 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : 2023 യു. എ. ഇ. യുടെ സുസ്ഥിരതാ വർഷം (ഇയർ ഓഫ് സസ്റ്റൈനബിലിറ്റി) എന്ന് പ്രസിഡണ്ട് ശൈഖ് മുഹമ്മദ് ബിൻ സായിദ് അൽ നഹ്യാൻ.
ഐക്യ രാഷ്ട്ര സഭയുടെ ആഗോള കാലാവസ്ഥ വ്യതിയാന ഉച്ച കോടി ‘കോപ് 28 ന്റെ ആതിഥേയർ എന്ന നിലയിൽ യു. എ. ഇ. യുടെ പങ്ക് നിറവേറ്റാൻ പ്രതിജ്ഞാ ബദ്ധമായിരിക്കും എന്ന് അദ്ദേഹം ട്വീറ്റ് ചെയ്തു. 2023 നവംബർ 30 മുതൽ ഡിസംബർ 12 വരെ ദുബായ് എക്സ്പോ സിറ്റിയിലാണ് ഉച്ചകോടി നടക്കുക.
- pma
അബുദാബി : വാഹനം ഓടിക്കുമ്പോൾ ഭക്ഷണം കഴിക്കുകയോ കുടിക്കുകയോ ചെയ്യുന്നത് മൂലം വാഹനം അപകടത്തിൽപ്പെടാനുള്ള സാധ്യത 80 % വർദ്ധിപ്പിക്കുന്നു എന്ന് മുന്നറിയിപ്പ്. ഡ്രൈവ് ചെയ്യുമ്പോൾ ഭക്ഷണ പാനീയങ്ങൾ കഴിക്കുന്നത് നിയമ ലംഘനം എന്ന് വീണ്ടും ഓർമ്മിപ്പിക്കുകയാണ് അധികൃതർ.
ഡ്രൈവിംഗിലെ മൊബൈൽ ഫോൺ ഉപയോഗം പോലെ തന്നെ ആഹാരം കഴിക്കുന്നതും അശ്രദ്ധമായ ഡ്രൈവിംഗിന് ഇടയാക്കുകയും ഇത് കൊണ്ട് തന്നെ വാഹനാപകടം 80 ശതമാനം വർദ്ധിപ്പിക്കുന്നു എന്നും അബുദാബി ഇന്റഗ്രേറ്റഡ് ട്രാൻസ്പോർട്ട് സെന്റർ (ITC) അറിയിച്ചു.
ഡ്രൈവ് ചെയ്യുമ്പോള് ഫോട്ടോ – വീഡിയോ എടുക്കല്, ഇന്റർനെറ്റ് – മൊബൈൽ ഫോൺ ഉപയോഗം, മെസേജ് അയക്കുക, മേക്കപ്പ് ചെയ്യൽ എന്നിവയെല്ലാം നിയമ ലംഘനങ്ങളില് പെടുന്നു. ഇവ കുറ്റകൃത്യങ്ങളുടെ പട്ടികയില് ഉള്ളതിനാല് 800 ദിർഹം പിഴയും 4 ബ്ലാക്ക് പോയിന്റുകളും ശിക്ഷയായി നല്കും.
Image Credit : ITC Twitter
- pma
അബുദാബി : നാഷണല് മീഡിയാ ഓഫീസ് ചെയർ മാനായി ശൈഖ് സായിദ് ബിൻ ഹംദാൻ ബിൻ സായിദ് അൽ നഹ്യാനെ നിയമിച്ചു കൊണ്ട് യു. എ. ഇ. പ്രസിഡണ്ട് ശൈഖ് മുഹമ്മദ് ബിൻ സായിദ് അൽ നഹ്യാൻ ഉത്തരവ് പുറപ്പെടുവിച്ചു. മന്ത്രി പദവിയുള്ള കാബിനറ്റ് റാങ്കോടെയാണ് നിയമനം.
അബുദാബി ഗവൺമെൻ്റ് മീഡിയ ഓഫീസിന് പകരമാണ് പുതിയ നാഷണല് മീഡിയാ ഓഫീസ് എന്ന സ്ഥാപനം രൂപീകരിച്ചിട്ടുള്ളത്. ക്രിയേറ്റീവ് മീഡിയ അഥോറിറ്റിയും അബുദാബി മീഡിയ കമ്പനിയും ഇതിന്റെ കീഴിൽ പ്രവർത്തിക്കും.
രാജ്യത്തെ മാധ്യമ നിയമങ്ങളും ചട്ടങ്ങളും നിർദ്ദേശി ക്കുക, വികസിപ്പിക്കുക, അവലോകനം ചെയ്യുക, രാജ്യത്തിന്റെ മാധ്യമ കാഴ്ചപ്പാടും സന്ദേശവും ഏകോപിപ്പിച്ച് പ്രസിദ്ധം ചെയ്യുക, പ്രാദേശിക – രാജ്യാന്തര മാധ്യമ മേഖലയെ ശക്തിപ്പെടുത്തുക, രാജ്യതാൽപര്യം സംരക്ഷിക്കുക, രാജ്യത്തെ മാധ്യമ വ്യവസായത്തെ നയിക്കാൻ വൈദഗ്ധ്യമുള്ള തലമുറയെ ശാക്തീകരിക്കുക, മാധ്യമങ്ങൾക്ക് ഇടയിൽ സഹകരണം വർദ്ധിപ്പിക്കുക എന്നിവയാണ് പ്രധാന ദൗത്യങ്ങള്. സ്വദേശത്തും വിദേശത്തുമുള്ള യു. എ. ഇ. യുടെ മാധ്യമ വിവരണങ്ങൾ തയ്യാറാക്കുക, വിലയിരുത്തുക, അവലോകനം ചെയ്യുക എന്നിവ നാഷണല് മീഡിയാ ഓഫീസിന്റെ ഉത്തരവാദിത്വമാണ്.
- pma
വായിക്കുക: social-media, അബുദാബി, നിയമം, ബഹുമതി, മാധ്യമങ്ങള്, യു.എ.ഇ.
ദുബായ് : യു. എ. ഇ. യിലെ ലുലു ഹൈപ്പര് മാര്ക്കറ്റു കളില് ഈ വര്ഷം അവശ്യ സാധനങ്ങളൂടെവില വര്ദ്ധിക്കിപ്പിക്കില്ല. ഇതിന്റെ ഭാഗമായി ലുലു ഗ്രൂപ്പ് ഹൈപ്പർ മാർക്കറ്റുകളിൽ ‘പ്രൈസ് ലോക്ക്’ ക്യാമ്പയില് ആരംഭിച്ചു. നിത്യോപയോഗ സാധനങ്ങള് അടക്കം 200 ല് അധികം ഉല്പ്പന്നങ്ങള്ക്ക് ഈ വര്ഷം മുഴുവന് വിലയില് മാറ്റം ഇല്ലാതെ തുടരും.
അവശ്യ സാധനങ്ങളുടെ വില നിയന്ത്രിക്കാന് യു. എ. ഇ. ഒന്നില് അധികം സംരംഭങ്ങള് ആരംഭിച്ചിട്ടുണ്ട്. അടിസ്ഥാന ഉപഭോക്തൃ സാധനങ്ങള്ക്കുള്ള വില നിര്ണ്ണയ നയം യു. എ. ഇ. കാബിനറ്റ് കഴിഞ്ഞ വര്ഷം അംഗീകരിച്ചിരുന്നു. ഇതു പ്രകാരം സാമ്പത്തിക മന്ത്രാലയത്തിന്റെ അനുമതി ഇല്ലാതെ അരി, ഗോതമ്പ്, റൊട്ടി, മുട്ട, പാൽ ഉൽപ്പന്ന ങ്ങൾ, കോഴി, പഞ്ചസാര, പാചക എണ്ണ, പയർ വർഗ്ഗങ്ങൾ എന്നീ 9 ഇനങ്ങളുടെ വില വര്ദ്ധിപ്പിക്കുവാന് വ്യാപാരികള്ക്ക് അനുവാദം ഇല്ല.
ആഗോള പണപ്പെരുപ്പ നിരക്ക് മറികടക്കാനും യു. എ. ഇ. നിവാസികള്ക്ക് മികച്ച പിന്തുണ നല്കാനും ലക്ഷ്യമിട്ടാണ് ലുലു ‘പ്രൈസ് ലോക്ക്’ ക്യാമ്പയില് ആരംഭിച്ചിരിക്കുന്നത്. ദൈനം ദിന ഉപയോഗ ഉല്പ്പന്നങ്ങള്ക്ക് വില വര്ദ്ധിപ്പിക്കാത്തത് താമസക്കാർക്ക് ഗുണകരം ആവും എന്ന് ലുലു ഗ്രൂപ്പ് ഡയറക്ടർ എം. എ. സലീം അഭിപ്രായപ്പെട്ടു.
ഉപഭോക്താക്കളുടെ സംതൃപ്തി സംരക്ഷിക്കുന്ന പദ്ധതി പ്രഖ്യാപിക്കുന്നതില് ലുലു ഗ്രൂപ്പിന് അതിയായ സന്തോഷം ഉണ്ട് എന്നും അദ്ദേഹം കൂട്ടിച്ചേര്ത്തു.
- pma
വായിക്കുക: lulu-group, പ്രവാസി, യു.എ.ഇ., സാമ്പത്തികം
അബുദാബി : യു. എ. ഇ. യുടെ വിവിധ പ്രദേശങ്ങളില് വരും ദിവസങ്ങളിലും മഴ തുടരും എന്ന് ദേശീയ കാലാവസ്ഥാ നിരീക്ഷണം കേന്ദ്രം. പകല് പൊതുവേ അന്തരീക്ഷം മേഘാവൃതം ആയിരിക്കും. തണുത്ത കാലാവസ്ഥയും ദൂരക്കാഴ്ച കുറവും ആയതിനാൽ വാഹനം ഓടിക്കുന്നവര് പ്രത്യേക ജാഗ്രത പുലര്ത്തണം.
പടിഞ്ഞാറന് തീര പ്രദേശങ്ങളിലും കടലിലും മഴ പെയ്യാന് സാദ്ധ്യതയുണ്ട്. അബുദാബിയില് 16 ഡിഗ്രി സെല്ഷ്യസും ദുബായില് 17 ഡിഗ്രി സെല്ഷ്യസും പര്വ്വത പ്രദേശങ്ങളില് ഏഴ് ഡിഗ്രി സെല്ഷ്യസും വീതം താപനില കുറയാം. ചെറിയ രീതിയിലുള്ള കാറ്റ് വീശാനും സാദ്ധ്യതയുണ്ട് എന്നും കേന്ദ്രം മുന്നറിയിപ്പ് നല്കി.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
