ബുക്കർ പുരസ്കാരം ജെന്നി ഏർപെൻ ബെക്കിന്

May 22nd, 2024

germen-writer-jenny-erpenbeck-win-booker-prize-2024-ePathram
ലണ്ടൻ : ജർമ്മൻ എഴുത്തുകാരി ജെന്നി ഏർപെൻ ബെക്കിന് ബുക്കർ പുരസ്കാരം. ‘കെയ്‌റോസ്’ എന്ന നോവലിനാണ് പുരസ്‌കാരം ലഭിച്ചത്. ബുക്കര്‍ പുരസ്‌കാരം നേടുന്ന ആദ്യ ജര്‍മ്മന്‍ എഴുത്തു കാരിയാണ് 57 കാരിയായ ജെന്നി.

കൃതി ഇംഗ്ലീഷിലേക്ക് പരിഭാഷപ്പെടുത്തിയ മിഖായേൽ ഹോഫ്മാനും പുരസ്കാര ജേതാവാണ്. സമ്മാനത്തുകയായ 50,000 പൗണ്ട് എഴുത്തുകാരിയും വിവര്‍ത്തകനും പങ്കിടും.

ഇംഗ്ലീഷിലേക്ക് വിവർത്തനം ചെയ്യപ്പെട്ട 149 നോവലുകളിൽ നിന്നാണ് ‘കെയ്റോസ്’ ബുക്കർ പ്രൈസ് നേടിയത്. മുൻപ്, വേറിട്ട അസ്തിത്വത്തോടെ നില നിന്നിരുന്ന കിഴക്കൻ ജർമ്മനിയുടെ അവസാന നാളുകളുടെ ചരിത്ര പശ്ചാത്തലത്തിലുള്ള ഒരു സങ്കീർണ്ണമായ പ്രണയ കഥയാണ് കെയ്റോസ്.

ബെർലിൻ മതിലിൻ്റെ പതനത്തിലേക്ക് നയിക്കുന്ന ജർമ്മൻ ഡെമോക്രാറ്റിക് റിപ്പബ്ലിക്കിൻ്റെ പശ്ചാത്തല ത്തിൽ മനുഷ്യ ബന്ധങ്ങളെ വിവരിക്കുന്ന മികച്ച രചനയാണ് കെയ്റോസ് എന്ന് ജഡ്ജിംഗ് പാനൽ വിലയിരുത്തി.

സ്വകാര്യ ജീവിതത്തിലെ അനുഭവങ്ങളും ഭരണ കൂടങ്ങൾ വ്യക്തികളിൽ ചെലുത്തുന്ന സ്വാധീനവും ചരിത്രവും രാഷ്ട്രീയവും നോവലിൽ മനോഹരമായി ഇടകലരുന്നുണ്ട്. The Booker Prizes :  Twitter X

- pma

വായിക്കുക: , , , , ,

Comments Off on ബുക്കർ പുരസ്കാരം ജെന്നി ഏർപെൻ ബെക്കിന്

മെഹ്ഫിൽ ഹ്രസ്വ ചിത്ര-മാധ്യമ പുരസ്കാരങ്ങൾ സമ്മാനിച്ചു

May 21st, 2024

logo-mehfil-dubai-nonprofit-organization-ePathram

ഷാർജ : മെഹ്ഫിൽ റീജ്യണൽ ഷോർട്ട് ഫിലിം ഫെസ്റ്റിവൽ അവാർഡുകൾ വിതരണം ചെയ്തു. ഷാർജ ഇന്ത്യൻ അസ്സോസ്സിയേഷനിൽ നടന്ന ചടങ്ങിൽ മാധ്യമ രംഗത്തെ മികവിന് മെഹ്ഫിൽ മാധ്യമ ശ്രേഷ്ഠ പുരസ്കാരങ്ങളും സമ്മാനിച്ചു.

mehfil-short-film-fest-2024-winners-ePathram

മെഹ്ഫിൽ റീജ്യണൽ ഷോർട്ട് ഫിലിം ഫെസ്റ്റിൽ തെരഞ്ഞെടുക്കപ്പെട്ടവ :
മികച്ച ചിത്രം : ഏക് കഹാനി
രണ്ടാമത്തെ ചിത്രം : റെയ്സ്
മികച്ച സംവിധാനം : അനൂപ് കൂമ്പനാട്
മികച്ച : നടൻ സജിൻ പൂളക്കൽ
മികച്ച നടി : ഷാലി ബിജു
മികച്ച ക്യാമറ : ഉണ്ണി
മികച്ച എഡിറ്റർ : പ്രെസ്‌ലി വേഗസ്
മികച്ച തിരക്കഥ : റഹ്മത്തു പുളിക്കൽ

മാധ്യമ ശ്രേഷ്ഠ അവാർഡ് എം. സി. എ. നാസ്സർ, സാദിക്ക് കാവിൽ, ആർ. ജെ. ഫസലു, ജോബി വാഴപ്പിള്ളി, ഡയാന എന്നിവർക്ക് സിനിമ സംവിധായകൻ സജിൻ ലാൽ, ചലച്ചിത്ര നടി ലക്ഷ്മി എന്നിവർ സമ്മാനിച്ചു.

ബഷീർ സിൽസില, പോൾസൺ പാവറട്ടി, ഷാനവാസ്‌ കണ്ണഞ്ചേരി, എ. സുരേഷ് ബാബു, അനുരാജ്, ദിൻഷ, യഹിയ തിരൂർ, റാഫി മതിരാ, സ്റ്റാലിൻ സിൽവസ്റ്റർ, മഞ്ജു പ്രതാപ്, ഷാജി പുരുഷോത്തമൻ സംബന്ധിച്ചു.

- pma

വായിക്കുക: , , , , , , ,

Comments Off on മെഹ്ഫിൽ ഹ്രസ്വ ചിത്ര-മാധ്യമ പുരസ്കാരങ്ങൾ സമ്മാനിച്ചു

മഠത്തിൽ മുസ്തഫയുടെ ചിത്രം ലൈബ്രറിയിൽ സ്ഥാപിച്ചു

April 30th, 2024

kmcc-leader-madathil-musthafa-ePathram
അബുദാബി : ഇന്ത്യൻ ഇസ്ലാമിക് സെൻ്റർ, കെ. എം. സി. സി. എന്നിവയുടെ പ്രവർത്തകനായിരുന്ന അന്തരിച്ച മഠത്തിൽ മുസ്തഫയുടെ ചിത്രം സെൻ്റർ ലൈബ്രറിയിൽ സ്ഥാപിച്ചു.

സെൻ്റർ ഓഡിറ്റോറിയത്തിൽ നടന്ന മഠത്തിൽ മുസ്തഫ അനുസ്മരണ ചടങ്ങിൽ വെച്ച് ഫോട്ടോ അനാച്ഛാദനം ചെയ്തു. സെൻ്റർ പ്രസിഡണ്ട് പി. ബാവ ഹാജി, ജനറൽ സെക്രട്ടറി അഡ്വ. കെ. വി. മുഹമ്മദ് കുഞ്ഞി, വൈസ് പ്രസിഡണ്ട് ഇബ്രാഹിം ബഷീർ, സെൻ്റർ മാനേജിംഗ് കമ്മിറ്റി അംഗങ്ങളായ ഹിദായത്തുള്ള, ജലീൽ കാര്യാടത്ത്, ഹൈദർ ബിൻ മൊയ്തു, കെ. എം. സി. സി. നേതാക്കളായ യു. അബ്ദുല്ല ഫാറൂഖി, സി. എച്ച്. യൂസുഫ് മാട്ടൂൽ, വി. പി. കെ. അബ്ദുല്ല, ശാദുലി വളക്കൈ, ശറഫുദ്ധീൻ കുപ്പം, സ്വാലിഹ് വാഫി, അബ്ദുറഹിമാൻ കമ്പള എന്നിവർ സംബന്ധിച്ചു.

madathil-musthafa-photo-in-islamic-center-library-ePathram

മഠത്തിൽ മുസ്തഫയുടെ കൂടെ മത-സാമൂഹിക-രാഷ്ട്രീയ പ്രവർത്തനങ്ങളിൽ പങ്കാളികളായ, ഇസ്ലാമിക് സെൻ്റർ, സുന്നി സെൻ്റർ, കെ. എം. സി. സി. എന്നീ സംഘടനകളുടെ പ്രവർത്തകരും നേതാക്കളും അദ്ദേഹവും ഒത്തുള്ള പ്രവർത്തന കാലത്തെ അനുഭവങ്ങൾ പങ്കു വെച്ചു.

സെൻ്റർ സാഹിത്യ വിഭാഗം സെക്രട്ടറി യു. കെ. മുഹമ്മദ് കുഞ്ഞി സ്വാഗതവും അക്ഷര സാഹിത്യ ക്ലബ്ബ് കൺവീനർ മുഹമ്മദലി മാങ്കടവ് നന്ദിയും പറഞ്ഞു.

- pma

വായിക്കുക: , , , , ,

Comments Off on മഠത്തിൽ മുസ്തഫയുടെ ചിത്രം ലൈബ്രറിയിൽ സ്ഥാപിച്ചു

വിഷു – ഈദ് – ഈസ്റ്റർ ആഘോഷങ്ങൾ സംഘടിപ്പിച്ചു

April 14th, 2024

abudhabi-shakthi-vishu-eid-easter-2024-celebrations-at-ksc-ePathram
അബുദാബി : ശക്തി തിയ്യറ്റേഴ്‌സ് അബുദാബി ഒരുക്കിയ വിഷു – ഈദ് – ഈസ്റ്റർ ആഘോഷങ്ങൾ കേരള സോഷ്യൽ സെൻ്ററിൽ അരങ്ങേറി. ശക്തി പ്രസിഡണ്ട് കെ. വി. ബഷീർ അദ്ധ്യക്ഷത വഹിച്ചു. ആക്ടിംഗ് സെക്രട്ടറി നികേഷ് വലിയ വളപ്പിൽ സ്വാഗതം ആശംസിച്ചു.

audiance-shakthi-vishu-eid-easter-2024-celebrations-at-ksc-ePathram

കെ. എസ്. സി. പ്രസിഡണ്ട് എ. കെ. ബീരാൻ കുട്ടി, ശക്തി വനിതാ വേദി കൺവീനർ ബിന്ദു നഹാസ്, കലാ വിഭാഗം സെക്രട്ടറിമാരായ അജിൻ, സൈനു എന്നിവർ സംസാരിച്ചു. ശക്തി കലാ വിഭാഗവും ബാലസംഘം കുട്ടികളും വൈവിധ്യമാർന്ന കലാപരിപാടികൾ അവതരിപ്പിച്ചു.

- pma

വായിക്കുക: , , , , , , ,

Comments Off on വിഷു – ഈദ് – ഈസ്റ്റർ ആഘോഷങ്ങൾ സംഘടിപ്പിച്ചു

സസ്നേഹം സമസ്യ : സാഹിത്യ സദസ്സും ആദരിക്കലും

April 4th, 2024

sasneham-samasya-chinmayam-literature-club-ePathram
ദുബായ് : ചിന്മയ കോളജ് അലുംനി യു. എ. ഇ. യുടെ കീഴിലെ ചിന്മയം ലിറ്ററേച്ചർ ക്ലബ്ബ്, സമസ്യ എഴുത്തു കുടുംബം (യു. എ. ഇ.) എന്നിവർ സംയുക്തമായി ‘സസ്നേഹം സമസ്യ’ എന്ന പേരിൽ സാഹിത്യ സദസ്സ് സംഘടിപ്പിക്കുന്നു.

ദുബായ് അക്കാഫ് അസ്സോസിയേഷൻ ഹാളിൽ ഏപ്രിൽ 7 ഞായറാഴ്ച വൈകുന്നേരം 6.30 ന് ഇഫ്താർ വിരുന്നോടെ ഒരുക്കുന്ന പരിപാടിയിൽ വെച്ച് യു. എ. ഇ. യിലെ മലയാളി കലാ സാഹിത്യ സാംസ്കാരിക രംഗത്തെ പ്രമുഖരെ ആദരിക്കും. അക്കാഫ് പ്രസിഡണ്ട് പോൾ ടി. ജോസഫ് മുഖ്യ അതിഥി ആയിരിക്കും.

വിവിധ മേഖലകളിലെ പ്രവർത്തനങ്ങളിലൂടെ ശ്രദ്ധേയരായ ഷീല പോൾ, ബഷീർ തിക്കോടി, സാദിഖ് കാവിൽ, മാത്തുക്കുട്ടി കടോൺ, ഷാബു കിളിത്തട്ടിൽ, ഇ. കെ. ദിനേശൻ, മുരളി മംഗലത്ത്, ഹണി ഭാസ്‌കരൻ, മോഹൻ കുമാർ, മച്ചിങ്ങൽ രാധാകൃഷ്ണൻ എന്നിവരെയാണ് ആദരിക്കുക.

വിവരങ്ങൾക്ക് 052 208 1754 (ഹരിഹരൻ)

- pma

വായിക്കുക: , , , , , ,

Comments Off on സസ്നേഹം സമസ്യ : സാഹിത്യ സദസ്സും ആദരിക്കലും

Page 11 of 50« First...910111213...203040...Last »

« Previous Page« Previous « ഈദുൽ ഫിത്വർ അവധി ദിനങ്ങൾ
Next »Next Page » ക്രിക്കറ്റ് ടൂർണ്ണമെൻ്റ് : മാർത്തോമാ യുവജന സഖ്യം ജേതാക്കൾ »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha