മാത്രമേ ഇത്തരം പ്രതി ലോമ ശക്തി കളെ ഇല്ലായ്‍മ ചെയ്യാൻ സാധിക്കുക യുള്ളൂ എന്നും യോഗം അഭിപ്രായപെട്ടു.

- pma

വായിക്കുക: , , ,

Comments Off on എം. എം. കല്‍ബുര്‍ഗി യുടെ കൊലപാതക ത്തില്‍ പ്രതിഷേധിച്ചു

പാര്‍ട്ടിയുമായി സഹകരിക്കണമെന്ന് കാരാട്ട്; നിലപാടില്‍ ഉറച്ച് വി.എസ്

March 21st, 2015

ന്യൂഡെല്‍ഹി: തനിക്കെതിരെ സംസ്ഥാന സെക്രട്ടേറിയേറ്റ് പാസാക്കിയ പ്രമേയം പിന്‍ വലിക്കണമെന്ന് വി.എസ് അച്ച്യുതാനന്ദന്‍ ജനറല്‍ സെക്രട്ടറി പ്രകാശ് കാരാട്ടിനോട് ആവശ്യപ്പെട്ടു. തന്റെ നിലപാടില്‍ ഉറച്ചു നിന്ന വി.എസിനോട് പാര്‍ട്ടിയുമായി സഹകരിച്ചു പോകണമെന്ന് കാരാട്ട് ആവര്‍ത്തിച്ചു. സി.പി.എമ്മിന്റെ കേന്ദ്രകമ്മറ്റി യോഗത്തില്‍ പങ്കെടുക്കുവാന്‍ ദില്ലിയില്‍ എത്തിയപ്പോഴായിരുന്നു വി.എസ്. പ്രകാശ് കാരാട്ടുമായി കൂടിക്കാഴ്ചനടത്തിയത്. പ്രമേയത്തെ കുറിച്ച് കേന്ദ്ര കമ്മറ്റിയില്‍ ചര്‍ച്ച നടത്തണം എന്ന് ആവശ്യപ്പെട്ടു. തന്നെ പാര്‍ട്ടി വിരുദ്ധനായി ചിത്രീകരിച്ച് പ്രമേയം പാസാക്കിയതില്‍ പ്രതിഷേധിച്ചാണ് വി.എസ്. സി.പി.എം സംസ്ഥാന സമ്മേളനം ബഹിഷ്കരിച്ച് ഇറങ്ങിപ്പോയതെന്ന് പറഞ്ഞ വി.എസ് പ്രമേയം ഇപ്പോഴും നിലനില്‍ക്കുന്നതായും ചൂണ്ടിക്കാട്ടി. സംസ്ഥാന സെക്രട്ടേറിയേറ്റിന്റെ പ്രമേയം സംഘടനാ തത്വങ്ങള്‍ക്ക് വിരുദ്ധമാണെന്നും സമ്മേളനങ്ങള്‍ നടക്കുമ്പോള്‍ അച്ചടക്ക നടപടികള്‍ എടുക്കാന്‍ പാടില്ലെന്ന കേന്ദ്ര നേതൃത്വത്തിന്റെ നിര്‍ദ്ദേശം ലംഘിക്കപ്പെട്ടുവെന്നും അദ്ദേഹം കാരാട്ടിനോട് പറഞ്ഞു.

കേന്ദ്ര കമ്മറ്റിയോ പോളിറ്റ് ബ്യൂറോയോ വി.എസിന്റെ ആവശ്യം ചര്‍ച്ച ചെയ്യുവാന്‍ സാധ്യതകള്‍ കുറവാണെന്നാണ് സൂചന. സംസ്ഥാന നേതൃത്വത്തിനെതിരെ ഒരു തീരുമാനം എടുക്കുവാന്‍ കേന്ദ്ര നേതൃത്വം തല്‍ക്കാലം മുതിരാനിടയില്ല.

- എസ്. കുമാര്‍

വായിക്കുക: , ,

Comments Off on പാര്‍ട്ടിയുമായി സഹകരിക്കണമെന്ന് കാരാട്ട്; നിലപാടില്‍ ഉറച്ച് വി.എസ്

ഗാന്ധിജിക്കെതിരെ പ്രസ്താവനകള്‍ അപലപനീയം

March 14th, 2015

mahathma-gandhi-father-of-the-nation-ePathram
അബുദാബി : മാധ്യമ ശ്രദ്ധ നേടുന്നതിനായി ചിലര്‍ മഹാത്മാ ഗാന്ധി യെ അപ കീര്‍ത്തി പ്പെടുത്തുന്ന പ്രസ്താവനകള്‍ ഇറക്കുന്നു എന്നുള്ളത് അപലപനീയം എന്ന് അബുദാബി ഗാന്ധി സാഹിത്യ വേദി.

മാര്‍ക്കണ്ഡേയ കട്ജുവിന്റെ പ്രസ്താവന യാണ് ഏറ്റവും ഒടുവിലത്തെ സംഭവം. ലോകം മുഴുവന്‍ ആദരിക്കുന്ന ഗാന്ധിജി യെ സ്വന്തം രാജ്യ ത്തുള്ളവര്‍ തന്നെ അപമാനിക്കു കയാ ണ്. അഹിംസ അധിഷ്ഠിത മായ നവീന സമര മുറ യിലൂടെ സ്വാതന്ത്ര്യം നേടിയെടുത്ത മഹാത്മജി യുടെ സമര മുറയെ ലോകം അത്ഭുത ത്തോടെ യാണ് ഇന്നും നോക്കി ക്കാണുന്നത്.

ചരിത്ര പ്രസിദ്ധമായ ആ സമര മുറ തെറ്റായിരുന്നു എന്നും രക്ത രൂക്ഷിത മായ സമര മായിരുന്നു സ്വീകരി ക്കേണ്ടി യിരുന്നത് എന്നുമുള്ള കട്ജുവിന്റെ അഭിപ്രായം തികഞ്ഞ അജ്ഞത യാണ്.

ഗാന്ധിജിയെ ബ്രിട്ടിഷ് ചാരനായും ചിത്രീകരിക്കുന്ന പ്രസ്താവന ചരിത്രത്തെ വളച്ചൊടിക്കല്‍ ആണെന്നും വില കുറഞ്ഞ പ്രശസ്തിക്കു വേണ്ടി നടത്തുന്ന ഇത്തരം പ്രസ്താവന കള്‍ക്ക് നേരെ ഉത്തര വാദിത്തപ്പെട്ടവര്‍ കണ്ണടക്കുന്നത് വേദനാ ജനകം ആണെന്നും ഗാന്ധി സാഹിത്യ വേദി പ്രസിഡന്റ് വി. ടി. വി. ദാമോദരനും ജനറല്‍ സെക്രട്ടറി എം. യു. ഇര്‍ഷാദും പറഞ്ഞു.

- pma

വായിക്കുക: , ,

Comments Off on ഗാന്ധിജിക്കെതിരെ പ്രസ്താവനകള്‍ അപലപനീയം

കരിപ്പൂര്‍ എയര്‍പോര്‍ട്ട് : തീരുമാനം പുന പരിശോധിക്കണം എന്ന് ഐ. എം. സി. സി

March 10th, 2015

അബുദാബി : കരിപ്പൂര്‍ എയര്‍ പോര്‍ട്ട് ഭാഗിക മായി അടച്ചിടാനുള്ള തീരുമാനം ഉടന്‍ പിന്‍ വലിക്കണം എന്ന് ഐ. എം. സി. സി. കേന്ദ്ര കമ്മറ്റി നേതാക്കള്‍ ആവശ്യപ്പെട്ടു.

ഗള്‍ഫില്‍ സ്കൂള്‍ വേനല്‍ അവധിക്ക് നാട്ടില്‍ പോവുന്ന കുടുംബ ങ്ങള്‍ക്കും ഓണം, പെരുന്നാള്‍, ഹജ്ജ്‌ തുടങ്ങി വിശേഷ ദിവസ ങ്ങള്‍ അടുത്തി രിക്കുന്ന ഈ അവസര ത്തില്‍ റണ്‍വേ ഭാഗിക മായി അടച്ചിടുന്നത് മലബാറി ലുള്ള പ്രവാസി കളുടെ വിമാന യാത്ര കൂടുതല്‍ ദുസ്സഹമാക്കും.

ആയതിനാല്‍ ഈ തീരുമാനം പുന പരിശോധിക്കണം എന്നും ആവശ്യപ്പെട്ട് പ്രധാന മന്ത്രി ക്കും വ്യോമയാന വകുപ്പ് മന്ത്രിക്കും ഫാക്സ് സന്ദേശം അയക്കും എന്ന് ഐ. എം. സി. സി. നേതാക്കളായ T. S. ഗഫൂര്‍ ഹാജി, നൌഷാദ്ഖാന്‍ പാറയില്‍, മുസ്തഫ തൈക്കണ്ടി, അഷ്‌റഫ്‌ വലിയവളപ്പില്‍ തുടങ്ങിയവര്‍ അറിയിച്ചു.

- pma

വായിക്കുക: , ,

Comments Off on കരിപ്പൂര്‍ എയര്‍പോര്‍ട്ട് : തീരുമാനം പുന പരിശോധിക്കണം എന്ന് ഐ. എം. സി. സി

ആപ്പിനു ചരിത്ര വിജയം; ‘മോദിയും‘ കോണ്‍ഗ്രസ്സും തകര്‍ന്നടിഞ്ഞു

February 11th, 2015

election-ink-mark-epathram

ന്യൂഡല്‍ഹി: ആപ്പിന്റെ ജനപിന്തുണയ്ക്ക് മുമ്പില്‍ പിടിച്ചു നില്‍ക്കാനാകാതെ ഡല്‍ഹി നിയമസഭാതിരഞ്ഞെടുപ്പില്‍ ‘മോദിയും‘ കോണ്‍ഗ്രസ്സും തകര്‍ന്നടിഞ്ഞു. അരവിന്ദ് കേജ്രിവാളിനും സംഘത്തിനു മുമ്പില്‍ രണ്ട് ദേശീയ പാര്‍ട്ടികള്‍ കൊമ്പ് കുത്തുത്തി.പാര്‍ളമെന്റ് തിരഞ്ഞെടുപ്പ് വിജയത്തിനു ശേഷം വിവിധ സംസ്ഥാനങ്ങളില്‍ നടന്ന തിരഞ്ഞെടുപ്പുകളില്‍ ബി.ജെ.പി സഖ്യം വിജയിച്ചപ്പോളെല്ലാം അത് മോദി തരംഗം എന്നാണ് ബി.ജെ.പി നേതാക്കന്മാര്‍ വിശേഷിപ്പിച്ചത്. പലപ്പോഴും പാര്‍ട്ടിയേക്കാള്‍ വലിയ പ്രാധാന്യം മോദിക്ക് നല്‍കി. അതിനാല്‍ തന്നെ ദില്ലിയിലെ തിരഞ്ഞെടുപ്പ് ഫലം ബി.ജെ.പിയേക്കാള്‍ മോദിക്കാണ് കൂടുതല്‍ തിരിച്ചടിയാകുന്നതും.ബി.ജെ.പി അവകാശപ്പെടുന്ന മോദിപ്രഭാവത്തിനേറ്റ കരിനിഴലായി ദില്ലിയിലെ പരാജയം. ലോക്‍സഭാ
തിരഞ്ഞെടുപ്പിലും നിയമസഭാതിരഞ്ഞെടുപ്പുകളും ചാണക്യ തന്ത്രങ്ങള്‍ ഒരുക്കിയ ബി.ജെ.പി ദേശീയ അധ്യക്ഷന്‍ അമിത് ഷായ്ക്കും ഈ പരാജയം തിരിച്ചടിയായി.

ബി.ജെ.പിയുടെ മുഖ്യമന്ത്രി സ്ഥാനാര്‍ഥിയായിരുന്ന കിരണ്‍ ബേദി പരാജയപ്പെട്ടത് ബി.ജെ.പി കേന്ദ്രങ്ങളെ ഞെട്ടിച്ചു. ഇപ്പോള്‍ ശ്രീമതി ബേദിയെ ബലിയാടാക്കി മുഖം രക്ഷിക്കുവാനുള്ള ശ്രമത്തിലാണ് ബി.ജെ.പി നേതൃത്വം. വിജയമായാലും പരാജയമായാലും അത് തന്റെ മാത്രം ഉത്തരവാദിത്വം
ആയിരിക്കുമെന്ന് തിരഞ്ഞെടുപ്പ് ഫലം വരുന്നതിനു മുമ്പ് തന്നെ കിരണ്‍ ബേദി പറഞ്ഞിരുന്നു.

ബി.ജെ.പിയേക്കാള്‍ കനത്ത തിരിച്ചടിയാണ് കോണ്‍ഗ്രസ്സിനു നേരിടേണ്ടിവന്നത്. ഒരു സീറ്റില്‍ പോലും വിജയിക്കുവാന്‍ അവര്‍ക്കായില്ല. തിരഞ്ഞെടുപ്പ്
ഫലങ്ങള്‍ പുറത്ത് വന്നതോടെ ‘കോണ്‍ഗ്രസ്സ് രഹിത’ ദില്ലിയായി മാറി. അജയ് മാക്കന്‍ അടക്കം പല പ്രമുഖ കോണ്‍ഗ്രസ്സ് നേതാക്കളും കനത്ത പരാജയം ഏറ്റുവാങ്ങി. കോണ്‍ഗ്രസ്സ് സ്ഥാനാര്‍ഥികള്‍ക്ക് അഞ്ഞൂറിനടുത്ത് വോട്ടുകള്‍ മാത്രം ലഭിച്ച മണ്ഡലങ്ങളും ഉണ്ട്. ബി.ജെ.പിയും കോണ്‍ഗ്രസ്സും പടുകൂറ്റന്‍ റാലികളും വന്‍ പരസ്യ കോലാഹലങ്ങളും നടത്തിയപ്പോള്‍ ആം ആദ്മിയാകട്ടെ കൃത്യമായ ആസൂത്രണത്തോടെ ജനങ്ങള്‍ക്കിടയില്‍ പ്രവര്‍ത്തിക്കുകയായിരുന്നു. ജനങ്ങളുടെ പ്രശ്നങ്ങളെ പറ്റി പഠിച്ചും അവര്‍ക്കൊപ്പം പ്രവര്‍ത്തിച്ചും നേടിയ പിന്തുണയെ മറികടക്കുവാന്‍ മോദിപ്രഭാവത്തിനോ അമിത്ഷായുടെ തന്ത്രങ്ങള്‍ക്കോ ആയില്ല. വിവിധ സംസ്ഥാനങ്ങളില്‍ നിന്നും എത്തിയ പ്രവര്‍ത്തകര്‍ വിവിധ സ്ക്വാഡുകളായി തിരിഞ്ഞ് കഴിഞ്ഞ ഏഴുമാസം നടത്തിയ ചിട്ടയായ പ്രവര്‍ത്തനമാണ് ആം ആദ്മിയുടെ വിജയത്തിനു കരുത്ത് പകര്‍ന്നത്.

ബി.ജെ.പിയിലെ പടല പിണക്കങ്ങള്‍ തിരിച്ചടിയായപ്പോള്‍ കോണ്‍ഗ്രസ്സിനെ സംബന്ധിച്ച് ദുര്‍ബലമായ നേതൃത്വമാണ് വിനയായത്. സോണിയാ ഗാന്ധിക്കോ രാഹുല്‍ ഗാന്ധിക്കോ ജനങ്ങള്‍ക്കിടയിലോ പ്രവര്‍ത്തകര്‍ക്കിടയിലോ സ്വാധീനം ഇല്ലെന്ന് ഒരിക്കല്‍ കൂടെ വ്യക്തമാക്കുന്നതാണ് ദില്ലിയിലെ ഈ പരാജയം.

ഈ തിരഞ്ഞെടുപ്പില്‍ സി.പി.എം മൂന്ന് സ്ഥാനാര്‍ഥികളെ മാത്രമാണ് മത്സര രംഗത്തിറക്കിയത്. മൂന്ന് പേര്‍ക്കും ചേര്‍ന്ന് 1126 വോട്ടുകള്‍ മാത്രമേ നേടാനായുള്ളൂ. തൊഴിലാളികള്‍ ധാരാളമുള്ള ദില്ലിയില്‍ സി.പി.എമ്മിനു യാതൊരു വിധ സ്വാധീനവുമില്ലെന്ന് ഈ തിരഞ്ഞെടുപ്പ് ഫലം വ്യക്തമാക്കുന്നു. അടിസ്ഥന വര്‍ഗ്ഗത്തിനിടയില്‍ ഇടതു പക്ഷ കക്ഷികള്‍ക്കും സ്വാധീനമുറപ്പിക്കുവാന്‍ ആയില്ല എന്നാല്‍ ആം ആദ്മി പാര്‍ട്ടിക്ക് അതിനു സാധിച്ചു എന്നത് ഇടതുപക്ഷത്തിനും ശക്തമായ പാഠമാണ് നല്‍കുന്നത്. ആപ്പിന്റെ വിജയത്തിലൂടെ ദേശീയതലത്തില്‍ ഇടതു പക്ഷത്തിന്റെ പ്രസക്തിയാണ് ചോദ്യം ചെയ്യപ്പെടുന്നത്.

- എസ്. കുമാര്‍

വായിക്കുക: , , , ,

Comments Off on ആപ്പിനു ചരിത്ര വിജയം; ‘മോദിയും‘ കോണ്‍ഗ്രസ്സും തകര്‍ന്നടിഞ്ഞു

Page 26 of 27« First...1020...2324252627

« Previous Page« Previous « ഖസ്ര്‍ അല്‍ ഹുസ്ന്‍ ഫെസ്റ്റിവല്‍ – അബുദാബിയിൽ റോഡുകള്‍ അടച്ചിടും
Next »Next Page » രഞ്ജു രാജുവിന്റെ മൃതദേഹം നാട്ടിലേക്കു കൊണ്ടു പോകും »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha