പ്രധാനമന്ത്രിക്കെതിരെ ആരോപണം ഉന്നയിച്ച ബ്ളോഗറെ പിരിച്ചു വിട്ടു

June 11th, 2014

roy-ngerng-epathram

സിംഗപ്പൂർ: സിംഗപ്പൂർ പ്രധാനമന്ത്രി ലീ സിയൻ ലൂങ്ങിനെതിരെ സാമ്പത്തിക ക്രമക്കേടുകൾ ആരോപിച്ച ബ്ളോഗർ റോയ് ഗേങ്ങിനെ ജോലിയിൽ നിന്നും പിരിച്ചു വിട്ടു. സർക്കാർ ആശുപത്രിയിൽ പേഷ്യന്റ് കോർഡിനേറ്റർ ആയിരുന്നു റോയ്. സിംഗപ്പൂർ പ്രധാനമന്ത്രി പെൻഷൻ ഫണ്ടിലെ തുക ക്രമവിരുദ്ധമായി കൈകാര്യം ചെയ്തു എന്ന് റോയ് “ദ ഹാർട്ട് ട്രൂത്ത്സ്” എന്ന തന്റെ ബ്ളോഗിലൂടെ ആരോപിച്ചിരുന്നു. ഇതിനെതിരെ പ്രധാനമന്ത്രി ലീ സിയൻ ലൂങ് റോയിക്കെതിരെ നിയമ നടപടിയും ആരംഭിച്ചിട്ടുണ്ട്. സിംഗപ്പൂരിൽ ബ്ളോഗിലെ പരാമർശങ്ങളുടെ പേരിൽ നിയമ നടപടി നേരിടുന്ന ആദ്യത്തെ ബ്ളോഗറാണ് റോയ്.

തന്നെ പിരിച്ചു വിട്ട നടപടി രാഷ്ട്രീയ പ്രേരിതമാണ് എന്ന് റോയ് ഇന്നലെ തന്റെ ഫേസ് ബുക്ക് പേജിൽ പറഞ്ഞു

സർക്കാരിന് എതിരെ ഉയരുന്ന ശബ്ദങ്ങളെ അമർച്ച ചെയ്യാൻ നിയമ നടപടികളും മറ്റും സ്വീകരിച്ചു വരുന്നത് ചൂണ്ടിക്കാണിച്ച് ലോകമെമ്പാടും നിന്നുമുള്ള മനുഷ്യാവകാശ സംഘടനകൾ സിംഗപ്പൂർ സർക്കാരിനെതിരെ രംഗത്ത് വന്നിട്ടുണ്ട്.

റോയ് നേരിടുന്ന കോടതി കേസിന്റെ ചിലവുകൾ വഹിക്കാനായി നടത്തിയ ധന ശേഖരണ യജ്ഞം ലക്ഷ്യമിട്ടിരുന്ന 70,000 ഡോളർ വെറുമ നാലു ദിവസം കൊണ്ടാണ് പൊതു ജന സംഭാവനകൾ കൊണ്ട് കവിഞ്ഞ് 91,000 ഡോളർ ആയത് എന്ന് അദ്ദേഹത്തിന്റെ അഭിഭാഷകനും മനുഷ്യാവകാശ പ്രവർത്തകനുമായ എം. രവി. അറിയിക്കുന്നു.

- ജെ.എസ്.

വായിക്കുക: , , , , , ,

Comments Off on പ്രധാനമന്ത്രിക്കെതിരെ ആരോപണം ഉന്നയിച്ച ബ്ളോഗറെ പിരിച്ചു വിട്ടു

ജൂണ്‍ 15 മുതല്‍ നിര്‍ബന്ധിത മധ്യാഹ്ന ഇടവേള

June 4th, 2014

uae-labour-in-summer-ePathram
അബുദാബി : യു എ ഇ യില്‍ ജൂണ്‍ 15 മുതല്‍ ഉച്ച വിശ്രമ നിയമം നിലവില്‍ വരും. നേരിട്ട്‌ സൂര്യതാപം ഏല്‍ക്കും വിധം തുറസ്സായ സ്ഥലങ്ങളില്‍ ജോലികളില്‍ ഏര്‍പ്പെടുന്ന തൊഴിലാളി കള്‍ക്കുള്ള നിര്‍ബന്ധിത മധ്യാഹ്ന ഇടവേള ജൂണ്‍ 15 മുതല്‍ നടപ്പാക്കാന്‍ തൊഴില്‍ മന്ത്രാലയം തീരുമാനിച്ചു.

ദിവസവും ഉച്ചക്ക് 12.30 മുതല്‍ മൂന്ന് മണി വരെ രണ്ടര മണിക്കൂര്‍ ഈ വിശ്രമ വേള ലഭിക്കുക. നിയമം ‌ജൂണ്‍ 15 മുതല്‍ പ്രാബല്യ ത്തില്‍ വരും. സെപ്റ്റംബര്‍ 15 വരെ യാണ് തൊഴിലാളി കള്‍ക്ക്‌ ഈ സൗകര്യം ലഭിക്കുക. തുടര്‍ച്ചയായി പത്താം വര്‍ഷമാണ് യു. എ. ഇ. യില്‍ ഉച്ചവിശ്രമ നിയമം നടപ്പാക്കുന്നത്.

ഈ സമയത്ത് തുറന്ന സ്ഥലങ്ങളില്‍ ജോലി ചെയ്യിക്കുന്നത് നിയമ വിരുദ്ധമാണ്. ഇത് ലംഘിക്കുന്ന സ്ഥാപന ങ്ങള്‍ക്ക് എതിരെ മന്ത്രാലയം കര്‍ശന നടപടി സ്വീകരിക്കും.

എന്നാൽ നിര്‍ത്തി വയ്ക്കാന്‍ കഴിയാത്ത തൊഴില്‍ മേഖല കളില്‍ ജോലിക്കാരുടെ സുരക്ഷയ്ക്കായി മുന്നൊരുക്കങ്ങള്‍ നടത്തണ മെന്നാണ് മന്ത്രാലയ നിര്‍ദേശം. ശീതീകരണ സംവിധാനവും നേരിട്ടു സൂര്യതാപം ഏല്‍ക്കാതി രിക്കാനുള്ള മുന്‍കരുതലും തൊഴിലുടമ സ്വീകരി ച്ചിരിക്കണം.

തൊഴിലാളികള്ക്ക് ആവശ്യമായ കുടിവെള്ളം തൊഴില്‍ സ്ഥലത്തു ണ്ടായിരിക്കണം. പ്രാഥമിക ചികില്‍സാ സംവി ധാന ങ്ങളും സജ്ജീകരിക്കണം. തൊഴിലാളികളുടെ ആരോഗ്യ പരിരക്ഷയും സുരക്ഷയും ഉറപ്പ് വരുത്തുന്ന സംവിധാന ങ്ങള്‍ തൊഴിലുടമ ഏര്‍പ്പെടുത്തി യിരിക്കണം.

നിര്‍ദേശങ്ങള്‍ നടപ്പാക്കുന്നുണ്ടോ എന്ന് ഉറപ്പു വരുത്താന്‍ മന്ത്രാലയം തൊഴില്‍ സ്ഥല ങ്ങളില്‍ കര്‍ശനമായ പരിശോധനകള്‍ നടത്തും. അപകടം, അഗ്നിബാധ എന്നിവ പ്രതിരോധിക്കാനാവശ്യമായ സുരക്ഷാ മാര്‍ഗങ്ങള്‍ ഒരുക്കിയാണ് ജോലി സ്ഥലങ്ങൾ പ്രവര്‍ത്തിക്കേണ്ടത്. നിയമ ലംഘനം നടത്തുന്നവര്‍ക്ക് 15,000 ദിര്‍ഹം പിഴ ചുമത്തും.

- കറസ്പോണ്ടന്റ്

വായിക്കുക: , , , ,

Comments Off on ജൂണ്‍ 15 മുതല്‍ നിര്‍ബന്ധിത മധ്യാഹ്ന ഇടവേള

സൌദിയില്‍ മലയാളി യുവാവ് വെടിയേറ്റ് മരിച്ചു

May 24th, 2014

crime-epathram

ജിദ്ദ: നിലമ്പൂര്‍ ആകംമ്പാടം ആര്‍ക്കോണത്ത് അനസ് പുതുവീട്ടില്‍ (24) എന്ന മലയാളി യുവാവ് സൌദിയിലെ മക്കയില്‍ വെടിയേറ്റ് മരിച്ചു. കഴുത്തിനും നെഞ്ചിലുമായി നാലിടത്ത് വെടിയേറ്റിട്ടുണ്ട്. ഈ മാസം ആദ്യത്തിലാണ് അനസ് ഡ്രൈവര്‍ വിസയില്‍ സൌദിയില്‍ എത്തിയത്. സ്‌പോണ്‍സറുടെ മകനാണ് വെടി വെച്ചത് എന്നാണ് റിപ്പോര്‍ട്ട്. ആക്രമണം നടത്തിയയാളെ പോലീസ് അറസ്റ്റു ചെയ്തു. അനസിന്റെ മൃതദേഹം മക്കയിലെ കിംഗ് ഫൈസല്‍ ആശുപത്രിയില്‍ സുക്ഷിച്ചിരിക്കുകയാണ്.

- ന്യൂസ് ഡെസ്ക്

വായിക്കുക: , , ,

Comments Off on സൌദിയില്‍ മലയാളി യുവാവ് വെടിയേറ്റ് മരിച്ചു

ദുബായ് വാഹനാപകടത്തിൽ 15 പേർ കൊല്ലപ്പെട്ടു

May 11th, 2014

bus-accident-epathram

ദുബായ് : ദുബായിലെ എമിറേറ്റ്സ് റോഡിൽ ഇന്നലെ നടന്ന വാഹനാപകടത്തിൽ 15 തൊഴിലാളികൾ കൊല്ലപ്പെട്ടു. മരിച്ചവർ മുഴുവനും ഏഷ്യൻ വംശജരാണ്. ഇതിൽ 10 പേർ ബീഹാറിൽ നിന്നുമുള്ള ഇന്ത്യൻ തൊഴിലാളികളാണ്. ജോലി സ്ഥലത്തേക്ക് പോകുകയായിരുന്ന തൊഴിലാളികൾ സഞ്ചരിച്ച മിനി ബസ് നിർത്തിയിട്ടിരുന്ന ഒരു ട്രക്കിന്റെ പുറകു വശത്ത് ഇടിച്ച് തകരുകയായിരുന്നു. സംഭവ സ്ഥലത്ത് വെച്ച് തന്നെ 13 പേർ കൊല്ലപ്പെട്ടു. രണ്ടു പേർ ആശുപത്രിയിൽ വെച്ചും മരണത്തിന് കീഴടങ്ങി.

അപകടത്തിൽ തകർന്ന് തരിപ്പണമായ ബസ് വെട്ടിപ്പൊളിച്ചാണ് യാത്രക്കാരെ പുറത്തെടുത്തത്. അമിത വേഗത മൂലമുണ്ടാവുന്ന അപകടങ്ങൾക്ക് അറുതി വരുത്താനായി നിരവധി നടപകടികൾ സർക്കാർ സ്വീകരിച്ച് വരുന്നതിനിടെയാണ് ഈ അപകടം.

- ജെ.എസ്.

വായിക്കുക: ,

Comments Off on ദുബായ് വാഹനാപകടത്തിൽ 15 പേർ കൊല്ലപ്പെട്ടു

രണ്ട് വര്‍ഷത്തിനുള്ളില്‍ പതിനായിരം പേര്‍ക്ക് കൂടി ജോലി നകും. എം. എ. യൂസഫലി

May 2nd, 2014

ma-yousufali-epathram
അബുദാബി : രണ്ടു വര്‍ഷത്തിനകം 10,000 പേര്‍ക്ക് കൂടി ലുലു ഗ്രൂപ്പ് തൊഴില്‍ നല്കുമെന്ന് ലുലു ഗ്രൂപ്പ് ചെയര്‍മാന്‍ എം. എ. യുസഫലി അബുദാബി യില്‍ പറഞ്ഞു. ഗള്‍ഫ് മേഖല യിലും വിവിധ രാജ്യ ങ്ങളിലുമായി ഇപ്പോള്‍ നൂറ്റിപ്പത്ത് ബ്രാഞ്ചുകളുള്ള ലുലു ഗ്രൂപ്പ്, അടുത്ത രണ്ടു വര്‍ഷ ത്തിനുള്ളില്‍ 130 ബ്രാഞ്ചുകള്‍ ആയി വികസിപ്പിക്കും എന്നും അദ്ദേഹം പറഞ്ഞു.

അബുദാബി മുശ്രിഫ് മാളില്‍ ഭക്ഷ്യ വിഭവ ങ്ങള്‍ക്കായി ഒരുക്കിയ ഫ്രഷ് ഫുഡ് മാര്‍ക്കറ്റ് ഉല്‍ഘാടനം ചെയ്ത വേള യില്‍ മാധ്യമ പ്രവര്‍ത്ത കരുമായി സംസാരി ക്കുക യായി രുന്നു എം. എ. യൂസഫലി.

യു. എ. ഇ. സാംസ്‌കാരിക യുവജന ക്ഷേമ, സാമൂഹിക വികസന വകുപ്പ് മന്ത്രി ശൈഖ് നഹ്യാന്‍ ബിന്‍ മുബാറഖ് അല്‍ നഹ്യാനാണ് ഫ്രഷ് ഫുഡ് മാര്‍ക്കറ്റ് ഉദ്ഘാടനം ചെയ്തത്.

നൂതനമായ സാങ്കതിക സൗകര്യ ങ്ങളോടെ രണ്ട് ലക്ഷ ത്തിലധികം ചതുരശ്ര യടി വിസ്തൃതി യിലാണ് ജി. സി. സി. യില്‍ തന്നെ ഏറ്റവും വലിയ ഭക്ഷ്യ കമ്പോള മായ ഫ്രഷ് ഫുഡ് മാര്‍ക്കറ്റ് ഒരുക്കിയിരി ക്കുന്നത്.

പഴം – പച്ചക്കറി – മല്‍സ്യ- മാംസം വിഭവ ങ്ങള്‍ക്കായി തയ്യാറാക്കിയ മാര്‍ക്ക റ്റില്‍ ശുദ്ധവും ഉന്നത ഗുണ നിലവാര മുള്ളതുമായ ഉല്‍പന്നങ്ങള്‍ വില്‍പന നടത്തുന്ന ഇരുനൂറിലധികം കട കള്‍ ഉണ്ട്.

സ്വദേശി പച്ചക്കറി കളും കടല്‍ വിഭവ ങ്ങളും ലഭ്യമാക്കി യു. എ. ഇ. യുടെ കാര്‍ഷിക മേഖല യുടെ വികസന ത്തിന് പ്രോത്സാഹനം നല്‍കുക യെന്നതും സ്വദേശി കളുടെയും വിദേശി കളിലെ വിവിധ വിഭാഗ ക്കാരുടെ യും ആവശ്യം നിറവേറ്റുന്ന വിധമാണ് ഈ മാര്‍ക്കറ്റ് രൂപകല്പന ചെയ്തിരിക്കുന്നത്.

- കറസ്പോണ്ടന്റ്

വായിക്കുക: , , ,

Comments Off on രണ്ട് വര്‍ഷത്തിനുള്ളില്‍ പതിനായിരം പേര്‍ക്ക് കൂടി ജോലി നകും. എം. എ. യൂസഫലി

Page 27 of 31« First...1020...2526272829...Last »

« Previous Page« Previous « സ്മാര്‍ട്ട് സിറ്റി ഉല്‍ഘാടനം അടുത്ത വര്‍ഷം മാര്‍ച്ചില്‍
Next »Next Page » ഗീവര്‍ഗീസ് സഹദായുടെ ഒാര്‍മപ്പെരുന്നാള്‍ ആചരിച്ചു »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...
മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha