 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : പ്രസിഡൻഷ്യൽ കാര്യ മന്ത്രാലയത്തെ പ്രസിഡൻഷ്യൽ കോർട്ട് എന്ന് പുനർ നാമകരണം ചെയ്തു കൊണ്ട് യു. എ. ഇ. പ്രസിഡണ്ട് ശൈഖ് മുഹമ്മദ് ബിന്‍ സായിദ് അല്‍ നഹ്യാന് ഉത്തരവ് ഇറക്കി. വാർത്താ ഏജൻസി വാം റിപ്പോർട്ട് ചെയ്തതാണ് ഇക്കാര്യം.
മിനിസ്ട്രി ഓഫ് പ്രസിഡൻഷ്യൽ അഫയേഴ്‌സ് എന്നതിനു പകരം ‘പ്രസിഡൻഷ്യൽ കോർട്ട്’ എന്നതായിരിക്കും ഇനിമുതൽ പ്രാബല്യ ത്തിൽ ഉണ്ടാവുക. പ്രസിഡൻഷ്യൽ കാര്യമന്ത്രി എന്ന പദത്തിന് പകരം പ്രസിഡൻഷ്യൽ കോർട്ട് മന്ത്രി എന്നും ‘മന്ത്രാലയം’ എന്നതിന് പകരം ‘കോർട്ട്’ എന്നും ആയിരിക്കും ഉപയോഗിക്കുക.
- pma
അബുദാബി : യു. എ. ഇ. യുടെ ആദ്യ ഡിജി റ്റൽ ബാങ്കായ സാന്‍ഡ് ബാങ്കിന്‍റെ ഡയറക്ടർ ബോർഡ് മെംബറായി ലുലു ഗ്രൂപ്പ് ചെയര്‍ മാനും അബുദാബി ചേംബർ ഓഫ് കോമ്മേഴ്സ് വൈസ് ചെയർമാനുമായ എം. എ. യൂസഫലിയെ തെരഞ്ഞെടുത്തു.
ദുബായ് ബുർജ് ഖലീഫ ഉൾപ്പെടുന്ന ഇമാർ ഗ്രൂപ്പ്, ഓന്‍ലൈന്‍ വ്യാപാര സ്ഥാപനം നൂണ്‍ എന്നിവയുടെ ചെയർമാൻ മുഹമ്മദ് അൽ അബ്ബാര്‍, സാൻഡ് ഡിജിറ്റൽ ബാങ്ക് ചെയര്‍മാനാണ്.
യുവാക്കളെയാണു ബാങ്ക് ലക്ഷ്യമിടുന്നത്. യുവാക്ക ളുടെ വർദ്ധിച്ചു വരുന്ന ഇന്‍റർനെറ്റ് ഉപയോഗവും ആധുനിക വിവര സാങ്കേതിക വിദ്യ യുടെ വളർച്ചയും ഡിജിറ്റൽ ബാങ്കിംഗ് മേഖലക്ക് കൂടുതൽ പ്രചാരം ലഭിക്കാൻ കാരണം ആയെന്നും എം. എ. യൂസഫലി പറഞ്ഞു. ഇനി ഡിജിറ്റൽ ബാങ്ക് യുഗമാണ് വരാനുള്ളത്. പരമ്പരാഗത ബാങ്ക് ഇട പാടുകളെ അപേക്ഷിച്ച് ഡിജിറ്റൽ ബാങ്കിംഗ് ഇടപാടുകൾ എളുപ്പവും തടസ്സം ഇല്ലാത്തതുമാണ് എന്നും അദ്ദേഹം പറഞ്ഞു.
- pma
വായിക്കുക: bank, expat, lulu-group, nri, പ്രവാസി, ബഹുമതി, യു.എ.ഇ., യൂസഫലി, സാമ്പത്തികം
അബുദാബി : യു. എ. ഇ. യിലെ സര്‍ക്കാര്‍ ജീവനക്കാര്‍ക്ക് 2022 ജൂലായ് 8 വെള്ളിയാഴ്ച മുതല്‍ ജൂലായ് 11 തിങ്കളാഴ്ച വരെ നാലു ദിവസം (അറഫാ ദിനം മുതല്‍ മൂന്നാം പെരുന്നാള്‍ കൂടി) ബലി പെരുന്നാള്‍ അവധി ആയിരിക്കും.
ജൂണ്‍ 29 ബുധനാഴ്ച, സൗദി അറേബ്യയില്‍ മാസപ്പിറവി ദൃശ്യമായിരുന്നു. ഇതിന്‍റെ അടിസ്ഥാനത്തില്‍ യു. എ. ഇ. അടക്കമുള്ള ഗള്‍ഫ് രാജ്യങ്ങളില്‍ ഇന്ന് (ജൂൺ 30) ദുല്‍ഹജ്ജ് ഒന്ന് ആയി പ്രഖ്യാപിച്ചിരുന്നു.
- pma
വായിക്കുക: പ്രവാസി, മതം, യു.എ.ഇ., സൗദി അറേബ്യ
അബുദാബി : ഹ്രസ്വ സന്ദര്‍ശനത്തിനായി യു. എ. ഇ. യില്‍ എത്തിയ ഇന്ത്യൻ പ്രധാന മന്ത്രി നരേന്ദ്ര മോഡിക്കു നൽകിയ ഹൃദ്യമായ വരവേൽപ്പിനും സ്വീകരണത്തിനും നന്ദി അറിയിച്ച് അദ്ദേഹം ട്വീറ്റ് ചെയ്തു. ‘അബുദാബിയിലെ സ്വീകരണം വളരെ ഹൃദ്യമായിരുന്നു എന്നും വിമാനത്താവളത്തില്‍ നേരിട്ട് എത്തി സ്വീകരിച്ച പ്രിയ സഹോദരൻ ഹിസ് ഹൈനസ് ശൈഖ് മുഹമ്മദ് ബിൻ സായിദ് അല്‍ നഹ്യാന് നന്ദി’ എന്നും നരേന്ദ്ര മോഡി ട്വീറ്റ് ചെയ്തു.
I am touched by the special gesture of my brother, His Highness Sheikh Mohamed bin Zayed Al Nahyan, of coming to welcome me at Abu Dhabi airport. My gratitude to him. @MohamedBinZayed pic.twitter.com/8hdHHGiR0z
— Narendra Modi (@narendramodi) June 28, 2022
ജർമ്മനിയിൽ ജി -7 ഉച്ചകോടിയിൽ പങ്കെടുത്ത ശേഷം മടങ്ങും വഴിയാണു മോഡി അബുദാബിയില്‍ എത്തിയത്. യു. എ. ഇ. പ്രസിഡണ്ട് ശൈഖ് മുഹമ്മദ് ബിൻ സായിദ് അൽ നഹ്യാന്, വിവിധ വകുപ്പു മന്ത്രിമാര്‍, ഉദ്യോഗസ്ഥര്‍ എന്നിവരുമായി പ്രധാനമന്ത്രി കൂടിക്കാഴ്ച നടത്തി.
മുന്‍ പ്രസിഡണ്ട് ശൈഖ് ഖലീഫ ബിൻ സായിദ് അൽ നഹ്യാന്‍റെ വിയോഗത്തിൽ അനുശോചനം രേഖ പ്പെടുത്തി. അദ്ദേഹത്തിന്‍റെ ഉദാരമായ മാനുഷിക മൂല്യങ്ങളും ഇമാറാത്തി- ഇന്ത്യൻ ബന്ധങ്ങളിൽ എല്ലാ തലങ്ങളിലും ഉണ്ടായിട്ടുള്ള പുരോഗതിയും അനുസ്മരിച്ചു.
യു. എ. ഇ. യുടെ പുതിയ പ്രസിഡണ്ടായി ചുമതലയേറ്റ ശൈഖ് മുഹമ്മദ് ബിൻ സായിദ് അല്‍ നഹ്യാനെ അഭിനന്ദിച്ച നരേന്ദ്ര മോഡി, രാജ്യത്തെ നയിക്കുവാനും കൂടുതൽ പുരോഗതിയും വികസനവും കൈ വരിക്കുന്നതിലും വിജയിക്കട്ടെ എന്ന് ആശംസിച്ചു.
ഇരു രാജ്യങ്ങളും തമ്മിലുള്ള ഉഭയ കക്ഷി ബന്ധം മെച്ചപ്പെടുത്തുന്നതിനായി വരും കാലയളവിൽ കൂടുതൽ പ്രവർത്തിക്കാൻ താൻ ആഗ്രഹിക്കുന്നു എന്നും അദ്ദേഹം പറഞ്ഞു.
- pma
വായിക്കുക: social-media, viral-video, അബുദാബി, ഇന്ത്യന്‍ കോണ്സുലെറ്റ്, ഇന്ത്യന്‍ രാഷ്ട്രീയ നേതാക്കള്‍, ഇന്ത്യന്‍ വ്യക്തിത്വം, യു.എ.ഇ.
അബുദാബി : ഇന്ത്യന്‍ പ്രധാനമന്ത്രി നരേന്ദ്ര മോഡി ജൂണ്‍ 28 ന് യു. എ. ഇ. യില്‍ എത്തുന്നു. മുന്‍ പ്രസിഡണ്ട് ശൈഖ് ഖലീഫ ബിൻ സായിദ് അൽ നഹ്യാന്‍റെ നിര്യാണത്തില്‍ പ്രധാനമന്ത്രി നേരിട്ട് അനുശോചനം അറിയിക്കുകയും പുതിയ പ്രസിഡണ്ട് ശൈഖ് മുഹമ്മദ് ബിൻ സായിദ് അൽ നഹ്യാനെ അഭിനന്ദിക്കുകയും ചെയ്യും.
2022 ജൂണ്‍ 26 മുതല്‍ ജർമ്മനിയിൽ നടക്കുന്ന ജി-7 ഉച്ച കോടിയിൽ പങ്കെടുത്ത ശേഷമാണ് നരേന്ദ്ര മോഡി യു. എ. ഇ. യില്‍ എത്തുക. പ്രധാനമന്ത്രിയുടെ 2019 ലെ യു. എ. ഇ. സന്ദർശനം ഏറെ വാര്‍ത്താ പ്രാധാന്യം നേടിയിരുന്നു.
- pma
വായിക്കുക: അബുദാബി, ഇന്ത്യന്‍ കോണ്സുലേറ്റ്, ഇന്ത്യന്‍ രാഷ്ട്രീയ നേതാക്കള്‍, ഇന്ത്യന്‍ വ്യക്തിത്വം, യു.എ.ഇ.
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
