 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : ഇന്ത്യന്‍ റിപ്പബ്ലിക്ക് ദിന ആഘോഷ ങ്ങളുടെ ഭാഗമായി ലുലു ഹൈപ്പര്‍ മാര്‍ക്കറ്റുകളില്‍ ഒരുക്കിയ ഇന്ത്യാ ഉത്സവത്തിന്‍റെ ഭാഗമായി ജനുവരി 28 ശനിയാഴ്ച വൈകുന്നേരം ഏഴു മണിക്ക് പ്രശസ്ത ചലച്ചിത്ര താരം മഞ്ജു വാര്യർ അബുദാബി അൽ വഹ്ദ മാളിലെ ലുലു വില്‍ എത്തുന്നു.
അവരുടെ ആയിഷ എന്ന ഏറ്റവും പുതിയ സിനിമ യുടെ പ്രമോഷനും കൂടിയാണ് ലുലുവിലെ സന്ദര്‍ശനം. TikTok
- pma
വായിക്കുക: lulu-group, ആഘോഷം, സിനിമ, സ്ത്രീ
അബുദാബി : ഇന്ത്യ സോഷ്യല്‍ & കള്‍ച്ചറല്‍ സെന്റര് സംഘടിപ്പിക്കുന്ന ഐ. എസ്. സി. – യു. എ. ഇ. തല ഓപ്പണ്‍ യൂത്ത് ഫെസ്റ്റിവല്‍ 2023 ജനുവരി 20 ന് (വെള്ളി) തുടക്കമാവും. മൂന്നു ദിവസങ്ങളിലായി നടക്കുന്ന യൂത്ത് ഫെസ്റ്റിവലില്‍ വിവിധ കലാ വിഭാഗങ്ങളിലായി യു. എ. ഇ. യിലെ എല്ലാ എമിറേറ്റുകളിലേയും ഇന്ത്യന്‍ സ്കൂളുകളില്‍ നിന്നുമായി നാനൂറോളം വിദ്യാര്‍ത്ഥികള്‍ പങ്കെടുക്കും എന്ന് ഐ. എസ്. സി. ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.
പ്രായത്തിന്‍റെ അടിസ്ഥാനത്തില്‍ കിഡ്‌സ് (3-6 വയസ്സ്), സബ് ജൂനിയര്‍ (7-9 വയസ്സ്), ജൂനിയര്‍ (10-12 വയസ്സ്), സീനിയര്‍ (13-15 വയസ്സ്), സൂപ്പര്‍ സീനിയര്‍ (16-18 വയസ്സ്) എന്നിങ്ങനെ അഞ്ച് കാറ്റഗറികളിലാണ് മല്‍സരങ്ങള്‍ അരങ്ങേറുക.
പങ്കെടുക്കാന്‍ ആഗ്രഹിക്കുന്ന കുട്ടികൾ ജനുവരി16 നു മുൻപായി ഓണ്‍ ലൈന്‍ ലിങ്ക്, സ്‌കൂളുകള്‍ വഴി, ഐ. എസ്. സി. വെബ് സൈറ്റ് വഴിയും റജിസ്റ്റര്‍ ചെയ്യാം.
വിജയികള്‍ക്ക് ഒന്നും രണ്ടും മൂന്നും സ്ഥാനങ്ങളില്‍ വ്യക്തിഗത സമ്മാനങ്ങള്‍ക്കു പുറമേ പോയിന്‍റ് അടിസ്ഥാന ത്തില്‍ ഐ. എസ്. സി. പ്രതിഭ-2023, ഐ. എസ്. സി. തിലക് – 2023 എന്നീ പുരസ്കാരങ്ങളും സമ്മാനിക്കും.
ഭരതനാട്യം, മോഹിനിയാട്ടം, കുച്ചിപ്പുടി, സെമി ക്ലാസിക്കല്‍, ഫോക്ക് ഡാന്‍സ്, ഒഡീസി, കഥക്, തുടങ്ങിയ നൃത്ത ഇനങ്ങളും കര്‍ണാട്ടിക്, ഹിന്ദുസ്ഥാനി, ലളിത ഗാനം, സിനിമാ ഗാനങ്ങള്‍ (കരോക്കെ), ഇന്‍സ്ട്രുമെന്‍റ് (വാദ്യോപകരണ സംഗീതം), മോണോ ആക്ട്, ഫാന്‍സി ഡ്രസ്സ്, ഡ്രോയിംഗ്, പെയിന്‍റിംഗ് തുടങ്ങിയ മല്‍സര ഇനങ്ങള്‍ ഇന്ത്യാ സോഷ്യല്‍ സെന്‍ററിന്‍റെ അഞ്ച് വേദികളിലായി അരങ്ങേറും.
ഐ. എസ്. സി. പ്രസിഡണ്ട് ഡി. നടരാജന്‍, ജനറല്‍ സെക്രട്ടറി പി. സത്യബാബു, ട്രഷറര്‍ ലിംസണ്‍ കെ. ജേക്കബ്, ലിറ്റററി സെക്രട്ടറി ദീപക് കുമാര്‍ ഡാഷ്, യൂത്ത് ഫെസ്റ്റിവൽ പ്രായോജക പ്രതിനിധികളായ ഭവന്‍സ് സ്‌കൂള്‍ ചെയര്‍മാന്‍ സൂരജ് രാമചന്ദ്രന്‍, മെഡിയോര്‍ & എല്‍. എല്‍. എച്ച്. ഹോസ്പിറ്റല്‍ ഓപ്പറേഷന്‍സ് ഡയറക്ടര്‍ ഡോ. നവീന്‍ ഹൂദ് അലി, അഹല്യ ഹോസ്പിറ്റല്‍ ബിസിനസ്സ് ഡവലപ്പ് മെന്‍റ് മാനേജര്‍ ഹരിപ്രസാദ് എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.
- pma
വായിക്കുക: ആഘോഷം, ഇന്ത്യന്‍ സോഷ്യല്‍ സെന്റര്, കുട്ടികള്‍, ചിത്രകല, നൃത്തം, പൂര്‍വ വിദ്യാര്‍ത്ഥി, പ്രവാസി, സംഗീതം, സംഘടന, സാംസ്കാരികം
അബുദാബി : പ്രമുഖ നര്‍ത്തകി കലാമണ്ഡലം കൃഷ്ണ ശ്രീജിത്തിന്‍റെ കീഴില്‍ പ്രവര്‍ത്തിച്ചു വരുന്ന മുസ്സഫ യിലെ നാട്യ ഡാന്‍സ് ട്രെയിനിംഗ് ഇന്‍സ്റ്റിറ്റ്യൂട്ടിലെ വിദ്യാര്‍ത്ഥികളുടെ ഭരതനാട്യം അരങ്ങേറ്റവും നാട്യയുടെ വാര്‍ഷിക ആഘോഷവും 2023 ജനുവരി 7 ശനിയാഴ്ച വൈകുന്നേരം 4 മണി മുതല്‍ അബുദാബി ഭവന്‍സ് സ്കൂളില്‍ അരങ്ങേറും എന്ന് നാട്യ ഭാരവാഹി കള്‍ വാര്‍ത്താ സമ്മേളനത്തില്‍ അറിയിച്ചു.
കലാമണ്ഡലം കാര്‍ത്തികേയന്‍ (വായ്പ്പാട്ട്), കലാ മണ്ഡലം കിരണ്‍ ഗോപിനാഥ് (മൃദംഗം), പത്മകുമാരി മഞ്ചേരി (വയലിന്‍), കേരള കലാ മണ്ഡലത്തിലെ ഓര്‍ക്കസ്ട്ര ടീമും പരിപാടി യില്‍ അണി നിരക്കും.
നാട്യയുടെ സഹോദര സ്ഥാപനമായ കലാ മന്ദിര്‍ അബു ദാബിയുടെ വാദ്യ മേള സായാഹ്നം “കലാ മന്ദിര്‍ മേളോല്‍സവം 2023 പഞ്ചാരിമേളം” എന്ന പേരില്‍ അബുദാബി ഇന്ത്യന്‍ സോഷ്യല്‍ സെന്‍ററില്‍ (ISC) ജനുവരി 8 ഞായറാഴ്ച വൈകുന്നേരം 4.30 ന് കലാ നിലയം സുരേഷ് അവതരിപ്പിക്കുന്ന സിംഗിള്‍ തായമ്പകയോടെ തുടക്കം കുറിക്കും.
തുടര്‍ന്ന് അറുപതോളം വാദ്യ കലാകാരന്മാര്‍ മേള വിസ്മയം തീര്‍ക്കും. കലാമണ്ഡലം ശിവദാസ്, ഹരി അവിട്ടത്തൂര്‍ തുടങ്ങിയവര്‍ നേതൃത്വം നല്‍കും. മേളോല്‍സവത്തിലേക്ക് പ്രവേശനം സൗജന്യം ആയിരിക്കും.
പരിപാടികളെ കുറിച്ച് വിശദീകരിക്കുവാന്‍ വിളിച്ചു ചേര്‍ത്ത വാര്‍ത്താ സമ്മേളനത്തില്‍ കലാ മണ്ഡലം കൃഷ്ണ ശ്രീജിത്ത്, കലാ മന്ദിരം ശോഭാ കൃഷ്ണന്‍ കുട്ടി, കാളി കണ്ണന്‍, ബിജു അബുദാബി, ജോമോന്‍ വര്‍ഗ്ഗീസ് എന്നിവര്‍ സംബന്ധിച്ചു.
- pma
വായിക്കുക: ആഘോഷം, കുട്ടികള്‍, നൃത്തം, സംഗീതം
അബുദാബി : പ്രവാസി മലയാളികളുടെ സംഗമ വേദിയായ അബുദാബി കേരള സോഷ്യല്‍ സെന്‍ററില്‍ 2022 ഡിസംബര്‍ 30 വെള്ളിയാഴ്ച മുതല്‍ മൂന്നു ദിവസം നീണ്ടു നില്‍ക്കുന്ന കേരളോത്സവം ആഘോഷിക്കും. അമ്പതാം വാര്‍ഷികം ആഘോഷിക്കുന്ന കെ. എസ്. സി. യുടെ അങ്കണത്തില്‍ അരങ്ങേറുന്ന ഈ വര്‍ഷത്തെ കേരളോത്സവം പ്രവാസി കളുടെ കലാ സാംസ്‌കാരിക ആഘോഷമാക്കി മാറ്റുന്നതിനുള്ള ഒരുക്കങ്ങള്‍ പൂര്‍ത്തിയായി എന്നും ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.
ഒന്നാം സമ്മാനം ഇരുപത് പവൻ സ്വർണ്ണം ഉൾപ്പെടെ 101 ആകർഷകമായ സമ്മാനങ്ങള്‍ കേരളോത്സവ ത്തില്‍ പങ്കാളികള്‍ ആവുന്നവര്‍ക്കായി ഒരുക്കിയിട്ടുണ്ട്. പത്തു ദിര്‍ഹം വിലയുള്ള കേരളോത്സവ പ്രവേശന കൂപ്പണില്‍ സമാപന ദിവസമായ ജനുവരി 1 നു നടക്കുന്ന നറുക്കെടുപ്പിലെ ആദ്യ വിജയിക്ക് 160 ഗ്രാം സ്വര്‍ണ്ണവും കൂടാതെ മറ്റു 100 പേര്‍ക്ക് വില പിടിപ്പുള്ള വിവിധ സമ്മാനങ്ങളും നല്‍കും.
ഗൃഹാതുരത്വം വിളിച്ചോതുന്ന, കേരള തനിമ യുള്ള ഭക്ഷണ വിഭവങ്ങൾ ലഭ്യമാകുന്ന നാടൻ തട്ടു കടകൾ, പ്രശസ്തരായ കലാകാരൻമാർ പങ്കെടുക്കുന്ന നൃത്ത സംഗീത പരിപാടികൾ, വനിതകൾ ഉൾപ്പെടുന്ന ചെണ്ട മേളം, കുട്ടികൾക്കായി അണിയിച്ചൊരുക്കിയ വിവിധ ങ്ങളായ കളികൾ, സയൻസ് കോർണർ, പുസ്‌തക മേള, മറ്റു വാണിജ്യ സ്റ്റാളുകൾ എന്നിവയാണ് കേരളോത്സവ ത്തിന്‍റെ പ്രധാന ആകർഷണം. ഇന്ത്യൻ കുടുംബങ്ങൾ ഉൾപ്പെടെ സ്വദേശികളും വിദേശികളുമായ പതിനായിരത്തില്പരം ആളുകളെയാണ് കേരളോത്സവ ത്തിലേക്ക് പ്രതീക്ഷിക്കുന്നത്.
സമാപന ദിവസം ജനുവരി 1 നു പ്രശസ്ത ജന പ്രിയ ഗായകൻ അതുൽ നറുകര നേതൃത്വം നല്‍കുന്ന ഗാനമേള അരങ്ങേറും.
കൊവിഡ് സൃഷ്ടിച്ച രണ്ടു വർഷത്തെ പ്രതി സന്ധിക്ക് ശേഷമാണ് ഇങ്ങിനെയൊരു ജനകീയോത്സവം സംഘടിപ്പിക്കുന്നത് എന്നും കെ. എസ്. സി. പ്രസിഡണ്ട് വി. പി. കൃഷ്ണ കുമാര്‍, ജനറല്‍ സെക്രട്ടറി ഷെറിൻ വിജയന്‍, ട്രഷറര്‍ നികേഷ്, കണ്‍വീനര്‍ അഡ്വ. അന്‍സാരി സൈനുദ്ധീൻ, വൈസ് പ്രസിഡണ്ട് റോയ് വര്‍ഗ്ഗീസ്, അഹല്യ മെഡ്‌ സീനിയർ ഓപ്പറേഷൻ മാനേജർ സൂരജ് പ്രഭാകര്‍ എന്നിവര്‍ വാര്‍ത്താ സമ്മേളനത്തില്‍ സംബന്ധിച്ചു.
- pma
വായിക്കുക: ആഘോഷം, കല, കേരള സോഷ്യല്‍ സെന്റര്, നൃത്തം, പ്രവാസി, സംഗീതം, സംഘടന, സാമ്പത്തികം
അജ്മാൻ : മലയാളം മിഷൻ അജ്മാൻ ചാപ്റ്റർ സംഘടിപ്പിച്ച സ്നേഹ സംഗമം ശ്രദ്ധേയമായി. അജ്മാനിലെ ഇന്ത്യൻ സോഷ്യൽ സെന്‍റർ കമ്യൂണിറ്റി ഹാളിൽ വെച്ച്‌ നടന്ന പരിപാടിയില്‍ മലയാളം മിഷൻ ഡയറക്ടർ മുരുകൻ കാട്ടാക്കട മുഖ്യ അതിഥി ആയിരുന്നു. അദ്ധ്യാപകരും വിദ്യാർത്ഥികളും രക്ഷിതാക്കളും പങ്കെടുത്തു. പ്രസിഡണ്ട് ഫാമി ഷംസുദ്ധീന്‍ അദ്ധ്യക്ഷത വഹിച്ചു. സെക്രട്ടറി ജാസിം മുഹമ്മദ്‌ സ്വാഗതവും ജോയിന്‍റ് സെക്രട്ടറി ഷെമിനി സനിൽ നന്ദിയും പറഞ്ഞു. മലയാളം മിഷൻ യു. എ. ഇ. കോഡിനേറ്റർ കെ. എൽ. ഗോപി സംബന്ധിച്ചു
അജ്മാൻ എമിറേറ്റിലെ മലയാളികളായ പ്രവാസി കുട്ടികൾക്ക്‌ ഭാഷാ പഠനം സാദ്ധ്യമാക്കുന്ന അജ്മാൻ ചാപ്റ്റർ പ്രവർത്ത കരെ മുരുകൻ കാട്ടാക്കട പ്രത്യേകം അഭിനന്ദിച്ചു. കേരളത്തിൽ നിന്നുള്ള മലയാളം മിഷൻ സുവനീർ ഷോപ്പിലെ ഉൽപ്പന്ന ങ്ങളുടെ പ്രദർശനവും വിൽപനയും നടന്നു.
അജ്മാൻ ചാപ്റ്റർ രൂപീകരണത്തിന്‍റെ ഭാഗമായി കഴിഞ്ഞ ഒക്ടോബർ മാസത്തിൽ സംഘടിപ്പിച്ച അമ്മ മലയാളം പരിപാടിയിൽ പങ്കെടുത്ത കുട്ടികൾക്കുള്ള സർട്ടിഫിക്കറ്റുകൾ വിതരണം ചെയ്തു. ചാപ്റ്റർ കൺവീനർ ദീപ്തി ബിനു, വൈസ് പ്രസിഡണ്ട് പ്രജിത്ത്‌ വി. വി. എന്നിവർ നേതൃത്വം നൽകി. FB Page
- pma
വായിക്കുക: expat, malayalam-mission, അജ്മാന്‍, ആഘോഷം, കുട്ടികള്‍, യു.എ.ഇ., വിദ്യാഭ്യാസം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
