‘നന്ദി ഒ.സി. ചേട്ടൻ, നിങ്ങളാണ് പ്രചോദനം’ ഉമ്മന്‍ ചാണ്ടിക്ക് മറുപടിയുമായി ശശി തരൂര്‍

March 11th, 2019

oommen-chandy-shashi-tharoor-epathram

തിരുവനന്തപുരം : ശശി തരൂർ എംപിക്ക് പിറന്നാൾ ദിനത്തിൽ ആശംസകൾ നേർന്ന് മുൻ മുഖ്യമന്ത്രി ഉമ്മൻ ചാണ്ടിയും പ്രതിപക്ഷ നേതാവ് രമേശ് ചെന്നിത്തലയും. കഴി‍ഞ്ഞ ദിവസമായിരുന്നു തരൂരിന്റെ പിറന്നാള്‍. അമ്മയോടൊപ്പമായിരുന്നു തരൂരിന്റെ 63–ാം പിറന്നാള്‍ ആഘോഷം.

ട്വിറ്ററിലൂടെ പിറന്നാൾ ആശംസ അറിയിച്ച ഉമ്മൻ ചാണ്ടിക്കും ചെന്നിത്തലയ്ക്കും തരൂർ നൽകിയ മറുപടി ശ്രദ്ധേയമായി. ഉമ്മൻ ചാണ്ടിയെ ഒസി ചേട്ടാ എന്നാണ് തരൂർ അഭിസംബോധന ചെയ്തത്. ”നന്ദി ഒ.സി. ചേട്ടൻ. അങ്ങാണ് എന്റെ പ്രചോദനം. അങ്ങയുടെ മാതൃകയാണ് എപ്പോഴും എന്നെ മുന്നോട്ടുനയിക്കുന്നത്. പ്രായോഗിക ജനാധിപത്യത്തിന്റെ ദൃഷ്ടാന്തമാണ് അങ്ങയുടെ പ്രവർത്തനങ്ങൾ”- തരൂർ കുറിച്ചു.

”അങ്ങയുടെ ഊർജസ്വലതയും പ്രവർത്തനങ്ങളും മനസ്സിൽ പതിയുന്നതാണ്”-ചെന്നിത്തലയ്ക്ക് മറുപടിയായി തരൂർ കുറിച്ചു. അമ്മക്കൊപ്പമാണ് പിറന്നാളെന്നും തരൂർ പറഞ്ഞു. ”അമ്മമാരാണ് എല്ലാ കഠിനാധ്വാനവും ചെയ്യുന്നത്. അതിന് അനുമോദനം ലഭിക്കുന്നതാകട്ടെ മക്കൾക്കും. ഇത് അനീതിയാണ്”- അമ്മക്കൊപ്പമുള്ള ചിത്രവും ട്വീറ്റിനൊപ്പം തരൂർ പങ്കിട്ടു.

- അവ്നി

വായിക്കുക: ,

Comments Off on ‘നന്ദി ഒ.സി. ചേട്ടൻ, നിങ്ങളാണ് പ്രചോദനം’ ഉമ്മന്‍ ചാണ്ടിക്ക് മറുപടിയുമായി ശശി തരൂര്‍

മിസോറം ഗവർണർ പദവി കുമ്മനം രാജശേഖരൻ രാജിവെച്ചു

March 8th, 2019

kummanam-rajasekharan

തിരുവനന്തപുരം : മിസോറം ഗവര്‍ണര്‍ പദവി കുമ്മനം രാജശേഖരന്‍ രാജിവെച്ചു. രാജി രാഷ്ട്രപതി റാംനാഥ് കോവിന്ദ് അംഗീകരിച്ചു. കുമ്മനം തിരുവനന്തപുരത്ത് സ്ഥാനാര്‍ഥിയായേക്കാമെന്നാണ് സൂചനകള്‍.

കുമ്മനം മൽസരിക്കണമെന്ന നിലപാടിൽ ആർഎസ്എസ് ഉറച്ചുനിൽക്കുകയാണ്. കുമ്മനത്തിന്റെ അത്ര വിജയസാധ്യത മറ്റാർക്കുമില്ലെന്ന നിലപാടാണ് ആർഎസ്എസിന്റേത്. ശശി തരൂരിനോടു മൽസരിക്കാൻ കുമ്മനത്തിനേ പറ്റൂ എന്ന നിലപാട് പ്രവർത്തകർക്കുമുണ്ട്. അസം ഗവർണർ പ്രഫ. ജഗ്ദിഷ് മുഖിക്ക് മിസോറമിന്റെകൂടി ചുമതല നല്‍കുന്നതായി രാഷ്ട്രപതി പ്രഖ്യാപിച്ചു.

- അവ്നി

വായിക്കുക: , ,

Comments Off on മിസോറം ഗവർണർ പദവി കുമ്മനം രാജശേഖരൻ രാജിവെച്ചു

ചര്‍ച്ച പരാജയം: കേരള കോണ്‍ഗ്രസിന് അധിക സീറ്റില്ലെന്ന് ആവര്‍ത്തിച്ച് കോണ്‍ഗ്രസ്

March 6th, 2019

km-mani-epathram

കൊച്ചി : രണ്ടാമതൊരു സീറ്റ് വേണമെന്ന ആവശ്യത്തില്‍ കേരളാ കോണ്‍ഗ്രസും കോണ്‍ഗ്രസും നടത്തിയ ഉഭയകക്ഷി ചര്‍ച്ച പരാജയപ്പെട്ടു. അധിക സീറ്റ് നല്‍കാനാവില്ലെന്ന നിലപാടില്‍ കോണ്‍ഗ്രസ് ഉറച്ചു നില്‍ക്കുകയും രണ്ടാമതൊരു സീറ്റ് വേണമെന്ന ആവശ്യത്തില്‍ നിന്ന് കേരളകോണ്‍ഗ്രസ് പിന്‍മാറാതിരിക്കുകയും ചെയ്തതോടെയാണ് രണ്ടാം സീറ്റില്‍ നടന്ന രണ്ടാം വട്ട ചര്‍ച്ചയും പരാജയപ്പെട്ടത്.

വരാനിരിക്കുന്നത് കോണ്‍ഗ്രസിന് ഏറ്റവും നിര്‍ണായകമായ ലോക്സഭാ തെര‍ഞ്ഞെടുപ്പാണെന്നും പരമാവധി സീറ്റുകളില്‍ പാര്‍ട്ടി മത്സരിക്കുക എന്നതാണ് നയമെന്നും കോണ്‍ഗ്രസിനെ പ്രതിനിധീകരിച്ച് ഉഭയകക്ഷി ചര്‍ച്ചയില്‍ പങ്കെടുത്ത പ്രതിപക്ഷ നേതാവ് രമേശ് ചെന്നിത്തലയും യുഡിഎഫ് കണ്‍വീനര്‍ ബെന്നി ബെഹന്നാനും കെപിസിസി അധ്യക്ഷന്‍ മുല്ലപ്പള്ളി രാമചന്ദ്രനും കേരള കോണ്‍ഗ്രസ് ചെയര്‍മാന്‍ കെഎം മാണിയെ അറിയിച്ചു. രണ്ടാം സീറ്റ് നല്‍കാനാവില്ലെന്ന കോണ്‍ഗ്രസ് നിലപാട് അംഗീകരിക്കാനാവില്ലെന്ന് കോണ്‍ഗ്രസ് നേതാക്കള്‍ക്കൊപ്പം മാധ്യമങ്ങളെ കണ്ട കെ.എം മാണി പറ‍ഞ്ഞു.

- അവ്നി

വായിക്കുക: , , ,

Comments Off on ചര്‍ച്ച പരാജയം: കേരള കോണ്‍ഗ്രസിന് അധിക സീറ്റില്ലെന്ന് ആവര്‍ത്തിച്ച് കോണ്‍ഗ്രസ്

യൂത്ത് കോണ്‍ഗ്രസ്സ് പ്രവര്‍ത്തകരെ വെട്ടി ക്കൊന്നു – സംസ്ഥാനത്ത് ഹര്‍ത്താല്‍

February 18th, 2019

kripesh-sarath-two-youth-congress-activists-killed-in-kasargod-ePathram

കാഞ്ഞങ്ങാട് : കാസർകോട് പെരിയ ഗ്രാമ പഞ്ചായ ത്തിലെ കല്യോട്ട് രണ്ട് യൂത്ത് കോൺ ഗ്രസ്സ് പ്രവർ ത്ത കരെ വെട്ടി ക്കൊന്നു. കൃപേഷ്, ശരത് ലാൽ എന്നിവ രാണ് കൊല്ല പ്പെട്ടത്.

ഞായറാഴ്ച രാത്രി എട്ടര മണിയോടെ കല്ല്യോട്ടിനടുത്ത് തന്നി ത്തോട് – കൂരാങ്കര റോഡില്‍ ആയിരുന്നു സംഭവം. കൃപേഷ് സംഭവ സ്ഥലത്തു വെച്ചും ശരത്, മംഗലാപുര ത്ത് ആശുപത്രി യിലും മരിച്ചു.

കൊലക്കു പിന്നില്‍ സി. പി. എം. എന്ന് യൂത്ത് കോണ്‍ ഗ്രസ്സ് ആരോപിച്ചു. കൊല പാതക ങ്ങളില്‍ പ്രതിഷേ ധിച്ചു കൊണ്ട് യൂത്ത് കോണ്‍ ഗ്രസ്സ് ഇന്ന് സംസ്ഥാന ഹര്‍ത്താ ലിന് ആഹ്വാനം ചെയ്തു.

- കറസ്പോണ്ടന്റ്

വായിക്കുക: , , , ,

Comments Off on യൂത്ത് കോണ്‍ഗ്രസ്സ് പ്രവര്‍ത്തകരെ വെട്ടി ക്കൊന്നു – സംസ്ഥാനത്ത് ഹര്‍ത്താല്‍

അക്രമ രാഷ്ട്രീയം ഉപേക്ഷിച്ചാല്‍ സഹ കരി ക്കുവാന്‍ തയ്യാര്‍ : മുല്ലപ്പള്ളി രാമ ചന്ദ്രന്‍

February 10th, 2019

mullapally-ramachandran1
മലപ്പുറം : അക്രമ രാഷ്ട്രീയം ഉപേക്ഷിച്ചാല്‍ കേരള ത്തിലും സി. പി. എമ്മു മായി സഹ കരി ക്കുവാന്‍ കോണ്‍ ഗ്രസ്സ് തയ്യാര്‍ എന്ന് കെ. പി. സി. സി. പ്രസിഡണ്ട് മുല്ല പ്പള്ളി രാമചന്ദ്രന്‍.

ബംഗാളില്‍ കോണ്‍ഗ്രസ്സ് – സി. പി.എം. ഒന്നിച്ചു ബി ജെ. പി. യെ നേരിടാം എന്ന് തീരുമാനം എടുത്ത തിന് തൊട്ടു പിന്നാലെ യാണ് കേരള ത്തിലും സഹ കരി ക്കുവാന്‍ തയ്യാര്‍ എന്ന് മുല്ലപ്പള്ളി വ്യക്ത മാക്കി യത്. എന്നാല്‍ അതിനു മുന്‍പ് സി. പി. എം. അക്രമ രാഷ്ട്രീയം കൈ വെടിയണം എന്നതു മാത്രമാണ് കോണ്‍ഗ്രസ്സിന്റെ ആവശ്യം. അക്രമം അവ സാനിപ്പി ക്കുവാന്‍ തയ്യാറു ണ്ടോ എന്ന് വ്യക്ത മാക്കേണ്ടത് സി. പി. എം. ആണ്.

മുഖ്യമന്ത്രി ബി. ജെ. പി. യെ വിമർശി ക്കുവാന്‍ തയ്യാ റാകു ന്നില്ല. ലാവ ലിന്‍ അഴി മതി പുറത്തു വരും എന്ന ഭീതിയി ലാണ് ബി. ജെ. പി. യെ മുഖ്യ മന്ത്രി തൊടാത്തത് എന്നും മുല്ല പ്പള്ളി വിമർശിച്ചു.

- കറസ്പോണ്ടന്റ്

വായിക്കുക: , , ,

Comments Off on അക്രമ രാഷ്ട്രീയം ഉപേക്ഷിച്ചാല്‍ സഹ കരി ക്കുവാന്‍ തയ്യാര്‍ : മുല്ലപ്പള്ളി രാമ ചന്ദ്രന്‍

Page 10 of 53« First...89101112...203040...Last »

« Previous Page« Previous « നോര്‍ക്ക വഴി യു. എ. ഇ. യില്‍ ജോലിക്ക് അപേക്ഷിക്കാം
Next »Next Page » ഇടപ്പാളയം ഫുട്ബോള്‍ ടൂര്‍ണ്ണമെന്റ് : സ്വാഗത സംഘം രൂപീകരിച്ചു »



മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha