അബുദാബി : ഓണാഘോഷത്തിന്റെ ഭാഗമായി പയസ്വിനി അബുദാബി സംഘടിപ്പിച്ച പായസ മത്സരത്തിൽ ചൈതന്യ അഭിലാഷ് തയ്യാറാക്കിയ ഉണ്ണിയപ്പ പ്പായസം ഒന്നാം സ്ഥാനം കരസ്ഥമാക്കി.
‘മധുരക്കൂട്ടുകളാൽ മനസ്സ് നിറക്കാൻ പായസപ്പോര്’ എന്ന് പേരില് നടത്തിയ മത്സരത്തിൽ രണ്ടാം സ്ഥാനം ജലജ അനൂപ് തയ്യാറാക്കിയ മുളയരി പായസം നേടി. മൂന്നാം സ്ഥാനം രണ്ടു പേര് പങ്കിട്ടു. റീജ സുനില് (പഴം പരിപ്പ് പ്രഥമന്) ജയകുമാർ പെരിയ (പാലട പ്രഥമന്) എന്നിവര്.
പയസ്വിനി കുടുംബങ്ങൾക്ക് ഇടയിൽ നടത്തിയ മത്സരത്തിൽ സമ്മാനാർഹര് ആയവക്കു പുറമെ, ചേന പ്പായസം, ചക്കപ്പായസം, ഈന്തപ്പഴം കരിക്ക് പായസം, പരിപ്പ് പ്രഥമൻ, പേരയ്ക്ക പായസം, പഴം പ്രഥമൻ, പരിപ്പ് പായസം, ഗോതമ്പ് പായസം, മാമ്പഴ പ്രഥമൻ, പാലട പായസം, അട പ്രഥമൻ, സൂചിഗോതമ്പ് പായസം, അമ്പലപ്പുഴ പാൽപ്പായസം, പച്ച മുളക് പായസം തുടങ്ങി വ്യത്യസ്തങ്ങളായ പതിനെട്ട് പായസങ്ങളാണ് തയ്യാറാക്കിയത്.
ഓരോ പായസവും വ്യത്യസ്തത കൊണ്ടും രുചി വൈവിധ്യം കൊണ്ടും ഒന്നിനൊന്നു മെച്ചമായിരുന്നു എന്നു വിധി കർത്താക്കളായി എത്തിയ സായിദ മെഹ്ബൂബ് കണ്ണൂർ, ഷഹന മുജീബ് തിരുവനന്തപുരം എന്നിവർ അഭിപ്രായപ്പെട്ടു.
വിഷ്ണുവിന്റെ നേതൃത്വത്തിലുള്ള ആർട്സ് കമ്മിറ്റി മത്സരത്തിനു നേതൃത്വം നൽകി.
