വീണ്ടും നിപ്പാ വൈറസ് ബാധയില്‍ മരണം : ജാഗ്രതാ നിര്‍ദ്ദേശം

September 5th, 2021

nipah-virus-ePathram
കോഴിക്കോട് : നിപ്പ വൈറസ് ബാധിച്ചു ഇന്നലെ മരിച്ച 12 വയസ്സുകാരന്‍റെ സംസ്കാരം നടത്തി. ആരോഗ്യ വകുപ്പ് അധികൃതരും അഞ്ചു ബന്ധുക്കളും പി. പി. ഇ. കിറ്റുകൾ ധരിച്ച് സംസ്കാര ചടങ്ങുകളില്‍ സംബന്ധിച്ചു. മരിച്ച കുട്ടിയുടെ വീട് ചാത്ത മംഗലം ഗ്രാമ പഞ്ചായത്തി ലാണ്. അതിന്റെ മൂന്നു കിലോ മീറ്ററോളം ചുറ്റളവില്‍ കര്‍ശ്ശന നിയന്ത്രണം ഏര്‍പ്പെടുത്തി. കോഴിക്കോട്, മലപ്പുറം കണ്ണൂര്‍ ജില്ലകളിലും ജാഗ്രതാ നിര്‍ദ്ദേശം പുറപ്പെടുവിച്ചിട്ടുണ്ട്.

മരണപ്പെട്ട കുട്ടിയുടെ സമ്പർക്ക പട്ടികയിൽ 158 പേരുണ്ട്. ഇവര്‍ നിരീക്ഷണത്തിലാണ്. ഇതില്‍ രണ്ട് ആരോഗ്യ പ്രവര്‍ത്തകര്‍ക്ക് നിപ്പാ ലക്ഷണങ്ങള്‍ കണ്ടതിനാല്‍ അവരെ ആശുപത്രിയിലേക്ക് മാറ്റി. കുട്ടിക്ക് പനിയും ചര്‍ദ്ദിയും കണ്ടപ്പോള്‍ സമീപത്തുള്ള സ്വകാര്യ ക്ലിനിക്കിലും പിന്നീട് വിവിധ ആശുപത്രി കളിലും ചികില്‍സ തേടിയിരുന്നു. ഇവിടങ്ങളിലെ ആരോഗ്യ പ്രവര്‍ത്തകര്‍ അടക്കമുള്ളവരും മാതാ പിതാ ക്കള്‍ അടക്കം കുട്ടിയുടെ ബന്ധുക്കളുമാണ് സമ്പര്‍ക്ക പട്ടിക യില്‍ ഉള്ളവര്‍. ഇതില്‍ 20 പേർ പ്രാഥമിക സമ്പർക്ക പട്ടികയിലുണ്ട്.

ജനങ്ങള്‍ കൂടുതല്‍ ജാഗ്രത പുലര്‍ത്തണം എന്നും അധികൃതര്‍ അറിയിച്ചു. നിപ്പ യുമായി ബന്ധപ്പെട്ട കാര്യങ്ങള്‍ക്കു വേണ്ടി മാത്രം പ്രത്യേക കോള്‍ സെന്ററും തുറന്നിട്ടുണ്ട്. 0495 2382500, 0495 2382800 എന്നീ നമ്പറു കളില്‍ വിളിക്കാം.

- pma

വായിക്കുക: , , , ,

Comments Off on വീണ്ടും നിപ്പാ വൈറസ് ബാധയില്‍ മരണം : ജാഗ്രതാ നിര്‍ദ്ദേശം

പ്രകൃതി സംരക്ഷണ ദിനാചരണം : ലേഖന മത്സര വിജയികളെ പ്രഖ്യാപിച്ചു

July 31st, 2021

വെളിയങ്കോട് : ലോക പ്രകൃതി സംരക്ഷണ ദിന ആചരണ ത്തിന്റെ (ജൂലായ് 28) ഭാഗമായി ഡോ. സാലിം അലി യുടെ സ്മരണാർത്ഥം വെളിയങ്കോട് എം. ടി. എം. കോളേജ് ഓഫ് ആർട്സ്, സയൻസ് & കൊമേഴ്‌സ് നാച്വറൽ ക്ലബ്ബിന്റെ നേതൃത്വ ത്തിൽ ‘ജൈവ വൈവിധ്യ ത്തിന്റെ പ്രാധാന്യം’ എന്ന വിഷയത്തിൽ പരിസ്ഥിതി പ്രവർത്തകൻ ഹമീദലി വാഴക്കാട് സംസാരിച്ചു.

ഗൂഗിൾ മീറ്റ് പരിപാടിയിൽ പരിസ്ഥിതി പ്രവര്‍ത്തകന്‍ ഫൈസൽ ബാവ മോഡറേറ്റർ ആയിരുന്നു. പ്രജീഷ ടീച്ചർ സ്വാഗതം പറഞ്ഞു. പ്രൊഫസർ ഹവ്വാ ഉമ്മ, വൈസ് പ്രിൻസിപ്പാൾ രാജേന്ദ്ര കുമാർ എന്നിവർ സംസാരിച്ചു.

‘ജൈവ വൈവിധ്യ സംരക്ഷണവും ഭൂമിയുടെ നില നിൽപ്പും’ എന്ന വിഷയത്തിൽ കോളേജ് വിദ്യാർത്ഥി കൾക്കായി ഓൺ ലൈൻ വഴി നടത്തിയ ലേഖന മത്സര ത്തിലെ വിജയികളെ പ്രഖ്യാപിച്ചു

ഒന്നാം സമ്മാനം : സൗദാബി വി. (പി. എച്ച്. ഡി. വിദ്യാർത്ഥി, കാലിക്കറ്റ് യൂണിവേഴ്സിറ്റി). രണ്ടാം സമ്മാനം : അബ്ദുൽ വാഹിദ് (ബി. എ. വിദ്യാർത്ഥി, എം. ടി.എം. കോളേജ് വെളിയ ങ്കോട്). മൂന്നാം സമ്മാനം : ആരതി രവീന്ദ്രൻ (ബി. എ. വിദ്യാർത്ഥി. സി. എച്ച്. എം. എം. കോളേജ്. ചവർ കോഡ്‌, പാരിപ്പള്ളി).

ഒന്നാം സമ്മാനം 3001 രൂപയും രണ്ടാം സമ്മാനം 2001 രൂപയും മൂന്നാം സമ്മാനം 1001 രൂപയും സർട്ടി ഫിക്കറ്റും ഫലകവും നൽകും. കോളേജിൽ നടക്കുന്ന പൊതു പരിപാടിയിൽ വെച്ച് സമ്മാന ദാനം നിര്‍വ്വഹിക്കും.

- pma

വായിക്കുക: , ,

Comments Off on പ്രകൃതി സംരക്ഷണ ദിനാചരണം : ലേഖന മത്സര വിജയികളെ പ്രഖ്യാപിച്ചു

വളർത്തു മൃഗങ്ങൾക്ക് ലൈസൻസ് എടുക്കണം: ഹൈക്കോടതി

July 15th, 2021

pets-must-be-licensed-says-high-court-ePathram
കൊച്ചി : വീട്ടിൽ വളർത്തുന്ന മൃഗങ്ങൾക്ക് ലൈസൻസ് എടുക്കണം എന്ന് ഹൈക്കോടതി. ആറു മാസം സമയ പരിധി അനുവദിച്ചിട്ടുണ്ട്. ഇതിനുള്ളില്‍ തദ്ദേശ സ്വയം ഭരണ സ്ഥാപനങ്ങളില്‍ റജിസ്റ്റർ ചെയ്തു വളര്‍ത്തു മൃഗ ങ്ങള്‍ക്ക് ലൈസൻസ് കരസ്ഥമാക്കണം.

തദ്ദേശ സ്ഥാപനങ്ങൾ ഇക്കാര്യം വ്യക്തമാക്കി ഉടൻ പൊതു നോട്ടിസ് പുറപ്പെടുവിക്കണം. സംസ്ഥാന സർക്കാർ ഇതിനു നിർദ്ദേശം നൽകണം എന്നും ഹൈക്കോടതി വിധി യില്‍ പറയുന്നു.

cat-dog-pets-must-be-licensed-ePathram

ഇനി മുതല്‍ വളർത്തു മൃഗങ്ങളെ വാങ്ങുന്നവർ മൂന്നു മാസത്തിനകം ലൈസൻസ് എടുക്കണം എന്ന വ്യവസ്ഥ കൊണ്ടു വരണം. ഇതിന്ന് ആവശ്യം എങ്കിൽ ലൈസൻസ് ഫീസ് ഈടാക്കാം എന്നും ജസ്റ്റിസ്. എ. കെ. ജയശങ്കരൻ നമ്പ്യാർ, ജസ്റ്റിസ്. പി. ഗോപിനാഥ് എന്നിവര്‍ അടങ്ങിയ ഡിവിഷൻ ബെഞ്ച് നിർദ്ദേശിച്ചു.

 * പൂച്ചകളിലൂടെ കൊവിഡ് വൈറസ് പകരുവാന്‍ സാദ്ധ്യത  

* Tag : മൃഗങ്ങള്‍  

- pma

വായിക്കുക: , , , , , ,

Comments Off on വളർത്തു മൃഗങ്ങൾക്ക് ലൈസൻസ് എടുക്കണം: ഹൈക്കോടതി

പൊതു സ്ഥലങ്ങളിലേക്ക് പ്രവേശനം ഇനി ‘ഗ്രീൻ പാസ്സ്’ വഴി

June 17th, 2021

al-hosn-app-green-pass-for-entry-to-public-places-ePathram
അബുദാബി : തലസ്ഥന നഗരിയിലെ പൊതു സ്ഥലങ്ങ ളിലും വ്യാപാര, വാണിജ്യ കേന്ദ്രങ്ങ ളിലും പ്രവേശനം ഇനി ‘ഗ്രീൻ പാസ്സ്’ വഴി. കൊവിഡ് വൈറസ് വ്യാപനം നിയന്ത്രിക്കുന്ന തിന്റെ ഭാഗമായി ഏര്‍പ്പെടുത്തിയ ഗ്രീൻ പാസ്സ് 2021 ജൂണ്‍ 15 ചൊവ്വാഴ്ച മുതല്‍ പ്രാബല്ല്യത്തില്‍ വന്നു.

സ്മാര്‍ട്ട് ഫോണില്‍ ഡൗണ്‍ ലോഡ് ചെയ്തിട്ടുള്ള അല്‍ ഹൊസന്‍ ആപ്ലിക്കേഷനിലെ ‘ഗ്രീൻ പാസ്സ്’ കാണിച്ചു കൊണ്ടു മാത്രമേ ഷോപ്പിംഗ് മാളുകള്‍, സൂപ്പർ – ഹൈപ്പര്‍ മാർക്കറ്റുകൾ, റസ്റ്റോറന്റു കൾ, ബേക്കറികള്‍ തുടങ്ങി വ്യാപാര സ്ഥാപന ങ്ങളിലും മറ്റു പൊതു സ്ഥല ങ്ങളിലും പ്രവേശനം അനുവദിക്കൂ.

booster-doze-covid-vaccine-ePathram

രണ്ടു ഡോസ് വാക്സിന്‍ എടുത്ത വർക്കും കൊവിഡ് പരിശോധന നടത്തി (പി. സി. ആര്‍) നെഗറ്റീവ് റിസള്‍ട്ട് ഉള്ളവര്‍ക്കും അല്‍ ഹൊസന്‍ ആപ്പില്‍ ഗ്രീന്‍ പാസ്സ് ഉണ്ടാവും.

alhosn-app-vaccine-dose-updates-ePathram

സിനോഫാം ബൂസ്റ്റര്‍ വാക്സിന്‍ വിവരങ്ങള്‍ : അല്‍ ഹൊസന്‍ ആപ്പ്

പാർക്കുകള്‍, ബീച്ച്, സ്വിമ്മിംഗ് പൂൾ, ജിംനേഷ്യം, തിയ്യേറ്റർ, മ്യൂസിയം, വിനോദ കേന്ദ്ര ങ്ങൾ എന്നിവിട ങ്ങളിലും എത്തുന്നവര്‍ ഗ്രീന്‍ പാസ്സ് കാണിക്കണം. പൊതു ജനങ്ങളുടെ സുരക്ഷിതത്വത്തിനു വേണ്ടി യാണ് ഗ്രീൻ പാസ്സ് സംവിധാനം ഏര്‍പ്പെടുത്തി യിരി ക്കുന്നത് എന്ന് ദുരന്ത നിവാരണ സമിതി അറിയിച്ചു.

- pma

വായിക്കുക: , , , , , , ,

Comments Off on പൊതു സ്ഥലങ്ങളിലേക്ക് പ്രവേശനം ഇനി ‘ഗ്രീൻ പാസ്സ്’ വഴി

പ്രത്യേക ഫംഗൽ ഇൻഫെക്ഷൻ കേരളത്തിലും : ജാഗ്രതാ നിര്‍ദ്ദേശം

May 16th, 2021

covid-19-test-kit-ePathram
തിരുവനന്തപുരം : മഹാരാഷ്ട്ര യിലും ഗുജറാത്തിലും മറ്റും കാണുന്ന പ്രത്യേക ഫംഗൽ ഇൻഫെക്ഷൻ കേരള ത്തിലും കണ്ടെത്തിയതായി മുഖ്യമന്ത്രി പിണറായി വിജയൻ. കൊവിഡ് വരുന്നതിന് മുൻപും ഇത്തരത്തിലുള്ള ഇൻഫെക്ഷൻ ശ്രദ്ധയിൽപ്പെട്ടതാണ്.

സംസ്ഥാന മെഡിക്കൽ ബോർഡ് സാമ്പിളും മറ്റും എടുത്തു കൂടുതൽ പരിശോധനക്കു വിധേയ മാക്കു ന്നുണ്ട്. മെഡിക്കൽ കോളേജുകളിലെ ഇൻഫക്ഷൻ ഡിസീസ് ഡിപ്പാർട്ട്‌ മെൻറും ഇക്കാര്യം ശ്രദ്ധിക്കുന്നുണ്ട്.

കൊവിഡ് വൈറസ് ബാധ ഏല്‍ക്കാതെ കുട്ടികളെ പ്രത്യേകം സംരക്ഷിക്കണം എന്നും മുഖ്യ മന്ത്രി ഓര്‍പ്പിപ്പിച്ചു.യൂറോപ്പിലും അമേരിക്കയിലും കൊവിഡി ന്റെ രണ്ടും മൂന്നും തരംഗം ഉണ്ടായ പ്പോള്‍ കുട്ടികളെ കാര്യമായി ബാധി ച്ചിട്ടില്ല. എന്നാല്‍, കുട്ടികള്‍ രോഗ വാഹകര്‍ ആയേക്കാം എന്നത് സൂക്ഷിക്കണം.

ലഘുവായ രോഗ ലക്ഷണ ങ്ങളോടെ കുട്ടികളില്‍ കൊവിഡ് വന്നു പോകും. അതിനാൽ കുട്ടി കളുടെ കാര്യത്തില്‍ അമിതമായ ഭീതി പരത്തരുത്.

ആയുര്‍വ്വേദം, ഹോമിയോ മരുന്നുകള്‍ പ്രതിരോധ ശേഷി വര്‍ദ്ധി പ്പിക്കും എന്നു തെളിഞ്ഞിട്ടുണ്ട്. കുട്ടികള്‍ക്കും അത് നല്‍കാം. ആരോഗ്യ വകുപ്പിലേക്ക് അതിനായി നിര്‍ദ്ദേശം നല്‍കി യിട്ടുണ്ട് എന്നും മുഖ്യമന്ത്രി പറഞ്ഞു.

- pma

വായിക്കുക: , , , ,

Comments Off on പ്രത്യേക ഫംഗൽ ഇൻഫെക്ഷൻ കേരളത്തിലും : ജാഗ്രതാ നിര്‍ദ്ദേശം

Page 17 of 60« First...10...1516171819...304050...Last »

« Previous Page« Previous « ഞായറാഴ്ച അർദ്ധ രാത്രി മുതൽ 4 ജില്ലകളിൽ ട്രിപ്പിൾ ലോക്ക് ഡൗൺ
Next »Next Page » പതിനെട്ടു വയസ്സു മുതല്‍ 44 വരെയുള്ള വർക്ക് വാക്‌സിൻ : രജിസ്‌ട്രേഷൻ ആരംഭിച്ചു »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha