 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : വാണിമേൽ പഞ്ചായത്ത് കെ. എം. സി. സി. ഏർപ്പെടുത്തിയ പ്രഥമ മാധ്യമ പ്രതിഭ പുരസ്കാരം പ്രമുഖ മാധ്യ പ്രവർത്തകരായ റാഷിദ് പൂമാടം (സിറാജ് ദിനപത്രം അബുദാബി റിപ്പോർട്ടര്‍), സമീര്‍ കല്ലറ (അബുദാബി 24 സെവൻ ന്യൂസ് ചീഫ് എഡിറ്റർ) എന്നിവര്‍ക്കു സമ്മാനിക്കും. മെയ് 27 ശനിയാഴ്ച വൈകുന്നേരം അബുദാബി ഇന്ത്യൻ ഇസ്ലാമിക് സെന്‍ററില്‍ ഒരുക്കുന്ന വാണിമേൽ സംഗമം 2023 എന്ന പ്രോഗ്രാമിൽ വെച്ച് പുരസ്കാരങ്ങൾ സമ്മാനിക്കും.
- pma
വായിക്കുക: ആഘോഷം, കെ.എം.സി.സി., പ്രവാസി, ബഹുമതി, മാധ്യമങ്ങള്‍, സംഘടന
ന്യൂഡല്‍ഹി : മുതിര്‍ന്ന അഭിഭാഷന്‍ മലയാളിയായ കെ. വി. വിശ്വനാഥന്‍, ആന്ധ്രാ പ്രദേശ് ഹൈക്കോടതി ചീഫ് ജസ്റ്റിസ് പ്രശാന്ത് കുമാര്‍ മിശ്ര എന്നിവര്‍ സുപ്രീം കോടതി ജഡ്ജിമാര്‍ ആയി സത്യ പ്രതിജ്ഞ ചെയ്തു. ചീഫ് ജസ്റ്റിസ് ഡി. വൈ. ചന്ദ്രചൂഡ് സത്യവാചകം ചൊല്ലി ക്കൊടുത്തു.
അഭിഭാഷകരുടെ നിയമനത്തിന് കേന്ദ്ര സര്‍ക്കാര്‍ അനുമതി നല്‍കിയതിനെ തുടർന്ന് കൊളീജിയം ശുപാര്‍ശ ചെയ്ത ഇവരെ കേന്ദ്ര സര്‍ക്കാര്‍ കഴിഞ്ഞ ദിവസമാണ് സുപ്രീം കോടതി ജഡ്ജിമാരായി നിയമിച്ചത്.
Justice Prashant Kumar Mishra, KV Viswanathan sworn in as Supreme Court judges; top court at full strength of 34https://t.co/JltKMnytlt
— Bar & Bench (@barandbench) May 19, 2023
സുപ്രീം കോടതിയില്‍ 34 ജഡ്ജിമാരുടെ അംഗീകൃത അംഗബലം ഉണ്ട് എന്നും നിലവില്‍ 32 ജഡ്ജിമാർ പ്രവര്‍ത്തിക്കുന്നു എന്നും അഞ്ചംഗ കൊളീജിയം വ്യക്തമാക്കി. സുപ്രീം കോടതി ജഡ്ജിമാരായ ദിനേഷ് മഹേശ്വരിയും എം. ആര്‍. ഷായും അടുത്തിടെ വിരമിച്ചിരുന്നു. ഇവരുടെ ഒഴിവിലേക്കാണ് ചീഫ് ജസ്റ്റിസ് ഡി. വൈ. ചന്ദ്ര ചൂഡ് അദ്ധ്യക്ഷനായ അഞ്ചംഗ സുപ്രീം കോടതി കൊളീജിയം രണ്ടു പേരെയും ശുപാര്‍ശ ചെയ്തത്.
പാലക്കാട് ജില്ലയിലെ കല്‍പ്പാത്തി സ്വദേശിയായ കെ. വി. വിശ്വനാഥന്‍ 35 വര്‍ഷമായി സുപ്രീം കോടതിയില്‍ പ്രാക്ടീസ് ചെയ്യുന്നു. നിലവിലെ ജസ്റ്റിസ് ജെ. ബി. പര്‍ദി വാല, 2030 ആഗസ്റ്റ് 11 ന് വിരമിക്കുന്നതോടെ കെ. വി. വിശ്വ നാഥന്‍ ഇന്ത്യയുടെ ചീഫ് ജസ്റ്റിസ്സ് പദവിയിൽ എത്തും. 2031 മേയ് 25 ന് അദ്ദേഹം വിരമിക്കും വരെ 9 മാസം ആ സ്ഥാനത്ത് തുടരും എന്നാണ് റിപ്പോര്‍ട്ടുകള്‍.
- pma
വായിക്കുക: അന്താരാഷ്ട്രം, ഇന്ത്യ, കേരളം, കോടതി, നിയമം, ബഹുമതി, സാങ്കേതികം, സുപ്രീംകോടതി
അബുദാബി : യു. എ. ഇ. പ്രസിഡണ്ടും അബുദാബി ഭരണാധികാരിയുമായ ശൈഖ് മുഹമ്മദ് ബിന്‍ സായിദ് അല്‍ നഹ്യാന്‍റെ രക്ഷാ കര്‍തൃത്വത്തില്‍ ഏര്‍പ്പെടു ത്തിയ ശൈഖ് ഖലീഫ എക്സലന്‍സ് അവാർഡിന് മലയാളി യുവ വ്യവസായി‌യും ഇന്ത്യ പാലസ് റെസ്റ്റോറന്‍റ് ശൃംഖലയുടെ മേധാവിയുമായ രോഹിത് മുരളിയ അർഹനായി.
അബുദാബി എമിറേറ്റ്സ് പാലസിൽ നടന്ന ചടങ്ങിൽ അബുദാബി കിരീട അവകാശി ശൈഖ് ഖാലിദ് ബിന്‍ മുഹമ്മദ് അല്‍ നഹ്യാന്‍, രോഹിത് മുരളിയക്ക് ശൈഖ് ഖലീഫ എക്സലന്‍സ് അവാർഡ് സമ്മാനിച്ചു. വിവിധ വകുപ്പു മന്ത്രിമാര്‍, ഉന്നത ഉദ്യോഗസ്ഥര്‍, വ്യവസായ പ്രമുഖര്‍ മറ്റു അവാര്‍ഡ് ജേതാക്കളും ചടങ്ങില്‍ സംബന്ധിച്ചു.
- pma
ഷാർജ : നോളജ് ചാമ്പ്യൻ ക്വിസ് മത്സരത്തിൽ രണ്ടാം സ്ഥാനം സ്വന്തമാക്കി ഷാർജയിലെ മലയാളി വിദ്യാർത്ഥി നേഹ സുധീർ. യു. എ. ഇ., ഖത്തർ, ബഹ്റൈൻ എന്നീ രാജ്യങ്ങളിൽ നിന്നുള്ള വിദ്യാർത്ഥികളെ പങ്കെടുപ്പിച്ച് നടത്തിയ ക്വിസ് മത്സരത്തിലാണ് നേഹ സുധീർ രണ്ടാം സമ്മാനം കരസ്ഥമാക്കിയത്.
തൃശൂർ ജില്ലയിലെ എടമുട്ടം സ്വദേശി സുധീർ ഖാലിദ് – സെനീന സുധീർ ദമ്പതികളുടെ മകൾ നേഹ സുധീർ, ഷാർജ ന്യൂ ഇന്ത്യൻ മോഡൽ സ്കൂളിലെ ഒമ്പതാം ക്ലാസ്സ് വിദ്യാര്‍ത്ഥിനിയാണ്.
സീനിയർ വിഭാഗത്തിൽ യു. എ. ഇ. യിൽ നിന്നുള്ള ഏക മത്സരാർത്ഥി നേഹ സുധീർ ആയിരുന്നു. റണ്ണർ അപ്പ് പ്രൈസ് ലഭിച്ച നേഹ സുധീറിന് ജർമ്മനിയിൽ നിന്നും സംഘാടകർ അയച്ചു കൊടുത്ത ട്രോഫിയും സർട്ടിഫിക്കറ്റും സ്‌കൂൾ അധികൃതർ സമ്മാനിച്ചു.
നോളജ് ചാമ്പ്യൻ ഓൺ ലൈൻ ക്വിസ് മത്സരത്തിൽ വിവിധ ദേശക്കാരായ 450 വിദ്യാർത്ഥികൾ പങ്കെടുത്തു.
- pma
വായിക്കുക: nri, കുട്ടികള്‍, പൂര്‍വ വിദ്യാര്‍ത്ഥി, പ്രവാസി, ബഹുമതി, വിദ്യാഭ്യാസം, ഷാര്‍ജ, സ്ത്രീ
അബുദാബി : മികച്ച വളർച്ചാ നിരക്കുമായി കുതിപ്പു തുടർന്ന് മിഡിൽ ഈസ്റ്റിലെ ഏറ്റവും വലിയ ആരോഗ്യ സേവന ദാതാക്കളില്‍ മുന്നില്‍ നില്‍ക്കുന്ന ബുര്‍ജീല്‍ ഹോള്‍ഡിംഗ്സ് 2023 ആദ്യ പാദത്തിലെ സാമ്പത്തിക ഫലങ്ങൾ പ്രഖ്യാപിച്ചു. മാർച്ച് 31 ന് അവസാനിച്ച ആദ്യ പാദത്തിൽ ഗ്രൂപ്പിന്‍റെ വരുമാനം 1.1 ബില്യൺ ആയി ഉയർന്നപ്പോൾ അറ്റാദായം 121.3 മില്യൺ ദിർഹമായി ഉയർന്നു.
ആശുപത്രികളുടെയും (10.9%) മെഡിക്കൽ സെന്‍ററു കളുടെയും (24.8%) വരുമാനത്തില്‍ ഉണ്ടായ ഗണ്യമായ അഭിവൃദ്ധിയിലൂടെയാണ് ഗ്രൂപ്പ് നേട്ടം കൊയ്തത്.
ബുർജീൽ ഹോൾഡിംഗ്സിന്‍റെ മുൻ‌നിര ആശുപത്രിയായ ബുർജീൽ മെഡിക്കൽ സിറ്റിയുടെ വരുമാനത്തിൽ 32.6% വർദ്ധനവ് ഉണ്ടായി. 22.3 % എന്ന മികച്ച EBITDA മാർജിനും രേഖപ്പെടുത്തി.
പുതിയ സ്പെഷ്യാലിറ്റികളിലെ നിക്ഷേപവും ആസ്തി കളില്‍ ഉടനീളം ഉള്ള വിനിയോഗവും കാരണം ഔട്ട്പേഷ്യന്‍റ്, ഇൻപേഷ്യന്‍റ് എണ്ണത്തിൽ യഥാക്രമം 16.5%, 26.9% എന്നിങ്ങനെയാണ് വർദ്ധനവ്.
We are pleased to announce our Q1 2023 financial results, delivering net profit growth of 43.4% as revenue increased 11.6%.
We continue to deliver on our strategic priorities while ensuring we provide accessible, quality healthcare to our diverse communities across the UAE and… pic.twitter.com/xlKOcgVUnS— Burjeel Holdings (@BurjeelHoldings) May 9, 2023
യു. എ. ഇ. യിൽ ഉടനീളം 120-തിലധികം പുതിയ ഇൻപേഷ്യന്‍റ് കിടക്കകളും അഞ്ച് പുതിയ മെഡിക്കൽ സെന്‍ററുകളും ഉൾപ്പെടുത്തി പ്രവർത്തനം വിപുലീ കരിക്കുവാന്‍ ഉള്ള പദ്ധതികളും മിഡിൽ ഈസ്റ്റി ലെയും ആഫ്രിക്കയിലെയും പുതിയ പങ്കാളിത്ത പദ്ധതികളുടെ അവലോകനവും പുരോഗമിച്ചു കൊണ്ടിരിക്കുകയാണ്.
ഡോക്ടര്‍.ഷംഷീർ വയലിൽ സ്ഥാപകനും ചെയർ മാനുമായ ബുർജീൽ ഹോൾഡിംഗ്സ് 2022 ൽ റെക്കോർഡ് അറ്റാദായത്തിലൂടെ 52 ശതമാനം വളർച്ചയാണ് കൈ വരിച്ചിരുന്നത്.
ഉയർന്ന വരുമാനം, വർദ്ധിച്ച പ്രവർത്തന ക്ഷമത, കുറഞ്ഞ സാമ്പത്തിക ചെലവുകൾ എന്നിവ ഗ്രൂപ്പിന്‍റെ തുടർ പ്രവർത്തനങ്ങൾക്ക് ശക്തമായ അടിത്തറ പാകുന്നു എന്നാണ് വിലയിരുത്തൽ.
- pma
വായിക്കുക: nri, social-media, vps-burjeel, പ്രവാസി, ബഹുമതി, വ്യവസായം, സാമ്പത്തികം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
