തൊഴിലാളി « e പത്രം – ePathram.com

അല്‍ ഐനില്‍ വാഹനാപകടം : 22 പേര്‍ മരിച്ചു

February 5th, 2013

accident-epathram
അബുദാബി : അല്‍ ഐനില്‍ തിങ്കളാഴ്ച രാവിലെ ഉണ്ടായ വാഹനാപകട ത്തില്‍ 22 പേര്‍ മരിച്ചു. മരിച്ചവര്‍ എല്ലാവരും ഏഷ്യന്‍ രാജ്യ ങ്ങളില്‍ നിന്നുള്ള വരാണ്. ഇവരില്‍ മൂന്നു പേര്‍ ഇന്ത്യക്കാരാണ്.

ഉത്തരേന്ത്യന്‍ സംസ്ഥാനത്തു നിന്നുള്ള സാഗര്‍മാല്‍ നിബന്റാം, അബ്ദു റഹിം അല്‍ അസീസ്, ഇബ്രാഹിം മൊയ്തീന്‍ എന്നിവ രാണ് ഇവര്‍.

ക്ലീനിംഗ് കമ്പനി തൊഴിലാളി കളെ കയറ്റിപ്പോകുന്ന ബസ്സില്‍ കോണ്‍ക്രീറ്റ് ലോറി ഇടിച്ച് മറിയുക യായിരുന്നു. ബ്രേക്ക് തകരാര്‍ ആയതാണ് അപകട കാരണം എന്നു അബുദാബി പോലീസ് ഡയരക്ടറേറ്റിലെ ഹെഡ് ഓഫ് ദി ട്രാഫിക് ആന്‍ഡ് പട്രോള്‍സ് ഡയരക്ടര്‍ ബ്രിഗേഡിയര്‍ ഹുസൈന്‍ അഹമ്മദ് അല്‍ ഹാത്തി അറിയിച്ചു.

- പി. എം. അബ്ദുള്‍ റഹിമാന്‍, കറസ് പോണ്ടന്റ്

വായിക്കുക: , , , ,

Comments Off on അല്‍ ഐനില്‍ വാഹനാപകടം : 22 പേര്‍ മരിച്ചു

സമരം പരാജയം : ചെന്നിത്തല

January 15th, 2013

ramesh-chennithala-epathram

അലപ്പുഴ : സർക്കാർ ജീവനക്കാരുടെ ഇടത് ആഭിമുഖ്യ സംഘടനകൾ നടത്തിയ സമരം പരാജയമായിരുന്നു എന്ന് കെ. പി. സി. സി. അദ്ധ്യക്ഷൻ രമേഷ് ചെന്നിത്തല അറിയിച്ചു. ഡി. സി. സി. സംഘടിപ്പിച്ച ഒരു നേതൃയോഗം ഉല്ഘാടനം ചെയ്തു സംസാരിക്കുകയായിരുന്നു അദ്ദേഹം. സമരം നടത്തിയവർ തങ്ങൾ എന്തു നേടി എന്ന് ചിന്തിക്കുന്നത് നന്നായിരിക്കും. സമരം തുടങ്ങിയപ്പോൾ മുതൽ അത് എങ്ങനെ ഒത്തുതീർപ്പ് ആക്കും എന്നായിരുന്നു സമരക്കാരുടെ ചിന്ത. സമരത്തിനുള്ള പിന്തുണ ദുർബലമായതാണ് ഇതിന് കാരണം. ജീവനക്കാരും ജനവും നിരാകരിച്ചതോടെ സമരം നിർത്തി വെയ്ക്കുകയല്ലാതെ സമരക്കാരുടെ മുൻപിൽ വേറെ മാർഗ്ഗം ഉണ്ടായിരുന്നില്ല എന്നും അദ്ദേഹം വിശദീകരിച്ചു.

- ജെ.എസ്.

വായിക്കുക: ,

Comments Off on സമരം പരാജയം : ചെന്നിത്തല

യു. എ. ഇ. എക്‌സ്‌ചേഞ്ചിന്റെ ‘ഗോക്യാഷ്’ മള്‍ട്ടി കറന്‍സി ട്രാവല്‍ കാര്‍ഡ്

December 20th, 2012

uae-exchange-go-cash-card-launch-ePathram
ദുബായ് : ലോകത്ത് എവിടെയും യാത്ര ചെയ്യുന്ന വര്‍ക്കായി സുരക്ഷിതത്വ ത്തിന്റെയും സുഗമ സഞ്ചാര ത്തിന്റെയും ഏറ്റവും മികച്ച സൗകര്യ ഉപാധി യായി യു. എ. ഇ. എക്‌സ്‌ചേഞ്ച് അവതരി പ്പിക്കുന്ന ‘ഗോക്യാഷ്’ മള്‍ട്ടി കറന്‍സി ട്രാവല്‍ കാര്‍ഡ് പ്രകാശനം ചെയ്തു.

മാസ്റ്റര്‍ കാര്‍ഡു മായി സഹകരിച്ച് നടപ്പാക്കുന്ന ഈ ട്രാവല്‍ കാര്‍ഡ് ഉപയോഗിച്ച്, ഒരേ സമയം ആറ് വ്യത്യസ്ത കറന്‍സികള്‍ വരെ ലോഡ് ചെയ്യാവുന്ന സംവിധാനം സജ്ജമായി. മൊത്തമുള്ള പതിനഞ്ച് കറന്‍സികളില്‍ നിന്ന് ആറെണ്ണം വരെ ഉപഭോക്താവിന് സൗകര്യാനുസരണം തിരഞ്ഞെടുക്കാം.

ദുബായ് പാമിലെ അറ്റ്‌ലാന്റിസ് ഹോട്ടലില്‍ നടന്ന വര്‍ണാഭമായ ചടങ്ങില്‍ ‘ഗോക്യാഷ്’ മള്‍ട്ടി കറന്‍സി ട്രാവല്‍ കാര്‍ഡിന്റെ ഔദ്യോഗിക പ്രകാശനം യു. എ. ഇ. എക്‌സ്‌ചേഞ്ച് ചെയര്‍മാന്‍ അബ്ദുള്ള ഹുമൈദ് അലി അല്‍ മസ്റൂയി യും മാനേജിങ് ഡയറക്ടറും ചീഫ് എക്‌സിക്യൂട്ടീവ് ഓഫീസറുമായ ഡോ. ബി. ആര്‍. ഷെട്ടിയും ചേര്‍ന്ന് നിര്‍വഹിച്ചു.

മിഡില്‍ ഈസ്റ്റില്‍ ഇതാദ്യമായാണ് ഇത്തരം ഒരു ബഹു നാണയ സംവിധാന മുള്ള ട്രാവല്‍ കാര്‍ഡ് ഇറങ്ങുന്നത്. യു. എ. ഇ. എക്‌സ്‌ചേഞ്ച് ശാഖ കളില്‍ ലഭ്യമാകുന്ന ‘ഗോക്യാഷ്’ മള്‍ട്ടി കറന്‍സി ട്രാവല്‍ കാര്‍ഡ് ഉപഭോക്താവ് നല്‍കുന്ന അത്രയും ദിര്‍ഹം ഏറ്റവും മികച്ച നിരക്ക് നിര്‍ണയിച്ച് നിര്‍ദേശിക്കുന്ന ആറ് കറന്‍സികള്‍ വരെ ലോഡ് ചെയ്തു നല്‍കും.

ലോകത്തുട നീളമുള്ള 34 ദശ ലക്ഷത്തില്‍പ്പരം മാസ്റ്റര്‍ കാര്‍ഡ് ഏജന്റ് ലൊക്കേഷനു കളിലൂടെയും ഒന്നര ദശലക്ഷം ബാങ്ക് എ. ടി. എം. വഴിയും ഈ കാര്‍ഡ് ഉപയോഗിക്കാം. ഓണ്‍ലൈന്‍ പര്‍ച്ചേസിനും സൗകര്യമുണ്ട്.

യാത്രയില്‍ പണം കൂടെ കൊണ്ടു പോകുന്നതു കാരണം സംഭവിക്കാന്‍ ഇടയുള്ള മോഷണ സാധ്യതകളും മറ്റും ഒഴിവാക്കാന്‍ കഴിയും. ബിസിനസ് ആവശ്യ ങ്ങള്‍ക്കും വിനോദ യാത്രകള്‍ക്കും പോകുന്ന സഞ്ചാരികളെ യാണ് ‘ഗോക്യാഷ്’ മള്‍ട്ടി കറന്‍സി ട്രാവല്‍ കാര്‍ഡ് മുഖ്യമായും സഹായിക്കുക.

32 വര്‍ഷ ങ്ങളുടെ വിജയ യാത്രയില്‍ എപ്പോഴും ഉപഭോക്താക്കളുടെ ആവശ്യങ്ങളും സൗകര്യങ്ങളും പഠിച്ചു മനസ്സിലാക്കി പണ വിനിമയ മേഖല യില്‍ ഏറ്റവും നൂതനവും പ്രയോജന പ്രദവുമായ ഉത്പന്ന ങ്ങളും സേവന ങ്ങളും ആവിഷ്‌കരിക്കുന്ന യു. എ. ഇ. എക്‌സ്‌ചേഞ്ച് ‘ഗോക്യാഷ്’ മള്‍ട്ടി കറന്‍സി ട്രാവല്‍ കാര്‍ഡ് വഴി യാത്രികരായ ഉപഭോക്താക്കള്‍ ക്കിടയില്‍ വിപ്ലവ കരമായ സേവന മാണ് അവതരി പ്പിക്കുന്നത് എന്ന് യു. എ. ഇ. എക്‌സ്‌ചേഞ്ച് ചീഫ് ഓപ്പറേറ്റിങ് ഓഫീസര്‍ വൈ. സുധീര്‍ കുമാര്‍ ഷെട്ടി പറഞ്ഞു.

- പി. എം. അബ്ദുള്‍ റഹിമാന്‍, കറസ് പോണ്ടന്റ്

വായിക്കുക: , ,

Comments Off on യു. എ. ഇ. എക്‌സ്‌ചേഞ്ചിന്റെ ‘ഗോക്യാഷ്’ മള്‍ട്ടി കറന്‍സി ട്രാവല്‍ കാര്‍ഡ്

മോഡിയുടെ നാട്ടില്‍ മത്സരിക്കുവാന്‍ അന്തിക്കാട്ടുകാരനും

December 13th, 2012

m-ramachandran-epathram

രാജ്‌കോട്ട്: ഗുജറാ‍ത്ത് നിയമസഭാ തിരഞ്ഞെടുപ്പില്‍ മത്സരിക്കുവാനായി ഒരു മലയാളി സ്ഥാനാര്‍ത്ഥി. തൃശ്ശൂര്‍ അന്തിക്കാട്ടുകാരന്‍ രാമചന്ദ്രന്‍ ആണ് രാജ് കോട്ട് 68 ഈസില്‍ സി. പി. എം. സ്ഥാനാര്‍ഥിയായി ജനവിധി തേടുന്നത്. കോര്‍പ്പറേറ്റുകളുടെ കണ്ണിലുണ്ണിയായ മോഡിയുടെ നാട്ടില്‍ തൊഴിലാളികള്‍ ചൂഷണം ചെയ്യപ്പെടുകയാണെന്ന് രാമചന്ദ്രന്‍ പറയുന്നു. ഇവര്‍ക്ക് മാന്യമായ കൂലിയോ മറ്റു ജീവിത സാഹചര്യങ്ങളോ ലഭിക്കുന്നില്ലെന്ന് അദ്ദേഹം ചൂണ്ടിക്കാട്ടുന്നു.

തന്റെ സ്ഥാനാര്‍ത്ഥിത്വം കോര്‍പ്പറേറ്റ് രാജിനെതിരെ ഉള്ള സമരമായാണ് രാമചന്ദ്രന്‍ കാണുന്നത്. നിരവധി ഉപവാസ സമരങ്ങളിലൂടെയും പ്രതിഷേധ പ്രവര്‍ത്തനങ്ങളിലൂടെയും തൊഴിലാളികള്‍ക്കു വേണ്ടി അഹോരാത്രം പ്രവര്‍ത്തിക്കുന്ന രാമചന്ദ്രന് ഇതിന്റെ പേരില്‍ മര്‍ദ്ദനങ്ങളും ഏറ്റുവാങ്ങേണ്ടി വന്നിട്ടുണ്ട്. ഹെലികോപ്ടറുകളില്‍ സഞ്ചരിച്ചും വലിയ റോഡ് ഷോകളും മറ്റും സംഘടിപ്പിച്ചും മോഡിയും കൂട്ടരും മുന്നേറുമ്പോള്‍ വീടു വീടാന്തരം സഞ്ചരിച്ചാണ് ഈ സഖാവ് വോട്ട് തേടുന്നത്.

- എസ്. കുമാര്‍

വായിക്കുക: , , , ,

Comments Off on മോഡിയുടെ നാട്ടില്‍ മത്സരിക്കുവാന്‍ അന്തിക്കാട്ടുകാരനും

ദേശാഭിമാനി ജീവനക്കാരന്റെ കൊലപാതകം: ഭാര്യയും കാമുകനും അറസ്റ്റില്‍

December 12th, 2012

കൊച്ചി: ദേശാഭിമാനി കൊച്ചി യൂണീറ്റിലെ സീനിയര്‍ സെസ്പാച്ചര്‍ പി.കെ. മോഹന്‍‌ദാസിനെ കൊലപ്പെടുത്തിയ കേസില്‍ ഭാര്യ സീമ(34), കാ‍മുകന്‍ വൈക്കം കിഴക്കേനട സ്വദേശി ഹരിശ്രിയില്‍ ഗിരീഷ് (31) എന്നിവരെ പോലീസ് അറസ്റ്റു ചെയ്തു. എറണാംകുളം പെന്റ മേനകയിലെ അടുത്തടുത്ത സ്ഥാപനങ്ങളില്‍ ജോലി ചെയ്യുന്നവരാണ് ഇരുവരും. ആറുവര്‍ഷമായി ഗിരീഷും സീമയും തമ്മില്‍ പ്രണയത്തിലായിരുന്നു. മാസത്തിലൊരിക്കല്‍ പകല്‍ സമയത്ത് ഗുരുവായൂരില്‍ ഇവര്‍ ഒത്തു കൂടാറുണ്ട്. ഇതിനിടയിലാണ് ഒരുമിച്ചു ജീവിക്കുവാനായി മോഹന്‍ ദാസിനെ കൊലപ്പെടുത്തുവാനുള്ള പദ്ധതി തയ്യാറാക്കിയത് എന്ന് കരുതുന്നു.

കൊല്ലപ്പെട്ട മോഹന്‍‌ദാസിനു സാമ്പത്തിക ബാധ്യതകള്‍ ഉണ്ടായിരുന്നു. ഇതു തീര്‍ക്കുവാനായി ചെറിയ തുക കൈമാറിക്കൊണ്ടായിരുന്നു സീമയും ഗിരീഷും തമ്മില്‍ കൂടുതല്‍ അടുപ്പത്തിലായത്. താന്‍ ജോലി ചെയ്യുന്ന സ്ഥാപനത്തില്‍ നിന്നും വലിയ തുകയുടെ സാമ്പത്തിക തിരിമറി നടത്തിയണ് ഗിരീഷ് സീമയെ സഹായിച്ചിരുന്നത്. ബന്ധം പുറത്തറിയാതിരിക്കുവാന്‍ ഇരുവരും പരമാവധി ശ്രദ്ധിച്ചിരുന്നു. കൊലപാതകം നടന്ന ഡിസംബര്‍ 2 നു രാത്രി ദേശാഭിമാനിയില്‍ പോകാനിറങ്ങിയ മോഹന്‍ ദാസിനോട് അമൃത ഹോസ്പിറ്റലില്‍ ഉള്ള ഒരു ബന്ധുവിനെ കാണുവാനായി ഗിരീഷ് പാതാളം ജംഗ്ഷനില്‍ നില്‍ക്കുന്നുണ്ടെന്നും അയാളെ അടുത്തൊരിടത്ത് എത്തിക്കണമെന്നും സീമ അറിയിച്ചു. മോഹന്‍ ദാസ് ഗിരീഷ് നിന്നിടത്തെത്തി അയാളുമായി ബൈക്കില്‍ യാത്ര തുടര്‍ന്നു. കണ്ടൈനര്‍ റോഡിലെ വിജനമായ സ്ഥലത്ത് എത്തിയപ്പോള്‍ ഷര്‍ട്ടില്‍ എന്തോ അഴുക്കു പറ്റിയതായി പറഞ്ഞ് ഗിരീഷ് ബൈക്ക് നിര്‍ത്തിച്ചു. തുടര്‍ന്ന് നേരത്തെ കരുതിയിരുന്ന ക്ലോറോഫോം ബലം‌പ്രയോഗിച്ച് മണപ്പിച്ച് ബോധം കെടുത്തുവാന്‍ ശ്രമിച്ചെങ്കിലും മോഹന്‍‌ദാസ് കുതറിയോടി. അതോടെ ഗിരീഷ് വിദേശ നിര്‍മ്മിത കത്തി ഉപയോഗിച്ച് മോഹന്‍‌ദാസിന്റെ കഴുത്തില്‍ കുത്തുകയായിരുന്നു. സംഭവശേഷം നേരത്തെ കളമശ്ശേരിയില്‍ വച്ചിരുന്ന ബൈക്കില്‍ ഗിരീഷ് രക്ഷപ്പെട്ടു.

ബൈക്ക് അപകടത്തിലാണ് മോഹന്‍‌ദാസ് മരിച്ചതെന്നായിരുന്നു പ്രാഥമിക നിഗമനം. എന്നാല്‍ കഴുത്തില്‍ ആഴത്തിലേറ്റ മുറിലൂടെ രക്തം വാര്‍ന്നാണ് മരിച്ചതെന്ന് പോസ്റ്റ് മോര്‍ട്ടം നടത്തിയപ്പോള്‍ മനസ്സിലാകുകയായിരുന്നു. തുടര്‍ന്ന് മോഹന്‍‌ദാസിന്റെയും അയാളുമായി അടുപ്പമുള്ളവരുടേയും മൊബൈല്‍ ഫോണുകല്‍ കേന്ദ്രീകരിച്ച് അന്വേഷണം നടത്തുവാന്‍ ആരംഭിച്ചു. കൊലക്ക് മുമ്പും പിന്‍‌പും ഉള്ള ദിവസങ്ങളില്‍ സീമയും ഗിരീഷും തമ്മില്‍ ദീര്‍ഘമായി സംസാ‍രിച്ചതായി കണ്ടെത്തി. ഇതിനിടയില്‍ താന്‍ ജോലി ചെയ്തിരുന്ന സ്ഥാപനത്തില്‍ നടത്തിയ സാമ്പത്തിക ക്രമക്കേടുകള്‍ കേസായതോടെ ഗിരീഷ് കുറ്റ സമ്മതം നടത്തുവാനായി തൃക്കാക്കര അസി.കമ്മീഷ്ണര്‍ ബിജോ അലക്സാണ്ടറെ സമീപിച്ചു. കൊലപാതകത്തില്‍ നടക്കുന്ന അന്വേഷണം തന്ത്രപൂര്‍വ്വം തന്നില്‍ നിന്നും തിരിച്ചു വിടുവാനുള്ള ഉപായമായാണ് ഗിരീഷ് ഇപ്രകാരം ചെയ്തത്. എന്നാല്‍ വിശദമായ ചോദ്യം ചെയ്യലില്‍ മോഹന്‍‌ദാസിന്റെ കൊലപാതകവും സീമയുമായി തനിക്കുള്ള ബന്ധവും ഇയാള്‍ തുറന്നു പറഞ്ഞു. കൊലനടത്തുവാന്‍ ഉപയോഗിച്ച കത്തി സംഭവസ്ഥലത്തിനു സമീപത്തു നിന്നും കണ്ടെടുത്തു. തുടര്‍ന്നാണ് സീമയെ പോലീസ് കസ്റ്റഡിയില്‍ എടുത്തത്.

അസിസ്റ്റന്റ് സിറ്റി പോലീസ് കമ്മീഷണര്‍ എം.ആര്‍.അജിത് കുമാര്‍, ഡെപ്യൂട്ടി കമീഷ്ണര്‍ ടി.ഗോപാലകൃഷ്ണന്‍ പിള്ള എന്നിവരുടെ മേല്‍ നോട്ടത്തില്‍ നടന്ന അന്വേഷണത്തില്‍ അസി.കമ്മീഷണര്‍ സുനില്‍ ജേക്കബ്, സി.ഐ മാരായ എ.ജി.സാബു,ഡി.എസ്.സുനീഹ്സ് ബാബു, എസ്.ഐമാരായ എസ്.വിജയ ശങ്കര്‍, സെബാസ്റ്റ്യന്‍ തോമസ് തുടങ്ങിയവര്‍ ഉള്‍പ്പെട്ട സംഘമാണ് പ്രതികളെ പിടികൂടിയത്.

- എസ്. കുമാര്‍

വായിക്കുക: , , ,

Comments Off on ദേശാഭിമാനി ജീവനക്കാരന്റെ കൊലപാതകം: ഭാര്യയും കാമുകനും അറസ്റ്റില്‍

Page 27 of 29« First...1020...2526272829

« Previous Page« Previous « റാസല്‍ ഖൈമയില്‍ യുവാവ് ഹൃദയാഘാതം മൂലം നിര്യാതനായി
Next »Next Page » മം‌മ്‌താ മോഹന്‍‌ദാസും വിവാഹ മോചനത്തിന് ഒരുങ്ങുന്നു »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...
മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha