അബുദാബി യിലെ റോഡു കളില്‍ പുതിയ റഡാറുകള്‍

November 24th, 2013

traffic-police-installed-infra-red-camera-ePathram
അബുദാബി : അതി വേഗക്കാരായ ഡ്രൈവര്‍മാരെ കുടുക്കാനായി തലസ്ഥാന നഗരി യിലെ നിരത്തു കളില്‍ പുതിയ റഡാറുകള്‍ സ്ഥാപിച്ചു. മുസഫ ട്രക്ക് റോഡ്, അല്‍ മഖ്ത പാല ത്തില്‍ നിന്നുള്ള അബുദാബി-അല്‍ഐന്‍ റോഡ്, ഉമ്മുന്നാര്‍ റോഡ്, അല്‍ റഹ ബീച്ച്, അബുദാബി-ശഹാമ എക്‌സ്പ്രസ് പാത യിലെ ശൈഖ് മക്തൂം ബിന്‍ റാഷിദ് സ്ട്രീറ്റ്, വിമാന ത്താവള റോഡ്, സുവെയ്ഹാന്‍ റോഡ് എന്നിവിട ങ്ങളില്‍ പുതുതായി സ്ഥാപിച്ച റഡാറു കളാണ് പ്രവര്‍ത്തന സജ്ജമായത് എന്ന് ട്രാഫിക് പോലീസ് അറിയിച്ചു.

റഡാറു കള്‍ സ്ഥാപിച്ചി രിക്കുന്നത് വാഹനം ഓടിക്കുന്നവര്‍ കൂടുതല്‍ ശ്രദ്ധയും ഉത്തര വാദിത്വവും പുലര്‍ത്തുന്ന തിനാ യിട്ടാണ്. വാഹനം ഓടിക്കുന്നവരില്‍ നിന്ന് കൂടുതല്‍ പിഴ ഈടാക്കുക എന്ന ഉദ്ദേശ്യം പോലീസിനില്ല. വാഹനം ഓടിക്കുന്ന വര്‍ പിഴയില്‍ നിന്ന് രക്ഷ നേടാന്‍ മാത്രമല്ല ശ്രമിക്കേണ്ടത്. നിശ്ചിത വേഗ പരിധിക്കുള്ളില്‍ വാഹനം ഓടിച്ചു കൊണ്ട് അവനവന്റെയും മറ്റുള്ള വരുടെയും സുരക്ഷ ഉറപ്പാക്കുക യാണ് വേണ്ടത് എന്നും അധികാരികള്‍ പറഞ്ഞു.

– Photo Courtesy : Abu dhabi Police

- പി. എം. അബ്ദുല്‍ റഹിമാന്‍

വായിക്കുക: , , ,

Comments Off on അബുദാബി യിലെ റോഡു കളില്‍ പുതിയ റഡാറുകള്‍

രണ്ടു മാസത്തിനിടെ 2,494 ഗതാഗത ലംഘന ങ്ങള്‍

November 10th, 2013

accident-epathram

അബുദാബി : നഗരത്തില്‍ സ്ഥാപിച്ച പുതിയ നിരീക്ഷണ ക്യാമറ കളിലൂടെ ആഗസ്റ്റ്, സെപ്തംബര്‍ മാസ ങ്ങളിലായി 2,494 നിയമ ലംഘനങ്ങള്‍ പിടിക്ക പ്പെട്ടതായി അബുദാബി പോലീസ്‌.

അമിത വേഗവും ചുവന്ന സിഗ്നല്‍ മറി കടക്കലും നിയമ വിരുദ്ധ മായ പാര്‍ക്കിംഗുകളും ക്യാമറ യില്‍ പതിഞ്ഞിട്ടുണ്ട് എന്നും അബുദാബി പോലീസ് ഗതാഗത വിഭാഗം ഡയറക്ടര്‍ ക്യാപ്റ്റന്‍ അബ്ദുള്ള അല്‍ ഖുബൈസി പറഞ്ഞു. നിയമ വ്യവസ്ഥകള്‍ പാലിച്ച് അപകട ങ്ങളും നിയമ ലംഘന ങ്ങളും കുറയ്ക്കാന്‍ അദ്ദേഹം പൊതു ജനങ്ങളെ ഓര്‍മ്മപ്പെടുത്തി.

- പി. എം. അബ്ദുല്‍ റഹിമാന്‍

വായിക്കുക: , , ,

Comments Off on രണ്ടു മാസത്തിനിടെ 2,494 ഗതാഗത ലംഘന ങ്ങള്‍

ഭക്ഷ്യ വിതരണ ബൈക്കുകള്‍ക്ക് പുതിയ നിബന്ധനകള്‍

November 3rd, 2013

home-delivery-bike-ePathram
അബുദാബി : അപകട ങ്ങള്‍ ഒഴിവാക്കു ന്നതിനും പാകം ചെയ്തു വിതരണ ത്തിനു കൊണ്ടു പോകുന്ന ഭക്ഷ്യ വസ്തുക്കള്‍ കേടു കൂടാതെ ഉപയോക്താ ക്കള്‍ക്ക് എത്തിക്കാനുമായി ഭക്ഷ്യ വസ്തുക്കള്‍ വിതരണം ചെയ്യുന്ന മോട്ടോര്‍ ബൈക്കു കള്‍ക്ക് ഏര്‍പ്പെടുത്തിയ പുതിയ നിബന്ധന കള്‍ പ്രാബല്യ ത്തില്‍ വന്നു.

ഭക്ഷ്യ വസ്തുക്കള്‍ സൂക്ഷിക്കുന്ന തിന് മോട്ടോര്‍ സൈക്കിളു കളില്‍ ഘടിപ്പിക്കുന്ന പെട്ടി യുടെ പുറം ഭാഗം ഫൈബര്‍ ഗ്‌ളാസ് കൊണ്ട് ആവരണം ചെയ്തവ ആയിരിക്കണം. പെട്ടി യുടെ ഉയരം, നീളം, വീതി എന്നിവ 40 സെന്റി മീറ്ററില്‍ കവിയാന്‍ പാടില്ല. വശ ങ്ങളില്‍ മൂര്‍ച്ചയുള്ള ഭാഗ ങ്ങള്‍ ഉണ്ടായിരിക്കരുത്. 20 മീറ്റര്‍ ദൂരെ നിന്നും വ്യക്തമായി കാണാ വുന്ന തരത്തില്‍ ഉള്ളതും ആയിരിക്കണം. പെട്ടി യുടെ നാല് മൂല കളും ചുവപ്പും വെള്ളയും നിറ ത്തില്‍ഉള്ളതും രാത്രി കാലങ്ങളില്‍ റിഫ്‌ളക്റ്റ് ചെയ്യുന്നവയും ആയി രിക്കണം.

ഭക്ഷ്യ വസ്തു ക്കള്‍ക്ക് രുചി ഭേദം ഉണ്ടാക്കുന്നതും രാസ പദാര്‍ത്ഥ ങ്ങള്‍ കൂടിക്കലരാത്തതു മായ പെട്ടി കള്‍ ആയിരിക്കണം എന്ന്‍ അബുദാബി ഫുഡ് കണ്‍ട്രോള്‍ അഥോറിറ്റി കര്‍ശന നിര്‍ദേശം നല്‍കി യിട്ടുണ്ട്.

മോട്ടോര്‍ സൈക്കിളു കളില്‍ ഘടിപ്പി ക്കുന്ന പെട്ടികള്‍ ഭക്ഷണ ങ്ങള്‍ ലക്ഷ്യ സ്ഥാനത്ത് എത്തുന്നതു വരെ തനത് രൂപ ത്തില്‍ സംരക്ഷിക്ക പ്പെടാന്‍ കഴിയും വിധം ഉള്ള തായിരി ക്കണം എന്ന് ഫുഡ് കണ്‍ട്രോള്‍ അഥോറിറ്റി നിര്‍ദ്ദേശം ഇറക്കി. മാത്രമല്ല അമിത വേഗ ത്തില്‍ പോകുന്ന ഇത്തരം ബൈക്കുകള്‍ നിരവധി അപകട ങ്ങള്‍ക്കും കാരണം ആയി ത്തീരാറുണ്ട്.  അപകട കരമായ രീതി യില്‍ ഓടിക്കുന്ന ഇരു ചക്ര വാഹങ്ങള്‍ക്ക് 200 ദിര്‍ഹം പിഴ ചുമത്തുന്നുണ്ട്.

നിലവില്‍ ഇരുമ്പ് ഷീറ്റുകള്‍ കൊണ്ട് നിര്‍മിച്ച പെട്ടി കളിലാണ് ഫാസ്റ്റ് ഫുഡു കള്‍ വിതരണം ചെയ്യുന്നത്. യാതൊരു വിധ നിയന്ത്രണവും നിബന്ധനകളും ഇല്ലാതെ റെസ്റ്റോറന്റ് ഉടമ കളുടെ സൗകര്യ ത്തിന് അനുസരിച്ച് ഭക്ഷ്യ വസ്തുക്കള്‍ വിതരണം ചെയ്യുന്ന സംവിധാനം ആരോഗ്യ ത്തിന് ഹാനികരം ആണെന്ന് കണ്ടെത്തിയതു കൊണ്ടാണ് പുതിയ നിബന്ധന കള്‍ നടപ്പാക്കാന്‍ അധികൃതര്‍ തീരുമാനിച്ചത്. പുതിയ നിയമം ലംഘിക്കുന്ന വരെ പിടി കൂടി പിഴ ഈടാക്കുകയും ചെയ്യും.

- പി. എം. അബ്ദുല്‍ റഹിമാന്‍

വായിക്കുക: , ,

Comments Off on ഭക്ഷ്യ വിതരണ ബൈക്കുകള്‍ക്ക് പുതിയ നിബന്ധനകള്‍

മവാഖിഫ് പുതിയ ഓഫീസ് ഇലക്ട്രാ സ്ട്രീറ്റില്‍

November 2nd, 2013

അബുദാബി : ശൈഖ് സായിദ് ഒന്നാം സ്ട്രീറ്റി ലെ (ഇലക്ട്രയില്‍) ഇന്‍റര്‍സെക്ഷനില്‍ അബു ദാബി ട്രാന്‍സ്‌പോര്‍ട്ട് വകുപ്പ് പുതിയ കസ്റ്റമര്‍ സര്‍വീസ് സെന്‍റര്‍ തുറന്നു. രാവിലെ 8 മുതല്‍ രാത്രി 8 വരെ ഓഫീസ് പ്രവര്‍ത്തിക്കും.

ഈ ഭാഗത്തെ താമസക്കാര്‍ക്ക് കാര്‍ പാര്‍ക്കിംഗ് പെര്‍മിറ്റിനു വേണ്ടി ഇവിടെ അപേക്ഷ നല്‍കാ നാവും. ഇവിടെ നിന്നും ലഭ്യമാകുന്ന പെര്‍മിറ്റ് ഉപയോഗിച്ച് ഈ പ്രദേശത്തെ ഏത് പാര്‍ക്കിംഗ് ഏരിയ യിലും വാഹന ങ്ങള്‍ പാര്‍ക്കു ചെയ്യാം.

പുതിയ പെര്‍മിറ്റ് ലഭിക്കാന്‍ നാഷണല്‍ ഐഡി യുടെ കോപ്പികള്‍, റസിഡന്‍സി വിസ യുള്ള പാസ്‌പോര്‍ട്ട്, താമസ സ്ഥലത്തിന്റെ ലീസ് കോണ്‍ട്രാക്ട്, വാഹന ത്തിന്റെ ഉടമസ്ഥ രേഖ എന്നിവ ഹാജരാക്കണം.

ഒരു വ്യക്തിയുടെ ആദ്യത്തെ വാഹന ത്തിന് ഒരു വര്‍ഷ ത്തേക്ക് 800 ദിര്‍ഹവും രണ്ടാമത്തെ വാഹന ത്തിന് 1200 ദിര്‍ഹ വുമാണ് ഫീസ് അടക്കേണ്ടി വരിക.

- പി. എം. അബ്ദുല്‍ റഹിമാന്‍

വായിക്കുക: , ,

Comments Off on മവാഖിഫ് പുതിയ ഓഫീസ് ഇലക്ട്രാ സ്ട്രീറ്റില്‍

അബുദാബി യില്‍ ഇലക്ട്രിക് ബസ്സ്‌ സര്‍വീസ് ആരംഭിച്ചു

September 26th, 2013

electric-bus-in-abudhabi-ePathram
അബുദാബി : തലസ്ഥാന നഗരിയില്‍ ഇലക്ട്രിക് ബസ്സ്‌ സര്‍വീസ് ആരംഭിച്ചു. വൈദ്യുതിയാല്‍ ബാറ്ററി ചാര്‍ജ്ജ്‌ ചെയ്തു പ്രവര്‍ത്തി ക്കുന്ന പരിസ്ഥിതി സൗഹൃദ വൈദ്യുതി ബസ്സിന്‍െറ പരീക്ഷണ ഓട്ടമാണ് ആരംഭിച്ചത്.

പരിസ്ഥിതി മലീനീകരണവും ശബ്ദ മലിനീകരണവും കുറക്കുകയും ചെയ്യുക എന്ന ലക്ഷ്യത്തോടെ യാണ് ഗതാഗത വകുപ്പ് ഇലക്ട്രിക്ക് ബസ്സുകള്‍ നിരത്തില്‍ ഇറക്കിയത്. നിലവിലെ നിരക്ക് തന്നെയാണ് ഇലക്ട്രിക് ബസ്സിലും കൊടുക്കേണ്ടി വരിക.

ആറ് മാസം നീളുന്ന പരീക്ഷണ ഓട്ടത്തിനിടെ യാത്രക്കാരില്‍ നിന്ന് അഭിപ്രായവും സ്വീകരിക്കും. പരീക്ഷണം വിജയിക്കുക യാണെങ്കില്‍ നിലവിലെ ഡീസല്‍ ബസ്സുകള്‍ മുഴുവന്‍ പിന്‍വലിച്ച് ഇലക്ട്രിക് ബസ്സുകള്‍ നിരത്തിലിറക്കും.

നാലു മണിക്കൂര്‍ കൊണ്ട് ബാറ്ററി പൂര്‍ണമായും ചാര്‍ജ് ചെയ്താല്‍ 200 കിലോമീറ്റര്‍ വരെ സര്‍വീസ് നടത്താന്‍ സാധിക്കും. മൂന്ന് മണിക്കൂര്‍ കൊണ്ട് 80 ശതമാനവും ചാര്‍ജ് ചെയ്യാന്‍ സാധിക്കും. ഇലക്ട്രിക് ബസ്സുകള്‍ സര്‍വീസ് നടത്തുന്നതിന് നാല് ജീവന ക്കാര്‍ക്ക് പ്രത്യേക പരിശീലനവും ലഭിച്ചിട്ടുണ്ട്.

- പി. എം. അബ്ദുല്‍ റഹിമാന്‍

വായിക്കുക: ,

Comments Off on അബുദാബി യില്‍ ഇലക്ട്രിക് ബസ്സ്‌ സര്‍വീസ് ആരംഭിച്ചു

Page 42 of 42« First...102030...3839404142

« Previous Page « തുമ്പപ്പൂ പെയ്യണ പൂ നിലാവ് ഷാര്‍ജയില്‍
Next » സി. എച്ചിന്റെ കാര്‍ട്ടൂണുകളുടെ പ്രദര്‍ശനം അബുദാബിയില്‍ »



മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha