ഒരു പ്രണയിതാവിന്റെ കവിതകള്‍ പ്രകാശനം ചെയ്തു

September 18th, 2013

oru-pranayithavinte-kavithakal-book-release-ePathram
ദുബായ് : യുവ എഴുത്തുകാരന്‍ സഹര്‍ അഹമദിന്റെ ആദ്യ കവിത സമാഹാരം ഒരു “പ്രണയിതാവിന്റെ കവിതകള്‍” പ്രകാശനം ചെയ്തു. പ്രണയ ത്തിന്റെ മാധുര്യവും പ്രണയ നീരസത്തിന്റെ വേദനയും മനോഹരമായി അടയാള പ്പെടുത്തുന്ന ചെറു കവിത കളുടെ സമാഹാരമാണ് ഒരു പ്രണയിതാവിന്റെ കവിതകള്‍.

സമദ് മേലടി യുടെ അദ്ധ്യക്ഷതയില്‍ നടന്ന ചടങ്ങില്‍ അനൂപ് കീച്ചേരിയില്‍ നിന്നും എ. കെ. ഫൈസല്‍ ആദ്യ കോപ്പി ഏറ്റു വാങ്ങി. അഹമ്മദ് പുസ്തകത്തെ പരിചയ പ്പെടുത്തി. നാരായണന്‍ വെളിയങ്കോട്, ബഷീര്‍ തിക്കോടി, ബഷീര്‍ മാറഞ്ചേരി, നാസര്‍ പരദേശി, അബ്ദുള്ള കുട്ടി ചേറ്റുവ, അഷ്‌റഫ്‌ പള്ളിക്കര, ആന്റണി വിന്‍സെന്റ്, അഡ്വ. ഷബീല്‍ ഉമ്മര്‍, രാജന്‍ കൊളാവിപ്പാലം തുടങ്ങീ സാമൂഹ്യ സാംസ്കാരിക മാധ്യമ രംഗത്തെ പ്രമുഖര്‍ സംബന്ധിച്ചു.

സുബൈര്‍ വെള്ളിയോട് സ്വാഗതവും സഹര്‍ അഹമ്മദ് നന്ദിയും പറഞ്ഞു

- കറസ്പോണ്ടന്റ്

വായിക്കുക: , ,

Comments Off on ഒരു പ്രണയിതാവിന്റെ കവിതകള്‍ പ്രകാശനം ചെയ്തു

മുഹമ്മദ് റഫി അനുസ്മരണം : ‘ഫിര്‍ റഫി’ യുടെ ബ്രോഷര്‍ പ്രകാശനം ചെയ്തു

September 1st, 2013

singer-muhammed-rafi-the legend-ePathram
ദുബായ് : അനശ്വര ഗായകന്‍ മുഹമ്മദ് റഫി യുടെ 33ആം ചരമ വാര്‍ഷി കത്തോട് അനുബന്ധിച്ച് ദുബായ് ഈവന്‍ൈറഡ്‌സ് ഒരുക്കുന്ന റാഫി ഗാന സന്ധ്യയായ ‘ഫിര്‍ റഫി’ യുടെ ബ്രോഷര്‍, പ്രമുഖ വ്യവസായി ബഷീര്‍ പടിയത്ത് ആര്‍ക്കിടെക്ട് എം. എ. നസീര്‍ഖാന് നല്‍കി പ്രകാശനം ചെയ്തു. മുഹമ്മദ് റഫി ഫൗണ്ടേഷന്‍ പ്രസിഡന്‍റ് നാസര്‍ പരദേശി, യാസിര്‍ ഹമീദ്, ഷഫീര്‍ മുട്ടിന്റെ വളപ്പില്‍ തുടങ്ങിയവര്‍ സംബന്ധിച്ചു.

സെപ്റ്റംബര്‍ 12 വ്യാഴാഴ്ച ദുബായ് മൂഹൈസിന യിലെ ഇന്ത്യന്‍ അക്കാദമി സ്‌കൂളിലാണ് ‘ഫിര്‍ റഫി’ ഗാനസന്ധ്യ അവതരിപ്പിക്കുക. കൊച്ചിന്‍ ആസാദ്, സുമി അരവിന്ദ് എന്നിവര്‍ നയിക്കുന്ന സംഗീത പരിപാടി ക്കു മുഹമ്മദ് റഫി ഫൗണ്ടേഷന്‍ നേതൃത്വം നല്‍കും.

മുഹമ്മദ് റഫിയുടെ ഗാന ങ്ങളുടെ പഴയ കാല റെക്കോഡു കളുടെയും കാസറ്റു കളുടെയും പ്രദര്‍ശനവും ഉണ്ടാകും. റഫി യുടെ ഗാന ങ്ങളെക്കുറിച്ച് ഗവേഷണം നടത്തുന്ന പരത്തോട്ടത്തില്‍ അബ്ദുള്‍ സലാമിനെ ചടങ്ങില്‍ ആദരിക്കും.

വിവരങ്ങള്‍ക്ക് : 055 260 61 67.

- കറസ്പോണ്ടന്റ്

വായിക്കുക: , ,

Comments Off on മുഹമ്മദ് റഫി അനുസ്മരണം : ‘ഫിര്‍ റഫി’ യുടെ ബ്രോഷര്‍ പ്രകാശനം ചെയ്തു

ടെലി സിനിമ ‘ഇത് ഞങ്ങളുടെ മേല്‍വിലാസം’ പ്രകാശനം ചെയ്തു

August 31st, 2013

dvd-release-melvilasangal-tele-cinema-ePathram
ദുബായ് : കലാ രംഗത്ത് വിവിധ മേഖല കളില്‍ പ്രവര്‍ത്തി ക്കുന്നവ രുടെ ഒരു കൂട്ടായ്മ യായ സില്‍വര്‍ ഗ്ലോബ് ക്രിയേഷന്‍സിന്റെ ബാനറില്‍ ഷീല സാമുവല്‍ നിര്‍മിച്ച ‘ഇത് ഞങ്ങളുടെ മേല്‍വിലാസം’ എന്ന ടെലി സിനിമ യുടെ ഡി. വി. ഡി. പ്രകാശനം, സാഹിത്യകാരന്‍ ശിഹാബുദ്ദീന്‍ പൊയ്ത്തുംകടവ് സാമൂഹിക പ്രവര്‍ത്തകനായ പ്രേമചന്ദ്രന്‍ പടവൂരിന് നല്‍കി നിര്‍വഹിച്ചു.

ശുഭ നമ്പ്യാര്‍, പോള്‍ ടി. ജോസഫ്, ഷാജഹാന്‍ തറവാട്ടില്‍, തമോഗ്‌ന അമി ചക്രവര്‍ത്തി , ഷീല പോള്‍, നാസര്‍ പരദേശി, സമദ് മേലടി, രാജന്‍ കൊളാവിപാലം, എസ്. പി. മഹമൂദ് എന്നിവര്‍ സംബന്ധിച്ചു.

poster-melvilasangal-pma-rahiman-ePathram

മംഗലാപുരം വിമാന ദുരന്ത ത്തിന്റെ പശ്ചാത്തല ത്തിലാണ് പ്രണയവും വിരഹവും വേദനയും ഒത്തു ചേരുന്ന ഈ ചിത്ര ത്തിന്റെ കഥ പറ യുന്നത്.

ദൈവം കനിഞ്ഞു നല്‍കിയ സൗഭാഗ്യങ്ങള്‍ മറ്റുള്ളവര്‍ക്ക് വേണ്ടി മാറ്റി വെച്ച്, ജന്മ നാടും വീടും വിട്ട് മരുഭൂമി യിലേക്ക് പലായനം ചെയ്ത നാല് ചെറുപ്പക്കാര്‍. ആത്മ മിത്ര ങ്ങളായ അവരുടെ ജീവിത കഥ പറയുക യാണ് ‘ഇത് ഞങ്ങളുടെ മേല്‍വിലാസം’ എന്ന ടെലി സിനിമ യിലൂടെ തിരക്കഥാകൃത്ത് സുബൈര്‍ വെള്ളിയോട്.

cover-melvilasangal-home-cinema-ePathram

പ്രമുഖ മിമിക്രി ആര്‍ട്ടിസ്റ്റും നടനുമായ അബി, ചലച്ചിത്ര നടന്‍ സാലു കൂറ്റനാട് എന്നിവരോടൊപ്പം പ്രവാസ ലോകത്തെ മികച്ച അഭിനേതാക്കളായ അഷ്‌റഫ് പെരിഞ്ഞനം, അന്‍സാര്‍ മാഹി, ജയ്സണ്‍ ജോസ്, ജാന്‍സി ജോഷി, ഷീല സാമുവല്‍, ഷാജി തൃശ്ശൂര്‍, എബിസണ്‍ തെക്കേടം, പി. എം. അബ്ദുല്‍ റഹിമാന്‍, ഒയാസിസ്‌ ഷാജഹാന്‍, നര്‍ത്തകികള്‍ കൂടിയായ നിവിയ നിസാര്‍, ജോനിറ്റ ജോസഫ്, പ്രീതി എന്നിവര്‍ പ്രധാന വേഷങ്ങള്‍ കൈകാര്യം ചെയ്യുന്നു.

കൂടാതെ മുഹാദ്‌ ചാവക്കാട്‌, ലതീഫ്‌ പടന്ന, ഷഫീഖ്‌, മൂസ്സ കോഴിക്കോട്, സൈനുല്‍ ആബ്ദീന്‍, കബീര്‍ പറക്കുളം, ഷഫീഖ്‌ പറക്കുളം തുടങ്ങീ ഇരുപതോളം കലാകാരന്മാര്‍ ഈ ചിത്രത്തില്‍ വിവിധ വേഷ ങ്ങളില്‍ പ്രത്യക്ഷപ്പെടുന്നു.

കേരളത്തിലും യു. എ. ഇ. യിലുമായി ചിത്രീകരിച്ച ഒരു മണിക്കൂര്‍ ദൈര്‍ഘ്യമുള്ള ഈ ടെലി സിനിമ യുടെ പിന്നണി യില്‍ പ്രഗല്‍ഭരായ നിരവധി കലാകാരന്മാരും സാങ്കേതിക വിദഗ്ദരും അണിയറ പ്രവര്‍ത്തകര്‍ ആയിട്ടുണ്ട്.

അസീസ് തലശ്ശേരിയും സുബൈര്‍ പറക്കുളവും ആണ് ‘ഇത് ഞങ്ങളുടെ മേല്‍വിലാസം’ സംവിധാനം ചെയ്തിരിക്കുന്നത്.

- കറസ്പോണ്ടന്റ്

വായിക്കുക: , , , ,

Comments Off on ടെലി സിനിമ ‘ഇത് ഞങ്ങളുടെ മേല്‍വിലാസം’ പ്രകാശനം ചെയ്തു

യുവകലാസന്ധ്യ 2013 : ഭൂമിയുടെ അവകാശികള്‍ രംഗ വേദിയില്‍

August 28th, 2013

yuvakalasahithy-epathram
ദുബായ് : യുവ കലാ സാഹിതി ദുബായ് ചാപ്റ്റര്‍ ഒരുക്കുന്ന ‘യുവ കലാ സന്ധ്യ 2013’ സെപ്റ്റംബര്‍ ആറിന് വൈകിട്ട് അഞ്ചു മണിക്കു അല്‍ ഖിസൈസ് മില്ലേനിയം സ്‌കൂള്‍ ഹാളില്‍ നടക്കും.

dubai-yuva-kala-sandhya-2013-ePathram

ഓണം – ഈദ് ആഘോഷ ങ്ങളോട് അനുബന്ധിച്ച് സംഘടി പ്പിക്കുന്ന പരിപാടി യില്‍ പിന്നണി ഗായകരായ ജി. വേണുഗോപാല്‍, അശ്വതി കുറുപ്പ്, ലേഖ തുടങ്ങിയവര്‍ നയിക്കുന്ന ഗാനമേള, വോഡ ഫോണ്‍ കോമഡി സ്റ്റാര്‍ ഉല്ലാസും സംഘവും അവതരി പ്പിക്കുന്ന കോമഡി ഷോ, യുവ കലാ സാഹിതി ദുബായ് അവതരി പ്പിക്കുന്ന ‘ഭൂമിയുടെ അവകാശികള്‍ ‘ എന്ന നാടകവും അരങ്ങിലെത്തും.

വിവരങ്ങള്‍ക്ക് : 050 140 13 39

- കറസ്പോണ്ടന്റ്

വായിക്കുക: , , ,

Comments Off on യുവകലാസന്ധ്യ 2013 : ഭൂമിയുടെ അവകാശികള്‍ രംഗ വേദിയില്‍

പുകവലിക്ക് യു. എ. ഇ. യില്‍ കര്‍ശന നിയന്ത്രണം ഏര്‍പ്പെടുത്തും

August 21st, 2013

uae-no-smoking-zone-ePathram
ദുബായ് : യു. എ. ഇ. യില്‍ പുകവലിക്ക് എതിരെ യുള്ള നിയമം കര്‍ശന മാക്കുന്നു. പുകയില പരസ്യങ്ങളും വാഹന ങ്ങളില്‍ അടക്കം പുകവലി നിരോധിക്കുകയും ചെയ്യും. നിയമം ആറു മാസ ത്തിനുള്ളില്‍ പ്രാബല്യത്തില്‍ വരും. യു. എ. ഇ. വൈസ് പ്രസിഡന്റും പ്രധാന മന്ത്രിയും ദുബായ് ഭരണാധി കാരിയുമായ ശൈഖ് മുഹമ്മദ് ബിന്‍ റാഷിദ് അല്‍ മക്തൂമിന്റെ നിര്‍ദേശ പ്രകാര മാണു രാജ്യത്തു പുകയില വിരുദ്ധ നിയമം നടപ്പാക്കുന്നത്.

വാഹന ങ്ങളില്‍ യാത്ര ചെയ്യുന്നവരില്‍ പന്ത്രണ്ടു വയസ്സില്‍ താഴെയുള്ള കുട്ടികള്‍ ഉണ്ടെങ്കില്‍ പുകവലി നിരോധിക്കാനാണു സര്‍ക്കാര്‍ ആലോചി ക്കുന്നത്. കുട്ടികളില്‍ പുകവലിക്കാനുള്ള പ്രവണത ഇല്ലാതാക്കാനും ഇതു സഹായിക്കും. പുകയില ഉല്‍പന്ന ങ്ങളുടെ എല്ലാ പരസ്യങ്ങളും നിരോധിക്കും.

ആരാധനാലയ ങ്ങള്‍, വിദ്യാലയങ്ങള്‍ എന്നിവിട ങ്ങളില്‍ നിന്നും 100 മീറ്റര്‍ അകലെ മാത്രമേ പുകയില വില്‍ക്കാന്‍ അനുവദിക്കൂ. നിയമ ലംഘകര്‍ക്ക് ഒരുലക്ഷം മുതല്‍ പത്തു ലക്ഷം ദിര്‍ഹം വരെ പിഴ ചുമത്തും.

- കറസ്പോണ്ടന്റ്

വായിക്കുക: , , , ,

Comments Off on പുകവലിക്ക് യു. എ. ഇ. യില്‍ കര്‍ശന നിയന്ത്രണം ഏര്‍പ്പെടുത്തും

Page 41 of 45« First...102030...3940414243...Last »

« Previous Page« Previous « ഉമ്മന്‍ ചാണ്ടിയും തിരുവഞ്ചൂരും പി.ടി.തോമസും നികൃഷ്ടജീവികള്‍: എം.എം.മണി
Next »Next Page » നിവേദക സംഘം ഡല്‍ഹിക്ക് »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...
മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha