അബുദാബി : കേരളത്തിൽ ഇടതു ഭരണത്തിൽ പിന്നാക്ക വിഭാഗങ്ങൾ കടുത്ത അവഗണന നേരിടുന്നു. മുസ്ലീങ്ങൾക്കും മറ്റ് പിന്നാക്ക വിഭാഗങ്ങൾക്കും അർഹതപ്പെട്ട ആനുകൂല്യങ്ങൾ നിഷേധിക്കുന്ന സാഹചര്യം നിലനിൽക്കുന്നു. വിദ്യാഭ്യാസ സ്കോളർ ഷിപ്പ് അനുവദിക്കുന്നതിലും ഉദ്യോഗ നിയമനം നടത്തുന്നതിലും വിവേചനം നില നിൽക്കുന്നുണ്ട് എന്നും മുസ്‌ലിം ലീഗ് സംസ്ഥാന സെക്രട്ടറി പാറക്കൽ അബ്ദുല്ല.
അബുദാബി കെ. എം. സി. സി. കോഴിക്കോട് ജില്ലാ കമ്മിറ്റിയും വടകര മണ്ഡലം കെ. എം. സി. സി. യും സംയുക്തമായി ചരിത്ര വർത്തമാനം എന്ന പേരിൽ ഇന്ത്യൻ ഇസ്ലാമിക് സെൻ്ററിൽ സംഘടിപ്പിച്ച കൺവെൻഷനിൽ പങ്കെടുത്തു സംസാരിക്കുക യായിരുന്നു പാറക്കൽ അബ്ദുല്ല.
വേൾഡ് കെ. എം. സി. സി. വൈസ് പ്രസിഡണ്ട് യു. അബ്ദുള്ള ഫാറൂഖി ഉൽഘാടനം ചെയ്തു. സി. എച്ച്. ജാഫർ തങ്ങൾ അദ്ധ്യക്ഷത വഹിച്ചു.
വടകര മണ്ഡലം മുസ്ലീം ലീഗ് ജനറൽ സെക്രട്ടറി പി. പി. ജാഫർ, കെ. എം. സി. സി. നേതാക്കളായ ഇസ്മായിൽ ഏറാമല, ഹിദായത്തുള്ള പറപ്പൂർ, സാബിർ മാട്ടൂൽ, അബ്ദുൽ ബാസിത് കായക്കണ്ടി, അബ്ദുൽ റസാഖ് അത്തോളി, നൗഷാദ് കൊയിലാണ്ടി, ഷറഫുദ്ദീൻ കടമേരി, നൗഷാദ് വടകര,അഷറഫ് സി. പി. എന്നിവർ സംസാരിച്ചു.
മുഹമ്മദ് വടകര സ്വാഗതവും മഹബൂബ് തച്ചംപൊയിൽ നന്ദിയും പറഞ്ഞു.
