സാമ്പത്തികം « e പത്രം

ബസ്സ് യാത്രാ നിരക്ക് : മിനിമം ചാർജ്ജ് 50% വർദ്ധിപ്പിക്കും

May 19th, 2020

bus_epathram
തിരുവനന്തപുരം : കൊറോണ വൈറസ് വ്യാപന സാദ്ധ്യത മുന്‍ നിറുത്തി യാത്ര കളിലും സാമൂഹിക അകലം പാലിക്കണം എന്നുള്ള നിബന്ധന നില നിൽക്കുന്ന ഘട്ട ത്തിൽ സ്റ്റേജ് ഗ്യാരേജു കളുടെ (റൂട്ട് ബസ്സ്) വാഹന നികുതി പൂർണ്ണമായും ഒഴിവാക്കും എന്ന് മുഖ്യമന്ത്രി പിണറായി വിജയൻ.

ആ കാലയളവിലേക്ക് മിനിമം ചാർജ്ജ് 50 ശതമാനം വർദ്ധിപ്പിക്കും. കിലോ മീറ്ററിന് 70 പൈസ എന്നത് 1.10 പൈസ ആയി വര്‍ദ്ധിക്കും. ബോട്ട് യാത്രാ നിരക്ക് 33 ശതമാനം വരെ വർദ്ധിപ്പിക്കും. യാത്രാ ഇളവു കൾക്ക് അർഹത യുള്ളവർ പരിഷ്‌കരിച്ച ചാർജ്ജിന്റെ പകുതി നൽകിയാൽ മതി. എന്നും മുഖ്യമന്ത്രി അറിയിച്ചു.

നിലവില്‍ ബസ്സില്‍ യാത്ര ചെയ്യുമ്പോള്‍ പകുതി സീറ്റു കളില്‍ മാത്രമേ ആളു കള്‍ക്ക് യാത്ര ചെയ്യാന്‍ ആനുവാദമുള്ളൂ.

(പി. എൻ. എക്സ്. 1829/2020)

മിനിമം നിരക്ക് എട്ടു രൂപ

- pma

വായിക്കുക: bus, ഗതാഗതം, സാമൂഹികം, സാമ്പത്തികം

Comments Off

നാലാം ഘട്ട ലോക്ക് ഡൗൺ : സംസ്ഥാനങ്ങൾക്ക് കൂടുതൽ അധികാരം

May 18th, 2020

covid-19-india-lock-down-for-21-days-ePathram
ന്യൂഡല്‍ഹി : കൊവിഡ്-19 വൈറസ് വ്യാപനം തടയു ന്നതി നായി രാജ്യത്ത് നിലനില്‍ക്കുന്ന ലോക്ക് ഡൗൺ കാലാവധി മെയ് 31 വരെ നീട്ടി.

സമ്പൂര്‍ണ്ണ അടച്ചു പൂട്ടല്‍ നാലാം ഘട്ടത്തിലേക്ക് കടക്കുമ്പോള്‍ കൂടുതല്‍ ഇളവുകള്‍ പ്രഖ്യാപിച്ചിട്ടുണ്ട്. സോണുകൾ സംബന്ധിച്ച തീരുമാനങ്ങള്‍ എടുക്കാന്‍ സംസ്ഥാന ങ്ങൾക്ക് അധികാരം നൽകിയിട്ടുണ്ട്.

ബസ്സുകള്‍ അടക്കമുള്ള യാത്രാ വാഹന ങ്ങളുടെ സഞ്ചാരം സംസ്ഥാന ത്തിന് തീരുമാനിക്കാം. കേന്ദ്ര ഭരണ പ്രദേശ ങ്ങളു ടെയും സംസ്ഥാന ങ്ങളു ടെയും പരസ്പര സമ്മത ത്തോടെ ബസ്സ് സർവ്വീസുകൾ ഉൾപ്പെടെ അന്തർ സംസ്ഥാന യാത്ര അനുവദിച്ചിട്ടുണ്ട്. എന്നാല്‍ എല്ലാ ആഭ്യന്തര – അന്താ രാഷ്ട്ര യാത്രാ വിമാന സർവ്വീസുകൾ, മെട്രോ ഗതാഗതം എന്നിവ വിലക്കിയിട്ടുണ്ട്.

കണ്ടെയ്ൻമെന്റ് സോണു കളിൽ ഒരു തര ത്തിലും ഉള്ള യാത്രയും അനുവദിക്കില്ല. ഇവിടങ്ങളില്‍ നിന്നും ആരെയും പുറത്ത് ഇറങ്ങാന്‍ അനുവാദം ഇല്ല. പുറത്തു നിന്നും വാഹനമോ ആള്‍ പ്രവേശനമോ പാടില്ല.

ഡോക്ടർമാർ, നഴ്സുമാർ, പാരാ മെഡിക്കൽ സ്റ്റാഫു കൾ, മറ്റ് ആരോഗ്യ പ്രവർത്തകർ, ശുചീകരണ തൊഴിലാളി കൾ, ആംബുലൻസു കൾ എന്നിവക്ക് യാത്രാ അനുമതി നല്‍കിയിട്ടുണ്ട്.സ്കൂളുകള്‍, കോളേജുകള്‍, ട്രെയിനിംഗ് – കോച്ചിംഗ് സെന്ററു കള്‍ തുടങ്ങിയ വിദ്യാഭ്യാസ സ്ഥാപനങ്ങള്‍ മെയ് 31 വരെ അടച്ചിടും. എന്നാല്‍ ഓൺ ലൈൻ – വിദൂര വിദ്യാഭ്യാസം എന്നിവ തുടരും.

- pma

വായിക്കുക: corona-virus, covid-19, lock-down, രാജ്യരക്ഷ, സാങ്കേതികം, സാമ്പത്തികം

Comments Off

ഒരു രാജ്യം ഒരൊറ്റ റേഷന്‍ – ഒരു രാജ്യം ഒരു കൂലി : പുതിയ പദ്ധതി കളുമായി കേന്ദ്ര സര്‍ക്കാര്‍

May 15th, 2020

indian-defence-minister-nirmala-sitaraman-ePathram
ന്യൂഡല്‍ഹി : ഒറ്റ കൂലി സംവിധാനം രാജ്യത്ത് നടപ്പിലാക്കും എന്ന് ധനകാര്യ വകുപ്പു മന്ത്രി നിര്‍മ്മല സീതാരാമന്‍. ആത്മ നിര്‍ഭര്‍ ഭാരത് പദ്ധതി പ്രകാരം ദരിദ്ര വിഭാഗങ്ങള്‍ക്കായി ഒമ്പത് പദ്ധതികള്‍ നടപ്പാക്കും.

ഇതിന്റെ ഭാഗമായുള്ള ‘വണ്‍ നേഷന്‍ വണ്‍ റേഷന്‍’ പദ്ധതി യിലൂടെ റേഷന്‍ കാര്‍ഡുള്ള കുടിയേറ്റ തൊഴി ലാളികള്‍ക്ക് രാജ്യത്തെ ഏത് റേഷന്‍ കടയില്‍ നിന്നും റേഷന്‍ സാധനങ്ങള്‍ വാങ്ങുവാന്‍ കഴിയും.

ഇതിനായുള്ള നാഷണല്‍ പോര്‍ട്ടബിലിറ്റി സംവിധാനം ആഗസ്റ്റ് മാസത്തിനുള്ളില്‍ നടപ്പിലാക്കും. 20 സംസ്ഥാന ങ്ങളിലായി 67 കോടി ആളു കള്‍ക്ക് ഇതിന്റെ ഗുണം ലഭിക്കും. രാജ്യത്തെ 83 ശതമാനം പൊതു വിതരണ കേന്ദ്രങ്ങളും പദ്ധതിയില്‍ ഉള്‍പ്പെടും. ബാക്കി കേന്ദ്ര ങ്ങളിലേക്ക് 2021 മാര്‍ച്ച് മാസത്തോടെ പദ്ധതി വ്യാപിപ്പിക്കും.

ദേശീയ ഭക്ഷ്യ സുരക്ഷാ പദ്ധതി യില്‍ ഉള്‍പ്പെടാത്ത വരും താമസിക്കുന്ന സംസ്ഥാനങ്ങളില്‍ റേഷന്‍ കാര്‍ഡ് ഇല്ലാത്തവരുമായ എല്ലാ തൊഴി ലാളി കുടുംബ ങ്ങള്‍ക്കും അഞ്ച് കിലോ ധാന്യവും ഒരു കിലോ പയര്‍ വര്‍ഗ്ഗ ങ്ങളും രണ്ട് മാസത്തേക്ക് നല്‍കും.

കേന്ദ്ര സര്‍ക്കാര്‍ ഇതിന്റെ ചെലവ് വഹിക്കും. പദ്ധതി യുടെ നടത്തിപ്പ് ചുമതല സംസ്ഥാന ങ്ങള്‍ക്ക് ആയിരിക്കും.

- pma

വായിക്കുക: ആരോഗ്യം, ഇന്ത്യ, നിയമം, മനുഷ്യാവകാശം, സാമൂഹികം, സാമൂഹികം സാമൂഹ്യ, സാമ്പത്തികം

Comments Off

ലോക്ക് ഡൗണ്‍ നാലാം ഘട്ടത്തിലേക്ക് : പ്രതിസന്ധി നേരിടാന്‍ സാമ്പത്തിക പാക്കേജ്‌

May 13th, 2020

modi-epathram

ന്യൂഡൽഹി : രാജ്യത്ത് ലോക്ക് ഡൗണ്‍ നാലാം ഘട്ടം പുതിയ രൂപ ത്തില്‍ പ്രാവ ര്‍ത്തിക മാക്കും എന്ന് പ്രധാന മന്ത്രി. സംസ്ഥാന ങ്ങളില്‍ നിന്ന് ലഭിച്ച നിര്‍ദ്ദേശ ങ്ങളെ അടിസ്ഥാന പ്പെടുത്തി യാവും പുതിയ മാനദണ്ഡ ങ്ങളോടെ മേയ് 18 മുതല്‍ നാലാം ഘട്ട ലോക്ക് ഡൗണ്‍ നടപ്പാക്കുക. അതിനു മുമ്പായി വിശദാംശങ്ങള്‍ അറിയിക്കും എന്നും പ്രധാന മന്ത്രി പറഞ്ഞു.

സാമ്പത്തിക പ്രതിസന്ധി നേരിടാന്‍ ‘ആത്മ നിർഭർ ഭാരത് അഭിയാൻ’ എന്ന പുതിയ പദ്ധതി പ്രഖ്യാപിച്ചു. ഭൂമി, തൊഴിൽ, കൃഷി എന്നിവയെ പരിപോ ഷിപ്പി ക്കുവാന്‍ 20 ലക്ഷം കോടി രൂപ യുടെ സാമ്പത്തിക പാക്കേജ് ആണിത്. രാജ്യത്തിന്റെ മൊത്തം ആഭ്യന്തര ഉത്പാദന ത്തിന്റെ (ജി. ഡി. പി.) പത്ത് ശതമാനം വരുന്ന പാക്കേജ് ആണ് ‘ആത്മ നിര്‍ഭര്‍ ഭാരത് അഭിയാന്‍’ പദ്ധതി.

Addressing the nation. https://t.co/Hingkddia3

— Narendra Modi (@narendramodi) May 12, 2020

നിലവിലെ മൂന്നാം ഘട്ട ലോക്ക് ഡൗണ്‍ ഈ മാസം 17 ന് അവസാനി ക്കുവാന്‍ ഇരിക്കെ മുഖ്യമന്ത്രി മാരു മായി കഴിഞ്ഞ ദിവസം പ്രധാന മന്ത്രി നടത്തിയ വീഡിയോ കോണ്‍ ഫറന്‍ സില്‍ ലോക്ക് ഡൗണ്‍ നീട്ടുന്നത് സംബന്ധിച്ച് ചര്‍ച്ച ചെയ്തിരുന്നു.

ലോക്ക് ഡൗണ്‍ കാലത്തെ നിയന്ത്രണ ങ്ങള്‍ ലഘൂകരി ക്കണം എന്നാണ് മിക്ക സംസ്ഥാന ങ്ങളും ആവശ്യപ്പെട്ടത്. എന്നാല്‍ ലോക്ക് ഡൗണ്‍ കാലാവധി നീട്ടണം എന്ന് ആറ് സംസ്ഥാന ങ്ങള്‍ ആവശ്യപ്പെട്ടു.

രാജ്യത്ത് കൊവിഡ്-19 വൈറസ് വ്യാപി ക്കുന്ന സാഹ ചര്യത്തിൽ മാര്‍ച്ച് 25 മുതൽ 21 ദിവസ മാണ് ആദ്യമായി സമ്പൂർണ്ണ ലോക്ക് ഡൗണ്‍ പ്രഖ്യാപിച്ചത്.

വാഹന – വ്യോമ ഗതാഗതം നിറുത്തി വെച്ചത് അടക്കം കര്‍ശ്ശന നിബന്ധനക ളോടെ രാജ്യ വ്യാപക മായി അടച്ചു പൂട്ടല്‍ തുടര്‍ന്നിട്ടും വൈറസ് വ്യാപന ത്തിന്റെ തോത് കുറയാത്ത പശ്ചാത്തല ത്തില്‍ ഭൂരി പക്ഷം സംസ്ഥാന ങ്ങളും ലോക്ക് ഡൗൺ നീട്ടണം എന്ന് കേന്ദ്ര ത്തോട് ആവശ്യ പ്പെട്ട തിന്റെ അടിസ്ഥാന ത്തില്‍ രണ്ടാം ഘട്ട മായി ലോക്ക് ഡൗണ്‍ മെയ് മൂന്നു വരെ നീട്ടി.

സ്ഥിതിഗതികള്‍ നിയന്ത്രണം ഇല്ലാതെ വന്നതോടെ ലോക്ക് ഡൗൺ ഇനിയും നീട്ടണം എന്ന ആവശ്യവു മായി ആറു സംസ്ഥാ നങ്ങള്‍ രംഗത്തു വന്നതോടെ മൂന്നാം ഘട്ട ലോക്ക് ഡൗണ്‍ പ്രഖ്യാപിക്കുക യായിരുന്നു.

ഹോട്ട് സ്പോട്ടുകളില്‍ ലോക്ക് ഡൗണ്‍ തുടരുക : പ്രധാനമന്ത്രി

- pma

വായിക്കുക: corona-virus, covid-19, lock-down, ആരോഗ്യം, തൊഴിലാളി, നിയമം, പ്രവാസി, മനുഷ്യാവകാശം, വിമാനം, വ്യവസായം, സാങ്കേതികം, സാമൂഹികം, സാമ്പത്തികം

Comments Off

എ. ടി. എം. ഇടപാടു കള്‍ സൗജന്യം : സൈബര്‍ തട്ടിപ്പു കാര്‍ക്ക് എതിരെ ജാഗ്രതാ നിര്‍ദ്ദേശം

April 16th, 2020

മുംബൈ : സ്റ്റേറ്റ് ബാങ്ക് ഓഫ് ഇന്ത്യയുടെ എ. ടി. എം. ഇട പാടു കള്‍ 2020 ജൂണ്‍ 30 വരെ സൗജന്യം ആയിരിക്കും ബാങ്ക് അധികൃതര്‍. സേവിംഗ്സ് ബാങ്ക് എക്കൗണ്ടു കാര്‍ക്ക് സൗജന്യ മായി എട്ട് എ. ടി. എം. ഇടപാടു കളാണ് അനുവദിച്ചിരുന്നത്.

അതിനു മുകളി ലുള്ള ഓരോ എ. ടി. എം. ഇടപാടിനും 20 രൂപ യും ജി. എസ്. ടി. യും ഈടാക്കിയിരുന്നു.

Good news for all ATM card holders!
SBI has decided to waive the ATM Service Charges levied on account of exceeding the number of free transactions, until 30th June.#SBI #Announcement #ATM #Transactions pic.twitter.com/d34sEy4Hik

— State Bank of India (@TheOfficialSBI) April 15, 2020

എ. ടി. എം. നിരക്കുകള്‍ താല്‍ക്കാലികമായി നിര്‍ത്ത ലാക്കണം എന്നുള്ള ധനകാര്യ വകുപ്പു മന്ത്രി നിര്‍മ്മല സീതാരാമന്റെ നിര്‍ദ്ദേശത്തെ തുടര്‍ ന്നാണ് എസ്. ബി. ഐ. യുടെ ഈ നടപടി. എക്കൗണ്ടിലെ മിനിമം ബാലന്‍സ് നിബന്ധന യും എസ്. എസ്ം. എസ്. ചാര്‍ജ്ജും കഴിഞ്ഞ മാസം മുതല്‍ ബാങ്ക് ഒഴിവാക്കിയിരുന്നു.

എസ്. ബി. ഐ. നെറ്റ് ബാങ്കിംഗ് പേജിന്റെ വ്യാജ പ്രൊഫൈല്‍ ഉണ്ടാക്കി എക്കൗണ്ട് ഉടമ കളുടെ വിവര ങ്ങള്‍ ചോര്‍ത്താനുള്ള ശ്രമങ്ങള്‍ നടക്കുന്നു എന്നും ബാങ്ക് അയക്കുന്നതു പോലെ തന്നെ എക്കൗണ്ട് ഉടമകളൂടെ മൊബൈല്‍ ഫോണില്‍ ലഭിക്കുന്ന എസ്. എം. എസ്. ലെ ലിങ്കില്‍ ക്ലിക്ക് ചെയ്യരുത് എന്നും ജാഗ്രത പാലിക്കണം എന്നു മാണ് ബാങ്കിന്റെ മുന്നറിയിപ്പ്.

പാസ്സ് വേഡും എക്കൗണ്ട് വിവരങ്ങളും അപ്‌ഡേറ്റ് ചെയ്യണം എന്നാണ് ഈ ലിങ്ക് തുറന്നാല്‍ ആവശ്യപ്പെടുക.

Fraudsters are using new ways & techniques to commit cybercrimes. Here’s a new way people are scammed in India. If you come across any such instances, please inform us through e-mail to: epg.cms@sbi.co.in & report.phishing@sbi.co.in & also report on: https://t.co/L3ihBoE1kS #SBI pic.twitter.com/O7gXx7QhlQ

— State Bank of India (@TheOfficialSBI) April 11, 2020

ലോക്ക്ഡൗണ്‍ കാലത്ത് ഡിജിറ്റല്‍ ഇടപാടുകള്‍ സജീവ മായ തോടെ യാണ് സൈബര്‍ തട്ടിപ്പു കാര്‍ രംഗത്ത് എത്തിയത് എന്ന് കരുതുന്നു. ഇത്തരം തട്ടിപ്പു കള്‍ ശ്രദ്ധയില്‍ പ്പെട്ടാല്‍ epg.cms @ sbi. co. in, phishing @ sbi. co. in എന്നീ ഇ – മെയിൽ വിലാസ ങ്ങളിൽ വിവരം അറി യിക്കണം എന്നും ബാങ്ക് അധികൃതര്‍ ആവശ്യപ്പെട്ടു.